Jɔɔŋ Wʋnaalaa 15:4 - WƖA TENIŊ

⁴ La Tɩɩna Wɩa, kʋbɛɛ nɛ bɩ jaŋ fáŋ, aŋ dɛnnɛ ŋ yɩrɩ-balɩŋ? Ŋ dʋndʋŋa nɛ bɩ disiniŋ kɛnɛ. Dʋnɩa nɩaa kala jaŋ kʋ chʋɔlʋŋ, bɛɛ wɩaa ŋ ŋaa tʋɔpʋl wɩaa nʋʋkala na nɛ.”

Jɔɔŋ Wʋnaalaa 15:4 ပူးပေါင်းရင်းမြစ်များ

WƖA YƖƖLAA 105:7

Ʋ nɛ La TƖƖNA Wɩa, ʋ niiŋ wɩaa hɛ dʋnɩa lee-kala nɛ.

WƖA YƖƖLAA 111:9

Ʋ laa ʋ nɩaa ta nɛ, a bil niiŋ ʋ dɩ ba pɛgɛ a kaa mʋ wuu. Ʋ bɩ disiniŋ kɛnɛ, ʋ maga dɩ ma yɩrɛ ʋ yɩrɩŋ.

WƖA YƖƖLAA 22:23

Ma nɩalɩŋ sɩɩ fá La Tɩɩna, má dɛnnʋ. Ma Jekɔb doho nɩaa kala, má zilu. Ma Iziral doho kala, má fáʋ.

WƖA YƖƖLAA 22:27

Nʋʋkala sɩ hɛ dʋnɩa lɛ jaŋ liisi La Tɩɩna wɩaa a mɩɩra kɔ ʋ teeŋ. Tinteye-la sɩ hɛ dʋnɩa lɛ nɩaa kala jaŋ kpirimi ʋ sɩpaaŋ a chʋɔlʋ,

WƖA YƖƖLAA 22:3

Ŋ nɛ Wɩa sɩ bɩ disiniŋ kɛnɛ a hɔŋ ŋ kuoru kpasa nyuŋ, Iziral tɩŋŋaa dɩdɛnnɩŋ.

WƖA YƖƖLAA 86:9

Ŋ nɛ ta tinteyee nɩaa kala, La Tɩɩna, ba jaŋ kʋ kpirimi ŋ sɩpaaŋ a dɛnnɩŋ, ba jaŋ yɩrɛ ŋ yɩrɩ-balɩŋ.

WƖA YƖƖLAA 89:7

Ŋ tɩndaaraa kala tʋɔŋ, ŋ-na Wɩa nɛ ba chaasaa fá woruŋ. Kɩalɩŋ kala sɩ golluŋ ka fáŋ nɛ, ŋ nɛ kɩɩ ba kala.

WƖA YƖƖLAA 97:8

Zaayɔŋ nɩaa jaŋ nɩɩ a jʋɔsɛ dɩ Juda tabiisiŋ nɩaa ma tʋɔŋ tɔrɛ, a tɩŋ La Tɩɩna sɩ dii nɩaa sarɩya wɩaa.

WƖA YƖƖLAA 99:5

Má leŋ dɩ La Tɩɩna Wɩa yɩrɩŋ sii, a dɛnnʋ ʋ naakparaa bʋbʋɔŋ. Ʋ bɩ disiniŋ kɛnɛ.

WƖA YƖƖLAA 99:9

Má dɛnnɛ La Tɩɩna Wɩa, a chʋɔlʋ ʋ peel-la sɩ bɩ disiniŋ kɛnɛ lɛ. Ʋ nɛ La Tɩɩna Wɩa sɩ bɩ disiniŋ kɛnɛ.

AZAAYA 24:15

Nɩalɩŋ sɩ hɛ wɩɩpɔsʋŋ dɩɩrɩŋ jaŋ dɛnnɛ La TƖƖNA. Nɩalɩŋ ma sɩ hɛ mʋgʋ-balɩŋ niiŋ jaŋ leŋ La TƖƖNA, Iziral tɩŋŋaa Wɩa yɩrɩŋ yɩrɛ.

AZAAYA 25:3

Ŋɩɩ wɩaa nɩduoruŋ kala jaŋ ziliŋ, dɩ tintee-tʋɔhɛɛ tɩŋŋaa ma kala ziliŋ.

AZAAYA 26:9

Mɩ dɩma arɩ mɩ tʋɔŋ kala hɩɛna aa chɛŋ nɛ tɩtaŋɩŋ kala. Dɩ ŋ nɛ dii tinteeŋ nɩaa sarɩya, dʋnɩa nɩaa kala jaŋ chɩchɛ dɩ ba jɩŋ tʋɔpʋla wombiiŋ.

AZAAYA 45:23

Mɩ tɛŋɛ kala nɛ mɩ kaa hɛ niiŋ deeŋ, ʋ bɩ jaŋ ta. Nʋʋkala jaŋ kpirimi mɩ sɩpaaŋ a chʋɔlɛmɛ.

AZAAYA 57:15

Mɩ nɛ kɩɩ kʋŋkala a ŋaa Wɩa sɩ bɩ disiniŋ kɛnɛ. Mɩ hɛ nɩmɛ nɛ a kaa mʋ wuu. Mɩ hɛ wɩa-nyuŋ dɩ-bolii sɩ bɩ disiniŋ kɛnɛ nɛ. Ama mɩ ha yie guoli nɩalɩŋ sɩ kɛŋ ba tɩtɩa muuri a bɩrɩma lɩɩ ba wʋbɔŋŋɔɔ lɛ tʋɔŋ nɛ, a leŋ ba kɛŋ yɩɛlaa.

AZAAYA 6:3

Ba yɩrɛ dɔŋɔ a bʋla pɩ dɔŋɔ: “La TƖƖNA doluŋ kala Tɩɩna bɩ disiniŋ kɛnɛ, ʋ bɩ disiŋ kala kɛnɛ, ʋ bɩ disiniŋ kɛnɛ, dʋnɩa kala nɛ suo arɩ ʋ tʋla.”

AZAAYA 60:5

Dɩ ŋ nɛ na ŋɩɩ, ŋ yaraa jaŋ fɩɛlɛ ba nyuŋ, ŋ tʋɔŋ kala jaŋ tɔrɛ dɩ ŋ jʋjʋɔsɛ. Ba jaŋ paa nɩalɩŋ kala sɩ hɛ mʋgʋ-balɩŋ cholo dʋa a kaa kɔ ŋ teeŋ, ba jaŋ kɛŋ tinteyee nɩaa dʋa kʋ pɩŋ.

JƐRƖMAAYA 10:7

Ŋ nɛ tinteyee kala kuoru-balɩŋ kʋbɛɛ nɛ bɩ jaŋ fáŋ? Nʋʋkala maga dɩ ʋ ziliŋ nɛ. Ŋ dʋndʋŋa nɛ maga dɩ nɩaa fá. Tinteyee nɩaa wʋjɩnnaa arɩ ba kuori-gentisiŋ kala tʋɔŋ, nʋʋkala tuo a magɩŋ.

JƐRƖMAAYA 16:19

La TƖƖNA, mɩ doluŋ arɩ mɩ dɩ-duoŋ, ŋ nɛ mɩ yie yuori dɩ hɛɛŋ nɛ jʋʋmɛ. Tinteyee nɩaa jaŋ kɔ ŋ teeŋ, a lɩɩ dʋnɩa sɛmɛ na-kala a bʋl, La naabalɩmaba bɩ kʋŋkala kɛnɛ see vesiŋ sɩ bɩ wʋtɩtɩɩ kɛnɛ, tɔŋŋɔɔ sɩ ŋaa kʋpɛɩba a bɩ wʋzɔŋ kala ŋaa pɩba.

JƐRƖMAAYA 5:22

La TƖƖNA pɩɛsa, “Ma bɩ mɩ ka fáa? Ma bɩ maga dɩ ma chichel mɩ sɩpaaŋ? Mɩ-na nɛ bil hagɩlɩ-bumbugulo ʋ ŋaa mʋgʋ-balɩŋ bʋa, bʋa-la hɛ nɩmɛ nɛ a kaa mʋmʋ wuu, ʋ bɩ jaŋ wuo cholu. Lɩɩ-peliŋ jaŋ wuo sii, ama ʋ bɩ jaŋ wuo cholu. Ba jaŋ wuo huuri woruŋ, ama ba bɩ jaŋ wuo cholu.

HOSIA 3:5

Ʋ ŋɩɩ harɩŋ lɛ, Iziral tɩŋŋaa jaŋ mɩɩra chɛ ba TƖƖNA Wɩa arɩ ba kuoro Devit leriŋ. Ba jaŋ fɩfá La TƖƖNA a kɔ ʋ teeŋ tapʋlaa dɩdɛrɩŋ a chɩchɛ dɩ ʋ pɛ ba lɛ dɩ ba na wʋzɔŋŋɔɔ.

HABAKU 1:12

“Ou La TƖƖNA, ŋ nɛ hɛ nɩmɛ faafaa kala. Mɩ Wɩa, ŋ bɩ disiniŋ kɛnɛ, la bɩ jaŋ sʋʋ. Ou mɩ TƖƖNA, ŋ nɛ fa lɩɩsɛ Babɩlɔŋ tɩŋŋaa dɩ ba laa la wɩaa jɩŋ. Mɩ Wɩa, ŋ nagɛ bʋŋ nɛ a chu tɔla, ŋ nɛ fa lɩɩsɛba a pɩba doluŋ dɩ ba dɔgɩsɛla.

ZƐKARƖYA 14:16

Ŋɩɩ nɛ tinteye-la nɩaa sɩ kʋ yuo Jerusalɛm aŋ bɩ sʋba, jaŋ mʋ jɩna na-kala a chʋɔlɛ Kuoro sɩ ŋaa La TƖƖNA doluŋ Tɩɩna, aŋ pɛ gbieli lɛŋŋɛɛ gbiele.

ZƐKARƖYA 2:11

Tinteyee jaŋ yʋgɛ dɩ ba nɩaa kɔ La TƖƖNA teeŋ bʋa-la lɛ, a ŋaa ʋ nɩaa. Mɩ jaŋ hɛ ma tʋɔŋ, dɩ ma jɩŋ arɩ La TƖƖNA doluŋ kala Tɩɩna nɛ tɩmmɛ ma teeŋ.

MALAKAƖ 1:11

Tinteyee nɩaa jaŋ zilmi a chɩŋ wɩɩpɔsʋŋ a kaa mʋ wɩɩjʋʋlʋŋ. Lee na-kala ba jaŋ nyɩgɛ kʋsʋɔrʋsʋŋ aŋ kpʋ pʋsʋŋ a ŋaa Wɩɩsʋlɩɩ-la sɩ maga a pɩmɛ. Tinteyee nɩaa kala jaŋ yɩrɛ mɩ yɩrɩŋ. Mɩ-na ma TƖƖNA doluŋ kala Tɩɩna nɛ bʋla.

Rom Tɩŋŋaa 15:9

a wuo leŋ dɩ nɩalɩŋ sɩ bɩ Juu tɩŋŋaa ŋaa, dɩ ba dɛnnɛ Wɩa a tɩŋ ʋ sɩ fá ba nenige ŋɩɩ. Ba ŋmʋnsɛ ŋ-la nɛ Wɩa teniŋ tʋɔŋ a bʋl, “Ŋɩɩ wɩaa mɩ jaŋ dɛnnɩŋ nɩalɩŋ sɩ bɩ Juu tɩŋŋaa ŋaa tʋɔŋ. Mɩ jaŋ yɩɩ yɩɩlaa a dɛnnɩŋ.”

1 Pɩɩta 1:16

bɛɛ wɩaa ba ŋmʋnsa nɛ Wɩa teniŋ tʋɔŋ arɩ Wɩa sɩ, “Má sɩ́ disiniŋ kɛŋ, bɛɛ wɩaa mɩ ma bɩ disiniŋ kɛnɛ.”

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”

Jɔɔŋ Wʋnaalaa 14:7

Ŋɩɩ nɛ Wɩa tɩndaarʋ-la bʋl arɩ yikori-balɩŋ, “Má fá Wɩa a dɛnnɛ ʋ yɩrɩ-balɩŋ, bɛɛ wɩaa bʋa-la ʋ sɩ jaŋ dii dʋnɩa nɩaa sarɩya yie nɛ. Má dɛnnʋ, ʋ nɛ ta wɩa-nyuŋ arɩ tinteeŋ arɩ mʋgʋ-balɩŋ arɩ lɩɩ-bulluŋ kala.”

Jɔɔŋ Wʋnaalaa 16:5

Ŋɩɩ nɛ Wɩa tɩndaarʋ-la sɩ kɛŋ lɩɩŋ doluŋ ma bʋl wɩaa. Ʋ sɩ, “La Tɩɩna Wɩa, ŋ kɩaa sɩma nɛ dɩ ŋ dɔgɩsɛ dʋnɩa nɩaa. Ŋ bɩ disiniŋ kɛnɛ, ŋ nɛ Nɩɩ-la fa sɩ hɛ nɩmɛ faafaa kala arɩ Nɩɩ-la sɩ hɛ nɩmɛ lɛɛlɛ.

Jɔɔŋ Wʋnaalaa 16:7

Ŋɩɩ nɛ mɩ nɩɩ nʋʋ yikoro sɩ lɩɩ Wɩɩsʋlʋŋ koru-la nyuŋ. Ʋ sɩ, “Wʋtɩtɩɩ, La Tɩɩna Wɩa doluŋ kala Tɩɩna, wʋtɩtɩɩ nɛ ŋ kaa dii nɩaa sarɩya.”

Jɔɔŋ Wʋnaalaa 19:2

Ʋʋ dii nɩaa sarɩya arɩ wʋtɩtɩɩ nɛ. Ʋ dii hachɔrʋŋ-bal-la sarɩya nɛ, nɩɩ-la sɩ ŋaa wʋlɩɩlɩŋ a chei dʋnɩa kala. Wɩa dɔgɩsʋ nɛ a tɩŋ ʋ sɩ kpʋ ʋ tɩntɩnnaa.”

Jɔɔŋ Wʋnaalaa 19:8

Ba joŋ gɛrɩpɛ tʋlʋŋ sɩ chaasa zɔŋ nɛ a pɩ haal-la dɩ ʋ laalɛ. Gɛrɩpɛ tʋlɩɩ-la nɛ ŋaa Wɩa nɩaa tʋɔpʋl wʋŋaalaa.”

Jɔɔŋ Wʋnaalaa 3:7

Ŋmʋnsɛ wɩaa deemba pɩ Wɩa tɩndaarɩ-la sɩɩ beŋ nɩalɩŋ sɩ laa Yesu wɩaa dii aa hilimi Fɩladɛlɩfɩa lɛ. Mɩ-na Nɩɩ-la sɩ ŋaa tʋɔpʋl Tɩɩna arɩ Nɩtɩtɩɩ nɩɩ bʋl wɩaa deemba. Mɩ nɛ kori Devit taŋ-la boribiiŋ, dɩ mɩ nɛ suro, nʋʋkala bɩ wuo kaa tɔ, dɩ mɩ nɛ bɩra kaa tɔ ma, nʋʋkala bɩ wuo suri.

Jɔɔŋ Wʋnaalaa 4:8

Kɩalɩŋ kʋŋkala kɛŋ kɩŋkɛnsɩŋ balɩdʋ balɩdʋ nɛ, sɩaa ma hɛ ba lee-kala arɩ ba kɩŋkɛnsɩŋ bʋbʋɔŋ ma kala. Tɩtaŋɩŋ arɩ wɩɩhɛyɛ kala ba yie yɩyɩɩ yɩɩlaa, ba bɩ tɔrɛ, a bʋbʋl: “Ŋ bɩ disiniŋ kɛnɛ, ŋ bɩ disiniŋ kɛnɛ, La Tɩɩna Wɩa doluŋ kala Tɩɩna, ŋ bɩ disiniŋ kɛnɛ, ŋ nɛ Nɩɩ-la fa sɩ hɛ nɩmɛ faafaa kala, arɩ Nɩɩ-la ha sɩ hɛ nɩmɛ, arɩ Nɩɩ-la ha sɩ jaŋ kɔ.”

Jɔɔŋ Wʋnaalaa 6:10

Ŋɩɩ nɛ ba ŋmoo niiŋ vɩl vɩl aa bʋl, “La Tɩɩna Wɩɩjarɩbakɔ, ŋ ŋaa wʋtɩtɩɩ Tɩɩna nɛ a bɩ disiniŋ kɛnɛ, bʋa bɛɛ lɛ nɛ ŋ jaŋ dii dʋnɩa nɩaa sarɩya, aŋ dɔgɩsɛ nɩalɩŋ sɩ kpʋla?”

1 SAMƲƐL 2:2

Nʋʋkala tuo a bɩ disiniŋ kɛnɛ, see La TƖƖNA dʋndʋŋa, nʋʋkala tuo a magʋ. Nʋʋkala tuo a jaŋ wuo pɔla a magɛ la Wɩa.