Jɔɔŋ Wʋnaalaa 13:18 - WƖA TENIŊ

¹⁸ Nʋʋkala bɩ jaŋ wuo jɩŋ wɩɩŋ deeŋ bʋbʋɔŋ, see dɩ ʋ kɛŋ wʋjɩmɩŋ. Nɩɩ-la kala sɩ kɛŋ wʋjɩmɩŋ jaŋ wuo kɛŋ baga kʋa deeŋ magɩlɩŋ niiŋ kaa dɩɩsa na, magɩl-la ŋaa nʋʋ yɩrɩ nɛ. Magɩl-la nɛ zɔɔ-balɩdʋ mahɩŋ batori arɩ balɩdʋ.

Jɔɔŋ Wʋnaalaa 13:18 ပူးပေါင်းရင်းမြစ်များ

WƖA YƖƖLAA 107:43

Nʋʋ na-kala sɩ jɩŋ wɩaa, ʋ tɩɩna joŋ wɩaa deemba hɛ ʋ tʋɔŋ lɛ, a kɛŋ La Tɩɩna chono-la sɩ bɩ dɛrɛ wɩaa bɩbɩɩnɛ.

DANƖƐL 12:10

Wɩa jaŋ chɛsɛ nɩ-daŋ a pɩɩsɛ ba disiniŋ ta, dɩ ba zɔŋ. Ama nɩbɔŋŋɔɔ ha jaŋ ŋɩŋaa wʋbɔŋŋɔɔ. Nɩbɔmɔ-la kʋŋkala bɩ jaŋ jɩŋ wɩaa sɩaa, ama nɩalɩŋ sɩ kɛŋ wʋjɩmɩŋ jaŋ jɩŋ ba sɩaa.

HOSIA 14:9

Nɩɩ-la kala sɩ kɛŋ wʋjɩmɩŋ, ʋ jaŋ jɩŋ wɩaa deemba. Nɩɩ-la sɩɩ jɩŋ wɩaa sɩaa, ʋ jaŋ jɩŋ ba bʋbʋɔŋ. La TƖƖNA wombiee ŋaa wʋtɩtɩɩ wombiee nɛ, tʋɔpʋl tɩŋŋaa vɩvɛŋ ba lɛ, ama nɩalɩŋ sɩ vɩaba gɛrɛ titel nɛ.

Maak 13:14

Ma jaŋ na dɩ ba joŋ kʋ-la sɩ kɛŋ disiniŋ aa chei leriŋ a bil lee-la ʋ sɩ bɩ maga ʋ hɛ. Kʋa deeŋ jaŋ ŋaa wʋbɔŋŋɔɔ. Ʋ jaŋ chei Wɩa yɩrɩŋ. (Ma sɩ jaŋ karɩmɛ wɩaa deemba, ma jaŋ jɩŋ ba bʋbʋɔŋ.) Dɩ ma nɛ na ŋɩɩ, má leŋ dɩ nɩalɩŋ sɩ hɛ Judiya tinteeŋ lɛ, dɩ ba fá jɩl peelee nyuŋ a faa.

Rom Tɩŋŋaa 3:5

Ka la wʋbɔmɔ-la la sɩɩ ŋaa nɛ chaasa dagɛ arɩ Wɩa kɛŋ wʋtɩtɩɩ, bɛɛ nɛ laa chɛ dɩ la bʋl? Mɩɩ chɛ dɩ mɩ bʋl nuhuobiine tʋɔbɩɩnaa wɩaa nɛ a pɩɛsɛ: Dɩ Wɩa nɛ dɔgɩsɛla a tɩŋ la wʋbɔŋŋɔɔ wɩaa, ʋ kɩaa bɩ sɩŋ ʋ sɩ ŋaa ŋɩɩ, koo?

MOSIS BƖRA WULLI WƖA WOMBIIŊ 3:11

(Kuoro Ɔgɩ nɛ fa ŋaa Refem doho nɩaa nɩwaayiile-la nɩkaanɩŋ. Hɔɔŋ nɛ ba fa kaa ŋaa ʋ kʋpɩnɩŋ. Ʋ duomuŋ ŋaa naakieliŋ bʋnɛsɛ arɩ kpaa magɛ dɔŋɔ, ʋ jalɩŋ ma ŋaa naakieliŋ bʋlɩa. Ʋ kʋpɩnɩɩ-la ha hɛ Amɔŋ tɩŋŋaa tabal-la ba sɩɩ yɩrɛ Raba lɛ.)

Jɔɔŋ Wʋnaalaa 1:3

Nɩalɩŋ sɩ karɩmɛ wɩaa deemba nɩaa nɩɩ arɩ nɩalɩŋ sɩ jegile nɩɩ wɩaa deemba a laa hɛ ba tʋɔŋ lɛ a tutoba, Wɩa jaŋ pɛ ba lɛ, bɛɛ wɩaa bʋa-la wɩaa deemba sɩ jaŋ ŋaa kpaga nɛ.

Jɔɔŋ Wʋnaalaa 15:2

Ŋɩɩ nɛ mɩ na kʋŋ sɩ nagɛ mʋgʋ-balɩŋ a tʋtʋl pal pal aŋ pɛ chuchol nyiniŋ. Ka mɩ na nɩalɩŋ sɩ yuo dii baga kʋ-la arɩ ʋ nagɩsɩŋ ba sɩ mɛ bil, arɩ ʋ yɩrɩŋ magɩlɩŋ, dɩ ba chɩŋ mʋgʋ-bal-la sɛmɛ. Ba fa kori chenniŋ Wɩa sɩ joŋo pɩba nɛ,

Jɔɔŋ Wʋnaalaa 17:9

Nɩɩ-la sɩ kɛŋ wʋjɩmɩŋ nɛ jaŋ wuo jɩŋ wɩɩŋ deeŋ bʋbʋɔŋ. Nyusuŋ balɩpɛ-la ŋaa peelee balɩpɛ nɛ. Ba nyuŋ nɛ haal-la hɔŋ. Nyusuŋ balɩpɛ-la ha ŋaa kuoroo ma balɩpɛ nɛ.

Jɔɔŋ Wʋnaalaa 21:17

Wɩa tɩndaarʋ-la bɩra magɩsɛ tabal-la kɛrɛ-la barɩmɩŋ ma, ʋ ŋaa naakieliŋ mahɩŋ batori arɩ fii arɩ balɩa. Nuhuobiinee sɩɩ magɩsɛ kɩaa ŋɩɩ, ŋɩɩ tɩtɩa nɛ Wɩa tɩndaarʋ-la ma magɩsɛ.