Jɔɔŋ Wʋnaalaa 16:21 - WƖA TENIŊ

²¹ Ka duoŋ-tabɩɩ-balaa sɩ faasa yuŋ kɩŋkɛŋ a nagɛ nɔmbiee lɩɩ wɩa-nyuŋ kʋ tuu yɩyagɛ nɩaa. Ŋɩɩ nɛ nɩaa tʋʋsɛ Wɩa joŋŋoo a tɩŋ duoŋ-tabɩa-la wɩaa. Wɩɩ-la fa ŋaa wʋlɔrʋ nɛ woruŋ.

Jɔɔŋ Wʋnaalaa 16:21 ပူးပေါင်းရင်းမြစ်များ

JOB 38:22

Ŋ ha jʋʋ dɩɩsɩ-la lɛ mɩ sɩ joŋ bʋrʋŋ bil, koo a na dɩɩsɩ-la lɛ mɩ sɩ joŋ duoŋ-tabɩaa bil?

JOB 38:23

Mɩ joŋ kɩaa deemba a bile gbɛrɛ wʋjʋʋlaa tapʋlʋŋ nɛ, tapʋlɩɩ-la laalɩŋ sɩ jaŋ sii.

MOSIS KƐŊ IZIRAL TƖŊŊAA LƖƖ 9:18

a tɩŋ ŋɩɩ wɩaa, chie bʋa deeŋ lɛ mɩ jaŋ leŋ dɩ duoŋ-tabɩaa faasa tel Ijipiti tinteeŋ kala lɛ, dɩ ʋ ŋaa wɩɩ Ijipiti tɩŋŋaa ha sɩ bɩ na aŋ ka.

MOSIS KƐŊ IZIRAL TƖŊŊAA LƖƖ 9:22

Ŋɩɩ nɛ La TƖƖNA bʋla pɩ Mosis, “Kɛŋ ŋ nɩsɩŋ je wɩa-nyuŋ, dɩ duoŋ-tabɩaa tel Ijipiti tinteeŋ kala lɛ, a yagɛ nɩaa, pʋsʋŋ arɩ kʋŋ na-kala sɩ nyʋ tinteeŋ lɛ.”

AZAAYA 30:30

La TƖƖNA jaŋ leŋ dɩ nɩaa nɩɩ ʋ baalɩŋ-yikoro, a na ʋ baaŋ-la sɩ nagɛ nyiniŋ a didii kɩaa. Duoŋ-bɩlɩmbaanɩŋ jaŋ tɔ dɩ duonuŋ nɩnɩɩ aŋ kpɩkpɩa dɩ duoŋ-tabɩaa titel.

AZAAYA 8:21

Tʋɔ-cheeŋ arɩ losuŋ jaŋ jʋʋba, dɩ ba gɔllɔ baarɛ tintee-la lɛ. Dɩ losu-la nɛ jʋʋba, ba baanɩŋ jaŋ sii woruŋ dɩ ba wʋla beŋ wɩa-nyuŋ a chɛ kʋŋ ka, aŋ bʋl wʋbɔŋŋɔɔ tɩgɛ ba kuoro arɩ ba Wɩa lɛ.

ƐZƖKƖƐL 13:11

Ŋɩɩ wɩaa, bʋla pɩ nɩalɩŋ sɩ nyɩɛ wɩaa arɩ ba ŋaa mɩ wʋlaabʋllaa arɩ jee-la ba sɩ ŋaa tʋɔrʋŋ bʋgɛ jaŋ tel. Mɩ jaŋ leŋ dɩ duonuŋ lɔgɔ jaasɛ, dɩ duoŋ-tabɩaa tel, dɩ pel-duoŋ lu a ŋmoo jee-la lo.

ƐZƖKƖƐL 13:13

Ŋɩɩ wɩaa wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ jaŋ faasa na baanɩŋ a leŋ dɩ pel-duoŋ lu dɩ duonuŋ lɔgɔ jaasɛ, dɩ duoŋ-tabɩaa tele yagɛ jee-la lo.

JOSUA 10:11

Amɔrɩ tɩmma-la fa sɩɩ fá dɩ ba laa ba tɩtɩa Iziral tɩŋŋaa laalɩyuoroo nɩsɩŋ lɛ ŋɩɩ, a chɩŋ Bɛf Horoŋ lɛ a mʋmʋ Azɛka, La TƖƖNA leŋ duoŋ-tabɩɩ-balaa lɩɩ wɩa-nyuŋ a kʋ tuu telee yagɛba. Duoŋ-tabɩa-la fa kpʋ ba nɩ-daŋ nɛ a paala kɩɩ nɩalɩŋ Iziral laalɩyuoro-la sɩ kpʋa.

Jɔɔŋ Wʋnaalaa 11:19

Ŋɩɩ nɛ ba kɛŋ Wɩa dɩɩ-bal-la sɩ hɛ Wɩa-jaŋ boro suri, mɩ na Wɩa niiriŋ daga-la ʋ tʋɔŋ. Ŋɩɩ nɛ duonuŋ lɩlɩgɩsɛ leriŋ kala, ba nɩnɩɩ yikorusuŋ, ka duonuŋ kpɩkpɩa ŋmana ŋmana, tinteeŋ zigili, ka duoŋ-tabɩaa faasa titel.

Jɔɔŋ Wʋnaalaa 16:11

Ŋɩɩ nɛ ba tʋtʋʋsɛ Wɩa sɩ hɛ ʋ jaŋ lɛ joŋŋoo a tɩŋ ba naawɩɩla-la arɩ hɛɛ-la ba sɩɩ na wɩaa. Ama ba bɩ bɩrɩma lɩɩ ba wʋbɔŋŋɔɔ lɛ.

Jɔɔŋ Wʋnaalaa 16:9

Wɩɩ-pɔsʋ-la faasa nyɩgɛ nɩaa woruŋ, ba tʋtʋʋsɛ Wɩa joŋŋoo, bɛɛ wɩaa ba jɩma ʋ nɛ kɛŋ doluŋ nyanyal-dosunuŋ deemba kala lɛ. Ama ba bɩ bɩrɩma lɩɩ ba wʋbɔŋŋɔɔ lɛ dɩ ba chʋɔlɛ Wɩa.

Jɔɔŋ Wʋnaalaa 8:7

Wɩa tɩndaarɩ-bumbuŋ ŋmʋʋ ʋ nyile. Ŋɩɩ nɛ duoŋ-tabɩaa arɩ nyiniŋ guoli chalɩŋ lɛ kʋ tuu tel tinteeŋ. Ŋɩɩ nɛ tinteeŋ, dɩ ŋ nɛ kaa kpaa batori, sɛmpɛɛŋ dɔŋɔ tɩɩsɩŋ arɩ yasɩŋ kala dii nyiniŋ.