Jɔɔŋ Wʋnaalaa 14:7 - WƖA TENIŊ

⁷ Ŋɩɩ nɛ Wɩa tɩndaarʋ-la bʋl arɩ yikori-balɩŋ, “Má fá Wɩa a dɛnnɛ ʋ yɩrɩ-balɩŋ, bɛɛ wɩaa bʋa-la ʋ sɩ jaŋ dii dʋnɩa nɩaa sarɩya yie nɛ. Má dɛnnʋ, ʋ nɛ ta wɩa-nyuŋ arɩ tinteeŋ arɩ mʋgʋ-balɩŋ arɩ lɩɩ-bulluŋ kala.”

Jɔɔŋ Wʋnaalaa 14:7 ပူးပေါင်းရင်းမြစ်များ

WƖAA DƖ-SUOMUŊ 22:12

Ŋɩɩ nɛ Wɩa tɩndaarʋ-la bʋla pʋ, “Sɩ́ bile wɩɩkala ŋaa. Lɛɛlɛ mɩ jɩma ŋ fá Wɩa nɛ a laaʋ dii, bɛɛ wɩaa ŋ bɩ ʋ nii-la vɩa ʋ sɩ sɩ ŋ kɛŋ ŋ bii-bala-la kpʋ a nyɩga pʋ.”

NƐHƖMAAYA 9:6

“Ŋ dʋndʋŋa nɛ ŋaa La TƖƖNA. Ŋ nɛ ŋaa wɩa-nyuŋ arɩ chɛnwʋlaa arɩ kɩalɩŋ kala sɩ hɛ ba lɛ. Ŋ nɛ ŋaa tinteeŋ arɩ kɩalɩŋ kala sɩ hɛ ʋ lɛ, a pɛ mʋgʋ-balɩŋ arɩ kɩalɩŋ kala sɩ hɛ ʋ lɛ. Ŋ nɛ pɩ kʋŋkala mɩɩsɩŋ, Wɩa-jaŋ kɩaa kala ziziliŋ.

WƖA YƖƖLAA 115:15

A leŋ dɩ La Tɩɩna pɛ ma lɛ, ʋ nɛ ŋaa wɩa-nyuŋ arɩ tinteeŋ.

WƖA YƖƖLAA 124:8

La Tɩɩna nɩɩ pɛ la lɛ, ʋ nɛ ŋaa wɩa-nyuŋ arɩ tinteeŋ.

WƖA YƖƖLAA 33:6

La Tɩɩna wʋbʋlaa lɛ nɛ wɩa-nyuŋ to a hɛ nɩmɛ. Ʋ wʋbʋlaa nɛ ŋaa kɩalɩŋ kala hɛ nɩmɛ.

WƖA YƖƖLAA 36:1

Nɩbɔŋŋɔɔ bɩ Wɩa ka fá, wʋbɔŋŋɔɔ dʋndʋŋa nɛ ba bɩbɩɩnɛ ba tʋɔŋ lɛ.

WƖA YƖƖLAA 89:7

Ŋ tɩndaaraa kala tʋɔŋ, ŋ-na Wɩa nɛ ba chaasaa fá woruŋ. Kɩalɩŋ kala sɩ golluŋ ka fáŋ nɛ, ŋ nɛ kɩɩ ba kala.

WƖA YƖƖLAA 95:5

Ʋ nɛ ŋaa mʋgʋ-balɩŋ, a tɩɩʋ. Ʋ nɛ ŋaa tinteeŋ ma.

MOSIS KƐŊ IZIRAL TƖŊŊAA LƖƖ 20:11

Tapʋlaa balɩdʋ nɛ mɩ-na ma TƖƖNA joŋo ŋaa wɩa-nyuŋ arɩ tinteeŋ, mʋgʋ-balaa arɩ kɩalɩŋ kala sɩ hɛ ba lɛ, tapʋl-pɛɩ chɛɛŋ nɛ mɩ wiesi. Ŋɩɩ nɛ mɩ joŋ chɛ-wiesiŋ deeŋ a wasʋ, a leŋ ʋ ŋaa tapʋl-zɔŋ.

AZAAYA 40:3

Nʋʋ nɛ heelee bʋl, “Má wasɛ wombiiŋ tintee-hɩlɩŋ lɛ a bil La TƖƖNA lɛ, má pori wombii-la dɩ ʋ tʋʋlɛ woruŋ a pɩ la Wɩa.

AZAAYA 40:6

Ŋɩɩ nɛ mɩ nɩɩ yikoro dɩ ʋ bʋla, “Ŋmoo niiŋ.” Mɩ pɩɛsɛ, “Mɩ ŋmoo niiŋ a mʋ tɩgɛ wʋbɛɛ lɛ? Nuhuobiinee kala nagɛ yaŋ nɛ, ba tʋla ma kala nagɛ ya-fɩɩlaa nɛ ba bɩ dieni.

AZAAYA 40:9

Ma nɩalɩŋ sɩ kɛŋ wʋzɔŋŋɔɔ, má kɔ Jerusalɛm, má jɩl peeliŋ sɩ leŋie nyuŋ a heele bʋl wɩalɩŋ. Má sɩ́ fawʋllʋŋ fá, má bʋla pɩ Juda tasɩŋ nɩaa: “Ma Wɩa hɛ daha.”

AZAAYA 42:12

Ma nɩalɩŋ sɩ hɛ tinteye-la lɩɩŋ sɩ gollo chu lɛ, má bɛsɛ La TƖƖNA tʋla lɛ, a dɛnnʋ.

AZAAYA 44:23

Wɩa-nyuŋ arɩ tinteeŋ bʋbʋɔŋ kɩaa, ma yɩɩ yɩɩlaa a ŋaa goŋ arɩ tʋɔtɔrʋŋ, peelee arɩ tɩa na-kala sɩ hɛ duuŋ lɛ má faasa yɩɩ yɩɩlaa, bɛɛ wɩaa La TƖƖNA dagɛ ʋ doluŋ nɛ a laa Iziral tɩŋŋaa a ta.

AZAAYA 58:1

La TƖƖNA sɩ, “Chaasa suri ŋ yikoro dɩ ʋ sii wɩa-nyuŋ a nagɛ banyile a bʋla pɩ mɩ nɩaa Iziral tɩŋŋaa arɩ ba ŋaa wʋbɔŋ nɛ, a leŋ ba jɩŋ arɩ ba vɩa mɩ niiŋ nɛ.

JƐRƖMAAYA 10:10

Ama La TƖƖNA nɛ ŋaa Wɩɩ-tɩtɩɩ. Ʋ nɛ Wɩa sɩ weye. Ʋ nɛ kuoru-bal-la sɩ hɛ nɩmɛ a kaa mʋ deeŋ deeŋ. Dɩ ʋ nɛ na baanɩŋ, tinteeŋ yie zigili nɛ. Dɩ ʋ baanɩŋ nɛ sie, tinteyee bɩ jaŋ wuo chɩŋ.

ƐZƖKƖƐL 7:2

“Nuhuobiiŋ, wɩɩ-la mɩ-na ma TƖƖNA Wɩɩjarɩbakɔ sɩ bʋlaa tɩgɛ Iziral tɩŋŋaa tinteeŋ lɛ nɛ ŋ-la: Ma tinteeŋ kala cheyiŋ dɩdɛrɩŋ kɔ nɛ.

ƐZƖKƖƐL 7:6

Ma dɩdɛrɩŋ kɔ nɛ, ʋ kɔ nɛ a chɩna gbɛrɛma, ʋ kɔ nɛ.

DANƖƐL 8:19

Ʋ bʋl, “Mɩɩ chɛ mɩ bʋl wɩɩ-la sɩ jaŋ ŋaa nɛ pɩŋ bʋa-la lɛ Wɩa sɩ jaŋ na baanɩŋ. Wɩalɩŋ ŋ sɩ na a nagɛ duosoo tʋɔŋ ka dagɛ dʋnɩa dɩdɛrɩŋ wɩaa nɛ.

HOSIA 8:1

La TƖƖNA sɩ, “Má ŋmʋʋ banyile, dʋndɔŋŋɔɔ nagɛ kachuuŋ nɛ aa zaarɛ mɩ-na ma TƖƖNA dɩa nyuŋ, bɛɛ wɩaa mɩ nɩaa chei nii-la sɩ hɛ mɩ dɩ ba pɛgɛ nɛ, a vɩa wombii-la ma mɩ sɩ bile dɩ ba tuto.

MALAKAƖ 2:2

Dɩ ma nɛ bɩ jegile nɩɩ, a bɩ ma tʋɔŋ kɛnɛ dɩ ma zilmi, mɩ jaŋ joŋ ŋmɩaŋ hɛ ma lɛ a kɛŋ wʋzɔmɔ-la mɩ fa sɩ ŋaa pɩma kaa bɩrɩmɛ ŋmɩaŋ, dɩ ʋ dii ma kala. Wʋtɩtɩɩ, mɩ paala daŋa ŋmɩɛsa hɛ ma lɛ nɛ, bɛɛ wɩaa ma bɩ ma tʋɔŋ kɛnɛ dɩ ma zilmi.

Matiu 25:13

Ŋɩɩ wɩaa má pɔ ma tɩtɩa lɛ woruŋ. Ma bɩ jɩŋ chɛɛ-la koo bʋa-la lɛ mɩ-na Yesu sɩ jaŋ mɩɩra kɔ.”

Luuk 17:18

Bɛɛ nɛ tɩɩ nʋhʋɔra deeŋ dʋndʋŋa nɛ mɩɩra kɔ dɩ ʋ lɔllɛ Wɩa?”

Tɩntɩŋŋaa 14:15

“Nandɔmba, bɛɛ nɛ tɩɩ maa ŋaa ŋ-la? La ma ŋaa nuhuobiinee nɛ a nagɛ ma. La kɔ dɩ la bʋl La Tɩɩna Yesu wʋzɔmɔ-la nɛ a pɩma, dɩ ma wuo leŋ ma vʋɩyaa sɩ ŋaa kʋpɛɩba aŋ bɩrɩma to Wɩa sɩ weye. Ʋ nɛ ŋaa wɩa-nyuŋ, arɩ tinteeŋ, mʋgʋ-balaa arɩ fuonuŋ, arɩ kʋŋkala sɩ hɛ ba lɛ.

JOSUA 7:19

Ŋɩɩ nɛ Josua bʋla pɩ Ekaŋ, “Mɩ bii, mɩɩ sʋlʋŋ, bʋl wʋtɩtɩɩ La TƖƖNA Iziral tɩŋŋaa Wɩa sɩpaaŋ. Dagɛ wɩɩ-la ŋ sɩ cheye pɩmɛ, sɩ́ joŋo faamɛ.”

1 Pɩɩta 4:7

Bʋa-la dʋnɩa sɩ jaŋ dɛrɛ kpaga nɛ. Ŋɩɩ wɩaa, má kɛŋ ma tɩtɩa woruŋ a leŋ dɩ ma sɩaa fɩɛlɛ, dɩ ma wuo chʋchʋɔlɛ Wɩa.

Jɔɔŋ Wʋnaalaa 11:13

Bʋa-la tɩtɩa lɛ tinteeŋ faasa zigili. Tabal-la, dɩ ŋ nɛ kaa kpaa leree fii, sɛmɛ dɔŋɔ kala tel a kpʋ nɩaa bʋɩ balɩpɛ. Fawʋllʋŋ kɛŋ nɩkaanaa, ba dɛnnɛ Wɩa sɩ hɛ Wɩa-jaŋ lɛ.

Jɔɔŋ Wʋnaalaa 11:18

Dʋnɩa nɩaa fa na baanɩŋ nɛ ŋ nyuŋ. Ama bʋa-la ŋ baanɩŋ sɩ jaŋ sii ba nyuŋ yie nɛ. Bʋa-la lɛ ŋ sɩ jaŋ dii nɩalɩŋ sɩ sʋba sarɩya yie nɛ, arɩ bʋa-la lɛ ŋ sɩ jaŋ siili ŋ tɩntɩnnaa sɩ ŋaa ŋ wʋlaabʋllaa, a pɛ ŋ nɩaa kala lɛ, arɩ nɩalɩŋ sɩɩ ziliŋ lɛ, nɩhɩasɩŋ arɩ hambiisiŋ kala, Bʋa-la yie nɛ dɩ ŋ chei nɩalɩŋ sɩ chei dʋnɩa.”

Jɔɔŋ Wʋnaalaa 15:4

La Tɩɩna Wɩa, kʋbɛɛ nɛ bɩ jaŋ fáŋ, aŋ dɛnnɛ ŋ yɩrɩ-balɩŋ? Ŋ dʋndʋŋa nɛ bɩ disiniŋ kɛnɛ. Dʋnɩa nɩaa kala jaŋ kʋ chʋɔlʋŋ, bɛɛ wɩaa ŋ ŋaa tʋɔpʋl wɩaa nʋʋkala na nɛ.”

Jɔɔŋ Wʋnaalaa 16:9

Wɩɩ-pɔsʋ-la faasa nyɩgɛ nɩaa woruŋ, ba tʋtʋʋsɛ Wɩa joŋŋoo, bɛɛ wɩaa ba jɩma ʋ nɛ kɛŋ doluŋ nyanyal-dosunuŋ deemba kala lɛ. Ama ba bɩ bɩrɩma lɩɩ ba wʋbɔŋŋɔɔ lɛ dɩ ba chʋɔlɛ Wɩa.

Jɔɔŋ Wʋnaalaa 18:10

Dɩ ba nɛ beŋ hɛɛ-la taŋ-la nɩaa sɩɩ na, fawʋllʋŋ jaŋ kɛmba. Ba jaŋ chɩŋ dɩ-bolii a ŋmoo niiŋ bʋl, “Ou, ou, tabalɩŋ deeŋ, tabal-la ba sɩɩ yɩrɛ Babɩlɔŋ sɩ kɛŋ doluŋ, ʋ bɩ diene ka ba dɔgɩsʋ.”

Jɔɔŋ Wʋnaalaa 18:17

Ʋ bɩ diene ka kɩaa deemba kala lɛl ŋ teeŋ.” Ŋɩɩ nɛ nɩalɩŋ sɩɩ duori lɩɩŋ dabori-bala-la sɩɩ vɛŋ mʋgʋ-balɩŋ tʋɔŋ kʋhɩasɩŋ, arɩ nɩalɩŋ sɩɩ tɩŋ daboro-la tʋɔŋ, arɩ nɩalɩŋ sɩɩ jʋʋ lɩɩŋ daborusuŋ a mʋmʋ leree, arɩ nɩalɩŋ kala sɩɩ chɛ kɩaa mʋgʋ-balɩŋ tʋɔŋ, ba chɩŋ dɩ-bolii.

Jɔɔŋ Wʋnaalaa 18:19

Ba jaŋ ŋaa hagɩla hɩhɛ ba nyusuŋ lɛ aŋ yele bʋbʋl, “Ou, ou, tabalɩŋ deeŋ lɛ nɛ nɩalɩŋ kala fa sɩ kɛŋ lɩɩŋ daborusuŋ to a jigi. Má bee na, ʋ bɩ diene ka kɩalɩŋ kala ʋ fa sɩ kɛnɛ lɛl.

Jɔɔŋ Wʋnaalaa 19:5

Ŋɩɩ nɛ nʋʋ yikoro lɩɩ Wɩa kuoru kpasa-la teeŋ a bʋl, “Ma Wɩa tɩntɩnnaa kala arɩ ma nɩalɩŋ kala sɩɩ fáʋ, nɩhɩasɩŋ arɩ hambiisiŋ kala, má leŋ dɩ la dɛnnɛ Wɩa.”

Jɔɔŋ Wʋnaalaa 4:11

“La Tɩɩna Wɩa, ʋ maga dɩ la chʋɔlʋŋ, ʋ maga dɩ la dɛnnɩŋ a yɩyɩrɛ ŋ yɩrɩŋ, ŋ nɛ doluŋ Tɩɩna. Ŋ nɛ ta kʋŋkala, ŋ tʋɔtɔrʋŋ lɛ nɛ ŋ taba ba hɛ nɩmɛ.”

Jɔɔŋ Wʋnaalaa 4:9

Bʋa na-kala dɩ kɩalɩŋ sɩ weye nɛ yɩɩ yɩɩlaa a dɛnnɛ Nɩɩ-la sɩ hɔŋ kuoru kpasa-la nyuŋ, Nɩɩ-la sɩ hɛ nɩmɛ a kaa mʋ wuu,

Jɔɔŋ Wʋnaalaa 8:10

Ŋɩɩ nɛ Wɩa tɩndaarɩ-tori-la ma ŋmʋʋ ʋ nyile. Ʋ sɩ ŋmʋʋ ŋɩɩ, chɛnwʋl-bal kʋbala lɩɩ wɩa-nyuŋ, a chaanɛ a nagɛ kapɩlɩŋ-nyiniŋ, a kʋ tuu tel fuonuŋ arɩ lɩɩ-bulluŋ sɩ kpaa sɛsɩŋ batori sɛmɛ dɔŋɔ lɛ.

1 SAMƲƐL 6:5

Ʋ maga dɩ ma mɛ kɩalɩŋ sɩ nagɛ mɔpʋllʋŋ, a bɩra mɛ kɩalɩŋ sɩ nagɛ taatɩaa. Kɩaa deemba nɛ jʋʋ chichei ma tinteeŋ. Má kɛmba kaa mʋ zil Iziral tɩŋŋaa Wɩa. Kapo ʋ jaŋ leŋ ma dɩ ma vesiŋ arɩ ma tinteeŋ kala dɔgʋsʋŋ.