Jɔɔŋ Wʋnaalaa 16:6 - WƖA TENIŊ

⁶ Dʋnɩa nɩaa kpʋ ŋ nɩaa arɩ ŋ wʋlaabʋllaa nɛ. Ba sɩ ŋaa ŋɩɩ nɛ tɩɩ ŋ ŋaa chalɩŋ pɩba dɩ ba nyʋa. Ʋ maga dɩ ba nyʋa nɛ.”

Jɔɔŋ Wʋnaalaa 16:6 ပူးပေါင်းရင်းမြစ်များ

2 KUOROO 24:4

a wasa nyaŋ nɩalɩŋ kala sɩ bɩ wɩɩ cheye, aŋ ka Manasɛ kpʋba. La TƖƖNA fa bɩ cho dɩ ʋ joŋ wɩɩ-la chɛʋ.

MOSIS KƐŊ IZIRAL TƖŊŊAA LƖƖ 21:24

Dɩ nʋʋ nɛ tɔɔ ʋ dɔŋɔ sɩɩŋ pʋrɛ, ʋ maga ma tɔɔ ʋ ma sɩɩŋ pʋrɛ. Dɩ nʋʋ nɛ ŋmoo ʋ dɔŋɔ nyɩlɩŋ churi, ʋ maga dɩ ma ŋmoo ʋ ma nyɩlɩŋ churi. Dɩ nʋʋ nɛ ŋmoo ʋ dɔŋɔ nɩsɩŋ bori, ʋ maga dɩ ma bori ʋ ma nɩsɩŋ. Dɩ nʋʋ nɛ ŋmoo ʋ dɔŋɔ naachɛɛŋ lɩɩsɛ, ʋ maga dɩ ma ŋmoo ʋ ma naachɛɛŋ lɩɩsɛ.

MOSIS KƐŊ IZIRAL TƖŊŊAA LƖƖ 7:17

Wɩɩ-la mɩ-na ma TƖƖNA sɩ bʋla nɛ ŋ-la: Wʋmagɩlɩŋ deeŋ nɛ mɩ jaŋ ŋaa dɩ ŋ jɩŋ arɩ mɩ nɛ nʋʋkala Tɩɩna. Dantɩga deeŋ mɩ sɩ koro mɩ jaŋ joŋo ŋmoo fuo-la ba sɩɩ yɩrɛ Naayɩl lɩɩŋ dɩ ʋ bɩrɩmɛ chalɩŋ.

AZAAYA 49:26

Mɩ jaŋ leŋ dɩ ŋ dʋndɔmɔ-la sɩɩ walɩmɩŋ gʋra kpʋ dɔŋɔ, ba jaŋ fo ba tɩtɩa chalɩŋ. Dɩ ŋɩɩ nɛ ŋaa, nuhuobiinee kala jaŋ jɩŋ arɩ mɩ nɛ ma Tɩɩna doluŋ kala Tɩɩna, ma Iziral tɩŋŋaa Laataara.”

JƐRƖMAAYA 2:30

Mɩ fa dɔgɩsɛ ma nɩaa nɛ a chɩchɛ dɩ mɩ kɛmba tʋra kɩɩ nɛ, ama ŋɩɩ ŋaa pɛɩ nɛ. Ba fa bɩ mɩ teeŋ jegile nɩɩ, aŋ kpʋ ma Wɩa wʋlaabʋllaa a nagɛ naachigiŋ sɩ hoso a kpʋ nɩaa.

JƐRƖMAAYA 26:11

Ŋɩɩ nɛ Wɩɩsʋllɩ sɩpaalaaraa arɩ Wɩa wʋlaabʋlla-la bʋla pɩ tɩntɩnnɩ-hɩasɩ-la arɩ nɩalɩŋ kala, “Baala deeŋ maga dɩ la kpʋʋ nɛ, bɛɛ wɩaa ʋ bʋl wɩalɩŋ sɩ bɩ zɔŋ nɛ a tɩgɛ tabalɩŋ deeŋ lɛ. Ma tɩtɩa dɩgɩlaa nɩɩ wɩalɩŋ nɛ.”

JƐRƖMAAYA 26:16

Ŋɩɩ nɛ tɩntɩnnɩ-hɩasɩ-la arɩ nɩalɩŋ kala bʋla pɩ Wɩɩsʋllɩ sɩpaalaaraa arɩ Wɩa wʋlaabʋlla-la, “Ma bɩ maga dɩ ma kpʋ baala deeŋ. Ʋ bʋl wɩaa La TƖƖNA Wɩa yɩrɩŋ lɛ nɛ a pɩla.”

JEMBIEE 4:13

Ama ŋɩɩ ŋaa nɛ, a tɩŋ Wɩa wʋlaabʋllaa arɩ Wɩɩsʋllɩ sɩpaalaaraa sɩ ŋaa wʋbɔŋŋɔɔ wɩaa, ba kpʋ tʋɔpʋl tɩmma-la sɩ hɛ Jerusalɛm lɛ nɛ.

ƐZƖKƖƐL 32:6

Ŋ chalɩŋ jaŋ pɛllɛ su tinteeŋ, a lɩɩ peelee nyusuŋ a kʋ tuu su fuonaa luŋoo.

Matiu 7:2

Wɩa jaŋ dii ma sarɩya arɩ ŋɩɩ tɩtɩa ma sɩɩ ŋaa ma dɔnsʋŋ tɩŋŋaa lɛ. Ŋɩɩ ma sɩ joŋo to ma dɔnsʋŋ tɩŋŋaa lɛ, ŋɩɩ tɩtɩa nɛ Wɩa ma jaŋ joŋo to ma lɛ.

Luuk 12:48

Ama tɩntɩnnʋ-la sɩ bɩ tɩntɩmɩɩ-la ʋ kʋhɩaŋ sɩɩ chɛ dɩ ʋ tɩŋ jɩŋ aŋ ŋaa wɩɩ-la sɩ maga dɩ ba vɩɩrʋ, ba jaŋ vɩɩrʋ mʋa. Dɩ ba nɛ joŋ kɩaa yʋgɛ a pɩ nʋʋ, ʋ maga dɩ ba pɩɛsa laa kɩaa yʋgɛ nɛ nɩɩ-la teeŋ. Dɩ ba joŋ kɩaa yʋgɛ woruŋ a pɩ nʋʋ dɩ ʋ beŋ, ʋ ma maga dɩ ba pɩɛsa laa kɩaa yʋgɛ woruŋ ʋ teeŋ.”

Hiburu TƖŊŊAA 10:29

Dɩ ba nɛ fa yie ŋaa ŋ-la, ɛɛ nɛ saa ba jaŋ ŋaa nɩɩ-la sɩ bee gʋʋnɛ Wɩa Bie arɩ ʋ tuo kʋŋkala? Tɩɩna bɩra kɛŋ Yesu chal-la Wɩa sɩ kaa bil niiŋ ʋ dɩ nɩaa pɛgɛ kaa chei nɛ. Chal-la nɛ Wɩa fa kaa chɛsɛ tɩɩna disiniŋ kala ta ʋ kʋ ŋaa tʋɔpʋl tɩɩna. Dɩ tɩɩna bɩra tʋʋsɛ Wɩa Dɩŋ-zɔŋ-la fa sɩɩ pɛ ʋ lɛ, ʋ maga dɩ ba dɔgɩsʋ a kɩɩ nɩalɩŋ sɩ chei wɩalɩŋ Mosis fa sɩ ŋmʋnsa bil dɩ nɩaa tuto.

Jɔɔŋ Wʋnaalaa 11:18

Dʋnɩa nɩaa fa na baanɩŋ nɛ ŋ nyuŋ. Ama bʋa-la ŋ baanɩŋ sɩ jaŋ sii ba nyuŋ yie nɛ. Bʋa-la lɛ ŋ sɩ jaŋ dii nɩalɩŋ sɩ sʋba sarɩya yie nɛ, arɩ bʋa-la lɛ ŋ sɩ jaŋ siili ŋ tɩntɩnnaa sɩ ŋaa ŋ wʋlaabʋllaa, a pɛ ŋ nɩaa kala lɛ, arɩ nɩalɩŋ sɩɩ ziliŋ lɛ, nɩhɩasɩŋ arɩ hambiisiŋ kala, Bʋa-la yie nɛ dɩ ŋ chei nɩalɩŋ sɩ chei dʋnɩa.”

Jɔɔŋ Wʋnaalaa 13:10

Dɩ nʋʋ nɛ maga dɩ ŋ mʋ yoŋ-baga, ŋ jaŋ sɛnɛ mʋ, dɩ nʋʋ nɛ maga dɩ ba kpʋʋ arɩ tokobiiŋ, ba jaŋ sɛnɛ kpʋʋ arɩ tokobiiŋ. Wɩɩŋ deeŋ daga arɩ nɩalɩŋ sɩ laa Wɩa wɩaa dii maga dɩ ba nyalɩmɛ nɛ a chɩŋ wɩalɩŋ ba sɩ laa dii lɛ.

Jɔɔŋ Wʋnaalaa 13:15

Ba pɩ baga kʋ-lɩa-la doluŋ dɩ ʋ wuo joŋ wiese hɛ kʋ-la ba sɩ mɛ lɛ dɩ ʋ wuo wɩaa bʋbʋl, dɩ ʋ leŋ dɩ ba kpʋ nɩalɩŋ kala sɩ vɩa dɩ ba chʋɔlɛ baga kʋ-la ba sɩ mɛ.

Jɔɔŋ Wʋnaalaa 18:20

Ma nɩalɩŋ sɩ hɛ Wɩa-jaŋ lɛ, má jʋjʋɔsɛ Babɩlɔŋ wɩaa. Ma Wɩa nɩaa arɩ Wɩa nanzɔɔba arɩ Wɩa wʋlaabʋllaa, má jʋjʋɔsɛ. Wɩa joŋ wɩalɩŋ Babɩlɔŋ sɩ ŋaa ma lɛ chɩmɩŋ a tiŋ ʋ lɛ nɛ.”

Jɔɔŋ Wʋnaalaa 18:24

Babɩlɔŋ lɛ nɛ ba kpʋ Wɩa wʋlaabʋllaa, arɩ Wɩa nɩaa, arɩ nɩalɩŋ kala bɩ sɩ kpʋa dʋnɩa lɛ.”

Jɔɔŋ Wʋnaalaa 19:2

Ʋʋ dii nɩaa sarɩya arɩ wʋtɩtɩɩ nɛ. Ʋ dii hachɔrʋŋ-bal-la sarɩya nɛ, nɩɩ-la sɩ ŋaa wʋlɩɩlɩŋ a chei dʋnɩa kala. Wɩa dɔgɩsʋ nɛ a tɩŋ ʋ sɩ kpʋ ʋ tɩntɩnnaa.”