Jɔɔŋ Wʋnaalaa 14:4 - WƖA TENIŊ

⁴ Nɩaa deemba nɛ ŋaa nɩalɩŋ sɩ bɩ wʋlɩɩlɩŋ ŋaa, a lɩɩsɛ ba tɩta disiŋ kala lɛ. Ba nɩɩ to Pie-bie-la harɩŋ lee-na kala ʋ sɩɩ mʋ. Ba nɛ Wɩa laa sɩpaaŋ lɩɩsɛ nuhuobiinee tʋɔŋ, dɩ ba ŋaa Wɩa arɩ Pie-bie-la tʋɔpʋl tɩŋŋaa.

Jɔɔŋ Wʋnaalaa 14:4 ပူးပေါင်းရင်းမြစ်များ

WƖA YƖƖLAA 45:14

Gɛnnɩŋ ba sɩ kpɩɛra nɛ ʋ laalɛ, ka ʋ hatol dɔsʋŋ to ʋ harɩŋ, ba kɛnʋ kʋ pɩ kuoro.

WƖA YƖƖLAA 74:2

Liisi nɩalɩŋ ŋ sɩ laa ta faafaa kala wɩaa, ba nɛ doho-la nɩaa ŋ sɩ lɩɩsa ba ŋaa ŋ nɩaa, ŋ laaba ta. Bɩɩnɛ Zaayɔŋ peeliŋ wɩaa, lee-la ŋ fa sɩ hɛ.

SOLOMOŊ YƖƖL-SƖMƖŊ 1:3

Ŋ tʋlaalɩ sʋɔra sɩma nɛ woruŋ. Ŋ yɩrɩŋ sɩma a nagɛ ba sɩ bɩsɛ tʋlaalɩ ta ʋ sʋsʋɔrɛ nɛ, daŋkʋnɛ, hatoloo kala choŋ ŋɩɩ.

SOLOMOŊ YƖƖL-SƖMƖŊ 6:8

Kuoro habidiiree mahɩŋ batori jaŋ wuo hɛ nɩmɛ, dɩ haala-la ʋ sɩ bile aŋ bɩ jaa mahɩŋ banɛsɛ ma hɛ nɩmɛ, dɩ hatoloo ma ha sɩ bɩ baalaa jɩŋ a bɩ nii kɛnɛ hɛ nɩmɛ,

JƐRƖMAAYA 2:3

Iziral tɩmma, ma fa bɩ disiniŋ kɛnɛ mɩ-na ma TƖƖNA teeŋ. Ma nɛ mɩ laa sɩpaaŋ lɩɩsɛ, a nagɛ paara sɩ ŋaa ʋ kʋdii falaa. Mɩ fa joŋ cheeriŋ pɩ nɩalɩŋ kala sɩɩ dɔgɩsɛma nɛ a leŋ wʋlɔrʋŋ faasa jʋʋba. Mɩ-na ma TƖƖNA nɛ bʋla.”

AMƆS 6:1

Wɩɩŋ puu ma nɩalɩŋ sɩ hɛ Zaayɔŋ lɛ a hɔnɔ ta jɩa arɩ ma nɩalɩŋ sɩ hɛ Samarɩa peel-la lɛ, wɩɩkala bɩ maa walɩmɛ. Ma Iziral tintee balɩŋ deeŋ sɩpaalaarɩ-duoruŋ nɩaa sɩ yie kɔ ma teeŋ a chɩchɛ dɩ ma pɛ ba lɛ, ma jaŋ na hɛɛŋ.

Matiu 19:12

Wɩɩ-la sɩ tɩɩ baalaa bɩ haalaa ka jaa, ba yʋga nɛ. Ba lʋl dɔnsʋŋ ba paala bɩ haalaa wuo pɩŋ. Dɔnsʋŋ ma, nuhuobiinee nɛ ŋaaba ŋɩɩ, dɔnsʋŋ ma bɩ haalaa jaa a tɩŋ Wɩa kuorii-la wɩaa. Nɩɩ-la sɩ jaŋ wuo laa wɩɩŋ deeŋ dii, ʋ sɛɩ.”

Matiu 25:1

Ŋɩɩ nɛ Yesu bɩra magɛ namaga. Ʋ sɩ, “Wɩa kuorii-la jaŋ nagɛ ŋ-la: Hatoloo fii nɛ fa hɛ nɩmɛ. Ba sii a paa ba chaanaa a mʋ dɩ ba cheŋ ha-falɩŋ bala, hajaarɩ gbiele lɛ.

Matiu 8:19

Ŋɩɩ nɛ Wɩa teniŋ kerichi kʋbala kɔ ʋ teeŋ a bʋla pʋ, “Mɩ kʋhɩaŋ, mɩ ŋaa siri dɩ mɩ to ŋ harɩŋ a mʋ lee-na kala ŋ sɩɩ mʋ nɛ.”

Jɔɔŋ 10:27

Mɩ piesee nɩɩ mɩ yikoro nɛ, mɩ ma jɩmba, ba tuto mɩ harɩŋ.

Jɔɔŋ 12:26

Nɩɩ-la kala sɩ cho dɩ ʋ tɩma pɩpɩmɛ, maga ʋ to mɩ harɩŋ. Lee-la kala mɩ sɩ hɛ, ʋ tɩɩna ma jaŋ hɛ nɩmɛ. Dɩ nʋʋkala nɛ tɩma pɩpɩmɛ, mɩ Nyɩmma jaŋ zil ʋ tɩɩna.

Jɔɔŋ 13:37

Pɩɩta bɩra pɩɛsʋ, “Mɩ Tɩɩna, bɛɛ nɛ tɩɩ mɩ bɩ jaŋ wuo to ŋ harɩŋ lɛɛlɛ? Mɩ paala kɛŋ mɩ tɩtɩa hɛ dɔŋɔ nɛ dɩ mɩ joŋ mɩ mɩɩsɩŋ yɔɔ sʋʋŋ nɛ ŋ wɩaa.”

Jɔɔŋ 8:12

Ŋɩɩ nɛ Yesu bɩra suomi a dɩdagɛ nɩaa, a bʋla pɩba, “Mɩ nɛ ŋaa dʋnɩa nɩaa pʋlʋmʋŋ, nɩɩ-la kala sɩ tomi, ʋ bɩ jaŋ vɛŋ birimiŋ tʋɔŋ. Ama ʋ jaŋ kɛŋ pʋlʋŋ sɩɩ pɩ nɩaa mɩɩsɩŋ.”

Tɩntɩŋŋaa 20:28

Má beŋ ma tɩtɩa nyuŋ woruŋ, aŋ pɛ beŋ nɩalɩŋ maa ʋ Dɩŋ-zɔmʋŋ sɩ joŋo hɛ ma nɩsɩŋ lɛ. Má beŋ nɩalɩŋ sɩ laa Yesu wɩaa dii a hihilimi nyuŋ, a nagɛ pie-daara sɩ yie beŋ ʋ piesee nyuŋ ŋɩɩ. Wɩa nɛ joŋ ʋ tɩtɩa bie chalɩŋ yɔɔba.

1 Kɔrɩntɩ Nɩaa 16:15

Mɩ naambiiri, ma jɩŋ baal kʋbala ba sɩɩ yɩrɛ Sɩtɛfanas nɛ. Ʋ dɩ ʋ dɩa nɩaa nɛ laa sɩpaaŋ laa Wɩa wɩaa dii Akaaya tinteeŋ lɛ. Ba pɛ Wɩa nɩaa lɛ nɛ woruŋ, a joŋ ba tɩtɩa kala a hɛ ŋɩɩ lɛ. Mɩɩ sʋlma, mɩ naambiiri,

1 Kɔrɩntɩ Nɩaa 6:20

Wɩa joŋ ʋ chalɩŋ nɛ yɔɔma. Ŋɩɩ wɩaa, má kɛŋ ma yaraa tɩŋ tɩntɩmɩɩ-la sɩɩ tɔrɛ Wɩa tʋɔŋ.

1 Kɔrɩntɩ Nɩaa 7:28

Ama dɩ ŋ nɛ jaa haala, ŋ bɩ wʋbɔŋ ŋaa. Dɩ hatolo ma ha sɩ bɩ bala jaa, dɩ ʋ nɛ jaa bala, ʋ bɩ wʋbɔŋ ŋaa. Ama nɩalɩŋ sɩ jaa haala koo bala, ba yie jʋʋ wʋwalɩmaa tʋɔŋ nɛ. Mɩ bɩ chɛ dɩ ma jʋʋ wʋwalɩmaa deemba. Ŋɩɩ nɛ tɩɩ mɩ sɩ má sɩ́ bala koo haala kɛŋ.

2 Kɔrɩntɩ Nɩaa 11:2

Wɩa tʋɔŋ sɩɩ wɩɩ ma lɛ ŋɩɩ, ŋɩɩ tɩtɩa nɛ mɩ ma tʋɔŋ wʋwɩɩ ma lɛ. Ma nagɛ hatolo mɩ sɩɩ chɛ dɩ mɩ joŋo pɩ bala nɛ, ma bala nɛ ŋaa Kirisito. Mɩ saa chɛ dɩ ma nagɛ hatolo-la sɩ bɩ baal jɩŋ, a bɩ disiniŋ kɛnɛ nɛ dɩ mɩ jomma a pʋʋ.

Ɛfɛsɩs Nɩaa 1:14

Wɩa Dɩŋ-zɔmʋŋ ʋ sɩ joŋo hɛ la lɛ nɛ sɛnɛ daga arɩ wʋtɩtɩɩ, maachie la jaŋ dii kɩalɩŋ Wɩa sɩ ŋaa bil ʋ nɩaa lɛ, aŋ laa ʋ nɩaa ta. Ŋɩɩ lɛ nɛ ʋ yɩrɩŋ jaŋ yɩrɛ.

Ɛfɛsɩs Nɩaa 5:27

Ʋ ŋaa ŋɩɩ dɩ nɩalɩŋ sɩ laa ʋ wɩaa dii aa hilimi, dɩ ba wuo zɔŋ kɩŋkɛŋ, a sɩ́ disiŋ koo wʋcheeli kala kɛŋ, dɩ wʋbɔŋ kala sɩ́ ba lɛ lagɩsʋ, a sɩ́ nyɔɔ kala kɛŋ.

1 Timoti 4:3

Nɩdosunu-la yie dagɛ arɩ ʋ bɩ maga dɩ nɩaa jɩjaa haalaa, a bɩra kɩkɩsɛ kʋdiilee dɔnsʋŋ ma arɩ nammɩɩ-dosunuŋ. Ama Wɩa nɛ ta nammɩa arɩ kʋdiilee deemba dɩ nɩaa didii. Nɩalɩŋ sɩ laa Yesu wɩaa dii a jɩŋ wʋtɩtɩɩ-la maga dɩ ba laa sɩpaaŋ lɔllʋ aŋ-na dii.

Hiburu TƖŊŊAA 12:23

lee-la nɛ nɩalɩŋ Wɩa sɩ laa sɩpaaŋ laa ta hɛ, nɩalɩŋ yɩraa ʋ sɩ ŋmʋnsa bil ʋ jaŋ lɛ. Ma kɔ Wɩa teeŋ nɛ, nɩɩ-la sɩ jaŋ dii nʋʋkala sarɩya. Ma kɔ Wɩa nɩalɩŋ sɩ sʋba teeŋ nɛ, nɩalɩŋ ʋ sɩ leŋe ba ŋaa tʋɔpʋl tɩŋŋaa ʋ sɩpaaŋ.

Jeems 1:18

Ʋ tʋɔtɔrʋŋ lɛ nɛ ʋ laa sɩpaaŋ bʋl ʋ niiŋ wɩaa sɩ ŋaa wʋtɩtɩɩ a pɩla dɩ la wuo tutoba, a ŋaa ʋ bii-bumbumba kɩalɩŋ kala ʋ sɩ ŋaa tʋɔŋ.

1 Pɩɩta 2:9

Ama Wɩa lɩɩsɛma nɛ dɩ ma ŋaa ʋ nɩaa, a laa nɩaa nyuŋ a tɩma pɩpɩ ma Kuoro. Ma ŋaa nɩa sɩ bɩ disiniŋ kɛnɛ nɛ. Wɩa tɩtɩa nɛ tɩɩma. Ʋ yɩrɛma dɩ ma wuo bʋl wʋkpuŋkperisi-la kala ʋ sɩ ŋaa a pɩ nɩaa arɩ ŋɩɩ ʋ sɩ lɩɩsɛma birimiŋ tʋɔŋ a kaa kʋ jʋʋ ʋ pʋlʋŋ-jalɩɩ-la tʋɔŋ.

Jɔɔŋ Wʋnaalaa 17:14

Ba dɩ Pie-bie-la jaŋ yuo dɔŋɔ, ama Pie-bie-la jaŋ yuo diiba, bɛɛ wɩaa ʋ nɛ ŋaa nɩalɩŋ kala sɩɩ beŋ nɩaa Kʋhɩaŋ, a kɛŋ kuoroo kala ma doluŋ. Ʋ dɩ ʋ harɩ-tooroo nɛ jaŋ yuo diiba. Nɩaa deemba nɛ ŋaa nɩalɩŋ Wɩa sɩ yɩra aŋ lɩɩsɛ, ba ŋaa nɩaa sɩ kɛŋ wʋtɩtɩɩ.”

Jɔɔŋ Wʋnaalaa 21:22

Ŋɩɩ nɛ mɩ beŋ tabal-la tʋɔŋ a bɩ Wɩa dɩɩ-bal kala na nɩmɛ, bɛɛ wɩaa La Tɩɩna Wɩa doluŋ kala Tɩɩna arɩ Pie-bie-la nɛ ŋaa Wɩa dɩɩ-balɩŋ lee-la.

Jɔɔŋ Wʋnaalaa 21:23

Tabal-la bɩra bɩ wɩɩpɔsʋŋ arɩ chɛnɛ ka chɛ, bɛɛ wɩaa Wɩa tʋla nɛ ŋaa ba pʋlʋmʋŋ. Pie-bie-la ma nɛ ŋaa ba chaanɩŋ.

Jɔɔŋ Wʋnaalaa 3:4

Arɩ ŋɩɩ kala nɩaa baŋmɛnɛ nɛ ha hɛ Saadɩs lɛ a bɩ disiniŋ kɛnɛ. Ba nɛ jaŋ laalɛ gɛrɩ-pʋllʋŋ a to mɩ harɩŋ, bɛɛ wɩaa ba magɛ ŋɩɩ nɛ.

Jɔɔŋ Wʋnaalaa 5:9

Ŋɩɩ nɛ nɩhɩasɩ-la arɩ kɩalɩŋ sɩ weye ta yɩɩl-falɩŋ aa yɩɩ, “Ŋ nɛ wuo laa teŋ-la ba sɩ mɛrɛ, a lɛrɛ kel-la ba sɩ kaa mɛrɛ, bɛɛ wɩaa ba kpʋŋ nɛ. Ba sɩ kpʋŋ ŋɩɩ, ŋ joŋ ŋ chalɩŋ a yɔɔ nuhuobiine mɩɩsɩŋ a pɩ Wɩa. Nɩalɩŋ ŋ sɩ yɔbɔ lɩɩ nɩdoho kala tʋɔŋ nɛ aa bʋl yikori doho kala a hɛ taŋ kala arɩ tintee kala lɛ.