Jɔɔŋ Wʋnaalaa 14:2 - WƖA TENIŊ

² Ŋɩɩ nɛ mɩ nɩɩ dɔmɔ kʋbala Wɩa-jaŋ a nagɛ lɩɩŋ sɩɩ pɛllʋ gbul gbul, a bɩra nagɛ duonuŋ sɩɩ kpɩa. Dɔmɔ-la fa bɩra nagɛ cheŋ-duuroo sɩɩ du chenniŋ nɛ.

Jɔɔŋ Wʋnaalaa 14:2 ပူးပေါင်းရင်းမြစ်များ

2 SAMƲƐL 6:5

Ka Devit arɩ Iziral tɩmma-la kala sɩ hɛ nɩmɛ, faasa jʋjʋɔsɛ arɩ ba doluŋ kala La TƖƖNA sɩpaaŋ, a yɩɩ yɩɩlaa a du chenniŋ, kɔnɛba, gugonnuŋ, a chɩchɩgɩsɛ chɩnchɩgɩsɩŋ arɩ buguloo.

2 IZIRAL TƖŊŊAA NAABARƖŊ 20:28

Ba sɩ mʋ yi Jerusalɛm, ba du chenniŋ arɩ kɔnɛba a ŋmʋʋ banyilliŋ a mʋ La TƖƖNA dɩɩ-bal-la.

WƖA YƖƖLAA 147:7

Má yɩɩ yɩɩlaa a lʋlɔllɛ La Tɩɩna, má du cheŋ a yɩɩ yɩɩlaa a pɩ la Wɩa.

WƖA YƖƖLAA 149:3

Má du chenniŋ, a chɩgɩsɛ chɩnchɩgɩsɩŋ a yɩɩ yɩɩlaa a gʋa, a dɛnnɛ La Tɩɩna.

WƖA YƖƖLAA 33:2

Má du cheŋ a dɛnnɛ La Tɩɩna. Má du kɔnɛ a yɩɩ yɩɩlaa hɛ a dɛnnʋ.

WƖA YƖƖLAA 43:4

Ŋɩɩ lɛ nɛ mɩ jaŋ mʋ ŋ-na Wɩa koru-la leriŋ a dɛnnɩŋ. Ŋ nɛ leŋe mɩ tʋɔŋ tɔrɛ mɩ jʋjʋɔsɛ. Ŋ nɛ mɩ Wɩa mɩ jaŋ du cheŋ a dɛnnɩŋ.

WƖA YƖƖLAA 57:8

Mɩ jaŋ sii doŋ lɛ. Mɩ jaŋ sii sɩɩpʋʋraa a joŋ cheŋ arɩ kɔnɛ a du.

WƖA YƖƖLAA 92:3

a du kɔnɛ a yɩɩ yɩɩlaa arɩ cheŋ a dɛnnɩŋ.

WƖA YƖƖLAA 93:4

Lɩɩ-pel-duoru-la faasa dʋdɔŋ nɛ woruŋ, ba dɔmɔ kɩkɩɩ lɩɩ-balaa sɩɩ dɔŋ, ama La Tɩɩna, ŋ nɛ kɛŋ doluŋ kɩɩba a bibeŋ kʋŋkala.

WƖA YƖƖLAA 98:5

Má du cheŋ a yɩɩ yɩɩlaa hɛ a pɩ La Tɩɩna, má du cheŋ a yɩɩ yɩɩlaa hɛ.

MOSIS KƐŊ IZIRAL TƖŊŊAA LƖƖ 19:16

Chɛ-tori-la chɛɛŋ chʋchʋɔŋ, taŋ lɩlɩgɩsɛ aŋ pɛ kpɩkpɩa. Duoŋ-bɩlɩmbaaŋ-bine kʋ tɔ peel-la, ka ba nɩɩ banyile sɩ faasa ŋmʋʋ. Nʋʋkala sɩ hɛ ba bugu-la-lɛ chel.

MOSIS KƐŊ IZIRAL TƖŊŊAA LƖƖ 20:18

Nɩalɩŋ sɩ na dɩ taŋ lɩgɩsa aŋ kpɩa a nɩɩ ba sɩ ŋmʋʋ nyile a na peel-la sɩ tɔ nyʋɔsʋŋ, fawʋllʋŋ kɛmba ba chichel. Ŋɩɩ nɛ ba sʋʋsa mʋ chɩŋ dɩ-bolii,

AZAAYA 17:13

Nɩalɩŋ dɔmɔ nagɛ lɩɩ-balaa sɩ gulimo a vɩvɛŋ nɛ, ama dɩ Wɩa nɛ kpɩa ba lɛ, ba yie pɩsɛ nɛ a fá mʋ dɩ-bolii, a nagɛ pel-vinvilimiŋ sɩ paa kʋŋkɔlʋŋ koo nɩsʋrʋŋ.

ƐZƖKƖƐL 43:2

Mɩ na Iziral tɩŋŋaa Wɩa tʋla dɩ ʋ lɩɩ wɩɩpɔsʋŋ dɩɩrɩŋ kʋkɔ. Ʋ dɔmɔ nagɛ lɩɩŋ sɩ faasa pɛllɛ a dʋdɔŋ nɛ. Ʋ tʋla-la leŋ tinteeŋ kala tʋtʋl.

ZƐKARƖYA 9:14

La TƖƖNA jaŋ kʋ chuguli ʋ nɩaa nyuŋ. Ʋ to-hɛŋŋɛɛ jaŋ lɩlɩgɩsɛ a nagɛ taŋ sɩɩ lɩgɩsʋ. La TƖƖNA Wɩɩjarɩbakɔ jaŋ ŋmʋʋ banyile, aŋ to wɩɩpɔsʋŋ nadiiŋ pel-duoruŋ tʋɔŋ.

1 Kɔrɩntɩ Nɩaa 13:1

Dɩ mɩ nɛ wuo bʋbʋl yikoro-na kala a wuo bʋbʋl Wɩa tɩndaaraa ma yikoro, aŋ bɩ nɩaa cho, ʋ nagɛ bimbelimiŋ nɛ mɩ ŋmuŋmoo ŋɩɩ a ŋɩŋaa goŋ pɛɩ.

Jɔɔŋ Wʋnaalaa 1:10

La Tɩɩna Wɩa tapʋlɩɩ kʋbala nɛ Wɩa Dɩŋ-zɔmʋŋ doluŋ kʋ hɛ mɩ lɛ woruŋ. Ŋɩɩ nɛ mɩ nɩɩ nʋʋ yikori-bal mɩ harɩŋ a nagɛ ba sɩɩ ŋmʋʋ banyilliŋ ŋɩɩ.

Jɔɔŋ Wʋnaalaa 1:15

Ʋ naasɩŋ ma nagɛ kɔlɩɩŋ ba sɩ joŋo hɛ nyiniŋ lɛ ʋ fɩɛsɛ. Ʋ yikoro ma nagɛ lɩɩ-balɩŋ sɩɩ pɛllʋ gbul gbul.

Jɔɔŋ Wʋnaalaa 11:12

Ŋɩɩ nɛ ba nɩɩ nʋʋ yikoro dɩ ʋ lɩɩ Wɩa-jaŋ a bʋla pɩba, “Má kʋ jɩl daha.” Ʋ sɩ bʋl ŋɩɩ dɛrɛ, ba to duoŋ-bɩlɩmbaanɩŋ lɛ a jɩl Wɩa-jaŋ. Ba dʋndɔŋŋɔɔ bibemba, ka ba jɩjɩl.

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”

Jɔɔŋ Wʋnaalaa 15:2

Ŋɩɩ nɛ mɩ na kʋŋ sɩ nagɛ mʋgʋ-balɩŋ a tʋtʋl pal pal aŋ pɛ chuchol nyiniŋ. Ka mɩ na nɩalɩŋ sɩ yuo dii baga kʋ-la arɩ ʋ nagɩsɩŋ ba sɩ mɛ bil, arɩ ʋ yɩrɩŋ magɩlɩŋ, dɩ ba chɩŋ mʋgʋ-bal-la sɛmɛ. Ba fa kori chenniŋ Wɩa sɩ joŋo pɩba nɛ,

Jɔɔŋ Wʋnaalaa 18:22

Nʋʋ bɩra bɩ jaŋ nɩɩ cheŋ-dunuŋ nɩmɛ, nɩaa bɩra bɩ jaŋ yɩyɩɩ yɩɩlaa nɩmɛ, ŋmʋl-ŋmɩɩraa arɩ nyil-ŋmɩɩraa ma bɩra bɩ jaŋ ŋmʋŋmʋʋ. Tɩntɩnnɩ-gɔgɔ kala bɩra bɩ jaŋ hɛ nɩmɛ. Nɩaa bɩra bɩ jaŋ nʋnɔŋ munuŋ ʋ lɛ.

Jɔɔŋ Wʋnaalaa 5:8

Ʋ sɩ laa teŋ-la, kɩalɩŋ banɛsɛ-la sɩ weye arɩ nɩhɩasɩŋ mara arɩ banɛsɛ-la, ba kala tuu kpirimi Pie-bie-la sɩpaaŋ a chʋɔlʋ. Nɩhɩasɩ-la kala kori chenniŋ arɩ sɛlɩmɛ gbansɩŋ. Gbansɩ-la su arɩ kʋsʋɔrʋsʋ-la ba sɩ nyɩga pɩ Wɩa. Wɩa nɩaa Wɩɩ-chʋɔlʋŋ nɛ ŋaa kʋsʋɔrʋsʋ-la.

Jɔɔŋ Wʋnaalaa 6:1

Ŋɩɩ nɛ mɩ na dɩ Pie-bie-la kɛŋ kelli-la ba fa sɩ kaa mɛrɛ teŋ-la dɔŋɔ lɛrɛ. Ŋɩɩ nɛ mɩ nɩɩ kɩalɩŋ sɩ weye banɛsɛ-la dɔŋɔ dɩ ʋ faasa yɩrɛ. Ʋ yikoro nagɛ duonuŋ sɩɩ kpɩa a bʋl, “Kɔ.”

Jɔɔŋ Wʋnaalaa 8:7

Wɩa tɩndaarɩ-bumbuŋ ŋmʋʋ ʋ nyile. Ŋɩɩ nɛ duoŋ-tabɩaa arɩ nyiniŋ guoli chalɩŋ lɛ kʋ tuu tel tinteeŋ. Ŋɩɩ nɛ tinteeŋ, dɩ ŋ nɛ kaa kpaa batori, sɛmpɛɛŋ dɔŋɔ tɩɩsɩŋ arɩ yasɩŋ kala dii nyiniŋ.