Jɔɔŋ Wʋnaalaa 13:14 - WƖA TENIŊ

¹⁴ A tɩŋ wʋmagɩla-la ba sɩ pʋ doluŋ ʋ ŋaa bumbuŋ baga kʋ-la nyuŋ, ʋ nyɩsɛ dʋnɩa nɩaa dɩ ba mɛ kʋŋ sɩ nagɛ bumbuŋ baga kʋ-la, kʋ-la ba sɩ pɩra arɩ tokobiiŋ ka ʋ ha wei.

Jɔɔŋ Wʋnaalaa 13:14 ပူးပေါင်းရင်းမြစ်များ

2 KUOROO 20:7

Azaaya fa bʋla pɩ Hezikaaya, “Leŋ dɩ ba tugi tutogo nɛnɛɛ a paa taa mɔpʋla-la.” Ba ŋaa ŋɩɩ ʋ fɩɛlɛ.

2 KUOROO 22:20

Mɩ jaŋ leŋ dɩ ŋ sʋʋ arɩ yarɩfɩɛlaa. Ŋ sɩɩŋ bɩ jaŋ na wʋlɔrʋnʋ-la mɩ sɩ jaŋ joŋo ŋaa Jerusalɛm arɩ ʋ nɩaa lɛ.’ ” Ŋɩɩ nɛ nɩalɩŋ mɩɩra mʋ bʋl wɩɩ-la Hulida sɩ bʋla a pɩ kuoro.

2 IZIRAL TƖŊŊAA NAABARƖŊ 18:21

Dɩma-la bʋl, ‘Mɩ jaŋ joŋ wʋnyɩɛrɩŋ a hɛ ʋ nɩalɩŋ kala sɩ bʋl wɩaa pʋpʋ niiŋ lɛ.’ La TƖƖNA bɩra bʋl, ‘Mʋ, ŋ jaŋ wuo nyɩsʋ.’ ”

JOB 12:16

Ʋ nɛ kɛŋ doluŋ a yuo didii ʋ dʋndɔŋŋɔɔ bʋa na-kala, ʋ nɛ kɛŋ nɩɩ-la ba sɩ nyɩsa arɩ nɩnyɩsɛra kala doluŋ.

MOSIS KƐŊ IZIRAL TƖŊŊAA LƖƖ 7:11

Ŋɩɩ nɛ Ijipiti tinteeŋ kuoro yɩrɛ ʋ jaŋ wʋjɩnnaa, vʋgʋraa arɩ ba chichiribee kala, ba ma ŋaa ŋɩɩ tɩtɩa arɩ ba chichiribiŋ.

AZAAYA 44:20

Ɛɛ nɛ nɩa yaara magɛ, a sii joŋ ʋ yɩɛlaa hɛ kʋŋ sɩ jaŋ wuo dii a bɩrɩmɛ tʋɔrʋŋ lɛ? Nʋʋkala bɩ jaŋ wuo to ŋ-la a laa ʋ tɩtɩa ta. Ba bɩ jaŋ wuo jɩma pɩ ba tɩtɩa arɩ kʋ-la ba sɩ koro bɩ wʋtɩtɩɩ kɛnɛ.

ƐZƖKƖƐL 14:9

Dɩ nʋʋ nɛ nyɩsɛ mɩ wʋlaabʋllʋ hɛ dɩ ʋ nyɩɛ bʋl wɩaa mɩ doluŋ lɛ, mɩ-na ma TƖƖNA tɩtɩa nɛ nyɩsʋ ŋɩɩ. Ama mɩ jaŋ lɩɩsɛ mɩ nɩsɩŋ liesu a cheyu a lɩɩsʋ ta mɩ nɩaa Iziral tɩŋŋaa tʋɔŋ.

ƐZƖKƖƐL 16:17

Ŋ bɩra joŋ kpɩɛrɩ-zɔmɔ-la ba sɩ kɛŋ mɩ sɛlɩmɛ arɩ hɔpʋla ŋaa mɩ joŋo pɩŋ, a kaa libi tɔŋŋɔɔ nɛ ba nagɛ baala ŋ kaa ŋaa hachɔrʋŋ wɩaa.

ƐZƖKƖƐL 8:10

Ŋɩɩ nɛ mɩ jʋʋ a na dɩ ba tuuri kɩalɩŋ sɩɩ vaamɛ tinteeŋ arɩ pʋsʋ-la dɔnsʋŋ sɩ kɛŋ disiniŋ a hɛ jee kala lɛ, a pɛ tɔmɔ-la Iziral tɩŋŋaa sɩɩ kpaarʋ lɛ.

DANƖƐL 11:36

Siiria kuoru-la jaŋ ŋaa wɩɩ-la kala ʋ sɩ cho, a kɛŋ ʋ tɩtɩa yʋga kɩɩ vene kala a bʋl wɩalɩŋ sɩ bɩ maga a tʋʋsɛ Wɩa sɩ kɩɩ kʋŋkala joŋŋoo. Wɩaa jaŋ vɛŋ woruŋ pʋ a kaa mʋ yi bʋa-la lɛ Wɩa sɩ dɔgʋsʋ arɩ baanɩŋ, bɛɛ wɩaa Wɩa jaŋ ŋaa wɩɩ-la ʋ sɩ bɩɩna dɩ ʋ ŋaa.

2 Tɛsalonaaka Nɩaa 2:4

Ʋ nɛ ŋaa nɩɩ-la sɩ lɩɩ Wɩa harɩŋ a kɛŋ ʋ tɩtɩa a kaa yʋga kɩɩ Wɩa arɩ kʋŋkala nuhuobiine sɩɩ chʋɔlʋ. Ʋ jaŋ jʋʋ hɔŋ Wɩa dɩa tʋɔŋ a bʋl arɩ ʋ nɛ ŋaa Wɩa.

Jɔɔŋ Wʋnaalaa 12:9

Ŋɩɩ nɛ ba joŋ dɩŋ-la arɩ ʋ harɩ-tooroo a yuo ta ba lɩɩ Wɩa-jaŋ a kʋ tuu tinteeŋ. Dɩŋ-la fa hɛ nɩmɛ faafaa kala nɛ a lɩɩ dʋnɩa dɩ-suomuŋ. Ʋ nɛ baa yɩrɛ Sɩtaanɩ, nɩɩ-la sɩɩ nyɩsɛ dʋnɩa nɩaa ba yeŋŋi.

Jɔɔŋ Wʋnaalaa 13:1

Ŋɩɩ nɛ mɩ na baga kʋŋ dɩ ʋ lɩɩ mʋgʋ-balɩŋ tʋɔŋ a kʋʋ lɩɩ. Ʋ fa kɛŋ nyusuŋ balɩpɛ nɛ, ʋ nyilliŋ ma fii. Ʋ fa chu kuori-nyunchuuluŋ fii nɛ ʋ nyilliŋ fii-la lɛ. Yɩrɩ-la ʋ fa sɩ kɛnɛ ʋ nyusu-la lɛ faa tʋʋsɛ Wɩa joŋŋoo nɛ.

Jɔɔŋ Wʋnaalaa 13:15

Ba pɩ baga kʋ-lɩa-la doluŋ dɩ ʋ wuo joŋ wiese hɛ kʋ-la ba sɩ mɛ lɛ dɩ ʋ wuo wɩaa bʋbʋl, dɩ ʋ leŋ dɩ ba kpʋ nɩalɩŋ kala sɩ vɩa dɩ ba chʋɔlɛ baga kʋ-la ba sɩ mɛ.

Jɔɔŋ Wʋnaalaa 13:8

Nɩɩ-la kala yɩrɩŋ sɩ tuo mɩɩsɩŋ teŋ-la lɛ a lɩɩ dʋnɩa dɩ-suomuŋ, jaŋ dɛnnɛ baga kʋ-la. Pie-bie-la ba sɩ kpʋa nɛ tɩɩ teŋ-la.

Jɔɔŋ Wʋnaalaa 14:11

Nyiŋ-la jaŋ diiba deeŋ deeŋ, ʋ bɩ dɩsa. Nɩaa deemba bɩ jaŋ kɔ dɩ ba na wiese wɩɩhɛyɛ arɩ tɩtaŋɩŋ kala. Nɩaa deemba sɩ chʋɔlɛ baga kʋ-la arɩ ʋ nagɩsɩŋ ba sɩ mɛ bil a laa ʋ yɩrɩŋ magɩl-la, ba bɩ jaŋ na wiese.”

Jɔɔŋ Wʋnaalaa 14:9

Ŋɩɩ nɛ Wɩa tɩndaarɩ-tori ma tuto ba harɩŋ, a ma bʋl wɩaa arɩ yikori-balɩŋ. Ʋ sɩ, “Dɩ nʋʋkala nɛ chʋɔlɛ baga kʋ-la arɩ ʋ nagɩsɩŋ ba sɩ mɛ bil, a laa magɩl-la ʋ tile lɛ koo ʋ nɩsaa lɛ,

Jɔɔŋ Wʋnaalaa 15:2

Ŋɩɩ nɛ mɩ na kʋŋ sɩ nagɛ mʋgʋ-balɩŋ a tʋtʋl pal pal aŋ pɛ chuchol nyiniŋ. Ka mɩ na nɩalɩŋ sɩ yuo dii baga kʋ-la arɩ ʋ nagɩsɩŋ ba sɩ mɛ bil, arɩ ʋ yɩrɩŋ magɩlɩŋ, dɩ ba chɩŋ mʋgʋ-bal-la sɛmɛ. Ba fa kori chenniŋ Wɩa sɩ joŋo pɩba nɛ,

Jɔɔŋ Wʋnaalaa 16:13

Ŋɩɩ nɛ mɩ na jɩŋ-bɔŋŋɔɔ batori dɩ ba nagɛ yɩŋŋaa. Dɔŋɔ lɩɩ dɩŋ-la niiŋ lɛ, dɔŋɔ ma lɩɩ baga kʋ-la niiŋ lɛ, dɔŋɔ ma lɩɩ baga kʋ-lɩa-la sɩ nyɩɛ wɩaa arɩ ʋ ŋaa Wɩa wʋlaabʋllʋ niiŋ lɛ.

Jɔɔŋ Wʋnaalaa 16:2

Ŋɩɩ nɛ Wɩa tɩndaarɩ-bumbuŋ tɩɩna joŋ ʋ gbaŋa-la Wɩa baanɩŋ sɩ hɛ ʋ tʋɔŋ, a kaa mʋ bɩsa hɛ tinteeŋ lɛ. Ʋ sɩ bɩsa hɛ dɛrɛ, ŋɩɩ nɛ naawɩɩl-bɔŋŋɔɔ sɩɩ wɩɩ woruŋ ŋaa nɩalɩŋ kala sɩ kɛŋ baga kʋ-la magɩlɩŋ lɛ, aŋ pɛ chʋɔlɛ ʋ nagɩsɩŋ ba sɩ mɛ bil.

Jɔɔŋ Wʋnaalaa 18:23

Chaanaa ma bɩra bɩ jaŋ chaanɛ ʋ tʋɔŋ. Baalaa arɩ haalaa bɩra bɩ jaŋ jaa dɔŋɔ ʋ lɛ. Babɩlɔŋ bayalaa nɛ fa ŋaa nɩbalaa dʋnɩa deeŋ lɛ. Ʋ kɛŋ ʋ chichiribi wɩaa a nyɩsɛ dʋnɩa nɩaa kala.

Jɔɔŋ Wʋnaalaa 19:20

Nɩɩ-la sɩ jɩl jɔɔ-la arɩ ʋ laalɩyuoroo yuo dii baga kʋ-la a kɛŋ ʋ dɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ kala. Nɩɩ-la fa sɩ ŋaa wʋmagɩlaa baga kʋ-la nyuŋ a wuo nyɩsɛ nɩalɩŋ sɩ kɛŋ baga kʋ-la magɩlɩŋ, aa chʋɔlɛ baga kʋ-la nagɩsɩŋ ba sɩ mɛ bil. Nɩaa deemba balɩa kʋweyee nɛ ba joŋo yuo hɛ Wɩa nyiŋ-la sɩɩ dii a nagɛ jiribiiŋ lɛ.

Jɔɔŋ Wʋnaalaa 2:10

Má sɩ́ leŋe dɩ fawʋllʋŋ kɛmma a mʋ tɩgɛ hɛɛ kala ma sɩ jaŋ na lɛ. Mɩ bʋlaa pɩma, Sɩtaanɩ jaŋ magɩsɛ ma dɔnsʋŋ a leŋ dɩ ba kɛmma tɔ bɩnɩŋ dɩa. Ma jaŋ na hɛɛŋ a yi tapʋlaa fii. Dɩ ba nɩɩ chɛ dɩ ba kpʋma ma, ma-na ha chɩŋ wɩalɩŋ ma sɩ laa dii lɛ. Dɩ ma nɛ ŋaa ŋɩɩ, mɩ jaŋ joŋ mɩɩ-zɔmʋŋ pɩma Wɩa-jaŋ lɛ.

Jɔɔŋ Wʋnaalaa 20:10

Sɩtaanɩ nɛ nyɩsɛ Gɔg arɩ Magɔg nɩaa hɛ dɩ ba yuo Wɩa nɩaa. Ŋɩɩ nɛ ba joŋu a yuo hɛ nyiniŋ sɩɩ dii a nagɛ jiribiiŋ lɛ, lee-la ba sɩ joŋ baga kʋ-la arɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ a yuo a hɛ. Ba jaŋ na hɛɛŋ wɩɩhɛyɛ arɩ tɩtaŋɩŋ kala a kaa mʋ wuu.

Jɔɔŋ Wʋnaalaa 3:10

A tɩŋ ma sɩ to mɩ niiŋ wɩaa a nyalɩmɛ, mɩ ma jaŋ pɔma a lɩɩsɛma hɛɛ-la sɩ jaŋ jʋʋ dʋnɩa nɩaa kala, a magɩsɛba.