Jɔɔŋ Wʋnaalaa 17:4 - WƖA TENIŊ

⁴ Haal-la fa laalɛ gɛrɩ-fɩaŋ arɩ gɛrɩ-vachalɩŋ, a hɛ sɛlɩmɛ kpɩɛraa arɩ tabɩɩ-tʋlaa a pɛ bʋ-sɩaa lɛ. Ʋ fa kori sɛlɩmɛ nyʋnyʋala nɛ. Wʋtɔɔnʋ arɩ wʋlɩɩlɩ-la ʋ sɩɩ ŋaa su nyʋnyʋala-la,

Jɔɔŋ Wʋnaalaa 17:4 ပူးပေါင်းရင်းမြစ်များ

1 KUOROO 14:24

Baalaa arɩ haalaa fa hɛ tintee-la lɛ a ŋɩŋaa wʋlɩɩlɩŋ lee-la ba sɩɩ kpaarɛ ba vesiŋ. Ba faa ŋaa wɩalɩŋ La TƖƖNA sɩɩ kɩsʋ nɛ, wɩalɩŋ nɩalɩŋ fa sɩ hɛ lee-la a ŋɩŋaa La TƖƖNA kiriba ta.

2 KUOROO 21:2

Manasɛ fa ŋaa wʋbɔŋŋɔɔ nɛ La TƖƖNA teeŋ, a tuto wʋbɔmɔ-la tɩtɩa tinteye-la fa sɩ hɔŋ tintee-la lɛ sɩɩ ŋaa La TƖƖNA kiriba ta ka Iziral tɩŋŋaa kʋ hɔŋ.

ƐZƖRA 9:11

wɩalɩŋ ŋ sɩ to ŋ tɩntɩnnaa sɩ ŋaa ŋ wʋlaabʋllaa lɛ a dagɛla. Ba bʋla pɩla, ‘Tintee-la ma sɩɩ mʋ, ʋ nɩaa ŋaa disiniŋ a chei ʋ kala nɛ. Nɩalɩŋ sɩ hɛ nɩmɛ ŋaa wʋkɩsaa a leŋ ʋ kala kɛŋ disiniŋ nɛ.’

AZAAYA 66:3

Ama nɩalɩŋ sɩɩ to ba tʋɔtɔrɛ wɩaa harɩŋ, a cho wɩalɩŋ sɩɩ kɩsʋ mɩ teeŋ, dɩ ba kʋŋ nɛ kpʋ nɛ-bele a ŋaa Wɩɩsʋlʋŋ, ʋ nagɛ nʋʋ sɩ kpʋ nuhuobiine nɛ. Koo dɩ ʋ nɛ kpʋ pie-pɔrʋŋ a ŋaa Wɩɩsʋlʋŋ, ʋ nagɛ vaha baŋŋaa ʋ sɩ boro nɛ. Ba kʋŋ nɛ ŋaa mɩaa Wɩɩsʋlʋŋ ma, ʋ nagɛ nʋʋ sɩ kɛŋ tooŋ chalɩŋ ŋaa Wɩɩsʋlʋŋ nɛ. Dɩ ʋ nɛ nyɩgɛ kʋsʋɔrʋsʋŋ ma, ʋ nagɛ nʋʋ sɩ kpaarɛ vʋɩŋ nɛ.

JƐRƖMAAYA 51:7

Babɩlɔŋ fa nagɛ sɛlɩmɛ nyʋnyʋala nɛ mɩ nɩsɩŋ lɛ. Mɩ leŋe dʋnɩa nɩaa kala nyʋa ʋ tʋɔŋ nɛ a bugi. Tinteyee nɩaa nyʋa ʋ tʋɔŋ sɩnɩŋ nɛ a bugi. Ŋɩɩ leŋ ba nyuŋ viiri.

JEMBIEE 1:9

Ʋ disiŋ-la mɛrɛ ʋ lɛ kieli nɛ, ʋ fa bɩ ʋ chie wɩaa bɩɩna. Ʋ sɩ tele ŋɩɩ kperi, ka nʋʋkala tuo dɩ ʋ nyagɛ ʋ bɔyɛ. “Mɩ Tɩɩna, bee na mɩ sɩɩ na hɛɛŋ ŋɩɩ, bɛɛ wɩaa mɩ dʋndɔmɔ yuo diimi nɛ.”

ƐZƖKƖƐL 20:30

Ŋɩɩ wɩaa, bʋla pɩ Iziral tɩŋŋaa, ‘Wɩɩ-la mɩ-na ma TƖƖNA Wɩɩjarɩbakɔ sɩ pɩɛsa nɛ ŋ-la: Ma ma jaŋ cho dɩ ma ŋaa disiniŋ hɛ ma tɩtɩa lɛ arɩ ma naabalɩmaba fa sɩ kpaarɛ ba tɔŋŋɔɔ sɩ ŋaa disiŋ kɩa a kɛŋ disiniŋ ŋɩɩ?

ƐZƖKƖƐL 24:11

Joŋ pupoi-la kʋwuoluŋ chɔ nyiŋ-halaa lɛ dɩ ʋ faasa lɩŋ dɩ hɔɔ-fɩaŋ-la ba sɩ kaa ŋaaʋ fɩɛsɛ, dɩ disiŋ-la ma ŋmɩɛrɛ, dɩ ʋ sɩ sʋa ŋɩɩ ma dii.

ƐZƖKƖƐL 24:13

Jerusalɛm, ŋ disiniŋ nɛ ŋaa hachɔrʋŋ wɩalɩŋ ŋ sɩ ŋaa. Mɩ hɛ doluŋ dɩ mɩ chɛsɛ disiŋ-la ta nɛ, ama ŋ bɩ sɛyɛ. Ŋ disiniŋ bɩra bɩ jaŋ lɩɩ, see dɩ mɩ joŋ baaŋ-la kala mɩ sɩ na ŋ nyuŋ a fɩɩsɛ ŋ lɛ ŋɩɩ deeŋ deeŋ dɩ ʋ mʋ fɩɛlɛ.

ƐZƖKƖƐL 28:13

Ŋ fa hɛ Ɛdɩŋ lɛ nɛ, mɩ-na Wɩa ŋmaŋkaa-la lɛ. Ŋ faa laalɛ tabɩɩ-zɔŋ dosunu-la ba sɩ kaa ŋaa yaraa kpɩɛraa nɛ. Ba yɩraa nɛ rubi, topas arɩ ɛmɛral, kirisola, ɔnɩs, jasɩpa, safɩya, takʋa arɩ bɛrɛl. Ŋ fa kɛŋ sɛlɩmɛ kpɩɛraa nɛ. Bʋa-la lɛ mɩ sɩ ŋaaŋ, kɩaa deemba kala hɛ dɔŋɔ lɛ nɛ a gbɛrɩŋ.

ƐZƖKƖƐL 36:25

Mɩ jaŋ joŋ lɩɩzɔmʋŋ a mɩsɛma, dɩ ʋ ŋaa dɩ ma zɔŋ. Mɩ jaŋ pɩɩsɛ tɔmɔ-la ma sɩ kpaara a kɛŋ disiniŋ arɩ disiŋ dɔŋ kala ma sɩ ŋaa a ta.

DANƖƐL 11:38

Ʋ jaŋ vɩaba aŋ mɩɩra to vene-la sɩɩ pɔ dɩ-duoruŋ, kʋ-la ʋ naabalɩmaba sɩ bɩ jɩŋ aŋ ka, a joŋ sɛlɩmɛ arɩ hɔpʋla arɩ tabɩɩ-tʋlaa arɩ kɩaa yallɩŋ sɩ hɛyɛ a pʋpʋ.

HOSIA 9:10

La TƖƖNA sɩ, “Mɩ fa sɩ na Iziral, ʋ nagɛ nʋʋ sɩ na girep nɛnɩŋ nɛ tintee-hɩlɩŋ lɛ. Mɩ fa sɩ na ba naabalɩmaba, ʋ nagɛ nʋʋ sɩ na tutogi-nambɩl folluŋ tutogo lɛ nɛ. Ama ba sɩ kʋ yi peel-la ba sɩɩ yɩrɛ Baal Pio, ba joŋ ba tɩtɩa pɩ baal vene-la nɛ a ŋaa hɩɩsɛ wɩaa, a kʋ ŋaa nɩtɔɔnɩ a nagɛ vene-la ba sɩ cho.

MOSIS BƖRA WULLI WƖA WOMBIIŊ 29:17

Ma fa na ba sɩ kɛŋ daasɩŋ, tabɩaa, hɔpʋla arɩ sɛlɩmɛ a ŋaa tɔŋŋɔɔ nɛ, kɩalɩŋ La TƖƖNA sɩɩ kɩsʋ.

Jɔɔŋ Wʋnaalaa 14:8

Ka Wɩa tɩndaarɩ-lɩa-la ma tuto a bʋl, “Babɩlɔŋ tele, Babɩlɔŋ tele, tabal-la ba sɩɩ yɩrɛ Babɩlɔŋ, ʋ tele. Ʋ nɛ joŋ ʋ wʋlɩɩlɩŋ a dagɛ tintee kala nɩaa. Wʋlɩɩlɩ-la nagɛ sɩ-duoŋ.”

Jɔɔŋ Wʋnaalaa 18:12

Kɩalɩŋ ba sɩɩ yallɛ nɛ ŋ-la: Sɛlɩmɛ, hɔpʋla, tabɩɩ-tʋlaa, bʋ-sɩaa gɛrɩpɛ tʋlaa, gɛrɩpɛ-fʋfʋlaa, gɛrɩpɛ-fɩɛsɩŋ, arɩ daasɩ-la kala yallɩŋ sɩ hɛyɛ, arɩ kɩalɩŋ kala ba sɩ kɛŋ batu-nyɩlaa ŋaa, arɩ kɩalɩŋ kala ba sɩ kɛŋ daa-la yallɩŋ sɩ hɛyɛ saa, arɩ kɔlɩɩŋ, arɩ kɩalɩŋ ba sɩ kɛŋ hɔɔŋ ŋaa, arɩ lokuŋ-bʋɩyaa,

Jɔɔŋ Wʋnaalaa 18:16

“Ou, ou, tabalɩŋ deeŋ fa zɔmɔ a kɛŋ kʋzɔŋŋɔɔ maa. Ʋ nɩaa fa lɩlaalɛ gɛrɩpɛ-tʋlaa, gɛrɩpɛ-vachalɩŋ arɩ gɛrɩ-fɩɛsɩŋ gɛnnɩŋ, a lɩlaalɛ banzɔlɔba ba sɩ kɛŋ sɛlɩmɛ, tabɩɩ-tʋlaa arɩ bʋ-sɩaa a ŋaa.

Jɔɔŋ Wʋnaalaa 19:2

Ʋʋ dii nɩaa sarɩya arɩ wʋtɩtɩɩ nɛ. Ʋ dii hachɔrʋŋ-bal-la sarɩya nɛ, nɩɩ-la sɩ ŋaa wʋlɩɩlɩŋ a chei dʋnɩa kala. Wɩa dɔgɩsʋ nɛ a tɩŋ ʋ sɩ kpʋ ʋ tɩntɩnnaa.”

Jɔɔŋ Wʋnaalaa 21:21

Boi-baala-la fii arɩ balɩa kala ŋaa bʋ-sɩaa fii arɩ balɩa nɛ. Boi-kala ŋaa bʋ-sɩɩ bala. Tabal-la womporuŋ kala, sɛlɩmɛ sɩ chaasa zɔŋ nɛ ba kaa ŋaa, a tʋtʋl a nagɛ beenantɩrɛ.

Jɔɔŋ Wʋnaalaa 9:21

Nɩaa deemba fa bɩ bɩrɩma lɩɩ nɩaa kpʋnʋŋ lɛ, ba hɩl wɩaa lɛ, ba wʋlɩɩlɩŋ arɩ ba gaarɩŋ lɛ.