Jɔɔŋ Wʋnaalaa 16:1 - WƖA TENIŊ

¹ Ŋɩɩ nɛ mɩ nɩɩ nʋʋ yikoru-balɩŋ dɩ ʋ lɩɩ Wɩa dɩɩ-bal-la tʋɔŋ a bʋla pɩ Wɩa tɩndaara-la balɩpɛ, “Má kɛŋ gbansɩ-la balɩpɛ lɛ Wɩa baanɩŋ sɩ hɛ a kaa mʋ bɩsa hɛ dʋnɩa lɛ.”

Jɔɔŋ Wʋnaalaa 16:1 ပူးပေါင်းရင်းမြစ်များ

WƖA YƖƖLAA 79:6

Mɩɩra na baanɩŋ tinteye-la nɩaa nyuŋ, nɩalɩŋ sɩ bɩŋ jɩŋ, kuoru-gentisi-la sɩ bɩ ŋ ka chʋɔlɛ nyuŋ.

JƐRƖMAAYA 10:25

Na baanɩŋ tinteye-la nɩaa sɩ bɩŋ jɩŋ nyuŋ, nɩalɩŋ sɩ bɩ ŋ yɩrɩŋ ka yɩrɛ. Ba kpʋ Iziral nɩaa nɛ. Ba kpʋ ba kala nɛ gbelem gbelem, aŋ chei ba tinteeŋ kala.

ƐZƖKƖƐL 10:2

La TƖƖNA bʋla pɩ baal-la sɩ laalɛ gɛrɩpɛ fʋfʋlʋŋ gɛrɩŋ, “Jʋʋ kɩalɩŋ sɩ nagɛ Wɩa tɩndaaraa a kɛŋ kɩŋkɛnsɩŋ bʋbʋɔŋ gɩrɩŋgɩrɩmba-la pɛgɛ, a chaanɛ nyiŋ-halaa su ŋ nɩsaa. Joŋ nyiŋ-hala-la a yuo jaasɛ taŋ-la kala lɛ.” Ŋɩɩ nɛ mɩ bibenu ka ʋ jʋʋ.

ƐZƖKƖƐL 22:31

Ŋɩɩ wɩaa mɩ baanɩŋ jaŋ sii ba nyuŋ, mɩ baanɩŋ jaŋ nagɛ nyiniŋ a jomba dii. Wɩalɩŋ kala ba sɩ ŋaa jaŋ gʋra nyʋa ba nyuŋ lɛ. Mɩ-na ma TƖƖNA Wɩɩjarɩbakɔ nɛ bʋla.”

ZEFANAAYA 3:8

Ŋɩɩ wɩaa La TƖƖNA bɩra bʋl, “Má gbɛrɛ tapʋlɩɩ-la mɩ sɩ jaŋ dagɛ tinteyee nɩaa wʋcheelee pɩba. Mɩ kɛŋ mɩ tʋɔŋ dɩ mɩ yɩrɛ tinteyee arɩ kuoru tinteyee nɩaa hilimi nɛ, a kɛŋ baanɩŋ dɔgɩsɛba. Mɩ baanɩŋ chaasa sii ba nyuŋ nɛ. Mɩ baanɩŋ sɩ sie mɩ yaraa bibieri ŋɩɩ, ʋ jaŋ nagɛ nyiniŋ a joŋ dʋnɩa kala dii.

Jɔɔŋ Wʋnaalaa 11:19

Ŋɩɩ nɛ ba kɛŋ Wɩa dɩɩ-bal-la sɩ hɛ Wɩa-jaŋ boro suri, mɩ na Wɩa niiriŋ daga-la ʋ tʋɔŋ. Ŋɩɩ nɛ duonuŋ lɩlɩgɩsɛ leriŋ kala, ba nɩnɩɩ yikorusuŋ, ka duonuŋ kpɩkpɩa ŋmana ŋmana, tinteeŋ zigili, ka duoŋ-tabɩaa faasa titel.

Jɔɔŋ Wʋnaalaa 14:15

Ŋɩɩ nɛ Wɩa tɩndaarʋ-la dɔŋɔ ma lɩɩ Wɩa dɩɩ-balɩŋ tʋɔŋ kʋ lɩɩ, a faasa yɩrɛ arɩ yikori-balɩŋ nɩɩ-la sɩ hɔŋ duoŋ-bɩlɩmbaaŋ-la nyuŋ a bʋl, “Kɛŋ ŋ sɩɩkɔrɔ-la a kaa kʋŋ kɩaa. Bʋa-la sɩ maga dɩ la kʋŋ kɩaa yie nɛ. Kɩalɩŋ kala sɩ hɛ dʋnɩa lɛ sɩ maga dɩ ba kʋŋ, ba kala bɩa nɛ.”

Jɔɔŋ Wʋnaalaa 14:18

Ŋɩɩ nɛ Wɩa tɩndaara dɔŋɔ ma lɩɩ Wɩa dɩɩ-bal-la koru-la sɛmɛ a kʋ lɩɩ. Ʋ nɛ ŋaa Wɩa tɩndaarʋ-la sɩ kɛŋ nyiniŋ doluŋ. Ŋɩɩ nɛ ʋ yɩrɛ nɩɩ-la sɩ kori sɩɩkɔrɔ-la arɩ yikori-balɩŋ a bʋl, “Kɛŋ ŋ sɩɩkɔrɔ-la a kaa keri tɩa-la ba sɩɩ yɩrɛ girep jagɩsɩŋ, bɛɛ wɩaa ʋ nɛnɛɛ bɩa nɛ.”

Jɔɔŋ Wʋnaalaa 15:1

Ŋɩɩ nɛ mɩ bɩra na ku-kpuŋkperi-bal ma dɔŋ wɩa-nyuŋ. Ʋ kɛmmɛ fawʋllʋŋ. Mɩ na Wɩa tɩndaaraa balɩpɛ dɩ ba kori nyanyal-bɔŋ dosunuŋ balɩpɛ sɩ ŋaa dɩdɛrɩŋ kɩaa, bɛɛ wɩaa dɩ ba nɛ kʋ ŋaa dɛrɛ, Wɩa baanɩŋ jaŋ fɩɛlɛ.

Jɔɔŋ Wʋnaalaa 16:17

Ŋɩɩ nɛ Wɩa tɩndaarɩ-pɛɩ-la joŋ ʋ gbaŋa tʋɔŋ kɩaa bɩsa hɛ peliŋ lɛ. Ŋɩɩ nɛ yikori-bal kʋbala lɩɩ lee-la kuoru kpasa-la sɩ chɩna Wɩa dɩɩ-bal-la tʋɔŋ a bʋl, “Wɩalɩŋ dɛrɛ nɛ.”

1 SAMƲƐL 15:18

Ʋ tɩmɩŋ nɛ a bʋl, ‘Mʋ a kpʋ Amalɛk tɩŋŋaa a chei kʋŋ na-kala ba sɩ kɛnɛ, ba ŋaa nɩbɔmɔ nɛ. Ʋ sɩ dɩ ŋ yuoba ŋɩɩ nɛ deeŋ deeŋ a kpʋ ba kala dɛrɛ.’

1 SAMƲƐL 15:3

Mʋ a yuo Amalɛk tɩmma-la a chei kʋŋ na-kala ba sɩ kɛnɛ. Sɩ́ leŋe dɩ kʋŋ ka. Kpʋ baalaa, haalaa, hambiisiŋ arɩ bii-mulluŋ, nɛsɩŋ arɩ piesee, bʋntaŋŋaba arɩ kakusuŋ kala.’ ”