Jɔɔŋ Wʋnaalaa 18:15 - WƖA TENIŊ

¹⁵ Bayalɩa-la kala fa sɩ yallɛ kɩaa pɩ Babɩlɔŋ nɩaa aa na moribiee, ba jaŋ fá fawʋllʋŋ a tɩŋ hɛɛ-la Babɩlɔŋ nɩaa sɩɩ na. Ba kala jaŋ chɩŋ dɩ-bolii a faasa ŋmoo niiŋ a yele bʋbʋl,

Jɔɔŋ Wʋnaalaa 18:15 ပူးပေါင်းရင်းမြစ်များ

ƐZƖKƖƐL 27:31

Ba jaŋ fʋŋ ba nyusuŋ a tɩŋ ŋ wɩaa, aŋ laalɛ tʋɔ-chei gɛnnɩŋ. Ba tʋɔŋ jaŋ faasa chei dɩ ba yel ŋ wɩaa woruŋ.

ZƐKARƖYA 11:5

Nɩalɩŋ sɩ yɔɔba kpʋba nɛ aŋ mʋ, ka ba bɩ ba dɔgʋsɔ. Nɩalɩŋ sɩ yallɛba sɩ, ‘Má dɛnnɛ La TƖƖNA, la ŋaa kɩa tɩmma nɛ.’ Ba dɩ-daaraa tɩtɩa bɩ ba nenige fá.

Maak 11:17

Ŋɩɩ nɛ Yesu dagɛba a bʋl, “Ba ŋmʋnsɛ Wɩa teniŋ tʋɔŋ arɩ Wɩa sɩ, ‘Mɩ dɩa jaŋ ŋaa lee tinteyee nɩaa kala sɩ jaŋ chʋchʋɔlɛmɛ, aŋ ka ma-na mɩɩra kaa bɩrɩmɛ gaarɩ-dɩa.’ ”

Tɩntɩŋŋaa 16:19

Tolo-la tɩŋŋaa sɩ na arɩ ba bɩra bɩ jaŋ nɩna moribiee, ba kɛŋ Pɔɔl arɩ Saalas a lɛrɛ mʋ ba taŋ kʋhɩasɩŋ teeŋ ba sɩ yie hihilimi lee-la.

Jɔɔŋ Wʋnaalaa 18:12

Kɩalɩŋ ba sɩɩ yallɛ nɛ ŋ-la: Sɛlɩmɛ, hɔpʋla, tabɩɩ-tʋlaa, bʋ-sɩaa gɛrɩpɛ tʋlaa, gɛrɩpɛ-fʋfʋlaa, gɛrɩpɛ-fɩɛsɩŋ, arɩ daasɩ-la kala yallɩŋ sɩ hɛyɛ, arɩ kɩalɩŋ kala ba sɩ kɛŋ batu-nyɩlaa ŋaa, arɩ kɩalɩŋ kala ba sɩ kɛŋ daa-la yallɩŋ sɩ hɛyɛ saa, arɩ kɔlɩɩŋ, arɩ kɩalɩŋ ba sɩ kɛŋ hɔɔŋ ŋaa, arɩ lokuŋ-bʋɩyaa,

Jɔɔŋ Wʋnaalaa 18:13

kɩaa ba sɩ yie joŋo hɛ kʋdiilee lɛ ba sʋɔra sɩŋ arɩ tegisiŋ, kʋsʋɔrʋsʋŋ, tɩɩ-kel-la ba sɩɩ yɩrɛ mɛɛ arɩ fɩraŋkɩsɛŋ, sɩnɩŋ, nʋʋŋ, munuŋ sɩ bɩɩ nʋgʋgʋ, mɩaa, nɛsɩŋ, arɩ piesee, arɩ janɩŋ, arɩ janɩŋ torukoba, arɩ yosuŋ arɩ nɩaa ba sɩ yuo kɛsɛ laalɩŋ lɛ.

Jɔɔŋ Wʋnaalaa 18:14

Bayalɩa-la jaŋ bɩra bʋl, “Kʋzɔmɔ-la kala ma fa sɩɩ hɩɛnʋ, ma tel ba kala lɛ nɛ, ma kʋzɔŋ-zɔŋ-na kala arɩ ma sɩma-la kala ma fa sɩɩ nɩɩ, ba bɩra tuo. Ma bɩra bɩ jaŋ kɔ dɩ ma naba.”

Jɔɔŋ Wʋnaalaa 18:19

Ba jaŋ ŋaa hagɩla hɩhɛ ba nyusuŋ lɛ aŋ yele bʋbʋl, “Ou, ou, tabalɩŋ deeŋ lɛ nɛ nɩalɩŋ kala fa sɩ kɛŋ lɩɩŋ daborusuŋ to a jigi. Má bee na, ʋ bɩ diene ka kɩalɩŋ kala ʋ fa sɩ kɛnɛ lɛl.

Jɔɔŋ Wʋnaalaa 18:3

Babɩlɔŋ nɩaa joŋ ba wʋlɩɩlɩŋ a dagɛ tintee kala nɩaa nɛ. Wʋlɩɩlɩ-la nagɛ sɩ-duoŋ nɛ. Dʋnɩa kuoroo ma kɛnʋ ŋaa wʋlɩɩlɩŋ. Dʋnɩa bayalaa ma to ʋ wʋlɩɩlɩ-la lɛ a dʋa kɩaa.”