Jɔɔŋ Wʋnaalaa 13:10 - WƖA TENIŊ

¹⁰ Dɩ nʋʋ nɛ maga dɩ ŋ mʋ yoŋ-baga, ŋ jaŋ sɛnɛ mʋ, dɩ nʋʋ nɛ maga dɩ ba kpʋʋ arɩ tokobiiŋ, ba jaŋ sɛnɛ kpʋʋ arɩ tokobiiŋ. Wɩɩŋ deeŋ daga arɩ nɩalɩŋ sɩ laa Wɩa wɩaa dii maga dɩ ba nyalɩmɛ nɛ a chɩŋ wɩalɩŋ ba sɩ laa dii lɛ.

Jɔɔŋ Wʋnaalaa 13:10 ပူးပေါင်းရင်းမြစ်များ

AZAAYA 14:2

Tintee-daŋ jaŋ pɛ Iziral tɩŋŋaa lɛ a kɛmba mɩɩra kɔ ba tinteeŋ. Jekɔb doho nɩalɩŋ jaŋ tɩɩ tinteye-la nɩaa dɩ baalaa arɩ haalaa tɩma pɩpɩba tintee-la La TƖƖNA sɩ joŋo pɩba lɛ. Nɩalɩŋ fa sɩ yuo kɛsɛ Iziral tɩŋŋaa, ba ma jaŋ yuo kɛsɛba, a bibeŋ nɩalɩŋ fa sɩ dɔgɩsɛba.

AZAAYA 26:21

Má bee na, La TƖƖNA lɩɩ ʋ dɩjʋʋlʋŋ nɛ a kʋkɔ dɩ ʋ dɔgɩsɛ dʋnɩa nɩaa a tɩŋ ba wʋbɔŋŋɔɔ wɩaa. Nɩalɩŋ kala sɩ lʋara kpʋ nɩaa wɩaa jaŋ kʋ lɩɩ pʋlʋmʋŋ, ka tinteeŋ ma lusi nɩalɩŋ kala ba sɩ kpʋa a hugi.

AZAAYA 33:1

Wɩaa jaŋ jʋʋ ma nɩalɩŋ sɩ ŋaa wʋcheere arɩ zɛmbɛ tɩŋŋaa ka nʋʋkala bɩ wɩɩ ŋaa cheima koo a ŋaama zɛmbɛ. Dɩ ma nɛ leŋ nɩaa cheyiŋ ma, cheeriŋ ha jaŋ puuma. Dɩ ma nɛ leŋ zɛmbɛ ma, nɩaa ha jaŋ ŋaama ma zɛmbɛ.

JƐRƖMAAYA 15:2

Dɩ ba nɛ pɩɛsɩŋ, ‘Nɩɩ nɛ la jaŋ mʋ?’ bʋla pɩba, Wɩɩ-la mɩ-na ma TƖƖNA sɩ bʋla nɛ ŋ-la: ‘Nɩalɩŋ nyanyal bɔŋŋɔɔ sɩ jaŋ kpʋ, ba jaŋ kpʋ. Nɩalɩŋ sɩ jaŋ sʋʋ laalɩŋ lɛ, ba jaŋ sʋʋ. Nɩalɩŋ losuŋ sɩ jaŋ kɛŋ dɩ ba sʋʋ, ba jaŋ sʋʋ. Nɩalɩŋ ma ba sɩ jaŋ kɛsɛ mʋ yoŋ-baga, ba jaŋ kɛsɛ mʋ.’

JƐRƖMAAYA 43:11

Ʋ jaŋ kʋ yuo Ijipiti tɩŋŋaa, a leŋ dɩ nɩalɩŋ sɩ maga dɩ ba sʋʋ, sʋʋ, a leŋ dɩ nɩalɩŋ sɩ maga dɩ ba ŋaa yosi ma ŋaa yosi, a leŋ dɩ nɩalɩŋ ma sɩ maga dɩ ba sʋʋ laalɩŋ lɛ sʋʋ laalɩŋ lɛ.

JEMBIEE 3:26

Ʋ ŋaa wʋzɔŋ nɛ dɩ ŋ nyalɩmɛ a gbɛrɛ La TƖƖNA dɩ ʋ laaŋ ta.

HABAKU 2:3

Wɩalɩŋ mɩ sɩ kaa dagɩŋ kɛŋ ba tapʋlɩɩ nɛ. Wɩalɩŋ mʋʋ tɩgɛ dʋnɩa dɩdɛrɩŋ lɛ nɛ, ba bɩ jaŋ ŋaa wʋnyɩɛrɩ. Dɩ ba nɛ naga baa dienu ma, ha gbɛrɛ, bɛɛ wɩaa ba jaŋ sɛnɛ kʋ ŋaa, ba bɩ jaŋ dieni.

Matiu 26:52

Ŋɩɩ nɛ Yesu bʋla pʋ, “Joŋ ŋ tokobiiŋ a hɛ ʋ dɩ-hɛɛlɩŋ. Nɩɩ-la sɩ lɩɩsɛ tokobiiŋ, tokobiiŋ nɛ ba jaŋ kaa kpʋʋ.

Matiu 7:2

Wɩa jaŋ dii ma sarɩya arɩ ŋɩɩ tɩtɩa ma sɩɩ ŋaa ma dɔnsʋŋ tɩŋŋaa lɛ. Ŋɩɩ ma sɩ joŋo to ma dɔnsʋŋ tɩŋŋaa lɛ, ŋɩɩ tɩtɩa nɛ Wɩa ma jaŋ joŋo to ma lɛ.

Luuk 21:19

Dɩ ma nɛ nyalɩma, ma jaŋ laa ma mɩɩsɩŋ.”

Koloosi Nɩaa 1:11

Wɩa jaŋ pɩma ʋ dol-bal-la, dɩ ma wuo kɛŋ pɩɩna arɩ kenyiri, a kɛŋ tʋɔtɔrʋŋ

Hiburu TƖŊŊAA 6:12

La bɩ chɛ dɩ ma kɛŋ yarɩwɩɩŋ. Laa chɛ dɩ ma to nɩalɩŋ sɩ laa Wɩa wɩaa dii faafaa naabʋɔsʋŋ nɛ. Nɩaa deemba chɩŋ wɩalɩŋ ba sɩ laa dii lɛ nɛ a nyalɩma ŋɩɩ halɩɩ, a wuo na kɩalɩŋ Wɩa fa sɩ bʋla pɩba arɩ ba jaŋ na.

Jɔɔŋ Wʋnaalaa 1:9

Mɩ-na ma naambie Jɔɔŋ nɛ ŋmʋnsɛ teniŋ deeŋ a pɩpɩma. A tɩŋ Yesu Kirisito wɩaa nɛ laa na hɛɛŋ. Ama la nɩalɩŋ sɩ na hɛɛ-la ŋɩɩ a tɩŋ ʋ wɩaa, la ma jaŋ jʋʋ Wɩa kuorii-la tʋɔŋ. Hɛɛ-la kala lɛ la dii kenyiri nɛ a nyalɩmɛ. Mɩ fa bʋl Wɩa wɩaa nɛ aŋ pɛ ŋaa Yesu Kirisito sɩada tɩɩna. Ŋɩɩ wɩaa nɛ tɩɩ ba kɛmmɛ kaa mʋ tintee kʋbala baa yɩrɛ Patɩmɔs. Lɩɩŋ golli tintee-la kala chu nɛ.

Jɔɔŋ Wʋnaalaa 11:18

Dʋnɩa nɩaa fa na baanɩŋ nɛ ŋ nyuŋ. Ama bʋa-la ŋ baanɩŋ sɩ jaŋ sii ba nyuŋ yie nɛ. Bʋa-la lɛ ŋ sɩ jaŋ dii nɩalɩŋ sɩ sʋba sarɩya yie nɛ, arɩ bʋa-la lɛ ŋ sɩ jaŋ siili ŋ tɩntɩnnaa sɩ ŋaa ŋ wʋlaabʋllaa, a pɛ ŋ nɩaa kala lɛ, arɩ nɩalɩŋ sɩɩ ziliŋ lɛ, nɩhɩasɩŋ arɩ hambiisiŋ kala, Bʋa-la yie nɛ dɩ ŋ chei nɩalɩŋ sɩ chei dʋnɩa.”

Jɔɔŋ Wʋnaalaa 14:12

Bʋa deeŋ lɛ Wɩa nɩalɩŋ sɩɩ to Wɩa niiŋ a laa Yesu Kirisito wɩaa dii, ʋ maga dɩ ba nyalɩmɛ nɛ.

Jɔɔŋ Wʋnaalaa 16:6

Dʋnɩa nɩaa kpʋ ŋ nɩaa arɩ ŋ wʋlaabʋllaa nɛ. Ba sɩ ŋaa ŋɩɩ nɛ tɩɩ ŋ ŋaa chalɩŋ pɩba dɩ ba nyʋa. Ʋ maga dɩ ba nyʋa nɛ.”

Jɔɔŋ Wʋnaalaa 17:11

Baga kʋ-la fa sɩ hɛ nɩmɛ aŋ bɩra tuo, ʋ nɛ fa ŋaa kuori-chori. Ʋ ma pɛ kuorie-la balɩpɛ-la tʋɔŋ ba sɩ jaŋ chei nɛ.

Jɔɔŋ Wʋnaalaa 17:8

Baga kʋ-la ŋ sɩ na nɛ fa hɛ nɩmɛ bumbuŋ aŋ bɩra tuo. Ʋ jaŋ lɩɩ buotuo-luŋii-la tʋɔŋ kʋ lɩɩ a mʋ sʋʋ. Nɩalɩŋ kala sɩ hɛ dʋnɩa lɛ ka ba bɩ ba yɩraa ŋmʋnsa hɛ mɩɩsɩŋ teŋ-la lɛ a lɩɩ dʋnɩa dɩ-suomuŋ jaŋ na baga kʋ-la dɩ ʋ ŋaaba wʋkpuŋkpere, bɛɛ wɩaa ʋ fa hɛ nɩmɛ bumbuŋ aŋ bɩra tuo, aŋ saa jaŋ bɩra kɔ.

Jɔɔŋ Wʋnaalaa 2:19

Bʋla pɩba dɩ mɩ jɩŋ wɩalɩŋ kala ba sɩɩ ŋaa nɛ. Mɩ jɩŋ ŋɩɩ ma sɩ cho nɩaa nɛ, arɩ ŋɩɩ ma sɩ laa Wɩa dii, arɩ ŋɩɩ ma sɩɩ pɛ nɩaa lɛ, arɩ ŋɩɩ ma sɩ kɛŋ kenyiri. Lɛɛlɛ ma paala ŋaa wɩaa deemba aa kɩɩ ŋɩɩ ma fa sɩɩ ŋaa nɛ bumbuŋ-la.

Jɔɔŋ Wʋnaalaa 2:2

Mɩ jɩŋ wɩalɩŋ kala ma sɩ ŋaa nɛ. Mɩ na ŋɩɩ ma sɩ tɩma arɩ sɩɩfɩɛsɩŋ nɛ, a dii kenyiri wɩɩkala lɛ. Mɩ jɩma ma dɩ nɩbɔŋŋɔɔ bɩ dɔŋɔ lɛ wuo. Nɩaa dɔnsʋŋ joŋ ba tɩtɩa arɩ ba ŋaa Wɩa nanzɔɔba nɛ, ama ma magɩsɛ nɩaa deemba nɛ a na dɩ baa nyɩɛ nɛ.

Jɔɔŋ Wʋnaalaa 3:10

A tɩŋ ma sɩ to mɩ niiŋ wɩaa a nyalɩmɛ, mɩ ma jaŋ pɔma a lɩɩsɛma hɛɛ-la sɩ jaŋ jʋʋ dʋnɩa nɩaa kala, a magɩsɛba.

Jɔɔŋ Wʋnaalaa 3:3

Má liise yi wɩalɩŋ ba sɩ dagɛma arɩ wɩalɩŋ ma sɩ nɩa aŋ laa maa. Má toba, aŋ bɩrɩma lɩɩ ma wʋbɔŋŋɔɔ lɛ. Dɩ ma nɛ bɩ doŋ lɛ sie, mɩ jaŋ lʋara kɔ a nagɛ gaara. Ma bɩ jaŋ wuo jɩŋ bʋa-la mɩ sɩ jaŋ kɔ ma teeŋ.