Jɔɔŋ Wʋnaalaa 14:6 - WƖA TENIŊ

⁶ Ŋɩɩ nɛ mɩ bɩra na Wɩa tɩndaara dɔŋɔ dɩ ʋʋ fil wɩa-nyuŋ dɩ-bolii. Ʋ fa kori Wɩa Wʋzɔmɔ-la nɛ, Wʋzɔmɔ-la sɩ jaŋ hɛ nɩmɛ a kaa mʋ wuu. Ʋ kaa mʋ bʋla pɩ tintee kala nɩaa, doho kala nɩaa, yikoro kala nɩaa arɩ nɩaa kala.

Jɔɔŋ Wʋnaalaa 14:6 ပူးပေါင်းရင်းမြစ်များ

WƖAA DƖ-SUOMUŊ 1:6

Ŋɩɩ nɛ Wɩa bʋl, “Leŋ dɩ lɩɩŋ kpaa balɩa aŋ ka wuoluŋ pɩŋ.”

2 SAMƲƐL 23:5

Ŋɩɩ Wɩa sɩ jaŋ pɛ mɩ doho nɩaa lɛ nɛ ŋɩɩ, bɛɛ wɩaa, ʋ nɛ hɛ nii-la sɩ bɩ dɛrɛ a pɩmɛ, nii-la sɩ bɩ jaŋ kɔ dɩ ʋ birige. Nii-la suo nɛ, ʋ bɩ jaŋ kɔ dɩ ʋ kɛnʋ bɩrɩmɛ. Wɩɩ-la kala mɩ sɩɩ chɛ nɛ ŋɩɩ, mɩ jɩma bʋa na-kala ʋ jaŋ ŋaa ŋɩɩ a pɩmɛ.

WƖA YƖƖLAA 119:142

Ŋ tʋɔpʋla bɩ dɩdɛrɩ kɛnɛ, wombii-la ŋ sɩ bile dɩ la tuto ma ŋaa wʋtɩtɩɩ nɛ.

WƖA YƖƖLAA 139:24

Beŋ mɩ tʋɔŋ a na dɩ mɩɩ to wombii-bɔŋ, dɩ ŋ kɛmmɛ to ŋ wombii-la sɩ zɔmɔ a hɛ nɩmɛ deeŋ deeŋ.

WƖA YƖƖLAA 145:13

Ŋ kuoruŋ bɩ dɩdɛrɩ kɛnɛ, ŋ nɛ kuoro a kaa mʋ wuu. La Tɩɩna kɛŋ niiri-la kala ʋ sɩ hɛ a tɩtɩŋ nɛ, a cho kɩalɩŋ kala ʋ sɩ ŋaa.

AZAAYA 40:8

Yaŋ yie hɩl nɛ, ba fɩɩlaa ma yuori, ama Wɩa niiŋ wɩaa-na jaŋ hɛ nɩmɛ a kaa mʋ wuu.”

AZAAYA 45:17

Ama La TƖƖNA jaŋ laa Iziral tɩŋŋaa ta, a laa ba ta a kaa mʋ wuu. Ba bɩ jaŋ dii hɩɩsɩŋ, a kaa mʋ deeŋ deeŋ, hɩɩsɩŋ bɩ jaŋ diiba.

AZAAYA 51:6

Má wʋla beŋ wɩa-nyuŋ na, aŋ beŋ tinteeŋ ma na. Wɩa-nyuŋ jaŋ nyɩɩgɛ a nagɛ nyʋɔsʋŋ sɩ lɛlɛ. Tinteeŋ ma sɩma kala jaŋ lɩɩ a nagɛ gɛrɩŋ sɩ lɩa. Nɩalɩŋ kala sɩ hɛ tinteeŋ lɛ jaŋ sʋʋ a nagɛ nanchʋɔsʋŋ. Ama mɩ ha jaŋ laa mɩ nɩaa tɩta a kaa mʋ wuu. Mɩ tʋɔpʋla ma bɩ jaŋ dɛrɛ.

AZAAYA 51:8

Ba kala jaŋ kɔsɛ a nagɛ gɛrɩŋ tiiŋ sɩ die. Nanchʋɔlaa jaŋ dii ba kala a nagɛ ba sɩ dii pie-pʋnaa. Ama mɩ tʋɔpʋla arɩ mɩ nɩaa laatanɩŋ jaŋ hɛ nɩmɛ a kaa mʋ wuu.”

AZAAYA 6:2

Kɩa kʋbalaba sɩ chaana a nagɛ chɛnwʋlaa, chugili ʋ nyuŋ. Ba kʋŋkala kɛŋ kɩŋkɛnsɩŋ balɩdʋ nɛ. Ba kɛŋ kɩŋkɛnsɩ-la balɩa balɩa a tɔ ba sɩaa, a kɛŋ balɩa balɩa ma a tɔ ba naasɩŋ, aŋ kɛŋ balɩa balɩa ma fifil.

ƐZƖKƖƐL 1:14

Kɩalɩŋ yie faasa fá mʋ sɩpaaŋ aŋ kʋkɔ harɩŋ a nagɛ taŋ sɩɩ lɩgɩsʋ.

DANƖƐL 4:1

Kuoro Nebukadineza tɩŋ tɩndaarɩŋ a pɩ nɩaa kala, tinteyee nɩaa arɩ yikori doho na-kala nɩaa sɩ hɛ dʋnɩa lɛ a bʋl, “Wɩa jaŋ leŋ dɩ ma na ma wʋchɛɛlɛɛ kala.

DANƖƐL 9:21

mɩ fa haa chʋɔlɛ Wɩa ŋɩɩ nɛ aŋ na Gebiral, baal-la mɩ fa sɩ laa sɩpaaŋ duoso na dɩ ʋ file kɔ mɩ teeŋ dɩdaanɩŋ Wɩɩsʋlʋŋ bʋa lɛ.

Matiu 10:27

Wɩɩkala mɩ sɩ bʋla pɩma birimiŋ tʋɔŋ, ʋ maga dɩ ma bʋlʋ pʋlʋmʋŋ tʋɔŋ. Wɩɩkala mɩ sɩ munso bʋla pɩma birimiŋ tʋɔŋ, má heele bʋlʋ lusuŋ nyuŋ.”

Maak 16:15

Ʋ bʋla pɩba, “Má mʋ dʋnɩa sɛmɛ-na kala a bʋl Wɩa wʋzɔmɔ-la a pɩ nʋʋ na-kala.

Rom Tɩŋŋaa 16:25

Má leŋ dɩ la dɛnnɛ Wɩa. Ʋ nɛ leŋe ma chɩŋ ma wʋtɩtɩɩ lɛ a tɩŋ Wɩa wʋzɔmɔ-la mɩ sɩ bʋla pɩma a tɩgɛ Yesu Kirisito lɛ. Wɩa fa joŋ wɩalɩŋ faa nɛ faafaa kala,

Koloosi Nɩaa 1:23

Kirisito jaŋ ŋaa wɩalɩŋ pɩma, dɩ ma nɛ chɩŋ wɩalɩŋ ma sɩ laa dii lɛ kpaŋ kpaŋ, aa yɩɛlɛ wɩalɩŋ ba sɩ bʋla Wɩa wʋzɔmɔ-la tʋɔŋ. Ma nɩɩ Wɩa wʋzɔŋŋɔɔ deemba ba sɩ bʋla pɩ nɩaa dʋnɩa lee-kala nɛ. Mɩ-na Pɔɔl ma kʋ ŋaa Wɩa tɩntɩnnaa dɔŋɔ aa bʋl Wɩa wʋzɔŋŋɔɔ deemba.

2 Tɛsalonaaka Nɩaa 2:16

La Tɩɩna Yesu Kirisito arɩ la Nyɩmma Wɩa sɩ chola lahɔrɩmɔ lɛ, ʋ ŋaa la tʋɔŋ pɩŋ dɩ-bala nɛ a kaa mʋ wuu, dɩ la wuo yɩyɩɛlɛ wʋzɔŋŋɔɔ.

Hiburu TƖŊŊAA 13:20

A leŋ dɩ Wɩa sɩɩ pɩ nɩaa fɩɛlɩŋ pɛ ma lɛ. Ʋ nɛ chɩsɛ La Tɩɩna Yesu Kirisito sʋʋŋ lɛ. Yesu Kirisito nagɛ pie-daarɩ-duo nɛ aa beŋ ʋ nɩaa nyuŋ woruŋ. Ʋ chalɩŋ nɛ Wɩa kaa bil nii-la sɩ jaŋ hɛ nɩmɛ a kaa mʋ wuu ʋ dɩ ʋ nɩaa pɛgɛ.

1 Pɩɩta 1:25

Ama Wɩa niiŋ wɩaa-na jaŋ hɛ nɩmɛ a kaa mʋ wuu.” Wɩa niiŋ wɩalɩŋ nɛ ŋaa wʋzɔmɔ-la ba sɩ bʋla pɩma.

Jɔɔŋ Wʋnaalaa 10:11

Ŋɩɩ nɛ ba bʋla pɩmɛ, “Ŋ jaŋ bɩra bʋl wɩaa, Wɩa Dɩŋ-zɔmʋŋ doluŋ lɛ a tɩgɛ nɩ-daŋ, tintee daŋ yikori daŋ arɩ kuori daŋ lɛ.”

Jɔɔŋ Wʋnaalaa 10:7

Ama tapʋlɩɩ-la Wɩa tɩndaarɩ-pɛɩ-la sɩ jaŋ kʋ ŋmʋʋ ʋ nyile, Wɩa wʋfaalɩa-la ʋ fa sɩ dagɛ ʋ wʋlaabʋllaa sɩ ŋaa ʋ tɩntɩnnaa, ba kala jaŋ ŋaa.

Jɔɔŋ Wʋnaalaa 13:7

Ba pʋ wombiiŋ nɛ dɩ ʋ kɛŋ Wɩa nɩaa a yuo laalɩŋ, a yuo diiba. Ba fa pʋ doluŋ nɛ ʋ wuo doho kala, nɩaa kala, tinteyee kala arɩ nɩaa sɩɩ bʋl yikoro kala.

Jɔɔŋ Wʋnaalaa 3:10

A tɩŋ ma sɩ to mɩ niiŋ wɩaa a nyalɩmɛ, mɩ ma jaŋ pɔma a lɩɩsɛma hɛɛ-la sɩ jaŋ jʋʋ dʋnɩa nɩaa kala, a magɩsɛba.

Jɔɔŋ Wʋnaalaa 5:9

Ŋɩɩ nɛ nɩhɩasɩ-la arɩ kɩalɩŋ sɩ weye ta yɩɩl-falɩŋ aa yɩɩ, “Ŋ nɛ wuo laa teŋ-la ba sɩ mɛrɛ, a lɛrɛ kel-la ba sɩ kaa mɛrɛ, bɛɛ wɩaa ba kpʋŋ nɛ. Ba sɩ kpʋŋ ŋɩɩ, ŋ joŋ ŋ chalɩŋ a yɔɔ nuhuobiine mɩɩsɩŋ a pɩ Wɩa. Nɩalɩŋ ŋ sɩ yɔbɔ lɩɩ nɩdoho kala tʋɔŋ nɛ aa bʋl yikori doho kala a hɛ taŋ kala arɩ tintee kala lɛ.

Jɔɔŋ Wʋnaalaa 8:13

Ŋɩɩ nɛ mɩ beŋ a na kachuuŋ dɩ ʋʋ fil wɩa-nyuŋ dɩ-bolii, mɩ nɩɩ dɩ ʋ faasa yiyel, aa bʋl, “Wɩɩŋ puuma, wɩɩŋ puuma, wɩɩŋ puu ma nɩalɩŋ sɩ hɛ tinteeŋ lɛ, a tɩŋ Wɩa tɩndaarɩ-kaana-la batori sɩ jaŋ ŋmʋʋ nyilli-la wɩaa.”