Jɔɔŋ Wʋnaalaa 14:13 - WƖA TENIŊ

¹³ Ka mɩ nɩɩ yikoro kʋbala dɩ ʋ lɩɩ Wɩa-jaŋ a bʋl, “Ŋmʋnsɛ wɩɩŋ deeŋ: Nɩalɩŋ sɩ laa La Tɩɩna Yesu wɩaa dii aŋ sʋʋ, Wɩa jaŋ pɛ ba lɛ a chɩŋ lɛɛlɛ kaa mʋ.” Ŋɩɩ nɛ Wɩa Dɩŋ-zɔmʋŋ ma bʋl, “Wɩa sɛnɛ jaŋ pɛ nɩaa deemba lɛ dɩ ba wuo na wiese woruŋ. Ba bɩra bɩ jaŋ tɩŋ, bɛɛ wɩaa tɩntɩmɩɩ-la ba sɩ tɩma ka to ba harɩŋ nɛ.”

Jɔɔŋ Wʋnaalaa 14:13 ပူးပေါင်းရင်းမြစ်များ

WƖA YƖƖLAA 19:11

Ba lɛ nɛ ŋ to a kpʋrɩsɛ mɩ-na ŋ tɩntɩnna dɩgɩlaa. Mɩ sɩ sɛɩba, ŋ timmi a yʋgɛ nɛ woruŋ.

WƖA YƖƖLAA 85:13

Tʋɔpʋl wʋŋaalaa nɛ jaŋ laa La Tɩɩna sɩpaaŋ, a wasɛ wombiiŋ pʋ.

AZAAYA 35:10

Nɩalɩŋ La TƖƖNA sɩ laa ta jaŋ mɩɩra kɔ, ba jaŋ yɩyɩɩ yɩɩlaa arɩ tʋɔtɔrʋŋ a jʋʋ Jerusalɛm. Tʋɔtɔrʋŋ dʋndʋŋa nɛ jaŋ ŋaa ba kʋa, tʋɔ-cheeŋ jaŋ fá lɛl ba teeŋ.

DANƖƐL 12:13

Ŋ-na Danɩɛl, mʋ ŋ dɩ-mʋʋlʋŋ ka dɩ dʋnɩa dɩdɛrɩŋ yi. Dʋnɩa dɩdɛrɩ-la nɛ yie, ŋ jaŋ na wiese, aŋ sii laa ŋ time.”

Matiu 3:17

Ka ʋ nɩɩ nʋʋ yikoro wɩa-nyuŋ sɩ bʋla, “Mɩ Bii-chooluŋ nɛ ŋ-la, mɩ tʋɔŋ tɔrɛ ʋ nyuŋ.”

Luuk 16:25

Ŋɩɩ nɛ Abɩraham bʋla pʋ, ‘Mɩ bii, liise mʋ yi ŋ fa sɩ hɛ ŋ mɩɩsɩŋ lɛ, ŋ faa nɩɩ sɩma nɛ woruŋ, aŋ ka Lazarɔs fa nɩna hɛɛŋ. Ama lɛɛlɛ Lazarɔs maa nɩɩ sɩma daha, aŋ ka ŋ ma hɛ hɛɛŋ tʋɔŋ.

Luuk 16:9

Ŋɩɩ nɛ Yesu bɩra bʋla pɩ ʋ harɩ-tooro-la, “Mɩ bʋlaa pɩma, má joŋ moribiee a kaa dii nandɔnsʋŋ. Dɩ moribie-la nɛ dɛrɛ, Wɩa jaŋ kɛmma kaa mʋ ʋ jaŋ a joŋ mɩɩsɩ-la sɩ bɩ dɛrɛ a pɩma.

Rom Tɩŋŋaa 14:8

La sɩ hɛ mɩɩsɩŋ deeŋ lɛ, la mɩɩsɩŋ hɛ La Tɩɩna Yesu nɩsɩŋ lɛ nɛ. Dɩ la nɛ sʋba ma, la ha hɛ La Tɩɩna Yesu nɩsɩŋ lɛ nɛ. Dɩ la nɛ weye koo dɩ la nɛ sʋba, la hɛ La Tɩɩna Yesu nɩsɩŋ lɛ nɛ,

1 Kɔrɩntɩ Nɩaa 15:18

Ʋ ŋɩɩ saa jaŋ dagɛ arɩ nɩalɩŋ sɩ laa Yesu wɩaa dii aŋ sʋʋ ma lɛlɛ nɛ.

1 Kɔrɩntɩ Nɩaa 15:20

Ama wʋtɩtɩɩ nɛ, Wɩa chɩsɛ Kirisito sʋʋŋ lɛ nɛ. Ʋ ŋɩɩ daga arɩ nɩalɩŋ Wɩa sɩ jaŋ chɩsɛ sʋʋŋ lɛ, Kirisito nɛ nɩɩ-la Wɩa laa sɩpaaŋ chɩsɛ sʋʋŋ lɛ.

1 Kɔrɩntɩ Nɩaa 15:58

Ŋɩɩ wɩaa mɩ naambiiriŋ, má chɩŋ wɩalɩŋ ma sɩ laa dii lɛ kpaŋ kpaŋ. Má sɩ́ leŋe dɩ kʋŋkala kɛmma begili. Má fɩɛsɛ sɩɩŋ a tɩŋ La Tɩɩna tɩntɩŋŋaa woruŋ. Ma jɩma arɩ Wɩa tɩntɩmɩɩ-la ma sɩɩ tɩŋ bɩ jaŋ kɔ dɩ ʋ ŋaa pɛɩ.

2 Kɔrɩntɩ Nɩaa 5:8

La nyuŋ nyaasa nɛ, la saa cho dɩ la lɩɩ dʋnɩa deeŋ lɛ a mʋ La Tɩɩna Yesu teeŋ.

Fɩlɩpa Nɩaa 2:17

Ama dɩ ba paala kpʋmɛ dɩ mɩ chalɩŋ jaasɛ a nagɛ kʋnyʋalaa Wɩɩsʋlʋŋ a tɩŋ ma sɩ laa Wɩa dii a ŋaa wʋzɔŋŋɔɔ ʋ sɩpaaŋ, mɩ tʋɔŋ jaŋ tɔrɛ dɩ mɩ dɩ ma kala jʋjʋɔsɛ.

1 Tɛsalonaaka Nɩaa 4:14

La sɩ laa dii arɩ Yesu sʋba nɛ aŋ sii sʋʋŋ lɛ, ŋɩɩ tɩtɩa nɛ la ma laa dii arɩ Wɩa jaŋ chɩsɛ nɩalɩŋ sɩ laa Yesu wɩaa dii aŋ sʋʋ.

1 Tɛsalonaaka Nɩaa 4:16

Bʋa kʋbala La Tɩɩna Yesu jaŋ lɩɩ Wɩa-jaŋ a kʋ tuu dʋnɩa. Bʋa-la lɛ nɩaa jaŋ nɩɩ dɩ ʋ faasa kpɩa goŋ. Wɩa tɩndaaraa kʋhɩaŋ ma jaŋ kpɩa, ka dɩ ba ŋmʋʋ Wɩa nyile-la ma. Nɩalɩŋ kala sɩ laa Kirisito wɩaa dii aŋ sʋʋ, ʋ jaŋ laa sɩpaaŋ chɩsɛba dɩ ba sii sʋʋŋ lɛ.

1 Tɛsalonaaka Nɩaa 5:10

La wɩaa nɛ tɩɩ ʋ sʋʋ, ŋɩɩ wɩaa, dɩ la nɛ sʋba koo dɩ la nɛ weye, la kɛŋ mɩɩsɩŋ nɛ ʋ teeŋ.

1 Timoti 5:24

Nɩaa dɔnsʋŋ wʋbɔŋŋɔɔ bɩ faa, ka dɩ ba-na dii ba sarɩya nʋʋkala yie jɩŋ arɩ ba cheye nɛ, ama nɩaa dɔnsʋŋ wʋbɔŋŋɔɔ yie faa nɛ, tapʋlɩɩ dɔŋ nɛ ba jaŋ kʋ lɩɩ pʋlʋmʋŋ.

1 Timoti 5:25

Ŋɩɩ tɩtɩa nɛ dɩ nɩaa dɔnsʋŋ nɛ ŋaa wʋzɔŋŋɔɔ, nɩaa yie naba lɩma lɩma. Nɩaa dɔnsʋŋ wʋzɔŋŋɔɔ ma yie faa nɛ. Ama chɛɛ dɔŋ nɛ ba jaŋ chaasa lɩɩ pʋlʋmʋŋ tʋɔŋ.

Jɔɔŋ Wʋnaalaa 1:11

Ŋɩɩ nɛ yikoro-la bʋla pɩmɛ, “Ŋmʋnsɛ wɩalɩŋ kala ŋ sɩ na, a joŋo tɩŋ dɩ ba kaa mʋ pɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Ba nɛ ŋ-la: Ɛfɛsɩs, Sɩmɩɩna, Pɛgamɔm, Taataya, Saadɩs, Fɩladɛlɩfɩa arɩ Laadisiya.”

Jɔɔŋ Wʋnaalaa 10:4

Bʋa-la lɛ duonuŋ sɩ kpɩa, mɩ faa chɛ dɩ mɩ ŋmʋnsɛ wɩalɩŋ bil. Ŋɩɩ nɛ nʋʋ yikoro lɩɩ wɩa-nyuŋ a bʋla pɩmɛ, “Leŋ dɩ wɩalɩŋ duonuŋ sɩ kpɩa bʋl hɛ ŋ tʋɔŋ, sɩ́ ŋmʋnsa bil.”

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”

Jɔɔŋ Wʋnaalaa 11:19

Ŋɩɩ nɛ ba kɛŋ Wɩa dɩɩ-bal-la sɩ hɛ Wɩa-jaŋ boro suri, mɩ na Wɩa niiriŋ daga-la ʋ tʋɔŋ. Ŋɩɩ nɛ duonuŋ lɩlɩgɩsɛ leriŋ kala, ba nɩnɩɩ yikorusuŋ, ka duonuŋ kpɩkpɩa ŋmana ŋmana, tinteeŋ zigili, ka duoŋ-tabɩaa faasa titel.

Jɔɔŋ Wʋnaalaa 16:17

Ŋɩɩ nɛ Wɩa tɩndaarɩ-pɛɩ-la joŋ ʋ gbaŋa tʋɔŋ kɩaa bɩsa hɛ peliŋ lɛ. Ŋɩɩ nɛ yikori-bal kʋbala lɩɩ lee-la kuoru kpasa-la sɩ chɩna Wɩa dɩɩ-bal-la tʋɔŋ a bʋl, “Wɩalɩŋ dɛrɛ nɛ.”

Jɔɔŋ Wʋnaalaa 19:9

Ŋɩɩ nɛ Wɩa tɩndaarʋ-la bʋla pɩmɛ, “Ŋmʋnsɛ wɩɩŋ deeŋ, ‘Wɩa jaŋ pɛ nɩalɩŋ ba sɩ yɩra dɩ ba kʋ gbieli Pie-bie-la hajaarɩ gbiele a dii kʋdiilee nɩmɛ.’ ” Ŋɩɩ nɛ Wɩa tɩndaarʋ-la bʋla pɩmɛ, “Wɩa niiŋ wɩaa wʋtɩtɩɩba nɛ ŋɩɩ.”

Jɔɔŋ Wʋnaalaa 2:1

Ŋmʋŋsɛ wɩaa deemba a pɩpɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Ɛfɛsʋs lɛ. Mɩ-na nɩɩ-la sɩ kori chɛnwʋla-la balɩpɛ mɩ nadiiŋ nɩsɩŋ lɛ a vɩvɛŋ chaaŋ daasɩ-la balɩpɛ tʋɔŋ, mɩ nɛ tɩŋ tɩndaarɩŋ deeŋ.

Jɔɔŋ Wʋnaalaa 2:7

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋlaa pɩ nɩalɩŋ sɩ laa Yesu wɩaa dii a hihilimi lee-kala Esia lɛ. Nɩɩ-la kala sɩ wuo yuo dii Sɩtaanɩ, mɩ jaŋ leŋ dɩ ʋ dii tɩa-la nɛnɛɛ sɩɩ pɩ nɩaa mɩɩsɩŋ a hɛ Wɩa-jaŋ lɛ.

Jɔɔŋ Wʋnaalaa 20:6

Nɩalɩŋ sɩ laa sɩpaaŋ sii sʋʋŋ lɛ, ba bɩ disiniŋ kɛnɛ. Wɩa jaŋ pɛ ba lɛ. Nɩaa deemba sʋʋ bala nɛ, sʋʋ-lɩa-la ma bɩ jaŋ wuoba. Ba jaŋ laa nɩaa nyuŋ a tɩma pɩpɩ Wɩa arɩ Kirisito. Ba dɩ Kirisito jaŋ dii kuoruŋ jɩsɩŋ bʋɩ.

Jɔɔŋ Wʋnaalaa 21:5

Ŋɩɩ nɛ Nɩɩ-la sɩ hɔŋ kuoru kpasa-la nyuŋ bʋl, “Má bee na, mɩ ŋaa kʋŋkala bɩrɩmɛ kʋfalɩɩ nɛ.” Ŋɩɩ nɛ aŋ bɩra bʋl, “Ŋmʋnsɛ wɩaa deemba mɩ sɩ bʋla, bɛɛ wɩaa ba ŋaa wʋtɩtɩɩ nɛ, a magɛ dɩ nɩaa laaba dii.”

Jɔɔŋ Wʋnaalaa 22:17

Ŋɩɩ nɛ Wɩa Dɩŋ-zɔmʋŋ arɩ haal-la Pie-bie-la sɩɩ chɛ dɩ ʋ jaa bʋla pɩ nɩaa, “Má kɔ. Nʋʋkala sɩ nɩa, má leŋ dɩ ʋ kɔ. Nʋʋ na-kala lɩɩnyʋasʋŋ sɩ kɛnɛ, ʋ kɔ. Nɩɩ-la kala sɩ cho dɩ ʋ nyʋa lɩɩ-la sɩɩ pɩ nɩaa mɩɩsɩŋ sɩ ŋaa chɔgɩta kʋŋ, ʋ kɔ a nyʋa.”

Jɔɔŋ Wʋnaalaa 6:11

Ŋɩɩ nɛ Wɩa joŋ gɛrɩ-pʋl-duduoŋ a pɩ ba kʋŋkala aŋ bʋla pɩba dɩ ba gbɛrɛ a wiesi mʋapɩlɩɩ, see dɩ ba kpʋ ba tɩntɩnnɩ dɔnsʋŋ arɩ ba naambiiri-la dɔnsʋŋ a magɛ ŋɩɩ ʋ sɩɩ chɛ.