Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jɔɔŋ Wʋnaalaa 14:10 - WƖA TENIŊ

10 Wɩa jaŋ na baanɩŋ kɩŋkɛŋ ʋ tɩɩna nyuŋ. Wɩa jaŋ faasa na baanɩŋ ʋ nyuŋ a dɔgɩsʋ woruŋ dɩ ʋ na hɛɛŋ a nagɛ nɩa sɩ nyʋa sɩ-duoŋ a bugi. Ba jaŋ joŋ jiribiiŋ nyiniŋ a dɔgɩsɛ tɩɩna. Ba jaŋ ŋaa ŋɩɩ Wɩa tɩndaara-la sɩ bɩ disiniŋ kɛnɛ arɩ Pie-bie-la sɩpaaŋ.

အခန်းကိုကြည့်ပါ။ ကော်ပီ




Jɔɔŋ Wʋnaalaa 14:10
45 ပူးပေါင်းရင်းမြစ်များ  

Wɩa leŋ jiribiiŋ chol nyiniŋ, a lɩɩ wɩa-nyuŋ a kʋ tuu dii Sodom arɩ Gomora kala,


Nyiniŋ hɛ ʋ lɛbɩŋ lɛ nɛ, jiribiiŋ sɩɩ chol nyiniŋ pɩsa nɛ ʋ dɩjʋʋlʋŋ.


Leŋ dɩ ba tɩtɩa na ŋɩɩ ŋ sɩ jaŋ cheiba, leŋ dɩ ba na ŋ-na doluŋ kala Tɩɩna baanɩŋ,


Ʋ jaŋ leŋ dɩ nyiŋ-hal muloo arɩ jiribiiŋ chol nyiniŋ a lɩɩ wɩa-nyuŋ a kʋ tuu nɩbɔŋŋɔɔ lɛ a nagɛ duonuŋ sɩɩ nɩɩ, aŋ ka dɩ pel-lɩmɩŋ kɛmba.


Gbɛrɛ La Tɩɩna a tuto ʋ wombiiŋ. Ʋ jaŋ ziliŋ a joŋ tinteeŋ pɩŋ, aŋ keri nɩbɔŋŋɔɔ ta ŋ sɩɩŋ lɛ.


Tʋɔpʋl tɩŋŋaa jaŋ na wɩɩŋ deeŋ dɩ fawʋllʋŋ kɛmba, ba jaŋ mɔmʋŋ aŋ bʋl,


Ŋ leŋe ŋ nɩaa na hɛɛŋ kɩŋkɛŋ nɛ. La kala bugo nɛ a gɩgɛrɛ a nagɛ nɩaa sɩ nyʋa sɩnɩŋ bugi.


Ŋɩɩ nɛ leŋe Wɩa nɩaa ma mɩɩra mʋ ba teeŋ a laa wɩalɩŋ kala ba sɩ bʋla dii.


La Tɩɩna baanɩŋ sie nɛ a nagɛ sɩ-duoŋ sɩ su nyʋnyʋala ʋ kori. Ʋ wansa pɩ nɩbɔŋŋɔɔ kala sɩ hɛ dʋnɩa lɛ, ba nyʋa ʋ kala fɩɩp.


Ŋ ta jaŋ kɛŋ sɩɩŋ nɛ a na ŋɩɩ ba sɩɩ dɔgɩsɛ nɩbɔŋŋɔɔ.


Ʋ kperima nɛ, ma niiŋ kala maa, ma tɔ ma sɩaa nɛ a bɩ wɩɩkala ka na, ma bugo nɛ aŋ bɩ tɩɩnɛnɛɛ sɩnɩŋ nyʋa, a gɩgɛrɛ aŋ bɩ sɩ-duo kala nyʋa.


Ba gɩrɛ daasɩŋ nɛ lee-la ba sɩɩ yɩrɛ Tɔfɛf lɛ faafaa kala a gbɩgbɛrɛ Asiiria kuoro. Ba leŋe nyiŋ-la bʋa luŋ nɛ aŋ jal ma, nyiniŋ arɩ daasɩŋ yʋga nɛ a hɛ nɩmɛ. La TƖƖNA wiese jaŋ nagɛ juribiiŋ sɩ chol nyiŋgeliŋ a jomba dii.


Ɛdɔm tinteeŋ fuonuŋ lɩɩŋ kala jaŋ biri a nagɛ funfule a kɛŋ keliŋ, dɩ ʋ kʋŋkɔlʋŋ kala bɩrɩmɛ jiribiiŋ a didii nyiniŋ, dɩ tintee-la kala dii a biri a nagɛ funfule a kɛŋ keliŋ.


Jerusalɛm nɩaa, má sii chɩŋ, ma na hɛɛŋ nɛ woruŋ La TƖƖNA nɩsɩŋ lɛ. Ʋ na baanɩŋ a dɔgɩsɛma kɩŋkɛŋ nɛ, ma kala vɔgɛ a gɩgɛrɛ.


Ŋɩɩ nɛ La TƖƖNA sɩ, “Bʋla pɩba, ‘Wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Má nyʋa, má nyʋa bugi a tʋɔsɛ, a tel a bɩra sɩ́ sii, a tɩŋ laal-la mɩ sɩ jaŋ lɔgɔ hɛ ma lɛ wɩaa.’


Wɩɩ-la La TƖƖNA sɩ bʋla nɛ ŋ-la: “Dɩ nɩalɩŋ sɩ bɩ maga dɩ ba dɔgɩsɛba nɛ ba dɔgɩsɛ, bɛɛ nɛ tɩɩ ma-na jaŋ mʋ pɛɩ? Ma bɩ jaŋ mʋ pɛɩ, ma jaŋ na hɛɛ-la sɩ maga ma na.


Mɩ jaŋ ŋaa dɩ ʋ tɩntɩnnɩ-hɩasɩŋ arɩ ʋ wʋjɩnnaa kala bugi, a pɛ ʋ tinteeŋ nɩhɩasɩŋ lɛ, ʋ tɩntɩnnaa arɩ ʋ laalɩyuoroo. Ba jaŋ pɩŋ doŋ a kaa mʋ wuu, ba bɩra bɩ jaŋ sii. Mɩ-na ma TƖƖNA doluŋ kala Tɩɩna sɩ ŋaa kuoro nɛ bʋla.”


Ma nɩalɩŋ sɩ hɛ Ɛdɔm arɩ ma nɩalɩŋ sɩ hɔŋ Uzi tinteeŋ lɛ maa jʋɔsʋ nɛ arɩ tʋɔtɔrʋŋ. Ama hɛɛ-la jaŋ jʋʋ ma ma, dɩ ma bugi, ba jaŋ wuri ma kɩaa aŋ ka yarɩ-biree.


Nʋʋkala jaŋ na dɩ mɩ-na ma TƖƖNA nɛ nyɩga, nʋʋ bɩ jaŋ wuo dɩsʋ.’ ”


Mɩ jaŋ joŋ nyanyal bɔŋŋɔɔ hɛ ʋ nɩaa lɛ. Ba jaŋ kpʋkpʋ dɔŋɔ. Mɩ jaŋ leŋ dɩ duonuŋ faasa nɩɩ, dɩ duoŋ-tabɩaa tel ba nyuŋ, dɩ jiribiiŋ ma chol nyiniŋ a wurisi ʋ dɩ ʋ laalɩyuoroo arɩ tintee daŋ-la nɩaa sɩ kʋ pɛ ʋ lɛ.


Yɩrɩ-la ŋ fa sɩ jaŋ laa, hɩɩsɩŋ jaŋ mɩɩra kɛnɩŋ. Lɛɛlɛ ŋ tɩtɩa jaŋ nyʋa sɩŋ-la a wuri kɩaa ta. Nyʋnyʋa-la sɩ hɛ La TƖƖNA nadiiŋ nɩsɩŋ lɛ ka kɔ ŋ lɛ nɛ, hɩɩsɩŋ jaŋ tɔ yɩrɩ-la kala ŋ sɩ kɛnɛ.


Ŋɩɩ nɛ Yesu bʋla pɩ ʋ biiriŋ, “Ma bɩ jɩŋ kʋ-la ma sɩɩ chɛ. Ma jaŋ wuo nyalɩma na hɛɛ-la mɩ sɩ jaŋ naa? Ba sɩ: Oo, la jaŋ wuo.”


Ŋɩɩ nɛ mɩ jaŋ bʋla pɩ nɩalɩŋ sɩ hɛ mɩ nagʋa a bʋl, ‘Má sʋrɩsɛ mɩ sɛmɛ, Wɩa ŋmɩaŋ diima nɛ. Má mʋ a jʋʋ nyiŋ-la sɩ bɩ dɩsɛ. Wɩa hɛ nyiŋ-la bil Sɩtaanɩ arɩ ʋ tɩndaaraa lɛ nɛ dɩ ba kʋ jʋʋ,


Ba hɔŋ, ka ʋ sʋrɩsa mʋ sɩpaaŋ mʋa a tuu pɩna chigi tinteeŋ a sʋl Wɩa a bʋl, “Mɩ Nyɩmma, dɩ wombiiŋ nɛ hɛ nɩmɛ, lɩɩsɛ hɛɛ-la sɩɩ kɔ mɩ lɛ. Ama mɩ-na tʋɔtɔrʋŋ lɛ dee, ŋ-na tʋɔtɔrʋŋ lɛ nɛ.”


Dɩ nʋʋ nɛ leŋe dɩ hɩɩsɩŋ kɛnʋ a tɩŋ mɩ wɩaa arɩ mɩ wʋbʋlaa wɩaa, ma lɛɛlɛ nɩaa deemba sɩ bɩ Wɩa ka fá a ŋɩŋaa wʋbɔŋŋɔɔ tʋɔŋ, mɩ-na Nuhuobiine Bie ma jaŋ leŋ dɩ hɩɩsɩŋ kɛnʋ dɩ mɩ nɛ kɔ arɩ mɩ nyɩmma tʋla a pɛ ʋ tɩndaaraa sɩ bɩ disiniŋ kɛnɛ lɛ.”


Lee-la nanchʋɔlaa jaŋ dii ŋ yaraa deeŋ deeŋ ba bɩ jaŋ sʋʋ, ka nyiŋ-la ma bɩ jaŋ dɩsɛ.]


Ŋɩɩ nɛ ba bʋl, “Laalɩyuoroo kʋhɩaŋ kʋbala, baa yɩrɛ Kɔnɩɩlɩas nɛ tɩnla. Ʋ ŋaa tʋɔpʋl tɩɩna nɛ a fɩfá Wɩa. Juu tɩŋŋaa ma kala zizilu. Wɩa tɩndaarʋ kʋbala nɛ kʋ bʋla pʋ dɩ ʋ yɩrɩŋ dɩ ŋ kɔ ʋ dɩa, dɩ ʋ nɩɩ wɩɩ-la ŋ sɩ jaŋ bʋla pʋ.”


Tintee-la kala jaŋ nagɛ yɩsɩŋ arɩ jiribiiŋ, ba bɩ kʋŋ wuo duu nɩmɛ. Kʋŋkala bɩ jaŋ wuo nyʋ nɩmɛ. Ʋ jaŋ nagɛ Sodom, Gomora, Adɩma arɩ Zeboyim tasɩ-la La TƖƖNA fa sɩ faasa na baanɩŋ a chei.


Ʋ jaŋ pɩ ma nɩalɩŋ sɩɩ na hɛɛŋ wiese, a pɩ la ma wiese. Wɩɩŋ deeŋ jaŋ ŋaa bʋa-la lɛ La Tɩɩna Yesu sɩ jaŋ kɔ arɩ ʋ tɩndaara-la sɩ kɛŋ doluŋ.


Ŋɩɩ tɩtɩa nɛ, Wɩa dɔgɩsɛ tasɩ-la ba sɩɩ yɩrɛ Sodom arɩ Gomora arɩ tabala-la kala sɩ golli lee-la. Nɩalɩŋ fa sɩ hɛ tasɩ-la tʋɔŋ faa ŋaa wʋlɩɩlɩŋ arɩ disinni-la nuhuobiinee paala sɩ bɩ maga dɩ ba ŋaa nɛ. Wɩa jomba hɛ nyiŋ-la sɩɩ dii deeŋ deeŋ, a bɩ dɩsɛ lɛ nɛ, aa chagɩlɛ nɩalɩŋ kala sɩɩ ŋaa wʋbɔŋŋɔɔ.


Ŋɩɩ nɛ kɩalɩŋ banɛsɛ-la sɩ weye dɔŋɔ joŋ sɛlɩmɛ gbansɩŋ balɩpɛ a pɩ Wɩa tɩndaaraa balɩpɛ-la. Wɩa baanɩŋ fa su sɛlɩmɛ gbansɩ-la nɛ. Ʋ nɛ jaŋ hɛ nɩmɛ a kaa mʋ wuu.


Tinteeŋ sɩ zigili ŋɩɩ, tabal-la ba sɩɩ yɩrɛ Babɩlɔŋ kpaa leree batori, tinteyee tabalaa ma tel. Ŋɩɩ nɛ Wɩa liise mʋ yi Babɩlɔŋ lɛ, a dɔgɩsʋ woruŋ a magɛ ŋɩɩ ʋ sɩ na baanɩŋ ʋ nyuŋ.


Babɩlɔŋ nɩaa joŋ ba wʋlɩɩlɩŋ a dagɛ tintee kala nɩaa nɛ. Wʋlɩɩlɩ-la nagɛ sɩ-duoŋ nɛ. Dʋnɩa kuoroo ma kɛnʋ ŋaa wʋlɩɩlɩŋ. Dʋnɩa bayalaa ma to ʋ wʋlɩɩlɩ-la lɛ a dʋa kɩaa.”


Wɩalɩŋ ba sɩ ŋaa ma lɛ, má ma joŋo ŋaa ba lɛ, a tiŋ ma chɩmɩŋ naansɩɩŋ bʋlɩa. Gbaŋa-la ba sɩ kaa ŋaa sɩnɩŋ pɩma ma nyʋa, má ma kɛŋ ʋ tɩtɩa a ŋaa sɩnɩŋ naansɩɩŋ bʋlɩa pɩba dɩ ba nyʋa.


Ŋɩɩ nɛ tokobiiŋ sɩ kɛŋ niiŋ woruŋ nyagaga lɩɩ ʋ niiŋ lɛ a kʋ lɩɩ. Tokobii-la nɛ ʋ jaŋ kaa yuo dii tinteyee nɩaa kala. Ʋ jaŋ kɛŋ hɔɔŋ dantɩga a beŋ dʋnɩa nɩaa. Ʋ jaŋ dagɛ dʋnɩa nɩaa ŋɩɩ Wɩa doluŋ kala Tɩɩna sɩ na baanɩŋ ba nyuŋ a magɛ. Ʋ jaŋ nʋɔsɛ ba bʋrɩgɛ a nagɛ ba sɩ yie bʋrɩgɛ tɩɩnɛnɛɛ ŋɩɩ a lɩɩsɛ sɩnɩŋ.


Nɩɩ-la sɩ jɩl jɔɔ-la arɩ ʋ laalɩyuoroo yuo dii baga kʋ-la a kɛŋ ʋ dɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ kala. Nɩɩ-la fa sɩ ŋaa wʋmagɩlaa baga kʋ-la nyuŋ a wuo nyɩsɛ nɩalɩŋ sɩ kɛŋ baga kʋ-la magɩlɩŋ, aa chʋɔlɛ baga kʋ-la nagɩsɩŋ ba sɩ mɛ bil. Nɩaa deemba balɩa kʋweyee nɛ ba joŋo yuo hɛ Wɩa nyiŋ-la sɩɩ dii a nagɛ jiribiiŋ lɛ.


Sɩtaanɩ nɛ nyɩsɛ Gɔg arɩ Magɔg nɩaa hɛ dɩ ba yuo Wɩa nɩaa. Ŋɩɩ nɛ ba joŋu a yuo hɛ nyiniŋ sɩɩ dii a nagɛ jiribiiŋ lɛ, lee-la ba sɩ joŋ baga kʋ-la arɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ a yuo a hɛ. Ba jaŋ na hɛɛŋ wɩɩhɛyɛ arɩ tɩtaŋɩŋ kala a kaa mʋ wuu.


Ŋɩɩ nɛ ba joŋ sʋʋŋ arɩ lɛlɛɛ-jaŋ a yuo hɛ nyiŋ-bal-la lɛ. Nyiŋ-bal-la nɛ ŋaa sʋʋ bʋlɩa.


Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ