Jɔɔŋ Wʋnaalaa 13:16 - WƖA TENIŊ

¹⁶ Kʋ-la bɩra fʋgɛ nʋʋkala a magɩlɛba, ba tilliŋ lɛ koo ba nɩsaa lɛ, nɩhɩasɩŋ arɩ hambiisiŋ, kuoroo arɩ summoo, nɩalɩŋ sɩ tɩɩ ba tɩtɩa arɩ nɩalɩŋ sɩ ŋaa yosi.

Jɔɔŋ Wʋnaalaa 13:16 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 15:13

Ba sɛɩ arɩ nʋʋ na-kala nɛ vɩa dɩ ʋ to La TƖƖNA, Iziral tɩŋŋaa Wɩa, ʋ maga dɩ ba kpʋʋ nɛ, dɩ tɩɩna ŋaa nɩhɩaŋ koo hambie, baal koo haal.

JOB 34:19

Wɩa nɛ ŋaa la kala, ʋ bɩ sɩpaalaaraa kaa pɔrɔ bil ba dʋndʋŋ, ʋ bɩ kɩaa tɩŋŋaa ma nɛ cho a kɩɩ summoo.

WƖA YƖƖLAA 115:13

La Tɩɩna jaŋ pɛ nɩalɩŋ sɩɩ fáʋ lɛ, nɩbalaa arɩ nɩbiisiŋ kala.

WƖA YƖƖLAA 49:2

nɩbiisiŋ arɩ nɩbalaa, kɩaa tɩŋŋaa arɩ summoo kala.

MOSIS KƐŊ IZIRAL TƖŊŊAA LƖƖ 13:9

Gbiele deeŋ jaŋ nagɛ magɩl ma nɩsaa lɛ, a nagɛ magɩl ma tilliŋ lɛ dɩ La TƖƖNA niiŋ wɩaa sɩ́ ma niiŋ lɛ lɛl. Ʋ doluŋ nɛ ʋ kaa kɛmma lɩɩ Ijipiti tinteeŋ lɛ.

ƐZƖKƖƐL 9:4

a bʋla pʋ, “Gɔllɛ Jerusalɛm tabal-la lɛ a tuuri magɩlɩŋ hɛ nɩaa tilliŋ lɛ, nɩalɩŋ tʋɔŋ sɩ cheye ba yiyel a tɩŋ wʋkɩsɩa-la kala nɩaa sɩɩ ŋaa taŋ-la lɛ wɩaa.”

ZƐKARƖYA 13:6

Dɩ nʋʋ nɛ pɩɛsʋ, ‘Bɛɛ kɩaa naawɩɩla nɛ hɛ ŋ yaraa lɛ ŋɩɩ?’ Ʋ jaŋ bʋl, ‘Mɩ nandɔŋɔ dɩa lɛ nɛ ba pɩrɛmɛ.’ ”

Tɩntɩŋŋaa 26:22

Ama arɩ jɩnɩŋ kala Wɩa haa pɛ mɩ lɛ nɛ, ŋɩɩ nɛ tɩɩ mɩ chɩŋ daha aa bʋl wɩaa deemba kala mɩ sɩ pɛ na aŋ nɩɩ ma a pɩpɩma, ma nɩbalaa arɩ ma nɩbiisiŋ kala. Wɩɩŋ deeŋ mɩ sɩɩ bʋl, ʋ tɩtɩa nɛ Wɩa wʋlaabʋllaa arɩ Mosis kala fa bʋl arɩ wɩɩ-la jaŋ ŋaa.

1 Kɔrɩntɩ Nɩaa 12:13

La nɩalɩŋ sɩ laa Yesu wɩaa dii, la nagɛ ŋ-la nɛ. La yʋga nɛ, ama la ŋaa kʋbala nɛ. Wɩa Dɩŋ-zɔŋ-la doluŋ lɛ nɛ ba fola Wɩɩchʋɔlɛ lɩɩŋ, nɩalɩŋ sɩ ŋaa Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa, nɩalɩŋ sɩ ŋaa yosi arɩ nɩalɩŋ sɩ tɩɩ ba tɩtɩa. Wɩa leŋe la laa ʋ Dɩŋ-zɔmʋŋ a hɛ la tʋɔŋ nɛ.

Galiisia Nɩaa 3:28

Lɛɛlɛ, la bɩra bɩ nɩaa kaa pʋpɔrɛ. Dɩ ŋ ŋaa Juu tɩɩna koo dɩ ŋ bɩ ŋaa, dɩ ŋ ŋaa yoŋ koo dɩ ŋ tɩɩ ŋ tɩtɩa, dɩ ŋ ŋaa haal koo baal, ma kala ŋaa kʋbala nɛ Kirisito Yesu teeŋ.

Galiisia Nɩaa 6:17

A lɩɩ jɩnɩŋ a kaa mʋmʋ, nʋʋkala bɩra sɩ́ mɩ walɩmʋ. Fʋfʋʋnʋ-la mɩ sɩ kɛnɛ mɩ yaraa lɛ, ba nɩɩ dagʋ arɩ mɩ ŋaa Yesu nʋʋ nɛ.

Ɛfɛsɩs Nɩaa 6:8

Ma jɩŋ dɩ nʋʋ nɛ tɩŋ tɩntɩŋ zɔŋ, La Tɩɩna Wɩa jaŋ joŋ kʋzɔŋ a timu, dɩ tɩɩna ŋaa yomo koo ʋ tɩɩ ʋ tɩtɩa nɛ.

MOSIS BƖRA WULLI WƖA WOMBIIŊ 11:18

Má joŋ wɩaa deemba kala mɩ sɩɩ dagɛma a hɛ ma tʋɔŋ arɩ ma nyuŋ lɛ, a ŋmʋnsɛba a vɔɔ mɛrɛ ma nɩsaa arɩ ma tilliŋ lɛ.

MOSIS BƖRA WULLI WƖA WOMBIIŊ 6:8

Má ŋmʋnsɛ wɩalɩŋ a joŋo vɔɔ ma nɩsaa arɩ ma tilliŋ lɛ dɩ ba liliisima bʋa na-kala lɛ.

Koloosi Nɩaa 3:11

Mɛl-falɩŋ deeŋ tʋɔŋ ʋ bɩ wɩɩ kɛnɛ dɩ ma ŋaa Juu tɩŋŋaa koo ma bɩ Juu tɩŋŋaa ŋaa, dɩ ma keri ma penee koo ma bɩ ma penee kere, dɩ ma ŋaa nʋhʋɔraa, koo dɩ ma ŋaa nɩalɩŋ sɩaa sɩ bɩ suro, dɩ ma ŋaa yosuŋ koo dɩ ma tɩɩ ma tɩtɩa. Wɩa nɩaa tʋɔŋ, Kirisito nɛ ŋaa ba wʋnyuŋ, ʋ hɛ ba kala lɛ nɛ.

2 Timoti 3:8

Baalaa balɩa nɛ fa hɛ nɩmɛ. Ba yɩraa nɛ Janɩs arɩ Jambɩrɛs. Ba fa bɩ Mosis harɩŋ chɩna, ŋɩɩ tɩtɩa nɛ baalaa deemba ma bɩ wʋtɩtɩɩ-la harɩŋ chɩna. Nɩaa deemba nyuŋ bɩ tɩŋ. Ba bɩ Yesu wɩaa laa dii.

Jɔɔŋ Wʋnaalaa 11:18

Dʋnɩa nɩaa fa na baanɩŋ nɛ ŋ nyuŋ. Ama bʋa-la ŋ baanɩŋ sɩ jaŋ sii ba nyuŋ yie nɛ. Bʋa-la lɛ ŋ sɩ jaŋ dii nɩalɩŋ sɩ sʋba sarɩya yie nɛ, arɩ bʋa-la lɛ ŋ sɩ jaŋ siili ŋ tɩntɩnnaa sɩ ŋaa ŋ wʋlaabʋllaa, a pɛ ŋ nɩaa kala lɛ, arɩ nɩalɩŋ sɩɩ ziliŋ lɛ, nɩhɩasɩŋ arɩ hambiisiŋ kala, Bʋa-la yie nɛ dɩ ŋ chei nɩalɩŋ sɩ chei dʋnɩa.”

Jɔɔŋ Wʋnaalaa 15:2

Ŋɩɩ nɛ mɩ na kʋŋ sɩ nagɛ mʋgʋ-balɩŋ a tʋtʋl pal pal aŋ pɛ chuchol nyiniŋ. Ka mɩ na nɩalɩŋ sɩ yuo dii baga kʋ-la arɩ ʋ nagɩsɩŋ ba sɩ mɛ bil, arɩ ʋ yɩrɩŋ magɩlɩŋ, dɩ ba chɩŋ mʋgʋ-bal-la sɛmɛ. Ba fa kori chenniŋ Wɩa sɩ joŋo pɩba nɛ,

Jɔɔŋ Wʋnaalaa 19:18

Má kʋ dii kuoroo nammɩa, laalɩyuori-hɩasɩŋ arɩ nɩduoruŋ nammɩa, janɩŋ arɩ ba jɩjɩllaa nammɩa, nuhuobiinee, nɩalɩŋ sɩ tɩɩ ba tɩtɩa, nɩalɩŋ sɩ ŋaa yosuŋ, nɩhɩasɩŋ arɩ hambiisiŋ kala nammɩa.”

Jɔɔŋ Wʋnaalaa 19:20

Nɩɩ-la sɩ jɩl jɔɔ-la arɩ ʋ laalɩyuoroo yuo dii baga kʋ-la a kɛŋ ʋ dɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ kala. Nɩɩ-la fa sɩ ŋaa wʋmagɩlaa baga kʋ-la nyuŋ a wuo nyɩsɛ nɩalɩŋ sɩ kɛŋ baga kʋ-la magɩlɩŋ, aa chʋɔlɛ baga kʋ-la nagɩsɩŋ ba sɩ mɛ bil. Nɩaa deemba balɩa kʋweyee nɛ ba joŋo yuo hɛ Wɩa nyiŋ-la sɩɩ dii a nagɛ jiribiiŋ lɛ.

Jɔɔŋ Wʋnaalaa 19:5

Ŋɩɩ nɛ nʋʋ yikoro lɩɩ Wɩa kuoru kpasa-la teeŋ a bʋl, “Ma Wɩa tɩntɩnnaa kala arɩ ma nɩalɩŋ kala sɩɩ fáʋ, nɩhɩasɩŋ arɩ hambiisiŋ kala, má leŋ dɩ la dɛnnɛ Wɩa.”

Jɔɔŋ Wʋnaalaa 20:12

Ŋɩɩ nɛ ka mɩ na nɩalɩŋ sɩ sʋba, nɩhɩasɩŋ arɩ hambiisiŋ kala, dɩ ba chɩŋ kuoru kpasa-la sɩpaaŋ. Ŋɩɩ nɛ ba suri tenniŋ, a bɩra suri teniŋ dɔŋɔ ma, mɩɩsɩŋ teniŋ nɛ ŋɩɩ. Tenni-la lɛ nɛ ba ŋmʋnsɛ nʋʋkala sɩ hɛ dʋnɩa lɛ wʋŋaalaa hɛ, ba lɛ nɛ ba to a dii nʋʋkala sɩ sʋba sarɩya.

Jɔɔŋ Wʋnaalaa 20:4

Ŋɩɩ nɛ mɩ na kuoru kpasɩnɩŋ dɩ nɩaa hɔŋ ba nyuŋ. Nɩaa deemba nɛ Wɩa pa doluŋ dɩ ba dii dʋnɩa nɩaa sarɩya. Ŋɩɩ nɛ aŋ ka mɩ na nɩaa dɩnsɩŋ. Nɩaa deemba nɛ faa bʋl wʋtɩtɩɩ-la Yesu fa sɩ daga a pɩ nɩaa, aŋ pɛɛ bʋl Wɩa niiŋ wɩaa. Ŋɩɩ nɛ ba kpʋba a keri ba nyusuŋ. Nɩaa deemba-na fa bɩ baga kʋ-la ka chʋɔlɛ, ba bɩ kʋ-la ba sɩ mɛ ʋ nagʋ ma chʋɔlɛ. Ba bɩ baga kʋ-la magɩlɩŋ kɛnɛ ba tilliŋ lɛ koo ba nɩsaa lɛ. Nɩaa deemba sii sʋʋŋ lɛ, ba dɩ Kirisito dii kuoruŋ a beŋ dʋnɩa nɩaa jɩsɩŋ bʋɩ.

Jɔɔŋ Wʋnaalaa 6:15

Ŋɩɩ nɛ dʋnɩa kuoroo, arɩ nɩbalaa, arɩ laalɩyuori-hɩasɩŋ, arɩ nɩalɩŋ sɩ kɛŋ kɩaa, arɩ nɩalɩŋ sɩ kɛŋ doluŋ, arɩ nʋʋkala, yosuŋ arɩ nɩalɩŋ kala sɩ tɩɩ ba tɩtɩa, ba kala fá jʋʋ faa bʋ-bʋɔsʋŋ arɩ peel-pɛgɩsɩŋ lɛ.

Jɔɔŋ Wʋnaalaa 7:3

Ŋɩɩ nɛ ʋ bʋla pɩ Wɩa tɩndaaraa banɛsɛ-la, “Má sɩ́ tinteeŋ koo mʋgʋ-balɩŋ koo tɩɩsɩŋ chei, see dɩ la magɩlɛ la Wɩa tɩntɩnnaa ba tilliŋ lɛ.”