Jɔɔŋ Wʋnaalaa 16:12 - WƖA TENIŊ

¹² Ŋɩɩ nɛ Wɩa tɩndaarɩ-dʋ-la joŋ ʋ gbaŋa arɩ Wɩa baanɩŋ a bɩsa hɛ fuo-bal kʋbala baa yɩrɛ Yufireti lɛ. Ŋɩɩ nɛ fuo-la kala hʋ aŋ ka wombiiŋ pɩ kuorusu-la sɩ lɩɩ wɩɩpɔsʋŋ dɩɩrɩŋ kʋkɔ.

Jɔɔŋ Wʋnaalaa 16:12 ပူးပေါင်းရင်းမြစ်များ

AZAAYA 11:15

La TƖƖNA jaŋ leŋ dɩ Ijipiti mʋgʋ-bal-la lɩɩ-libe kala hʋ. Ʋ jaŋ leŋ dɩ pel-lɩmɩŋ lu a hɛ Efireti fuo-bal-la ma lɛ dɩ ʋ hʋ. Ʋ jaŋ kɛnʋ kpaa bil fuo-biisiŋ balɩpɛ dɩ nɩaa wuo vɛŋ ba tʋɔŋ a chol.

AZAAYA 41:25

Nʋʋ sɩ lɩɩ wɩɩpɔsʋŋ dɩɩrɩŋ a kɛŋ mɩ yɩrɩŋ tɩtɩŋ nɛ mɩ lɩɩsɛ. Ʋ jaŋ lɩɩ wɩɩpɔsʋŋ nagʋa a kʋ yuoma. Ʋ yie nʋɔsɛ kuoroo a bil tinteeŋ nɛ a nagɛ ba sɩ nʋɔsɛ tɩɛrɩŋ koo a nagɛ pupo-mɛɛrɛ sɩ yie nʋɔsɛ chʋrʋŋ ŋɩɩ.

AZAAYA 42:15

Mɩ jaŋ chei peelee arɩ dundolluŋ, a leŋ dɩ ba yaŋ arɩ tɩɩsɩŋ kala hɩl. Mɩ jaŋ ŋaa dɩ fuonuŋ leree kala bɩrɩmɛ tintee-hɩlɩŋ, aŋ ŋaa dɩ pɩlaa lɩɩŋ ma hʋ.

AZAAYA 44:27

Dɩ mɩ nɛ kpɩa fuonuŋ arɩ mʋgʋ-balaa lɛ, ba kala jaŋ hʋ.

AZAAYA 46:11

Mɩ jaŋ yɩrɛ nʋʋ dɩ ʋ lɩɩ wɩɩpɔsʋŋ dɩɩrɩŋ dɩ-bolii a kɔ. Ʋ jaŋ kʋ tuu a nagɛ kɩla, a ŋaa wɩalɩŋ mɩ sɩ sɩ mɩ jaŋ ŋaa. Wɩalɩŋ mɩ sɩ bɩɩna, mɩ jaŋ ŋaaba.

AZAAYA 8:7

mɩ-na ma TƖƖNA jaŋ leŋ dɩ Asiiria kuoro arɩ ʋ laalɩyuoroo kala kʋ yuo Juda tɩŋŋaa. Ba jaŋ kɔ a nagɛ Yufireti fuo-la lɩɩŋ sɩ suo a gbu lɩlɩɩ.

JƐRƖMAAYA 51:36

Ŋɩɩ wɩaa, wɩɩ-la La TƖƖNA sɩ bʋla nɛ ŋ-la: “Mɩ jaŋ chɩŋ ma harɩŋ a joŋ ma chɩmɩŋ tiŋ ba lɛ. Mɩ jaŋ leŋ dɩ ʋ mʋgʋ-balɩŋ lɩɩŋ hʋ, aŋ leŋ dɩ ʋ lɩɩ-bul-sɩaa ma hɩl.

Jɔɔŋ Wʋnaalaa 11:14

Hɛɛ-lɩa-la dɩdɛrɩŋ nɛ ŋɩɩ, ama torimuŋ jaŋ kɔ lɛɛlɛ.

Jɔɔŋ Wʋnaalaa 17:15

Ŋɩɩ nɛ Wɩa tɩndaarʋ-la bɩra bʋla pɩmɛ, “Lɩɩrɩ-la ŋ fa sɩ na lee-la hachɔrʋŋ-la fa sɩ hɔnɔ ŋaa nuhuobiinee nɛ, a yʋgɛ woruŋ, a lɩɩ tintee kala aa bʋl yikoro kala.

Jɔɔŋ Wʋnaalaa 7:2

Ŋɩɩ nɛ ka mɩ na Wɩa tɩndaara dɔŋɔ dɩ ʋ to wɩɩpɔsʋŋ dɩɩrɩŋ aa jɩl wɩa-nyuŋ, a kori kʋ-la Wɩa sɩ weye sɩ kaa magɩlɛ ʋ nɩaa. Ŋɩɩ nɛ ʋ faasa yɩrɛ Wɩa tɩndaara-la banɛsɛ Wɩa fa sɩ pa doluŋ dɩ ba chei tinteeŋ arɩ mʋgʋ-balɩŋ.

Jɔɔŋ Wʋnaalaa 9:14

Ŋɩɩ nɛ yikoro-la bʋla pɩ Wɩa tɩndaarɩ-dʋ-la sɩ kori nyile-la, “Puri Wɩa tɩndaaraa banɛsɛ-la ba sɩ vɔbɔ Yufireti fuo-la lɛ a ta.”