Jɔɔŋ Wʋnaalaa 17:6 - WƖA TENIŊ

⁶ Ŋɩɩ nɛ ka mɩ na haal-la dɩ ʋ nyʋa Wɩa nɩaa chalɩŋ, a pɛ nɩalɩŋ ba sɩ kpʋa a tɩŋ Yesu wɩaa lɛ a bugi. Mɩ sɩ naʋ, ʋ wɩaa kperimi kɩŋkɛŋ kɩŋkɛŋ.

Jɔɔŋ Wʋnaalaa 17:6 ပူးပေါင်းရင်းမြစ်များ

DANƖƐL 7:21

Mɩ fa sɩɩ beŋ, mɩ na dɩ nyile-la kɛŋ Wɩa nɩaa yuo laalɩŋ a yuo didiiba,

DANƖƐL 7:25

Ʋ jaŋ bʋl wɩaa lɩɩ Wɩa sɩ kɩɩ kʋŋkala harɩŋ, aŋ nyagɛ Wɩa nɩaa bil, aŋ wʋwalɩmɛ dɩ ʋ kɛŋ wombii-la Wɩa sɩ bile dɩ ba tuto wɩaa bɩrɩmɛ. Ba jaŋ joŋ Wɩa nɩaa hɛ ʋ nɩsɩŋ lɛ jɩsɩŋ batori arɩ kpaa magɛ dɔŋɔ.

HABAKU 1:13

Ŋ sɩaa zɔmɔ nɛ kɩŋkɛŋ, ŋ sɩ jaŋ kaa beŋ wʋbɔŋŋɔɔ. Ŋ bɩ jaŋ sɛɩ pɩ nɩalɩŋ sɩ bɩ wɩaa woruŋ ka ŋaa. Bɛɛ nɛ saa tɩɩ ŋ sɛɩ pɩ nɩbɔŋŋɔɔ? Bɛɛ nɛ tɩɩ ŋ tɔrɛ ŋ niiŋ, ka nɩbɔŋŋɔɔ chichei nɩalɩŋ sɩ kɛŋ tʋɔpʋla a kɩɩba?

Jɔɔŋ 2:10

a bʋla pʋ, “Gbiele-na kala lɛ ba yie laa sɩpaaŋ kɛŋ sɩ-zɔmʋŋ nɛ kʋ lɩɩ ba nyʋa. Nʋʋkala sɩ nyʋa vɔgɛ, ŋ saa-na kɛŋ sɩŋ-la sɩ bɩ sɩŋ a kaa to harɩŋ kɔ. Ka ŋ-na joŋ sɩ-zɔmʋŋ bil harɩŋ a kʋ yi bʋa deeŋ kala lɛ.”

Tɩntɩŋŋaa 22:20

Bʋa-la lɛ ba fa sɩ kpʋ Sɩtɩɩvɩŋ, sɩ ŋaa nɩɩ-la sɩ pɛ na ŋ wɩaa a bʋlba wɩaa pɩpɩ nɩaa, mɩ-na Pɔɔl ma fa hɛ nɩmɛ nɛ a sɛɩ dɩ ba kpʋʋ. Ba sɩɩ kpʋʋ, mɩ nɛ fa pɔ nɩaa deemba gɛnnɩŋ ba sɩ wuro, aŋ ka ba kpʋʋ.’

Jɔɔŋ Wʋnaalaa 12:11

Ba yuo dii Sɩtaanɩ a tɩŋ Pie-bie-la chalɩŋ wɩaa nɛ, arɩ Wɩa niiŋ wɩalɩŋ ba fa sɩ bʋla pɩpɩ nɩaa. Ba fa kɛŋ ba tɩtɩa dɩ ba kpʋba a tɩŋ Wɩa wɩalɩŋ wɩaa nɛ.

Jɔɔŋ Wʋnaalaa 13:15

Ba pɩ baga kʋ-lɩa-la doluŋ dɩ ʋ wuo joŋ wiese hɛ kʋ-la ba sɩ mɛ lɛ dɩ ʋ wuo wɩaa bʋbʋl, dɩ ʋ leŋ dɩ ba kpʋ nɩalɩŋ kala sɩ vɩa dɩ ba chʋɔlɛ baga kʋ-la ba sɩ mɛ.

Jɔɔŋ Wʋnaalaa 13:7

Ba pʋ wombiiŋ nɛ dɩ ʋ kɛŋ Wɩa nɩaa a yuo laalɩŋ, a yuo diiba. Ba fa pʋ doluŋ nɛ ʋ wuo doho kala, nɩaa kala, tinteyee kala arɩ nɩaa sɩɩ bʋl yikoro kala.

Jɔɔŋ Wʋnaalaa 16:6

Dʋnɩa nɩaa kpʋ ŋ nɩaa arɩ ŋ wʋlaabʋllaa nɛ. Ba sɩ ŋaa ŋɩɩ nɛ tɩɩ ŋ ŋaa chalɩŋ pɩba dɩ ba nyʋa. Ʋ maga dɩ ba nyʋa nɛ.”

Jɔɔŋ Wʋnaalaa 2:13

Mɩ jɩŋ lee-la ma sɩ hɛ nɛ, nɩmɛ nɛ Sɩtaanɩ dii kuoruŋ. Ama ma ha kɛŋ wʋtɩtɩɩ nɛ a mʋ tɩgɛ mɩ yɩrɩŋ lɛ. Ma bɩ wɩalɩŋ ma sɩ laa dii joŋo ta bʋa-la lɛ ba sɩ kpʋ Antɩpas sɩ ŋaa wʋtɩtɩɩ tɩɩna a bʋl wɩaa a tɩgɛ mɩ lɛ. Ba kpʋʋ ma tabalɩŋ lɛ nɛ, lee-la Sɩtaanɩ sɩ hɛ.