Jɔɔŋ Wʋnaalaa 18:20 - WƖA TENIŊ

²⁰ Ma nɩalɩŋ sɩ hɛ Wɩa-jaŋ lɛ, má jʋjʋɔsɛ Babɩlɔŋ wɩaa. Ma Wɩa nɩaa arɩ Wɩa nanzɔɔba arɩ Wɩa wʋlaabʋllaa, má jʋjʋɔsɛ. Wɩa joŋ wɩalɩŋ Babɩlɔŋ sɩ ŋaa ma lɛ chɩmɩŋ a tiŋ ʋ lɛ nɛ.”

Jɔɔŋ Wʋnaalaa 18:20 ပူးပေါင်းရင်းမြစ်များ

WƖA YƖƖLAA 107:42

Tʋɔpʋl tɩŋŋaa na wɩɩŋ deeŋ nɛ ba tʋɔŋ tɔrɛ, ka nɩbɔŋŋɔɔ niiŋ jʋʋ kpʋrʋŋ.

WƖA YƖƖLAA 109:28

Dɩ ba nɛ kalɩbaa hɛ mɩ lɛ ma, ŋ-na jaŋ pɛ mɩ lɛ. Dɩ ba nɛ golloo yuomi, ba jaŋ dii hɩɩsɩŋ. Ama mɩ-na ŋ tɩntɩnna jaŋ jʋjʋɔsɛ.

WƖA YƖƖLAA 18:47

Ŋ nɛ Wɩa a laa mɩ dʋndɔŋŋɔɔ yuo pɩmɛ, a joŋ tinteyee nɩaa pɩmɛ mɩ bibeŋ.

WƖA YƖƖLAA 48:11

Nɩalɩŋ sɩ hɛ peel-la ba sɩɩ yɩrɛ Zaayɔŋ lɛ tʋɔŋ jaŋ tɔrɛ, dɩ Juda tabiisiŋ ma kala nɩaa tʋɔŋ tɔrɛ a tɩŋ ŋ sɩ kɛŋ wʋtɩtɩɩ a didii sarɩya wɩaa.

WƖA YƖƖLAA 58:10

Tʋɔpʋl tɩŋŋaa tʋɔŋ jaŋ tɔrɛ, dɩ nɩbɔŋŋɔɔ nɛ na hɛɛ-la sɩ maga dɩ ba na. Ba jaŋ kɛŋ nɩbɔmɔ-la chalɩŋ sɔŋ ba naasɩŋ.

WƖA YƖƖLAA 94:1

La Tɩɩna, ŋ nɛ Wɩa sɩ yie dɔgɩsɛ nɩalɩŋ wʋŋaalaa sɩ bɩ zɔŋ. Dagɛba ŋɩɩ ŋ baanɩŋ sɩ naga, aŋ dɔgɩsɛba.

NAMAGABA 11:10

Dɩ wɩaa nɛ vɛŋ woruŋ a pɩ tʋɔpʋl tɩɩna, taŋ nɩaa tʋɔŋ yie tɔrɛ nɛ, dɩ nɩbɔmʋŋ nɛ sʋba, nɩaa yie jʋɔsɛ a ŋɩŋaa goŋ nɛ.

AZAAYA 26:21

Má bee na, La TƖƖNA lɩɩ ʋ dɩjʋʋlʋŋ nɛ a kʋkɔ dɩ ʋ dɔgɩsɛ dʋnɩa nɩaa a tɩŋ ba wʋbɔŋŋɔɔ wɩaa. Nɩalɩŋ kala sɩ lʋara kpʋ nɩaa wɩaa jaŋ kʋ lɩɩ pʋlʋmʋŋ, ka tinteeŋ ma lusi nɩalɩŋ kala ba sɩ kpʋa a hugi.

AZAAYA 44:23

Wɩa-nyuŋ arɩ tinteeŋ bʋbʋɔŋ kɩaa, ma yɩɩ yɩɩlaa a ŋaa goŋ arɩ tʋɔtɔrʋŋ, peelee arɩ tɩa na-kala sɩ hɛ duuŋ lɛ má faasa yɩɩ yɩɩlaa, bɛɛ wɩaa La TƖƖNA dagɛ ʋ doluŋ nɛ a laa Iziral tɩŋŋaa a ta.

AZAAYA 49:13

Wɩa-nyuŋ arɩ tinteeŋ kɩaa, má ŋaa goŋ a jʋjʋɔsɛ, peelee ma má yɩyɩɩ yɩɩlaa, bɛɛ wɩaa, La TƖƖNA jaŋ nyagɛ ʋ nɩaa bɔyɛ, aŋ fá ʋ nɩalɩŋ ma sɩɩ na hɛɛŋ nisusuŋ.

ZEFANAAYA 3:15

La TƖƖNA leŋ ma dɔgʋsʋŋ nɛ, ʋ kiri ma dʋndɔŋŋɔɔ ba mɩɩrɛ nɛ. La TƖƖNA, Iziral tɩŋŋaa Kuoru-balɩŋ hɛ ma teeŋ nɛ, ma bɩra bɩ jaŋ fɩfá wʋwalɩmɩɩ kala.

Ɛfɛsɩs Nɩaa 2:20

Ma nagɛ tie-biee Wɩa sɩ kaa sɩsaa ʋ dɩa nɛ. Wɩa nanzɔɔba arɩ Wɩa wʋlaabʋllaa nɛ ŋaa dɩa-la gentine. Kirisito Yesu tɩtɩa nɛ ŋaa tie-bii-duo-la ba sɩ kaa bil dɩa-la gentine.

Ɛfɛsɩs Nɩaa 3:5

Wɩa fa bɩ leŋe nʋʋkala jɩŋ wɩaa deemba, ama lɛɛlɛ ʋ to ʋ Dɩŋ-zɔmʋŋ lɛ nɛ a joŋ wɩalɩŋ dagɛ ʋ nanzɔɔba-la sɩ kɛŋ tʋɔpʋla arɩ ʋ wʋlaabʋllaa.

Ɛfɛsɩs Nɩaa 4:11

Kirisito lɩɩsɛ nɩaa dɔnsʋŋ ba ŋaa ʋ nanzɔɔba, dɔnsʋŋ ma ŋaa Wɩa wʋlaabʋllaa, a leŋ dɔnsʋŋ ma gɔllɔ bʋl Wɩa wɩaa a pɩpɩ nɩaa, dɔnsʋŋ ma bibeŋ nɩalɩŋ sɩ laa ʋ wɩaa dii, ka dɔnsʋŋ ma dɩdagɛ nɩalɩŋ sɩ laa ʋ-na Yesu wɩaa dii.

MOSIS BƖRA WULLI WƖA WOMBIIŊ 32:42

Mɩ to-hɛŋŋɛɛ jaŋ jʋʋba dɩ ba chalɩŋ jaasɛ, mɩ jaŋ kɛŋ tokobiiŋ a kpʋ nɩalɩŋ kala, nɩalɩŋ sɩ pɩra arɩ nɩalɩŋ ba sɩ yuo kɛsɛ arɩ ba sɩpaalaaraa kala.”

2 Pɩɩta 3:2

Mɩ bʋl wɩaa deemba dɩ ma liliisi wɩalɩŋ Wɩa wʋlaabʋlla-la fa sɩ bʋla faafaa, dɩ ma sɩ́ ba yʋ. Má pɛ liliisi wɩalɩŋ La Tɩɩna Yesu fa sɩ to ma nanzɔɔba lɛ a bʋla pɩma. Ʋ nɛ la Laataara.

Juud 1:17

Ama mɩ nandɔŋ-chooloo, má liliisi wɩalɩŋ La Tɩɩna Yesu Kirisito nanzɔɔba sɩ bʋla pɩma arɩ ba jaŋ kʋ ŋaa.

Jɔɔŋ Wʋnaalaa 12:12

Ma nɩalɩŋ sɩ hɛ Wɩa-jaŋ, má leŋ dɩ ma tʋɔŋ tɔrɛ. Ama ma nɩalɩŋ sɩ hɛ tinteeŋ lɛ arɩ kɩalɩŋ sɩ hɛ mʋgʋ-balɩŋ lɛ, ma jaŋ na hɛɛŋ. Sɩtaanɩ kʋ tuu ma teeŋ nɛ, ʋ faasa na baanɩŋ nɛ, bɛɛ wɩaa ʋ jɩma arɩ ʋ bɩra bɩ dieni, ka dɩ ba laa ʋ doluŋ.”

Jɔɔŋ Wʋnaalaa 18:6

Wɩalɩŋ ba sɩ ŋaa ma lɛ, má ma joŋo ŋaa ba lɛ, a tiŋ ma chɩmɩŋ naansɩɩŋ bʋlɩa. Gbaŋa-la ba sɩ kaa ŋaa sɩnɩŋ pɩma ma nyʋa, má ma kɛŋ ʋ tɩtɩa a ŋaa sɩnɩŋ naansɩɩŋ bʋlɩa pɩba dɩ ba nyʋa.

Jɔɔŋ Wʋnaalaa 6:10

Ŋɩɩ nɛ ba ŋmoo niiŋ vɩl vɩl aa bʋl, “La Tɩɩna Wɩɩjarɩbakɔ, ŋ ŋaa wʋtɩtɩɩ Tɩɩna nɛ a bɩ disiniŋ kɛnɛ, bʋa bɛɛ lɛ nɛ ŋ jaŋ dii dʋnɩa nɩaa sarɩya, aŋ dɔgɩsɛ nɩalɩŋ sɩ kpʋla?”

SƖPAALAARAA 5:31

La TƖƖNA, a leŋ dɩ ŋ dʋndɔŋŋɔɔ kala sʋʋ a nagɛ Sɩsɛra, aŋ leŋ dɩ nɩalɩŋ sɩ choŋ chaanɛ a nagɛ wɩɩpɔsʋŋ.” Ŋɩɩ nɛ Iziral tɩŋŋaa hɔŋ tintee-la lɛ arɩ fɩɛlɩŋ jɩsɩŋ mahɩŋ balɩa.