Jɔɔŋ Wʋnaalaa 13:5 - WƖA TENIŊ

⁵ Ŋɩɩ nɛ ba pɩ baga kʋ-la wombiiŋ ʋ bʋl babiibal wɩaa a tʋʋsɛ Wɩa joŋŋoo. Ba pʋ wombiiŋ nɛ dɩ ʋ dii doluŋ chɛnsɩŋ mahɩŋ balɩa arɩ balɩa.

Jɔɔŋ Wʋnaalaa 13:5 ပူးပေါင်းရင်းမြစ်များ

WƖA YƖƖLAA 12:3

La Tɩɩna, leŋ dɩ nɩalɩŋ sɩ kɛŋ nii-sɩma arɩ babiibal wʋbʋllaa niiŋ tɔ.

ƐZƖKƖƐL 35:13

Ma bigisi ma tɩtɩa lɛ nɛ mɩ teeŋ, a bʋl wɩalɩŋ sɩ bɩ maga mɩ lɛ. Mɩ nɩɩ ba kala nɛ.

DANƖƐL 11:36

Siiria kuoru-la jaŋ ŋaa wɩɩ-la kala ʋ sɩ cho, a kɛŋ ʋ tɩtɩa yʋga kɩɩ vene kala a bʋl wɩalɩŋ sɩ bɩ maga a tʋʋsɛ Wɩa sɩ kɩɩ kʋŋkala joŋŋoo. Wɩaa jaŋ vɛŋ woruŋ pʋ a kaa mʋ yi bʋa-la lɛ Wɩa sɩ dɔgʋsʋ arɩ baanɩŋ, bɛɛ wɩaa Wɩa jaŋ ŋaa wɩɩ-la ʋ sɩ bɩɩna dɩ ʋ ŋaa.

DANƖƐL 12:12

Nɩɩ-la kala sɩ gbɛrɛ a yi tapʋlaa bʋɩ arɩ zɔɔ-batori arɩ mara arɩ fii arɩ banɔŋ dɩdɛrɩŋ, ʋ tʋɔŋ jaŋ tɔrɛ.

DANƖƐL 7:11

Ŋɩɩ nɛ mɩ ha bibeŋ a tɩŋ babiibal wɩalɩŋ nyil-bie-la fa sɩɩ bʋl wɩaa. Mɩ faa beŋ ŋɩɩ nɛ halɩɩ, ka ba kpʋ baga kʋnɛsɛ-la a chei ʋ kala a paa yuo hɛ nyiŋgeliŋ lɛ.

DANƖƐL 7:20

Mɩ fa bɩra chɩchɛ dɩ mɩ jɩŋ nyilli-la fii sɩ hɛ ʋ nyuŋ lɛ arɩ nyile-la ma dɔŋɔ sɩ kʋ lɩɩ bʋbʋɔŋ, ka nyilli-la batori-na churo tel. Nyile-la nɛ kɛŋ sɩaa arɩ niiŋ a bʋbʋl babiibal wɩaa ŋɩɩ.

DANƖƐL 7:25

Ʋ jaŋ bʋl wɩaa lɩɩ Wɩa sɩ kɩɩ kʋŋkala harɩŋ, aŋ nyagɛ Wɩa nɩaa bil, aŋ wʋwalɩmɛ dɩ ʋ kɛŋ wombii-la Wɩa sɩ bile dɩ ba tuto wɩaa bɩrɩmɛ. Ba jaŋ joŋ Wɩa nɩaa hɛ ʋ nɩsɩŋ lɛ jɩsɩŋ batori arɩ kpaa magɛ dɔŋɔ.

DANƖƐL 7:8

Mɩ fa sɩɩ beŋ nyilli-la, nyil-bie kʋbala kʋ lɩɩ ba tʋtʋɔbaanɩŋ, a churi nyilli-la batori sɩ laa sɩpaaŋ hɛ nɩmɛ. Nyile deeŋ fa kɛŋ sɩaa nɛ ba nagɛ nuhuobiine sɩaa a kɛŋ niiŋ a bʋbʋl babiibal wɩaa.

DANƖƐL 8:14

Mɩ nɩa dɩ Wɩa tɩndaara-la dɔŋɔ ma bʋla, “Ʋ jaŋ giri pʋsʋŋ kpʋ ŋaa Wɩɩsʋlʋŋ Wɩa dɩɩ-balɩŋ lɛ ŋɩɩ chʋchʋɔŋ arɩ dɩdaanɩŋ naansɩɩŋ bʋɩ balɩa arɩ zɔɔ-batori. Ʋ ŋɩɩ harɩŋ nɛ, ba jaŋ pɩɩsɛ Wɩa dɩɩ-bal-la disiniŋ ta aŋ-na joŋo hɛ Wɩa nɩsɩŋ lɛ.”

2 Tɛsalonaaka Nɩaa 2:3

Má sɩ́ leŋe dɩ nʋʋkala nyɩsɛma wombii kala lɛ. Tapʋlɩɩ-la bɩ jaŋ yi, see dɩ nɩaa sii ŋaa taawɛɩ a vɩa Wɩa. Ŋɩɩ harɩŋ lɛ wʋbɔŋŋɔɔ kuoro, nɩɩ-la Wɩa sɩ jaŋ joŋo hɛ nyiniŋ lɛ, jaŋ kɛŋ ʋ tɩtɩa kaa dagɛ nɩaa.

2 Tɛsalonaaka Nɩaa 2:4

Ʋ nɛ ŋaa nɩɩ-la sɩ lɩɩ Wɩa harɩŋ a kɛŋ ʋ tɩtɩa a kaa yʋga kɩɩ Wɩa arɩ kʋŋkala nuhuobiine sɩɩ chʋɔlʋ. Ʋ jaŋ jʋʋ hɔŋ Wɩa dɩa tʋɔŋ a bʋl arɩ ʋ nɛ ŋaa Wɩa.

2 Tɛsalonaaka Nɩaa 2:8

ka dɩ wʋbɔŋŋɔɔ kuoru-la-na kɔ. Bʋa-la lɛ La Tɩɩna Yesu jaŋ mɩɩra kɔ arɩ ʋ tʋla, a pʋʋsɛ ʋ niiŋ peliŋ a kpʋ wʋbɔŋŋɔɔ kuoru-la. Ʋ tʋla-la jaŋ chei wʋbɔŋŋɔɔ kuoru-la.

Jɔɔŋ Wʋnaalaa 11:7

Dɩ ba nɛ bʋl Wɩa wɩalɩŋ dɛrɛ, baga kʋŋ jaŋ lɩɩ buotuo-luŋii-la tʋɔŋ kʋ lɩɩ yuo diiba, a kpʋba.

Jɔɔŋ Wʋnaalaa 12:14

Ŋɩɩ nɛ Wɩa joŋ kachuu-balɩŋ kɩŋkɛnsɩŋ pɩ haal-la, dɩ ʋ wuo fil a kagɛ dɩŋ-la lɛ a mʋ tinteeŋ, lee-la Wɩa sɩ wasa bil ʋ lɛ. Nɩmɛ nɛ Wɩa benu jɩsɩŋ batori arɩ kpaa magɛ dɔŋɔ.

Jɔɔŋ Wʋnaalaa 12:6

aŋ ka haal-la fá jʋʋ tintee-hɩlɩŋ, lee-la Wɩa sɩ wasa bil ʋ lɛ. Wɩa pʋ kʋdiilee nɩmɛ tapʋlaa bʋɩ arɩ zɔɔ-balɩa arɩ mahɩŋ batori.

Jɔɔŋ Wʋnaalaa 13:7

Ba pʋ wombiiŋ nɛ dɩ ʋ kɛŋ Wɩa nɩaa a yuo laalɩŋ, a yuo diiba. Ba fa pʋ doluŋ nɛ ʋ wuo doho kala, nɩaa kala, tinteyee kala arɩ nɩaa sɩɩ bʋl yikoro kala.