Jɔɔŋ Wʋnaalaa 13:8 - WƖA TENIŊ

⁸ Nɩɩ-la kala yɩrɩŋ sɩ tuo mɩɩsɩŋ teŋ-la lɛ a lɩɩ dʋnɩa dɩ-suomuŋ, jaŋ dɛnnɛ baga kʋ-la. Pie-bie-la ba sɩ kpʋa nɛ tɩɩ teŋ-la.

Jɔɔŋ Wʋnaalaa 13:8 ပူးပေါင်းရင်းမြစ်များ

WƖAA DƖ-SUOMUŊ 22:7

Ba sɩɩ mʋ, ŋɩɩ nɛ Aɩzɩk yɩrɛ ʋ nyɩmma Abɩraham, “Mɩ nyɩmma.” Ʋ sɛɩ. Ŋɩɩ nɛ Aɩzɩk pɩɛsʋ, “La sɩ kori daasɩŋ arɩ nyiniŋ, nɩɩ nɛ piesu-la la sɩɩ chɛ dɩ la kpʋ pɩ Wɩa hɛ?”

WƖA YƖƖLAA 69:28

Kpʋ ba yɩraa ta mɩɩsɩŋ teŋ-la tʋɔŋ, sɩ́ leŋe dɩ ba yɩraa guoli tʋɔpʋl tɩŋŋaa yɩraa lɛ.

MOSIS KƐŊ IZIRAL TƖŊŊAA LƖƖ 32:32

Ama lɛɛlɛ mɩɩ sʋlʋŋ, joŋ ba wʋbɔŋ-la chɛba, dɩ ŋɩɩ dee, lɩɩsɛ mɩ yɩrɩŋ ta ŋ teŋ-la tʋɔŋ ŋ sɩ ŋmʋnsɛ ŋ nɩaa yɩraa hɛ.”

AZAAYA 4:3

Nɩalɩŋ kala sɩ ka Jerusalɛm lɛ a bɩ sʋba, nɩalɩŋ kala Wɩa sɩ lɩɩsa, ba jaŋ yɩrɛba tʋɔpʋl tɩŋŋaa.

DANƖƐL 12:1

Ŋɩɩ nɛ kʋ-la sɩ nagɛ nuhuobiine a laalɛ gɛrɩpɛ fʋfʋlʋŋ gɛrɩŋ bɩra bʋl, “Bʋa-la lɛ Wɩa tɩndaarɩ-hɩaŋ-la ba sɩɩ yɩrɛ Maakɩl, nɩɩ-la sɩɩ pɔ ŋ nɩaa jaŋ kʋ lɩɩ. Bʋa-la lɛ hɛɛŋ jaŋ hɛ nɩmɛ. Wɩa sɩ ŋaa dʋnɩa a kaa kɔ bʋa-la lɛ hɛɛ-la doho ha bɩ jʋa aŋ ka. Ama ŋ nɩalɩŋ kala yɩraa sɩ hɛ mɩɩsɩŋ teŋ-la tʋɔŋ, ba jaŋ laaba ta.

Matiu 25:34

Ŋɩɩ nɛ mɩ-na Kuoro jaŋ bʋla pɩ nɩalɩŋ sɩ chɩŋ mɩ nadiiŋ, ‘Má kɔ. Mɩ Nyɩmma Wɩa nɛ pɛ ma lɛ. Má kʋ dii Wɩa kuorii-la ba sɩ wasa bil ma lɛ dʋnɩa dɩ-suomuŋ,

Luuk 10:20

Ama má sɩ́ leŋe dɩ ma tʋɔŋ tɔrɛ arɩ jɩŋ-bɔŋŋɔɔ sɩɩ to ma niiŋ lɛ, má leŋ dɩ ma tʋɔŋ tɔrɛ a tɩŋ ba sɩ ŋmʋnsɛ ma yɩraa Wɩa-jaŋ lɛ.”

Jɔɔŋ 1:29

Ʋ taŋ sɩ pʋla, Jɔɔŋ na Yesu dɩ ʋ tʋʋlʋ kʋkɔ. Ʋ bʋl, “Má bee na, Wɩa Pie-bie-la nɛ ŋɩɩ. Ʋ nɛ laa dʋnɩa wʋbɔŋŋɔɔ ta.

Ɛfɛsɩs Nɩaa 1:4

Ka dɩ ʋ-na suomo ŋaa dʋnɩa, ʋ to Kirisito lɛ nɛ a lɩɩsɛla, dɩ la kɛŋ tʋɔpʋla, a sɩ́ cheeri kala kɛŋ ʋ sɩpaaŋ. A tɩŋ Wɩa sɩ chola wɩaa,

Fɩlɩpa Nɩaa 4:3

Ŋ-na mɩ tɩntɩnnɩ dɔŋ, mɩɩ chɛ dɩ ŋ pɛ haalaa deemba lɛ nɛ dɩ ba sɩŋ. Ba dɩ Kɩlɛmɛnt nɛ pɛ mɩ lɛ la bʋl Yesu wʋzɔmɔ-la a pɩ nɩaa, a saa pɛ mɩ tɩntɩnnɩ dɔnsʋ-la kala lɛ. Ba kala yɩraa nɛ hɛ mɩɩsɩŋ teŋ-la lɛ.

Taatɩs 1:2

Nɩalɩŋ sɩɩ to Wɩa wombiiŋ deeŋ, baa yɩɛlɛ arɩ ba jaŋ kɛŋ mɩɩsɩ-la sɩ bɩ dɛrɛ. Wɩa fa bʋl wɩaa a tɩgɛ mɩɩsɩŋ deeŋ lɛ faafaa kala nɛ, ka dʋnɩa-na suomi. Wɩa bɩ wɩaa ka nyɩɛ, ʋ jaŋ ŋaa wɩɩ-la.

Jɔɔŋ Wʋnaalaa 12:15

Ŋɩɩ nɛ lɩɩŋ lɩɩ dɩŋ-la niiŋ lɛ a nagɛ fuoŋ, a kire to haal-la harɩŋ dɩ ʋ pɛllɛ joŋu.

Jɔɔŋ Wʋnaalaa 13:12

Ʋ ma kɛŋ dol-la bumbuŋ baga kʋ-la fa sɩ kɛnɛ nɛ, a leŋ dʋnɩa nɩaa kala chʋɔlɛ bumbuŋ baga kʋ-la fa sɩ kɛŋ naawɩɩl-bal-la, ka ʋ fɩɛlɛ.

Jɔɔŋ Wʋnaalaa 17:8

Baga kʋ-la ŋ sɩ na nɛ fa hɛ nɩmɛ bumbuŋ aŋ bɩra tuo. Ʋ jaŋ lɩɩ buotuo-luŋii-la tʋɔŋ kʋ lɩɩ a mʋ sʋʋ. Nɩalɩŋ kala sɩ hɛ dʋnɩa lɛ ka ba bɩ ba yɩraa ŋmʋnsa hɛ mɩɩsɩŋ teŋ-la lɛ a lɩɩ dʋnɩa dɩ-suomuŋ jaŋ na baga kʋ-la dɩ ʋ ŋaaba wʋkpuŋkpere, bɛɛ wɩaa ʋ fa hɛ nɩmɛ bumbuŋ aŋ bɩra tuo, aŋ saa jaŋ bɩra kɔ.

Jɔɔŋ Wʋnaalaa 21:27

Ama kʋŋkala sɩ kɛŋ disiniŋ, koo nɩɩ-la kala sɩ ŋaa nɩbɔŋ, koo wʋnyɩɛrʋ kala bɩ jaŋ jʋʋ taŋ-la, see nɩalɩŋ Pie-bie-la sɩ ŋmʋnsɛ ba yɩraa hɛ mɩɩsɩŋ teŋ-la lɛ nɛ jaŋ jʋʋ nɩmɛ.

Jɔɔŋ Wʋnaalaa 3:10

A tɩŋ ma sɩ to mɩ niiŋ wɩaa a nyalɩmɛ, mɩ ma jaŋ pɔma a lɩɩsɛma hɛɛ-la sɩ jaŋ jʋʋ dʋnɩa nɩaa kala, a magɩsɛba.

Jɔɔŋ Wʋnaalaa 3:20

Má bee-na, mɩ chɩŋ boiŋ niiŋ nɛ aa ŋmoo boro. Nɩɩ-la kala sɩ nɩɩ mɩ yikoro a kɛŋ boro suri, mɩ jaŋ kʋ jʋʋ ʋ teeŋ, dɩ la dɩ ʋ kala dii kɩaa.

Jɔɔŋ Wʋnaalaa 3:5

Nɩɩ-la kala sɩ wuo yuo dii Sɩtaanɩ, ʋ tɩɩna jaŋ laalɛ gɛrɩ-pʋllʋŋ. Mɩ bɩ jaŋ kpʋ ʋ yɩrɩŋ ta mɩɩsɩŋ teŋ-la tʋɔŋ. Mɩ jaŋ suri mɩ niiŋ a yɩrɛ ʋ yɩrɩŋ mɩ Nyɩmma Wɩa arɩ ʋ tɩndaaraa sɩpaaŋ.

Jɔɔŋ Wʋnaalaa 5:12

Yɩɩl-la ba fa sɩɩ yɩɩ arɩ yikori-balɩŋ nɛ ŋ-la: “Pie-bie-la ba sɩ kpʋa nɛ maga dɩ ʋ kɛŋ doluŋ a bibeŋ nɩaa. Ʋ nɛ maga dɩ ʋ kɛŋ kɩaa, arɩ wʋjɩmɩŋ, arɩ doluŋ kʋŋkala lɛ. Ʋ nɛ maga dɩ ʋ kɛŋ yɩrɩŋ, dɩ nɩaa dɛnnʋ a chʋɔlʋ.”

Jɔɔŋ Wʋnaalaa 5:13

Ŋɩɩ nɛ ka mɩ nɩɩ kɩalɩŋ kala sɩ hɛ Wɩa-jaŋ, arɩ kɩalɩŋ kala sɩ hɛ dʋnɩa lɛ, arɩ kɩalɩŋ sɩ hɛ lɛlɛɛ-jaŋ, arɩ kɩalɩŋ kala sɩ hɛ mʋgʋ-balɩŋ tʋɔŋ, arɩ kʋŋ na-kala sɩ hɛ nɩmɛ dɩ baa yɩɩ yɩɩlaa aa bʋl, “Nɩɩ-la sɩ hɔŋ kuoru kpasa-la nyuŋ arɩ Pie-bie-la, ba nɛ maga la dɛnnɛ, a zilba a yɩrɛ ba yɩrɩŋ. Ba nɛ kɛŋ doluŋ a kaa mʋ wuu.”

Jɔɔŋ Wʋnaalaa 6:1

Ŋɩɩ nɛ mɩ na dɩ Pie-bie-la kɛŋ kelli-la ba fa sɩ kaa mɛrɛ teŋ-la dɔŋɔ lɛrɛ. Ŋɩɩ nɛ mɩ nɩɩ kɩalɩŋ sɩ weye banɛsɛ-la dɔŋɔ dɩ ʋ faasa yɩrɛ. Ʋ yikoro nagɛ duonuŋ sɩɩ kpɩa a bʋl, “Kɔ.”