Jɔɔŋ Wʋnaalaa 17:17 - WƖA TENIŊ

¹⁷ Wɩa nɛ joŋ ŋɩɩ tʋɔbɩɩnaa hɛ ba lɛ dɩ ba ŋaa wɩɩ-la ʋ sɩ cho. Ŋɩɩ nɛ tɩɩ ba sɛɩ a joŋ dol-la ba sɩ kɛnɛ a bibeŋ nɩaa a pɩpɩ baga kʋ-la. Ba jaŋ bibeŋ kʋ-la, see dɩ wɩalɩŋ kala Wɩa sɩ bʋla ŋaa dɛrɛ.

Jɔɔŋ Wʋnaalaa 17:17 ပူးပေါင်းရင်းမြစ်များ

ƐZƖRA 7:27

Ɛzɩra sɩ, “Má dɛnnɛ La TƖƖNA, la naabalɩmaba Wɩa. Ʋ leŋe kuoro zil ʋ dɩɩ-bal-la nɛ Jerusalɛm lɛ.

WƖA YƖƖLAA 105:25

Ʋ leŋ Ijipiti tɩŋŋaa bɛrɛba, a vʋʋra sii chɩŋ ʋ tɩntɩnnaa lɛ.

NAMAGABA 19:21

Nuhuobiine yie bɩɩnɛ wʋdaŋ nɛ dɩ ʋ ŋaa, ama wɩɩ-la La Tɩɩna sɩɩ chɛ nɛ jaŋ chɩŋ.

NAMAGABA 21:1

Kuoro tʋɔbɩɩnaa kala hɛ La Tɩɩna nɩsɩŋ lɛ nɛ. Ʋ yie kɛnʋ dagɛ wombii-la kala ʋ sɩ cho dɩ ʋ to, a nagɛ lɩɩŋ sɩɩ to lɩɩ-libe ŋɩɩ.

AZAAYA 45:17

Ama La TƖƖNA jaŋ laa Iziral tɩŋŋaa ta, a laa ba ta a kaa mʋ wuu. Ba bɩ jaŋ dii hɩɩsɩŋ, a kaa mʋ deeŋ deeŋ, hɩɩsɩŋ bɩ jaŋ diiba.

JƐRƖMAAYA 32:40

Mɩ jaŋ hɛ niiŋ sɩ bɩ dɩdɛrɩŋ kɛnɛ mɩ dɩ ba pɛgɛ. Mɩ bɩ jaŋ kɔ dɩ mɩ vɩa dɩ mɩ ŋaa wʋzɔŋŋɔɔ a pɩba. Mɩ jaŋ ŋaa dɩ ba fɩfámɛ, dɩ ŋɩɩ leŋ dɩ ba sɩ́ mɩ harɩŋ mɩɩrʋ.

DANƖƐL 12:7

Baal-la sɩ laalɛ gɛrɩpɛ fʋfʋlʋŋ gɛrɩŋ a chugili fuo-la nyuŋ, kɛŋ ʋ nɩsaa balɩa kala je wɩa-nyuŋ, ka mɩ nɩɩ dɩ ʋ ŋmɩɛsɛ Wɩa sɩ hɛ nɩmɛ deeŋ deeŋ a bʋl, “Ʋ jaŋ ŋaa jɩsɩŋ batori arɩ kpaa magɛ dɔŋɔ. Dɩ ba nɛ to naasɩŋ a dɔgɩsɛ Wɩa nɩaa dɛrɛ, wɩaa deemba ma kala jaŋ ŋaa dɛrɛ.”

Luuk 22:22

Mɩ-na Nuhuobiine Bie, mɩ jaŋ sʋʋ arɩ Wɩa sɩ dagɛ ŋɩɩ, ama nɩɩ-la sɩ jaŋ jommi yallɛ, ʋ jaŋ na hɛɛŋ yʋgɛ.”

Luuk 22:3

Ŋɩɩ nɛ Sɩtaanɩ kʋ jʋʋ Yesu harɩ-tooroo fii arɩ balɩa-la dɔŋɔ ba sɩɩ yɩrɛ Judas Ɩsɩkarɔt.

Luuk 22:37

Ŋɩɩ nɛ ba ŋmʋnsɛ Wɩa teniŋ tʋɔŋ. Ba bʋla arɩ ba jaŋ kɛnʋ pɛ wʋbɔŋ ŋɩŋaaraa lɛ. Wɩaa deemba ba ŋmʋnsa a tɩgɛ mɩ lɛ nɛ. Ba kala jaŋ ŋaa mɩ lɛ, bɛɛ wɩaa wɩalɩŋ kala ba sɩ ŋmʋnsa a tɩgɛ mɩ lɛ, ba kala jaŋ sɛnɛ ŋaa a dɛrɛ.”

Jɔɔŋ 10:35

La jɩma wɩalɩŋ Wɩa teniŋ sɩ bʋla ŋaa wʋtɩtɩɩba nɛ, a kaa mʋ wuu. Wɩa bʋl wɩɩŋ deeŋ pɩ nɩalɩŋ ba sɩ ŋmʋnsɛ Wɩa teniŋ pa nɛ.

Jɔɔŋ 13:18

Ma kala dee mɩ bʋl arɩ ma jaŋ kɛŋ tʋɔtɔrʋŋ. Mɩ jɩŋ nɩalɩŋ mɩ sɩ lɩɩsa nɛ. Wɩɩ-la ba sɩ ŋmʋnsa Wɩa teniŋ tʋɔŋ sɛnɛ jaŋ ŋaa wʋtɩtɩɩ. Ba bʋla arɩ la dɩ nɩɩ-la kala sɩ pɛ dɔŋɔ lɛ dii kʋdiilee nɛ jaŋ mɩɩra sii chɩŋ mɩ lɛ.

Jɔɔŋ 13:2

Tapʋlɩɩ-la dɩdaanɩŋ Yesu arɩ ʋ harɩ-tooroo hɔŋ dɩ ba dii kʋdiilee. Bʋa deeŋ lɛ dɩ Sɩtaanɩ kʋ jʋʋ Saamɔŋ bie Judas Ɩsɩkarɔt dɩ ʋ joŋ Yesu yallɛ.

Jɔɔŋ 19:24

Ŋɩɩ nɛ laalɩyuoro-la bʋla pɩ dɔŋɔ a bʋl, “Má sɩ́ leŋe dɩ la kɛŋ gɛrɩ-la kɩɛsɛ, má leŋ dɩ la tɔnsɛ, a na nɩɩ-la sɩ jaŋ dii dɩ ʋ laa gɛrɩ-la.” Wɩɩŋ deeŋ ŋaa dɩ wɩalɩŋ ba fa sɩ ŋmʋnsa Wɩa teniŋ tʋɔŋ kʋ ŋaa wʋtɩtɩɩ nɛ. Ba fa sɩ, “Ba paa mɩ gɛnnɩŋ kpaa dɔŋɔ nɛ aŋ tɩŋ mɩ gɛrɩŋ dɔŋɔ wɩaa a tɔnsɛ.” Ŋ-la nɛ laalɩyuoro-la ŋaa.

Jɔɔŋ 19:28

Yesu jɩma arɩ lɛɛlɛ wɩɩwɩɩ kala dɛrɛ nɛ, ka dɩ ʋ wuo leŋ dɩ wɩalɩŋ ba sɩ ŋmʋnsa Wɩa teniŋ tʋɔŋ, dɩ ba kʋ ŋaa wʋtɩtɩɩ. Ŋɩɩ nɛ ʋ bʋl, “Lɩɩ-nyʋasʋŋ nɛ kɛmmɛ.”

2 Kɔrɩntɩ Nɩaa 8:16

Mɩɩ lɔllɛ Wɩa nɛ kɩŋkɛŋ, ʋ sɩ leŋe Taatɩs choma arɩ mɩ ma sɩ choma ŋɩɩ.

Jɔɔŋ Wʋnaalaa 10:7

Ama tapʋlɩɩ-la Wɩa tɩndaarɩ-pɛɩ-la sɩ jaŋ kʋ ŋmʋʋ ʋ nyile, Wɩa wʋfaalɩa-la ʋ fa sɩ dagɛ ʋ wʋlaabʋllaa sɩ ŋaa ʋ tɩntɩnnaa, ba kala jaŋ ŋaa.

Jɔɔŋ Wʋnaalaa 15:1

Ŋɩɩ nɛ mɩ bɩra na ku-kpuŋkperi-bal ma dɔŋ wɩa-nyuŋ. Ʋ kɛmmɛ fawʋllʋŋ. Mɩ na Wɩa tɩndaaraa balɩpɛ dɩ ba kori nyanyal-bɔŋ dosunuŋ balɩpɛ sɩ ŋaa dɩdɛrɩŋ kɩaa, bɛɛ wɩaa dɩ ba nɛ kʋ ŋaa dɛrɛ, Wɩa baanɩŋ jaŋ fɩɛlɛ.

Jɔɔŋ Wʋnaalaa 17:13

Kuoroo deemba kala tʋɔbɩɩnaa ŋaa kʋbala nɛ, ba jaŋ joŋ dol-la ba sɩ kaa bibeŋ nɩaa a pɩ baga kʋ-la.

Jɔɔŋ Wʋnaalaa 19:9

Ŋɩɩ nɛ Wɩa tɩndaarʋ-la bʋla pɩmɛ, “Ŋmʋnsɛ wɩɩŋ deeŋ, ‘Wɩa jaŋ pɛ nɩalɩŋ ba sɩ yɩra dɩ ba kʋ gbieli Pie-bie-la hajaarɩ gbiele a dii kʋdiilee nɩmɛ.’ ” Ŋɩɩ nɛ Wɩa tɩndaarʋ-la bʋla pɩmɛ, “Wɩa niiŋ wɩaa wʋtɩtɩɩba nɛ ŋɩɩ.”

Jɔɔŋ Wʋnaalaa 6:11

Ŋɩɩ nɛ Wɩa joŋ gɛrɩ-pʋl-duduoŋ a pɩ ba kʋŋkala aŋ bʋla pɩba dɩ ba gbɛrɛ a wiesi mʋapɩlɩɩ, see dɩ ba kpʋ ba tɩntɩnnɩ dɔnsʋŋ arɩ ba naambiiri-la dɔnsʋŋ a magɛ ŋɩɩ ʋ sɩɩ chɛ.