Jɔɔŋ Wʋnaalaa 16:9 - WƖA TENIŊ

⁹ Wɩɩ-pɔsʋ-la faasa nyɩgɛ nɩaa woruŋ, ba tʋtʋʋsɛ Wɩa joŋŋoo, bɛɛ wɩaa ba jɩma ʋ nɛ kɛŋ doluŋ nyanyal-dosunuŋ deemba kala lɛ. Ama ba bɩ bɩrɩma lɩɩ ba wʋbɔŋŋɔɔ lɛ dɩ ba chʋɔlɛ Wɩa.

Jɔɔŋ Wʋnaalaa 16:9 ပူးပေါင်းရင်းမြစ်များ

2 KUOROO 6:33

Elaasa fa ha sɩ bʋl wɩaa pɩpɩba ŋɩɩ, dɩ tɩndaarʋ-la kɔ ʋ teeŋ. Kuoru-la ma kɔ a bʋl, “La TƖƖNA sɩ leŋe wʋlɔrʋnʋŋ deemba kala ŋaa la lɛ, bɛɛ nɛ saa tɩɩ la jaŋ bɩra gbɛrʋ dɩ ʋ pɛ la lɛ?”

2 IZIRAL TƖŊŊAA NAABARƖŊ 28:22

Bʋa deeŋ lɛ wɩaa sɩ jʋʋ Ahas nɛ ʋ wasa vɩa La TƖƖNA niiŋ, a kɩɩ faafaa-la.

AZAAYA 1:5

Bɛɛ nɛ tɩɩ ma vɩvɩa ʋ niiŋ deeŋ deeŋ a chɩchɛ dɩ ʋ faasa dɔgɩsɛma? Iziral tɩmma, ma nyuŋ kala nɛ cheye, ma tʋɔbɩɩnaa ma kala vʋgʋmɛ.

AZAAYA 8:21

Tʋɔ-cheeŋ arɩ losuŋ jaŋ jʋʋba, dɩ ba gɔllɔ baarɛ tintee-la lɛ. Dɩ losu-la nɛ jʋʋba, ba baanɩŋ jaŋ sii woruŋ dɩ ba wʋla beŋ wɩa-nyuŋ a chɛ kʋŋ ka, aŋ bʋl wʋbɔŋŋɔɔ tɩgɛ ba kuoro arɩ ba Wɩa lɛ.

JƐRƖMAAYA 13:6

Ʋ dieni, ka La TƖƖNA bɩra bʋla pɩmɛ, “Mʋ Pɛraf a joŋ tɩŋgɛnnɛ-la mɩ fa sɩ ŋaa ŋ kaa mʋ faa nɩmɛ.”

JƐRƖMAAYA 5:3

La TƖƖNA, wʋtɩtɩɩ dee ŋ chɩchɛ dɩ ŋ naa? Ŋ ŋmooba nɛ, ama ʋ bɩ ba lɛ wɩa. Ŋ wʋrɩgɛba nɛ, ama ba bɩ ŋ dagɩŋ sɛyɛ. Ba leŋe ba nyuŋ dol nɛ a kɩɩ tabɩɩŋ, aŋ vɩa dɩ ba bɩrɩma lɩɩ ba wʋbɔŋŋɔɔ ŋaanɩŋ lɛ.

ƐZƖKƖƐL 24:13

Jerusalɛm, ŋ disiniŋ nɛ ŋaa hachɔrʋŋ wɩalɩŋ ŋ sɩ ŋaa. Mɩ hɛ doluŋ dɩ mɩ chɛsɛ disiŋ-la ta nɛ, ama ŋ bɩ sɛyɛ. Ŋ disiniŋ bɩra bɩ jaŋ lɩɩ, see dɩ mɩ joŋ baaŋ-la kala mɩ sɩ na ŋ nyuŋ a fɩɩsɛ ŋ lɛ ŋɩɩ deeŋ deeŋ dɩ ʋ mʋ fɩɛlɛ.

Luuk 13:3

Aɩ, ŋɩɩ dee. Dɩ ma nɛ bɩ bɩrɩma lɩɩ ma wʋbɔŋŋɔɔ lɛ, ma kala jaŋ sʋʋ arɩ nɩaa deemba sɩ sʋʋ ŋɩɩ.

Luuk 13:5

Aɩ, ŋɩɩ dee. Mɩ bʋlaa pɩma, dɩ ma kala bɩ bɩrɩma lɩɩ ma wʋbɔŋŋɔɔ lɛ, ma kala jaŋ sʋʋ a nagɛ nɩaa deemba fa sɩ sʋʋ ŋɩɩ.”

2 Kɔrɩntɩ Nɩaa 12:21

Mɩ bɔyɛ ka joŋ nɛ dɩ mɩ nɛ bɩra kɔ ma teeŋ, Wɩa jaŋ leŋ dɩ hɩɩsɩŋ kɛmmɛ ma wɩaa, dɩ mɩ yel a tɩŋ ma wʋbɔŋŋɔɔ wɩaa. Nɩaa yʋga a hɛ ma tʋɔŋ a ŋaa wʋbɔŋŋɔɔ, a ŋaa disiniŋ, a ŋaa wʋlɩɩlɩŋ, a gɔllɔ chɛ nɩaa haalaa, aŋ bɩrɩma lɩɩ ba lɛ.

JOSUA 7:19

Ŋɩɩ nɛ Josua bʋla pɩ Ekaŋ, “Mɩ bii, mɩɩ sʋlʋŋ, bʋl wʋtɩtɩɩ La TƖƖNA Iziral tɩŋŋaa Wɩa sɩpaaŋ. Dagɛ wɩɩ-la ŋ sɩ cheye pɩmɛ, sɩ́ joŋo faamɛ.”

Jɔɔŋ Wʋnaalaa 11:13

Bʋa-la tɩtɩa lɛ tinteeŋ faasa zigili. Tabal-la, dɩ ŋ nɛ kaa kpaa leree fii, sɛmɛ dɔŋɔ kala tel a kpʋ nɩaa bʋɩ balɩpɛ. Fawʋllʋŋ kɛŋ nɩkaanaa, ba dɛnnɛ Wɩa sɩ hɛ Wɩa-jaŋ lɛ.

Jɔɔŋ Wʋnaalaa 14:7

Ŋɩɩ nɛ Wɩa tɩndaarʋ-la bʋl arɩ yikori-balɩŋ, “Má fá Wɩa a dɛnnɛ ʋ yɩrɩ-balɩŋ, bɛɛ wɩaa bʋa-la ʋ sɩ jaŋ dii dʋnɩa nɩaa sarɩya yie nɛ. Má dɛnnʋ, ʋ nɛ ta wɩa-nyuŋ arɩ tinteeŋ arɩ mʋgʋ-balɩŋ arɩ lɩɩ-bulluŋ kala.”

Jɔɔŋ Wʋnaalaa 16:21

Ka duoŋ-tabɩɩ-balaa sɩ faasa yuŋ kɩŋkɛŋ a nagɛ nɔmbiee lɩɩ wɩa-nyuŋ kʋ tuu yɩyagɛ nɩaa. Ŋɩɩ nɛ nɩaa tʋʋsɛ Wɩa joŋŋoo a tɩŋ duoŋ-tabɩa-la wɩaa. Wɩɩ-la fa ŋaa wʋlɔrʋ nɛ woruŋ.

Jɔɔŋ Wʋnaalaa 2:21

Mɩ pɩ haala deeŋ wombiiŋ dɩ ʋ bɩrɩma lɩɩ ʋ wʋlɩɩlɩ-la lɛ nɛ, ka ʋ vɩa aŋ ŋɩŋaa.

Jɔɔŋ Wʋnaalaa 9:20

Dʋnɩa nɩkaana-la nyanyal bɔŋŋɔɔ deemba sɩ bɩ kpʋa, ba ma ha bɩ bɩrɩma lɩɩ ba wʋbɔŋŋɔɔ ŋaanɩŋ lɛ. Ba haa to Sɩtaanɩ nɛ a kpʋkpaarɛ vʋɩyaa. Sɛlɩmɛ arɩ hɔɔŋ arɩ kɔlɩɩŋ nɛ ba kaa mɛ vʋɩya-la dɔnsʋŋ, dɔnsʋŋ ma ŋaa tabɩaa, dɔnsʋŋ ma ŋaa tɩɩsɩŋ. Vʋɩya-la bɩ na, ba bɩ wɩaa maa nɩɩ, ba bɩra bɩ wuo vɩvɛŋ ma.