Jɔɔŋ Wʋnaalaa 15:2 - WƖA TENIŊ

² Ŋɩɩ nɛ mɩ na kʋŋ sɩ nagɛ mʋgʋ-balɩŋ a tʋtʋl pal pal aŋ pɛ chuchol nyiniŋ. Ka mɩ na nɩalɩŋ sɩ yuo dii baga kʋ-la arɩ ʋ nagɩsɩŋ ba sɩ mɛ bil, arɩ ʋ yɩrɩŋ magɩlɩŋ, dɩ ba chɩŋ mʋgʋ-bal-la sɛmɛ. Ba fa kori chenniŋ Wɩa sɩ joŋo pɩba nɛ,

Jɔɔŋ Wʋnaalaa 15:2 ပူးပေါင်းရင်းမြစ်များ

Matiu 3:11

Mɩ-na foma Wɩɩchʋɔlɛ lɩɩŋ a dagɛ arɩ ma bɩrɩma lɩɩ ma wʋbɔŋŋɔɔ lɛ nɛ, ama nɩɩ-la sɩ jaŋ to mɩ harɩŋ kɔ, ʋ nɛ jaŋ joŋ Wɩa Dɩŋ-zɔmʋŋ hɛ ma dɔnsʋŋ lɛ aŋ joŋ nyiniŋ hɛ dɔnsʋŋ ma lɛ. Ʋ nɛ faasa kɛŋ doluŋ kɩɩmɛ. Ʋ paala bɩ maga dɩ mɩ kori ʋ nɛntɛŋŋɛɛ ma.

1 Pɩɩta 1:7

Wɩaa deemba jʋʋma dɩ ba magɩsɛ ŋɩɩ ma sɩ laa Wɩa dii nɛ, a leŋ nɩaa wuo na arɩ ʋ sɛnɛ ŋaa wʋtɩtɩɩ nɛ. Ʋ nagɛ sɛlɩmɛ ba sɩ joŋo chɔ a yʋgɩlɛ dɩ ba na ʋ sɛnɛ ŋaa sɛlɩmɛ nɛɛ? Ba sɩ joŋ sɛlɩmɛ chɔ ŋɩɩ ma kala, ʋ bɩ dieni ka dɩ ʋ chei. Ma Wɩa laa diiniŋ nɛ yuŋŋie a kɩɩ sɛlɩmɛ. Ba sɩ magɩsɛma na ŋɩɩ, tapʋlɩɩ-la Yesu Kirisito sɩ jaŋ mɩɩra kɔ, nɩaa jaŋ dɛnnɛ Wɩa a zizilu dɩ ʋ yɩrɩŋ yɩrɛ a tɩŋ wɩalɩŋ ma sɩ laa dii wɩaa.

1 Pɩɩta 4:12

Mɩ naambii-kpɩanaba, má sɩ́ leŋe dɩ hɛɛ-la ma sɩ faasa nɩna ŋaa wʋkpuŋkpere ma lɛ. Wɩaa deemba kala ka magɩsɛma nɛ. Má sɩ́ leŋe dɩ wɩɩŋ deeŋ ŋaa wʋfalɩɩ ma teeŋ.

Jɔɔŋ Wʋnaalaa 12:11

Ba yuo dii Sɩtaanɩ a tɩŋ Pie-bie-la chalɩŋ wɩaa nɛ, arɩ Wɩa niiŋ wɩalɩŋ ba fa sɩ bʋla pɩpɩ nɩaa. Ba fa kɛŋ ba tɩtɩa dɩ ba kpʋba a tɩŋ Wɩa wɩalɩŋ wɩaa nɛ.

Jɔɔŋ Wʋnaalaa 13:1

Ŋɩɩ nɛ mɩ na baga kʋŋ dɩ ʋ lɩɩ mʋgʋ-balɩŋ tʋɔŋ a kʋʋ lɩɩ. Ʋ fa kɛŋ nyusuŋ balɩpɛ nɛ, ʋ nyilliŋ ma fii. Ʋ fa chu kuori-nyunchuuluŋ fii nɛ ʋ nyilliŋ fii-la lɛ. Yɩrɩ-la ʋ fa sɩ kɛnɛ ʋ nyusu-la lɛ faa tʋʋsɛ Wɩa joŋŋoo nɛ.

Jɔɔŋ Wʋnaalaa 13:14

A tɩŋ wʋmagɩla-la ba sɩ pʋ doluŋ ʋ ŋaa bumbuŋ baga kʋ-la nyuŋ, ʋ nyɩsɛ dʋnɩa nɩaa dɩ ba mɛ kʋŋ sɩ nagɛ bumbuŋ baga kʋ-la, kʋ-la ba sɩ pɩra arɩ tokobiiŋ ka ʋ ha wei.

Jɔɔŋ Wʋnaalaa 13:17

Nʋʋkala bɩ jaŋ wuo yɔɔ kʋŋ, koo a yallɛ kʋŋ dɩ ŋ bɩ magɩlɩŋ deeŋ kɛnɛ, kʋ-la yɩrɩŋ koo ʋ yɩrɩ-la sɩ magɛ ŋɩɩ.

Jɔɔŋ Wʋnaalaa 21:18

Ba kɛŋ tabɩa-la ba sɩɩ yɩrɛ jasɩpa nɛ kaa saa kɛrɛ-la, aŋ ka tabal-la kala ŋaa sɛlɩmɛ, a kala chaanɛ pɩrr a nagɛ beenantɩrɛ.

Jɔɔŋ Wʋnaalaa 4:6

Kuori-kpasa-la sɩpaaŋ, kʋŋ pɩŋ a nagɛ mʋgʋ-balɩŋ a tʋtʋl pal pal, a pʋlla nagɛ duoŋ-tabɩɩŋ. Ka kɩaa banɛsɛ sɩ weye golli kuoru kpasa-la chu a kɛŋ sɩɩ-kɛnɛɛ, sɩpaaŋ arɩ harɩŋ kala.

Jɔɔŋ Wʋnaalaa 5:8

Ʋ sɩ laa teŋ-la, kɩalɩŋ banɛsɛ-la sɩ weye arɩ nɩhɩasɩŋ mara arɩ banɛsɛ-la, ba kala tuu kpirimi Pie-bie-la sɩpaaŋ a chʋɔlʋ. Nɩhɩasɩ-la kala kori chenniŋ arɩ sɛlɩmɛ gbansɩŋ. Gbansɩ-la su arɩ kʋsʋɔrʋsʋ-la ba sɩ nyɩga pɩ Wɩa. Wɩa nɩaa Wɩɩ-chʋɔlʋŋ nɛ ŋaa kʋsʋɔrʋsʋ-la.