Jɔɔŋ Wʋnaalaa 13:6 - WƖA TENIŊ

⁶ Ŋɩɩ nɛ ʋ tʋʋsɛ Wɩa arɩ ʋ jaŋ arɩ ʋ jaŋ nɩaa kala joŋŋoo.

Jɔɔŋ Wʋnaalaa 13:6 ပူးပေါင်းရင်းမြစ်များ

JOB 3:1

Ŋɩɩ harɩŋ, Job suri ʋ niiŋ a ŋmɩɛsa hɛ tapʋlɩɩ-la ba sɩ lʋlʋ lɛ.

WƖA YƖƖLAA 73:9

Ba bʋl wʋbɔŋŋɔɔ tɩtɩgɛ Wɩa lɛ nɛ, a bʋbʋl sɩɩ-duo wɩaa nɩaa lɛ dʋnɩa lee na-kala.

DANƖƐL 11:36

Siiria kuoru-la jaŋ ŋaa wɩɩ-la kala ʋ sɩ cho, a kɛŋ ʋ tɩtɩa yʋga kɩɩ vene kala a bʋl wɩalɩŋ sɩ bɩ maga a tʋʋsɛ Wɩa sɩ kɩɩ kʋŋkala joŋŋoo. Wɩaa jaŋ vɛŋ woruŋ pʋ a kaa mʋ yi bʋa-la lɛ Wɩa sɩ dɔgʋsʋ arɩ baanɩŋ, bɛɛ wɩaa Wɩa jaŋ ŋaa wɩɩ-la ʋ sɩ bɩɩna dɩ ʋ ŋaa.

DANƖƐL 7:25

Ʋ jaŋ bʋl wɩaa lɩɩ Wɩa sɩ kɩɩ kʋŋkala harɩŋ, aŋ nyagɛ Wɩa nɩaa bil, aŋ wʋwalɩmɛ dɩ ʋ kɛŋ wombii-la Wɩa sɩ bile dɩ ba tuto wɩaa bɩrɩmɛ. Ba jaŋ joŋ Wɩa nɩaa hɛ ʋ nɩsɩŋ lɛ jɩsɩŋ batori arɩ kpaa magɛ dɔŋɔ.

DANƖƐL 7:8

Mɩ fa sɩɩ beŋ nyilli-la, nyil-bie kʋbala kʋ lɩɩ ba tʋtʋɔbaanɩŋ, a churi nyilli-la batori sɩ laa sɩpaaŋ hɛ nɩmɛ. Nyile deeŋ fa kɛŋ sɩaa nɛ ba nagɛ nuhuobiine sɩaa a kɛŋ niiŋ a bʋbʋl babiibal wɩaa.

Matiu 12:34

Ma nuhuobiiŋ basɩŋkpɩaŋ deemba, ɛɛ nɛ ma nɩbɔŋŋɔɔ deemba jaŋ wuo ŋaa a bʋbʋl wʋzɔŋŋɔɔ? Ŋ tʋɔbɩɩnaa sɩ kɛŋ wɩɩ-la, ʋ nɛ ŋ niiŋ bʋbʋl.

Matiu 15:19

Ŋ tʋɔŋ lɛ nɛ ŋ yie bɩɩnɛ wʋbɔŋŋɔɔ ŋaanɩŋ a mʋ kpʋ nɩaa, a mʋ chɛ nɩaa haalaa, a ŋaa bachɔrʋŋ arɩ hachɔrʋŋ wʋŋaalaa, aa gaa, a nyɩɛ wɩaa aa tɩgɛ nɩaa lɛ, a chichei nɩaa yɩrɩŋ.

Jɔɔŋ 1:14

Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

Rom Tɩŋŋaa 3:13

Ba niiŋ wʋbʋlaa nagɛ bʋa-suruŋ sɩɩ sʋɔrɛ ŋɩɩ nɛ. Ba bʋl wɩaa nyɩnyɩsɛ nɩaa. Ba wʋbʋlaa ma kɛŋ huoŋ a nagɛ dɩ-kuuro.”

Koloosi Nɩaa 1:19

Wɩa cho dɩ Yesu nagɛ ʋ-na Wɩa nagɩsɩŋ kala nɛ.

Koloosi Nɩaa 2:9

Wɩa nagɩsɩŋ kala hɛ Yesu nuhuobiiŋ yara-la lɛ nɛ.

Hiburu TƖŊŊAA 9:2

Lɛbɩ-la fa kɛŋ leree balɩa nɛ, tɛgɛɛ arɩ sɩpaaŋ. Tɛgɛɛ lɛbɩ-la lɛ nɛ chaaŋ daaŋ fa chɩŋ. Teebʋl ma fa hɛ nɩmɛ, boroboro-la ba sɩ yie kaa mʋ bil Wɩa sɩpaaŋ ma fa daŋ nyuŋ. Lee-la yɩrɩŋ nɛ fa lee-la sɩ bɩ disiniŋ kɛnɛ,

Hiburu TƖŊŊAA 9:24

Ʋ bɩ naga Kirisito jʋʋ lɛbɩ-la nuhuobiinee sɩ ŋaa nɛ. Nɩalɩŋ fa sɩ ŋaa lɛbɩ-la, ka chesi Wɩa dɩ-zɔŋ-la nɛ. Ama Kirisito jʋʋ Wɩa-jaŋ tɩtɩa nɛ, dɩ ʋ chɩŋ la nyuŋ Wɩa sɩpaaŋ.

Jɔɔŋ Wʋnaalaa 11:12

Ŋɩɩ nɛ ba nɩɩ nʋʋ yikoro dɩ ʋ lɩɩ Wɩa-jaŋ a bʋla pɩba, “Má kʋ jɩl daha.” Ʋ sɩ bʋl ŋɩɩ dɛrɛ, ba to duoŋ-bɩlɩmbaanɩŋ lɛ a jɩl Wɩa-jaŋ. Ba dʋndɔŋŋɔɔ bibemba, ka ba jɩjɩl.

Jɔɔŋ Wʋnaalaa 12:12

Ma nɩalɩŋ sɩ hɛ Wɩa-jaŋ, má leŋ dɩ ma tʋɔŋ tɔrɛ. Ama ma nɩalɩŋ sɩ hɛ tinteeŋ lɛ arɩ kɩalɩŋ sɩ hɛ mʋgʋ-balɩŋ lɛ, ma jaŋ na hɛɛŋ. Sɩtaanɩ kʋ tuu ma teeŋ nɛ, ʋ faasa na baanɩŋ nɛ, bɛɛ wɩaa ʋ jɩma arɩ ʋ bɩra bɩ dieni, ka dɩ ba laa ʋ doluŋ.”

Jɔɔŋ Wʋnaalaa 15:5

Mɩ sɩ nɩɩ yɩɩla-la dɛrɛ, mɩ na Wɩa dɩɩ-bal-la sɩ hɛ Wɩa-jaŋ lee-la zɔmʋŋ sɩ bɩ magɩa kɛnɛ, dɩ ʋ suro.

Jɔɔŋ Wʋnaalaa 18:20

Ma nɩalɩŋ sɩ hɛ Wɩa-jaŋ lɛ, má jʋjʋɔsɛ Babɩlɔŋ wɩaa. Ma Wɩa nɩaa arɩ Wɩa nanzɔɔba arɩ Wɩa wʋlaabʋllaa, má jʋjʋɔsɛ. Wɩa joŋ wɩalɩŋ Babɩlɔŋ sɩ ŋaa ma lɛ chɩmɩŋ a tiŋ ʋ lɛ nɛ.”

Jɔɔŋ Wʋnaalaa 21:3

Ŋɩɩ nɛ aŋ ka mɩ nɩɩ nʋʋ yikori-balɩŋ dɩ ʋ lɩɩ kuoru kpasa-la sɛmɛ a bʋl, “Má bee na, lɛɛlɛ Wɩa kɔ nuhuobiine teeŋ nɛ. Ʋ jaŋ hɔŋ ba tʋɔŋ. Ba nɛ jaŋ ŋaa ʋ nɩaa. Wɩa tɩtɩa jaŋ hɔŋ ba teeŋ a ŋaa ba Wɩa.

Jɔɔŋ Wʋnaalaa 4:1

Wɩaa deemba kala sɩ ŋaa harɩŋ, mɩ beŋ wɩa-nyuŋ a na dɩ Wɩa-jaŋ boro suro. Ŋɩɩ nɛ mɩ nɩɩ yikoro-la fa sɩ laa sɩpaaŋ bʋl wɩaa mɩ teeŋ a nagɛ ba sɩɩ ŋmʋʋ nyile, dɩ ʋ sɩ, “Kʋ jɩl daha dɩ mɩ dagɩŋ wɩalɩŋ sɩ jaŋ ŋaa wɩaa deemba harɩŋ lɛ.”

Jɔɔŋ Wʋnaalaa 4:4

Ŋɩɩ nɛ mɩ na kuoru kpasɩnɩŋ mara arɩ banɛsɛ ma dɩ ba chɩna golli kuoru kpasa-la. Nɩhɩasɩŋ mara arɩ banɛsɛ hɔŋ ba nyuŋ a laalɛ gɛrɩ-pʋllʋŋ, a chu sɛlɩmɛ kuori-nyunchuuluŋ.

Jɔɔŋ Wʋnaalaa 5:13

Ŋɩɩ nɛ ka mɩ nɩɩ kɩalɩŋ kala sɩ hɛ Wɩa-jaŋ, arɩ kɩalɩŋ kala sɩ hɛ dʋnɩa lɛ, arɩ kɩalɩŋ sɩ hɛ lɛlɛɛ-jaŋ, arɩ kɩalɩŋ kala sɩ hɛ mʋgʋ-balɩŋ tʋɔŋ, arɩ kʋŋ na-kala sɩ hɛ nɩmɛ dɩ baa yɩɩ yɩɩlaa aa bʋl, “Nɩɩ-la sɩ hɔŋ kuoru kpasa-la nyuŋ arɩ Pie-bie-la, ba nɛ maga la dɛnnɛ, a zilba a yɩrɛ ba yɩrɩŋ. Ba nɛ kɛŋ doluŋ a kaa mʋ wuu.”

Jɔɔŋ Wʋnaalaa 7:15

Ŋɩɩ nɛ tɩɩ ba chɩŋ Wɩa kuoru kpasa-la sɩpaaŋ a tɩma pʋpʋ wɩɩhɛyɛ arɩ tɩtaŋɩŋ kala ŋɩɩ ʋ dɩɩ-balɩŋ lɛ. Nɩɩ-la sɩ hɔŋ kuoru kpasa-la lɛ nɛ jaŋ chu tɔ ba.

Jɔɔŋ Wʋnaalaa 7:9

Ʋ ŋɩɩ harɩŋ nɛ mɩ beŋ a na nɩ-dandaŋ, nʋʋ bɩ ba wuo dɩɩsɛ, sɩ lɩɩ tintee-dosunuŋ, do-yiriba arɩ nɩdosunuŋ sɩɩ bʋl yikori-wogusuŋ. Mɩ na dɩ ba chɩŋ kuoru kpasa-la arɩ Pie-bie-la sɩpaaŋ a laalɛ gɛrɩ-pʋl-duduosuŋ, a kori abɛ pɩpaarɩŋ ba nɩsaa lɛ.