Jɔɔŋ Wʋnaalaa 16:5 - WƖA TENIŊ

⁵ Ŋɩɩ nɛ Wɩa tɩndaarʋ-la sɩ kɛŋ lɩɩŋ doluŋ ma bʋl wɩaa. Ʋ sɩ, “La Tɩɩna Wɩa, ŋ kɩaa sɩma nɛ dɩ ŋ dɔgɩsɛ dʋnɩa nɩaa. Ŋ bɩ disiniŋ kɛnɛ, ŋ nɛ Nɩɩ-la fa sɩ hɛ nɩmɛ faafaa kala arɩ Nɩɩ-la sɩ hɛ nɩmɛ lɛɛlɛ.

Jɔɔŋ Wʋnaalaa 16:5 ပူးပေါင်းရင်းမြစ်များ

WƖAA DƖ-SUOMUŊ 18:25

Ʋ bɩ kɩsɛ dɩ ŋ kpʋ tʋɔpʋl tɩŋŋaa arɩ nɩbɔŋŋɔɔ kala hɛ dɔŋɔ lɛɛ? Ŋɩɩ bɩ kɩsɛɛ, Nɩɩ-la sɩ jaŋ dii dʋnɩa kala sarɩya sɩ jaŋ ŋaa ŋɩɩ?”

WƖA YƖƖLAA 129:4

Ama La Tɩɩna ŋaa tʋɔpʋl Tɩɩna nɛ, ʋ purimi ta nɛ nɩbɔŋŋɔɔ ŋmɛsɩŋ lɛ.”

WƖA YƖƖLAA 145:17

La Tɩɩna kɛŋ tʋɔpʋla nɛ a ŋɩŋaa ʋ wɩɩkala, a cho kɩalɩŋ kala ʋ sɩ ŋaa.

JEMBIEE 1:18

La TƖƖNA ŋaa tʋɔpʋl Tɩɩna nɛ, ka mɩ pɛ vɩa wɩalɩŋ ʋ sɩ daga. Nʋʋkala jegili mɩ teeŋ, má bee na hɛɛ-la mɩ sɩɩ na. Mɩ bapʋɔsaa arɩ mɩ hatoloo kala nɛ ba kɛsɛ mʋ yoŋ-baga.

DANƖƐL 9:14

La TƖƖNA, ŋ bɩ kaa dieni aŋ joŋ wʋlɔrʋŋ ŋaa la lɛ, bɛɛ wɩaa ŋ-na La TƖƖNA Wɩa, ŋ ŋaa tʋɔpʋl Tɩɩna nɛ wɩɩ na-kala ŋ sɩɩ ŋaa lɛ, arɩ ŋɩɩ kala la bɩŋ niiŋ to.

Jɔɔŋ 17:25

Mɩ Nyɩmma, ŋ ŋaa tʋɔpʋl Tɩɩna nɛ. Dʋnɩa nɩaa bɩŋ jɩŋ, ama mɩ-na jɩmɩŋ nɛ. Nɩaa deemba ma jɩŋ arɩ ŋ nɛ tɩmmɛ.

Rom Tɩŋŋaa 2:5

Ma tʋɔŋ dolie. Ma vɩa dɩ ma bɩrɩma lɩɩ ma wʋbɔŋŋɔɔ lɛ nɛ. Ma wasa ŋaa Wɩa baanɩŋ faasa sisii nɛ. Tapʋlɩɩ-la ʋ sɩ jaŋ dii dʋnɩa nɩaa sarɩya, ʋ jaŋ dii sarɩya arɩ wʋtɩtɩɩ dɩ nɩaa na.

Rom Tɩŋŋaa 3:5

Ka la wʋbɔmɔ-la la sɩɩ ŋaa nɛ chaasa dagɛ arɩ Wɩa kɛŋ wʋtɩtɩɩ, bɛɛ nɛ laa chɛ dɩ la bʋl? Mɩɩ chɛ dɩ mɩ bʋl nuhuobiine tʋɔbɩɩnaa wɩaa nɛ a pɩɛsɛ: Dɩ Wɩa nɛ dɔgɩsɛla a tɩŋ la wʋbɔŋŋɔɔ wɩaa, ʋ kɩaa bɩ sɩŋ ʋ sɩ ŋaa ŋɩɩ, koo?

Jɔɔŋ Wʋnaalaa 1:4

Mɩ-na Jɔɔŋ nɛ ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Wɩa lahɔrɩmɔ lɛ, ʋ jaŋ leŋ dɩ ma hɔŋ arɩ yarɩfɩɛlaa. Ʋ nɛ ŋaa Nɩɩ-la sɩ hɛ nɩmɛ, Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ. Wɩaa deemba lɩɩ Wɩa Dɩnsɩŋ balɩpɛ-la sɩ chɩŋ Wɩa kuoru kpasa-la sɩpaaŋ nɛ

Jɔɔŋ Wʋnaalaa 1:8

La Tɩɩna Wɩa sɩ, “Mɩ nɛ ŋaa Alɩfa arɩ Omega. Mɩ-na Wɩa doluŋ kala Tɩɩna, mɩ nɛ ŋaa Nɩɩ-la sɩ hɛ nɩmɛ arɩ Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ.”

Jɔɔŋ Wʋnaalaa 11:17

“Laa lɔllʋŋ La Tɩɩna Wɩa doluŋ kala Tɩɩna, Nɩɩ-la fa sɩ hɛ nɩmɛ faafaa arɩ Nɩɩ-la ha sɩ hɛ nɩmɛ. Lɛɛlɛ-na ŋ kɛŋ ŋ dol-bal-la, a suomo bibeŋ dʋnɩa nɛ.

Jɔɔŋ Wʋnaalaa 16:4

Wɩa tɩndaarɩ-tori-la ma kɛŋ ʋ gbaŋa kaa mʋ a bɩsa hɛ fuo-biisiŋ arɩ lɩɩ-buloo lɛ. Ba kala bɩrɩmɛ chalɩŋ.

Jɔɔŋ Wʋnaalaa 16:7

Ŋɩɩ nɛ mɩ nɩɩ nʋʋ yikoro sɩ lɩɩ Wɩɩsʋlʋŋ koru-la nyuŋ. Ʋ sɩ, “Wʋtɩtɩɩ, La Tɩɩna Wɩa doluŋ kala Tɩɩna, wʋtɩtɩɩ nɛ ŋ kaa dii nɩaa sarɩya.”

Jɔɔŋ Wʋnaalaa 19:2

Ʋʋ dii nɩaa sarɩya arɩ wʋtɩtɩɩ nɛ. Ʋ dii hachɔrʋŋ-bal-la sarɩya nɛ, nɩɩ-la sɩ ŋaa wʋlɩɩlɩŋ a chei dʋnɩa kala. Wɩa dɔgɩsʋ nɛ a tɩŋ ʋ sɩ kpʋ ʋ tɩntɩnnaa.”

Jɔɔŋ Wʋnaalaa 4:8

Kɩalɩŋ kʋŋkala kɛŋ kɩŋkɛnsɩŋ balɩdʋ balɩdʋ nɛ, sɩaa ma hɛ ba lee-kala arɩ ba kɩŋkɛnsɩŋ bʋbʋɔŋ ma kala. Tɩtaŋɩŋ arɩ wɩɩhɛyɛ kala ba yie yɩyɩɩ yɩɩlaa, ba bɩ tɔrɛ, a bʋbʋl: “Ŋ bɩ disiniŋ kɛnɛ, ŋ bɩ disiniŋ kɛnɛ, La Tɩɩna Wɩa doluŋ kala Tɩɩna, ŋ bɩ disiniŋ kɛnɛ, ŋ nɛ Nɩɩ-la fa sɩ hɛ nɩmɛ faafaa kala, arɩ Nɩɩ-la ha sɩ hɛ nɩmɛ, arɩ Nɩɩ-la ha sɩ jaŋ kɔ.”

Jɔɔŋ Wʋnaalaa 6:10

Ŋɩɩ nɛ ba ŋmoo niiŋ vɩl vɩl aa bʋl, “La Tɩɩna Wɩɩjarɩbakɔ, ŋ ŋaa wʋtɩtɩɩ Tɩɩna nɛ a bɩ disiniŋ kɛnɛ, bʋa bɛɛ lɛ nɛ ŋ jaŋ dii dʋnɩa nɩaa sarɩya, aŋ dɔgɩsɛ nɩalɩŋ sɩ kpʋla?”