Jɔɔŋ Wʋnaalaa 18:24 - WƖA TENIŊ

²⁴ Babɩlɔŋ lɛ nɛ ba kpʋ Wɩa wʋlaabʋllaa, arɩ Wɩa nɩaa, arɩ nɩalɩŋ kala bɩ sɩ kpʋa dʋnɩa lɛ.”

Jɔɔŋ Wʋnaalaa 18:24 ပူးပေါင်းရင်းမြစ်များ

JƐRƖMAAYA 2:34

Ma gɛnnɩŋ kala nɛ suo arɩ summo-la sɩ bɩ wɩɩkala cheye chalɩŋ, ka ma bɩ ba na dɩ ba bori ma dɩɩsɩŋ jʋjʋʋ.

JƐRƖMAAYA 51:49

Babɩlɔŋ tɩŋŋaa kpʋ dʋnɩa nɩaa a yʋgɛ nɛ ama lɛɛlɛ Babɩlɔŋ jaŋ tel a tɩŋ ba sɩ kpʋ Iziral tɩŋŋaa wɩaa.”

ƐZƖKƖƐL 22:12

Nɩalɩŋ sɩ hɛ ŋ lɛ yie laa kpalaa aŋ kpʋ nɩaa. Ba yie joŋ kɩaa chɩŋ nɩaa aŋ chɩchɛ nyʋʋrʋŋ yʋgɛ, aŋ gʋrɛ ma Iziral tɩŋŋaa dɔnsʋŋ a kuori. Ma yʋ mɩ wɩaa nɛ. Mɩ-na ma TƖƖNA Wɩɩjarɩbakɔ nɛ bʋla.

ƐZƖKƖƐL 22:27

Tɩntɩnnɩ-hɩasɩ-la sɩ hɛ ʋ lɛ nagɛ guŋgurusuŋ sɩ kpʋ pʋsʋŋ a kaa pʋɔsa didii nɛ. Ba gɔllɔ kpʋkpʋ nɩaa nɛ, a leŋ chalɩŋ jaasɛ aŋ gɩrɩma lɩlaa nɩaa dʋa.

ƐZƖKƖƐL 22:9

Ŋ lɛ nɛ wʋnyɩɛraa hɛ, a nyɩɛ wɩaa pɩ nɩaa ba kpʋkpʋba. Ŋ lɛ nɛ nɩaa didii vʋɩyaa kʋdiilee peeliŋ nyuŋ, a ŋɩŋaa wʋlɩɩlɩŋ.

DANƖƐL 7:21

Mɩ fa sɩɩ beŋ, mɩ na dɩ nyile-la kɛŋ Wɩa nɩaa yuo laalɩŋ a yuo didiiba,

DANƖƐL 7:25

Ʋ jaŋ bʋl wɩaa lɩɩ Wɩa sɩ kɩɩ kʋŋkala harɩŋ, aŋ nyagɛ Wɩa nɩaa bil, aŋ wʋwalɩmɛ dɩ ʋ kɛŋ wombii-la Wɩa sɩ bile dɩ ba tuto wɩaa bɩrɩmɛ. Ba jaŋ joŋ Wɩa nɩaa hɛ ʋ nɩsɩŋ lɛ jɩsɩŋ batori arɩ kpaa magɛ dɔŋɔ.

Matiu 23:27

Ma Wɩa teniŋ kerichiba arɩ ma Farisii tɩŋŋaa, ma kanfugi tɩmma-la, ma jaŋ na hɛɛŋ. Ma nagɛ vaamaa ba sɩ kɛŋ tʋɔrʋŋ bʋgɛ nɛ. Ba harɩŋ zɔŋ, aŋ ka ba tʋɔŋ kala su arɩ haŋgbelee arɩ nɩsʋʋnʋŋ.

Matiu 23:35

Wɩa jaŋ dɔgɩsɛ jɩnɩŋ nɩaa a tɩŋ ba sɩ kpʋ nɩaa, a chɩŋ bʋa-la lɛ ba sɩ kpʋ nɩalɩŋ sɩ bɩ wɩɩ cheye, a suomi Ebil lɛ a kaa kɔ bʋa-la lɛ ba sɩ kpʋ Bɛrɛkɩa nanʋala Zɛkarɩya. Ba kpʋʋ Wɩa dɩa tʋɔŋ a kpagɛ koru-la nyuŋ ba sɩ yie nyɩgɛ pʋsʋŋ pɩpɩ Wɩa nɛ. Ba cheeriŋ jaŋ nyʋa ba nyuŋ lɛ.

Tɩntɩŋŋaa 7:52

Wɩa wʋlaabʋllaa kʋŋkala tuo ma naabalɩmaba sɩ bɩ naasɩŋ to dɔgɩsɛ. Ba fa paala kpʋ nɩalɩŋ sɩ laa sɩpaaŋ bʋl dɩ Wɩa tʋɔpʋl Tɩɩna jaŋ kɔ nɛ. Ʋ nɛ lɛɛlɛ ma joŋo yallɛ ba kpʋ ŋɩɩ.

1 Tɛsalonaaka Nɩaa 2:15

Juu tɩŋŋaa deemba nɛ kpʋ La Tɩɩna Yesu arɩ Wɩa wʋlaabʋllaa, aŋ to naasɩŋ dɔgɩsɛ la ma. Ba ŋaa wɩaa chei Wɩa tʋɔŋ nɛ aŋ hosi nʋʋkala nyuŋ.

Jɔɔŋ Wʋnaalaa 11:7

Dɩ ba nɛ bʋl Wɩa wɩalɩŋ dɛrɛ, baga kʋŋ jaŋ lɩɩ buotuo-luŋii-la tʋɔŋ kʋ lɩɩ yuo diiba, a kpʋba.

Jɔɔŋ Wʋnaalaa 16:6

Dʋnɩa nɩaa kpʋ ŋ nɩaa arɩ ŋ wʋlaabʋllaa nɛ. Ba sɩ ŋaa ŋɩɩ nɛ tɩɩ ŋ ŋaa chalɩŋ pɩba dɩ ba nyʋa. Ʋ maga dɩ ba nyʋa nɛ.”

Jɔɔŋ Wʋnaalaa 17:6

Ŋɩɩ nɛ ka mɩ na haal-la dɩ ʋ nyʋa Wɩa nɩaa chalɩŋ, a pɛ nɩalɩŋ ba sɩ kpʋa a tɩŋ Yesu wɩaa lɛ a bugi. Mɩ sɩ naʋ, ʋ wɩaa kperimi kɩŋkɛŋ kɩŋkɛŋ.

Jɔɔŋ Wʋnaalaa 19:2

Ʋʋ dii nɩaa sarɩya arɩ wʋtɩtɩɩ nɛ. Ʋ dii hachɔrʋŋ-bal-la sarɩya nɛ, nɩɩ-la sɩ ŋaa wʋlɩɩlɩŋ a chei dʋnɩa kala. Wɩa dɔgɩsʋ nɛ a tɩŋ ʋ sɩ kpʋ ʋ tɩntɩnnaa.”