Jɔɔŋ Wʋnaalaa 16:16 - WƖA TENIŊ

¹⁶ Ŋɩɩ nɛ jɩŋ-bɔmɔ-la kɛŋ dʋnɩa kuorusu-la a kaa mʋ hilimi lee kʋbala dɩ ba yuo laalɩŋ. Hiburu tɩŋŋaa yikoro lɛ baa yɩrɛ lee-la Amagɛdɔŋ.

Jɔɔŋ Wʋnaalaa 16:16 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 35:22

Ama Josaaya bɩ jegile nɩɩ wɩɩ-la Wɩa sɩ to Neko lɛ a bʋl, aŋ sii paa kɩaa laalɛ dɩ ba sɩ́ ʋ jɩŋ a mʋ Megido tintee-taala-la leriŋ dɩ ʋ yuo Neko.

ZƐKARƖYA 12:11

Tapʋlɩɩ-la, yele jaŋ chaasa yʋgɛ Jerusalɛm lɛ a nagɛ ba sɩɩ yel Hadad Rimoŋ sɩ hɛ Megido tintee-taala lɛ.

Jɔɔŋ 19:13

Paalɩt sɩ nɩa dɩ ba bʋl wɩaa deemba, ʋ kɛŋ Yesu kaa kʋ lɩɩ, aŋ mʋ hɔŋ ʋ sarɩya diiri kpasa nyuŋ. Ba kɛŋ lee-la kaa yɩrɛ ‘Gabata’ nɛ Hiburu yikoro lɛ. Ʋ bʋbʋɔŋ nɛ: Lee-la tabɩaa ŋaa mʋla mʋla nɛ.

Jɔɔŋ 19:17

Ŋɩɩ nɛ ba kɛŋ Yesu lɩɩ. Ʋ lɩɩ a baasɛ ʋ tɩtɩa daagɛsɛ a mʋ lee-la ba sɩɩ chɛ dɩ ba kpaasʋ. Lee-la yɩrɩŋ nɛ nyu-kuŋkogulo. Hiburu yikoro lɛ baa yɩrɛ lee-la Gɔlɩgɔta nɛ.

Jɔɔŋ 5:2

Jerusalɛm lɛ, fuo-bie kʋbala nɛ fa hɛ nɩmɛ. Ʋ fa kpagɛ boi-baala-la dɔŋɔ ba fa sɩ to jʋjʋʋ taŋ-la tʋɔŋ nɛ. Ʋ yɩrɩŋ nɛ fa Piesee Boi-baalɩŋ. Hiburu yikoro lɛ ba kɛŋ fuo-la kaa yɩrɛ Bɛtɩzata nɛ. Ba hɛ palaa banɔŋ nɛ a kɛrɛ fuo-la.

Tɩntɩŋŋaa 26:14

La kala tuu tel tinteeŋ. Ka mɩ nɩɩ nʋʋ yikoro dɩ ʋ bʋla pɩmɛ Hiburu yikoro lɛ a bʋl, ‘Sɔɔl, Sɔɔl, bɛɛ nɛ tɩɩ ŋ to naasɩŋ a dʋdɔgɩsɛmɛ ŋ-la? Ŋ dɔgɩsɛ ŋ tɩtɩa nɛ, ŋ nagɛ nɛŋ nɩa sɩ kaa vɩvɛŋ nɛ ka ʋ yɩyagɛ daa-la ʋ sɩ koro.’

Jɔɔŋ Wʋnaalaa 17:14

Ba dɩ Pie-bie-la jaŋ yuo dɔŋɔ, ama Pie-bie-la jaŋ yuo diiba, bɛɛ wɩaa ʋ nɛ ŋaa nɩalɩŋ kala sɩɩ beŋ nɩaa Kʋhɩaŋ, a kɛŋ kuoroo kala ma doluŋ. Ʋ dɩ ʋ harɩ-tooroo nɛ jaŋ yuo diiba. Nɩaa deemba nɛ ŋaa nɩalɩŋ Wɩa sɩ yɩra aŋ lɩɩsɛ, ba ŋaa nɩaa sɩ kɛŋ wʋtɩtɩɩ.”

Jɔɔŋ Wʋnaalaa 9:11

Wɩa tɩndaarʋ-la fa sɩ kori buotuo-luŋii-la boribiiŋ nɛ fa ŋaa ba kuoro. Juu tɩŋŋaa yikoro lɛ baa yɩrʋ Abadɔŋ nɛ. Giriik tɩŋŋaa ma yikoro lɛ baa yɩrʋ Apɔlɩyɔŋ nɛ.

SƖPAALAARAA 4:7

Mɩ jaŋ nyɩsɛ Sɩsɛra sɩ ŋaa Jabɩŋ laalɩyuoroo kʋhɩaŋ arɩ ʋ laalɩŋ janɩŋ torukoba arɩ ʋ laalɩyuoroo dɩ ba kɔ Kɩsɔŋ fuoŋ, a jomba hɛ ŋ nɩsɩŋ lɛ.’ ”

SƖPAALAARAA 5:19

Taanak lɛ, Kɛnaŋ kuoroo kɔ nɛ, ba yuo laalɩŋ a kpagɛ Mɛgɩdɔ lɩɩ-la leriŋ. Ama ba bɩ wuo paa hɔɔ-pʋla koo kʋŋkala.