Jɔɔŋ Wʋnaalaa 14:14 - WƖA TENIŊ

¹⁴ Ŋɩɩ nɛ mɩ bɩra beŋ a na duoŋ-bɩlɩmbaaŋ-pʋla, dɩ nʋʋ nagɛ nuhuobiine bie a hɔŋ duoŋ-bɩlɩmbaaŋ-la nyuŋ a chu sɛlɩmɛ kuoru nyunchuulo aŋ kori sɩɩkɔrɔ sɩ kɛŋ niiŋ woruŋ.

Jɔɔŋ Wʋnaalaa 14:14 ပူးပေါင်းရင်းမြစ်များ

WƖA YƖƖLAA 21:3

Ŋ chaga laaʋ nɛ, a pɛ ʋ lɛ woruŋ a joŋ sɛlɩmɛ sɩ chaasa zɔŋ ba sɩ kaa ŋaa kuoru nyunchuulo a chuu.

WƖA YƖƖLAA 97:2

Duoŋ-bɩlɩmbaanɩŋ arɩ birimiŋ lim nɛ gollu. Tʋɔpʋla arɩ wʋtɩtɩɩ nɛ ŋaa ʋ kuoruŋ gentine.

AZAAYA 19:1

Wɩɩ-la Wɩa sɩ bʋla pɩmɛ a mʋ tɩgɛ Ijipiti lɛ nɛ ŋ-la: La TƖƖNA to duoŋ-bɩlɩmbaanɩŋ lɛ nɛ a faasa fá kʋkɔ Ijipiti lɛ. Ijipiti tɩŋŋaa tɔŋŋɔɔ kala ka chel nɛ ʋ sɩpaaŋ, ʋ nɩaa ma kala nandaasɩŋ yʋɔrɛ.

ƐZƖKƖƐL 1:26

Kʋ-la sɩ nagɛ wɩa-nyuŋ a chugili kɩalɩŋ sɩ weye nyuŋ ma nyuŋ, kʋŋ kʋbala chɩŋ a nagɛ kuoru kpasa ba sɩ kɛŋ tabɩɩ kʋbala sɩ nagɛ diibelimbine a tʋtʋl a ŋaa, ka kʋŋ hɔŋ kuoru kpasa-la nyuŋ a nagɛ nuhuobiine.

DANƖƐL 7:13

Mɩ duoso-la tʋɔŋ tɩtaŋ-la, mɩ bɩra beŋ a na kʋŋ sɩ nagɛ nuhuobiine dɩ ʋ to duoŋ-bɩlɩmbaanaa tʋɔŋ kʋʋ tuu. Ʋ sɩ kʋ kpagɛ nɩɩ-la sɩ hɛ nɩmɛ faafaa kala, ba kɛnʋ kaa mʋ ʋ teeŋ.

Matiu 13:30

Dɩ miiri-la nɛ bɩa, mɩ jaŋ leŋ dɩ nɩalɩŋ sɩ jaŋ mʋ kʋŋ miiri-la laa sɩpaaŋ churi yaŋ-la a vɔɔ nyɩgɛ, aŋ-na kʋŋ miiri-la kaa kʋ hɛ mɩ vire lɛ.’ ”

Matiu 17:5

Pɩɩta fa ha sɩɩ bʋl wɩaa ŋɩɩ, dɩ duoŋ-bɩlɩmbaanɩŋ kʋ tɔba, ka yikoro kʋbala lɩɩ duoŋ-bɩlɩmbaaŋ-la tʋɔŋ a bʋbʋl, “Mɩ Bii-chooluŋ nɛ ŋ-la. Mɩ tʋɔŋ tɔrɛ ʋ nyuŋ. Má jegile nɩɩ ʋ teeŋ.”

Maak 4:29

Ba sɩ bɩa, ʋ joŋ sɩa a mʋ kʋŋ, bɛɛ wɩaa baga kɩaa ŋaanɩŋ yie nɛ.”

Luuk 21:27

Ŋɩɩ lɛ nɛ ma jaŋ na mɩ-na Nuhuobiine Bie dɩ mɩ to duoŋ-bɩlɩmbaanɩŋ tʋɔŋ kʋʋ tuu. Mɩ jaŋ kɛŋ doluŋ a chaanɛ kɩŋkɛŋ.

Hiburu TƖŊŊAA 2:9

La na arɩ Wɩa fa leŋe Wɩa tɩndaaraa nɛ kɩɩ Yesu mʋa. Ama lɛɛlɛ Wɩa zilu nɛ a leŋ ʋ kɛŋ doluŋ arɩ yɩrɩŋ, bɛɛ wɩaa ʋ na hɛɛŋ nɛ a sʋʋ. Wɩa lahɔrɩmɔ lɛ nɛ ʋ fa ŋaa ŋɩɩ, dɩ ʋ wuo laa nuhuobiinee kala nyuŋ a sʋʋ.

Jɔɔŋ Wʋnaalaa 1:13

Ka nʋʋ chɩŋ ba tʋtʋɔbaanɩŋ a nagɛ Nuhuobiine Bie, a laalɛ gɛrɩ-duduoŋ, a kɛŋ sɛlɩmɛ gɛrɩpɛlɩɛɛ-bie a vɔɔ ʋ bɔyɛ.

Jɔɔŋ Wʋnaalaa 1:7

Má bee na, ʋ nɛ to duoŋ-bɩlɩmbaanaa tʋɔŋ a kʋkɔ. Nʋʋkala jaŋ naʋ. Nɩalɩŋ ma sɩ joŋ kɩaa tɔbʋ jaŋ naʋ. Dʋnɩa nɩaa kala jaŋ yel ʋ wɩaa. Ŋɩɩ sɛnɛ jaŋ ŋaa. Amɩɩ.

Jɔɔŋ Wʋnaalaa 10:1

Ŋɩɩ nɛ ka mɩ bɩra na Wɩa tɩndaarɩ-duo kʋbala dɩ ʋ lɩɩ Wɩa-jaŋ a kʋʋ tuu. Duoŋ-bɩlɩmbaanaa tɔʋ kala, ka duoŋ-sɩa chugili ʋ nyuŋ lɛ. Ʋ sɩaa tʋtʋl a nagɛ wɩɩpɔsʋŋ. Ʋ naasɩŋ ma nagɛ jebiee sɩɩ dii nyiniŋ.

Jɔɔŋ Wʋnaalaa 11:17

“Laa lɔllʋŋ La Tɩɩna Wɩa doluŋ kala Tɩɩna, Nɩɩ-la fa sɩ hɛ nɩmɛ faafaa arɩ Nɩɩ-la ha sɩ hɛ nɩmɛ. Lɛɛlɛ-na ŋ kɛŋ ŋ dol-bal-la, a suomo bibeŋ dʋnɩa nɛ.

Jɔɔŋ Wʋnaalaa 19:12

Ʋ sɩaa kala chuchol a nagɛ nyiŋgeliŋ, aŋ ka ʋ chu kuori-nyunchuuluŋ a yʋgɛ. Ba ŋmʋnsɛ yɩrɩŋ hɛ ʋ lɛ, ama nʋʋkala bɩ yɩrɩ-la jɩŋ, see ʋ tɩtɩa.

Jɔɔŋ Wʋnaalaa 20:11

Ŋɩɩ nɛ mɩ na kuori-kpasɩ-bal kʋbala sɩ ŋaa kʋpʋla dɩ ʋ chɩna, nʋʋ hɔŋ ʋ nyuŋ. Ŋɩɩ nɛ mɩ na dɩ tinteeŋ arɩ wɩa-nyuŋ kala lɛlɛ nɩɩ-la sɩɩŋ lɛ. Ba bɩra bɩ lee kɛnɛ.

Jɔɔŋ Wʋnaalaa 6:2

Ŋɩɩ nɛ mɩ bee na ja-pʋla dɩ nʋʋ hɔŋ ʋ nyuŋ a kori toŋ. Ba joŋ kuori-nyunchuul-la pʋ. Ʋ jɩl jɔɔ-la lɩɩ a yuo laalɩŋ dii lee-kala.