Jɔɔŋ Wʋnaalaa 12:9 - WƖA TENIŊ

⁹ Ŋɩɩ nɛ ba joŋ dɩŋ-la arɩ ʋ harɩ-tooroo a yuo ta ba lɩɩ Wɩa-jaŋ a kʋ tuu tinteeŋ. Dɩŋ-la fa hɛ nɩmɛ faafaa kala nɛ a lɩɩ dʋnɩa dɩ-suomuŋ. Ʋ nɛ baa yɩrɛ Sɩtaanɩ, nɩɩ-la sɩɩ nyɩsɛ dʋnɩa nɩaa ba yeŋŋi.

Jɔɔŋ Wʋnaalaa 12:9 ပူးပေါင်းရင်းမြစ်များ

WƖAA DƖ-SUOMUŊ 3:1

Dɩmɩŋ nɛ fa kɛŋ wʋjɩmɩŋ a kɩɩ pʋsʋ-la kala La TƖƖNA Wɩa sɩ ŋaa. Ʋ pɩɛsɛ haal-la, “Wɩa sɛnɛ sɩ má sɩ́ tɩa-la sɩ hɛ ŋmaŋkaaŋ deeŋ tʋɔŋ nɛnɛɛ dii nɛɛ?”

WƖAA DƖ-SUOMUŊ 3:13

Ŋɩɩ nɛ La TƖƖNA Wɩa pɩɛsɛ haal-la, “Bɛɛ nɛ ŋ ŋaa ŋ-la?” Ʋ sɩ, “Dɩmɩŋ nɛ nyɩsɛmɛ mɩ dii tɩɩnɛŋ-la.”

1 IZIRAL TƖŊŊAA NAABARƖŊ 21:1

Bʋa kʋbala lɛ Sɩtaanɩ chɩchɛ dɩ ʋ hɛ wɩaa Iziral tɩŋŋaa lɛ, a yigi Devit hɛ dɩ ʋ dɩɩsɛba.

2 IZIRAL TƖŊŊAA NAABARƖŊ 18:21

Dɩma-la bʋl, ‘Mɩ jaŋ joŋ wʋnyɩɛrɩŋ a hɛ ʋ nɩalɩŋ kala sɩ bʋl wɩaa pʋpʋ niiŋ lɛ.’ La TƖƖNA bɩra bʋl, ‘Mʋ, ŋ jaŋ wuo nyɩsʋ.’ ”

WƖA YƖƖLAA 109:6

Chɛ nɩbɔŋ dɩ ʋ chɩŋ mɩ dʋndɔmɔ lɛ, a bʋl ʋ teeŋ,

AZAAYA 14:12

Ɛɛ ma nɛ ŋ lɩɩ wɩa-nyuŋ kʋ tuu tel ŋɩɩ, ŋ fa nagɛ nanyʋɔlʋŋ sɩ pɔsɔ nɛ. Ŋ fa yie yuo dii tinteyee nɛ, ama lɛɛlɛ ba kiriŋ ta nɛ ŋ tuu tinteeŋ.

AZAAYA 27:1

Tapʋlɩɩ-la, La TƖƖNA jaŋ joŋ ʋ tokobii-duo-la sɩ kɛŋ niiŋ woruŋ a dɔgɩsɛ peribanyeŋŋu, aŋ kpʋ kʋkpuŋkpere-la sɩ yʋga a nagɛ dɩmɩŋ a hɛ mʋgʋ-balɩŋ lɛ.

AZAAYA 65:25

Guŋguro arɩ pie-bie jaŋ pɛ dɔŋɔ a didii kɩaa. Naachigiŋ jaŋ didii yaŋ a nagɛ nɛŋ. Dɩmɩŋ ma jaŋ didii hagɩla. Ba bɩra bɩ jaŋ ŋaa wʋbɔŋ dɔŋɔ lɛ koo a chei dɔŋɔ mɩ peel-zɔŋ-la nyuŋ. Mɩ-na ma TƖƖNA nɛ bʋla.”

ƐZƖKƖƐL 28:16

Ŋ bayalɩŋ fa yʋga, ŋɩɩ leŋ ŋ ŋaa nii-jɩgɛ tɩɩna a ŋaa wʋbɔŋŋɔɔ. Ŋɩɩ nɛ mɩ kiriŋ ta mɩ-na Wɩa peel-la nyuŋ, mɩ tɩndaarʋ-la sɩɩ pɔŋ nɛ kiriŋ ta ŋ lɩɩ tabɩa-la sɩɩ chol nyiniŋ tʋɔŋ.

Matiu 13:39

Dʋndɔŋ-la sɩ duu yaŋ-la nɛ ŋaa Sɩtaanɩ. Miiri-la ma kʋmʋŋ nɛ ŋaa dʋnɩa dɩdɛrɩŋ. Nɩalɩŋ ma sɩ kʋŋ miiri-la nɛ ŋaa Wɩa tɩndaaraa.

Matiu 24:24

Nɩaa dɔnsʋŋ jaŋ sii fugo bʋl dɩ ba nɛ ŋaa Kirisito, nɩɩ-la Wɩa sɩ lɩɩsa. Dɔnsʋŋ ma jaŋ sii fugo bʋl ba ŋaa Wɩa wʋlaabʋllaa nɛ. Ba jaŋ ŋaa wʋmagɩlaa arɩ wʋkpuŋkperisiŋ kala a chɩchɛ dɩ ba nyɩsɛ nɩalɩŋ Wɩa sɩ lɩɩsa dɩ baa toba, dɩ ba nɛ wuolo.

Matiu 25:41

Ŋɩɩ nɛ mɩ jaŋ bʋla pɩ nɩalɩŋ sɩ hɛ mɩ nagʋa a bʋl, ‘Má sʋrɩsɛ mɩ sɛmɛ, Wɩa ŋmɩaŋ diima nɛ. Má mʋ a jʋʋ nyiŋ-la sɩ bɩ dɩsɛ. Wɩa hɛ nyiŋ-la bil Sɩtaanɩ arɩ ʋ tɩndaaraa lɛ nɛ dɩ ba kʋ jʋʋ,

Matiu 4:1

Ŋɩɩ nɛ Wɩa Dɩŋ-zɔmʋŋ kɛŋ Yesu kaa jʋʋ tintee-hɩlɩŋ tʋɔŋ dɩ Sɩtaanɩ magɩsʋ.

Matiu 4:10

Ŋɩɩ nɛ Yesu bʋla pʋ, “Sɩtaanɩ, mʋ nɩmɛ, Wɩa teniŋ tʋɔŋ ba ŋmʋnsa, ‘Má chʋchʋɔlɛ La Tɩɩna Wɩa dʋndʋŋa a tutou.’ ”

Matiu 4:5

Sɩtaanɩ kɛnʋ kaa mʋ Jerusalɛm a kɛnʋ jɩl Wɩa dɩɩ-balɩŋ nyu-gbaŋa

Matiu 4:8

Ŋɩɩ nɛ Sɩtaanɩ bɩra kɛŋ Yesu a kaa jɩl peel-bal kʋbala nyuŋ a dagʋ dʋnɩa kuoruŋ fine arɩ ʋ zɔmʋŋ

Luuk 10:18

Ŋɩɩ nɛ Yesu bʋla pɩba, “Mɩ na Sɩtaanɩ dɩ ʋ lɩɩ wɩa-nyuŋ kʋ tuu tel a nagɛ duonuŋ sɩɩ lɩgɩsɛ ŋɩɩ.”

Luuk 13:16

Haala deeŋ ŋaa Abɩraham doho nʋʋ nɛ. Sɩtaanɩ kɛnʋ vɔɔ bil jɩsɩŋ fii arɩ chori. Ʋ saa bɩ maga dɩ la laaʋ ta chɛ-wiesii-la chɛɛŋ koo?”

Luuk 22:3

Ŋɩɩ nɛ Sɩtaanɩ kʋ jʋʋ Yesu harɩ-tooroo fii arɩ balɩa-la dɔŋɔ ba sɩɩ yɩrɛ Judas Ɩsɩkarɔt.

Luuk 22:31

Ŋɩɩ nɛ Yesu bʋla pɩ Saamɔŋ Pɩɩta, “Saamɔŋ, Saamɔŋ, Sɩtaanɩ laa wombiiŋ nɛ dɩ ʋ magɩsɛ ma kala, dɩ ʋ pɔrɛ nɩzɔŋŋɔɔ nɩbɔŋŋɔɔ lɛ, a nagɛ paara sɩ yie chaarɛ mɩɩ-jɔrʋŋ ta, aŋ ka mɩɩ-biiŋ ŋɩɩ.

Luuk 8:12

Kɩalɩŋ sɩ tel wombiiŋ tʋɔŋ nɛ ŋaa nɩalɩŋ sɩ yie nɩɩ Wɩa niiŋ wɩalɩŋ, ka Sɩtaanɩ kʋ liiri wɩalɩŋ ba tʋɔŋ, dɩ ba sɩ́ wɩalɩŋ laa dii dɩ Wɩa laaba ta.

Jɔɔŋ 12:31

Bʋa-la lɛ Wɩa sɩ jaŋ dii dʋnɩa nɩaa sarɩya yie nɛ. Bʋa deeŋ lɛ nɛ ʋ ma jaŋ kiri Sɩtaanɩ ta, dʋnɩa nɩaa kuoro.

Jɔɔŋ 14:30

Mɩ bɩ jaŋ wuo bʋl wɩaa ma teeŋ a dieni, bɛɛ wɩaa dʋnɩa kuoro ka kɔ nɛ. Ama ʋ bɩ dol kala kɛnɛ mɩ lɛ.

Jɔɔŋ 16:11

Wɩa sɩ folo dii dʋnɩa kuoro Sɩtaanɩ sarɩya ŋɩɩ, ba jaŋ jɩŋ arɩ Wɩa jaŋ dii ba ma sarɩya.

Jɔɔŋ 8:44

Ma nyɩmma nɛ ŋaa Sɩtaanɩ. Ma saa cho dɩ maa ŋaa ʋ tʋɔtɔrɛ wɩaa nɛ. Dʋnɩa dɩ-suomuŋ kala lɛ nɛ ʋ ŋaa nɩkpʋʋrʋ. Ʋ tɩtɩa bɩ wʋtɩtɩɩ kɛnɛ. Ŋɩɩ nɛ tɩɩ ʋ bɩ wʋtɩtɩɩ ka to. Dɩ ʋ nɛ nyɩɛ wɩaa ma, ʋ nagɩsɩŋ nɛ paala ŋɩɩ. Ʋ ŋaa wʋnyɩɛrʋ nɛ, a paala ŋaa wʋnyɩɛraa kala nyɩmma ma.

Tɩntɩŋŋaa 26:18

Mɩ jaŋ tɩmɩŋ dɩ ŋ mʋ bʋl wɩaa a suri ba sɩaa, dɩ ba bɩrɩma lɩɩ birimiŋ lɛ a kʋ jʋʋ pʋlʋmʋŋ tʋɔŋ, a ŋaa dɩ ba lɩɩ Sɩtaanɩ nɩsɩŋ lɛ a kɔ Wɩa teeŋ. Dɩ ba nɛ ŋaa ŋɩɩ a laa mɩ wɩaa dii, Wɩa jaŋ joŋ ba wʋbɔŋŋɔɔ chɛba. Ba jaŋ na leriŋ nɩalɩŋ Wɩa sɩ lɩɩsa tʋɔŋ.’

Tɩntɩŋŋaa 5:3

Pɩɩta pɩɛsʋ, “Ananɩas, bɛɛ nɛ tɩɩ ŋ leŋ Sɩtaanɩ nyɩsɩŋ, ŋ joŋ tintee-la ŋ sɩ yalla moribie-la dɔnsʋŋ faa, aŋ nyɩɛ wɩaa pɩ Wɩa Dɩŋ-zɔmʋŋ?

Rom Tɩŋŋaa 16:18

Nɩaa deemba bɩ La Tɩɩna Kirisito tɩntɩŋŋaa ka tɩŋ, ama ba tɩtɩa wʋchooloo nɛ baa ŋaa. Ba yie kɛŋ nii-sɩma a nyɩsɛ nɩalɩŋ sɩ bɩ wɩaa jɩŋ.

Rom Tɩŋŋaa 16:20

Dɩ ma nɩɩ ŋaa ŋɩɩ, Wɩa sɩ pɩ nɩaa fɩɛlɩŋ, bɩ jaŋ dieni, aŋ kɛŋ Sɩtaanɩ nyaga bil ma naasɩŋ bʋbʋɔŋ dɩ ma nʋɔsɛ. La Tɩɩna Yesu Kirisito jaŋ fá ma nenige a pɛ ma lɛ.

2 Kɔrɩntɩ Nɩaa 11:14

Ʋ ŋɩɩ saa bɩ wʋkpuŋkpere wɩɩ ŋaa, bɛɛ wɩaa Sɩtaanɩ ma kɛŋ ʋ tɩtɩa a nagɛ dɩ ʋ ŋaa Wɩa tɩndaarʋ sɩ kɛŋ pʋlʋmʋŋ nɛ.

2 Kɔrɩntɩ Nɩaa 11:3

Ama fawʋllʋŋ kɛmmɛ nɛ, dɩ ba sɩ kʋ nyɩsɛma dɩ ma sɩ́ Kirisito to arɩ tʋɔ-bala arɩ wʋtɩtɩɩ. A nagɛ dɩmɩŋ fa sɩ kɛŋ ʋ wʋjɩmɩŋ a nyɩsɛ Hawa ŋɩɩ.

2 Kɔrɩntɩ Nɩaa 12:7

Wʋkpuŋkperisi-la kala Wɩa sɩ joŋo dagɛmɛ fa jaŋ wuo ŋaa dɩ mɩ bigisi mɩ tɩtɩa lɛ. Ama dɩ mɩ sɩ́ wuo na wombiiŋ a bigisi mɩ tɩtɩa lɛ, Wɩa joŋ hɛɛ kʋbala hɛ mɩ lɛ. Ʋ wʋwɩɩ a nagɛ sɔɔŋ sɩ tɔmɛ. Hɛɛ-la naga ʋ to Sɩtaanɩ lɛ nɛ a kʋ walɩmɛmɛ dɩ mɩ sɩ́ wuo na wombiiŋ a bigisi mɩ tɩtɩa lɛ.

2 Kɔrɩntɩ Nɩaa 2:11

mɩ bɩ chɛ dɩ Sɩtaanɩ wuola. La jɩŋ ʋ wʋkɛnɩŋ nɛ.

2 Kɔrɩntɩ Nɩaa 4:4

Nɩaa deemba Sɩtaanɩ nɛ tɔ ba wʋjɩmɩŋ dɩ ba sɩ́ wuo na Wɩa wʋzɔmɔ-la pʋlʋmʋŋ. Wɩa wʋzɔmɔ-la nɩɩ dagɛ Kirisito tʋla, Nɩɩ-la sɩ nagɛ Wɩa.

Ɛfɛsɩs Nɩaa 4:14

Ŋɩɩ-na la bɩra bɩ jaŋ ŋaa hambiisi Wɩa wɩaa lɛ, dɩ wʋwogusu-la nɩaa dɔnsʋŋ sɩɩ dagʋ a mʋ tɩgɛ Wɩa wɩaa lɛ kɛnla begili. La bɩ jaŋ to nɩalɩŋ sɩɩ nyɩɛ wɩaa, a kɛŋ badɛrɩŋ nyɩnyɩsɛ nɩaa, dɩ ba joŋ wɩalɩŋ ba sɩ laa dii ta.

2 Tɛsalonaaka Nɩaa 2:3

Má sɩ́ leŋe dɩ nʋʋkala nyɩsɛma wombii kala lɛ. Tapʋlɩɩ-la bɩ jaŋ yi, see dɩ nɩaa sii ŋaa taawɛɩ a vɩa Wɩa. Ŋɩɩ harɩŋ lɛ wʋbɔŋŋɔɔ kuoro, nɩɩ-la Wɩa sɩ jaŋ joŋo hɛ nyiniŋ lɛ, jaŋ kɛŋ ʋ tɩtɩa kaa dagɛ nɩaa.

1 Timoti 2:14

Sɩtaanɩ bɩ Adam nɛ nyɩsa. Hawa nɛ ʋ nyɩsɛ ʋ ŋaa wʋbɔŋ a chei Wɩa niiŋ wɩaa ʋ sɩ bʋla pɩba.

2 Timoti 3:13

Ama nɩbɔŋŋɔɔ arɩ nɩalɩŋ sɩ gɔllɔɔ nyɩsɛ nɩaa jaŋ wasa ŋɩŋaa wʋbɔŋŋɔɔ. Ba jaŋ nyɩsɛ nɩaa aŋ pɛ nyɩnyɩsɛ ba tɩtɩa maa.

Hiburu TƖŊŊAA 2:14

Biiri-la Wɩa sɩ joŋo pɩ Kirisito kɛŋ chalɩŋ arɩ yaraa nɛ. Ŋɩɩ tɩtɩa nɛ Kirisito ma bɩrɩmɛ nuhuobiiŋ a kɛŋ chalɩŋ arɩ yaraa dɩ ʋ sʋʋ a wuo yuo dii Sɩtaanɩ, nɩɩ-la sɩ kɛŋ sʋʋŋ doluŋ,

1 Pɩɩta 5:8

Má kɛŋ ma tɩtɩa woruŋ, a pɔ ma tɩtɩa lɛ. Ma dʋndɔmɔ Sɩtaanɩ, gɔllɔɔ chɛma nɛ, a nagɛ naachigiŋ sɩ gɔllɔ yele chɩchɛ kʋdiilee.

1 Jɔɔŋ 5:19

La jɩma la ŋaa Wɩa biiriŋ nɛ. Nɩkaana-la-na kala sɩ hɛ dʋnɩa lɛ hɛ Sɩtaanɩ nɩsɩŋ lɛ nɛ.

Juud 1:9

Ama bʋa-la lɛ Wɩa tɩndaaraa kʋhɩaŋ ba sɩɩ yɩrɛ Maakɩl, arɩ Sɩtaanɩ fa sɩ kɛŋ Mosis kʋsʋʋŋ wɩaa yuyuo dɔŋɔ, Maakɩl bɩ wɩɩkala bʋla chei Sɩtaanɩ tʋɔŋ, ama ʋ ta bʋl nɛ arɩ La Tɩɩna Wɩa jaŋ dɔgɩsʋ.

Jɔɔŋ Wʋnaalaa 12:12

Ma nɩalɩŋ sɩ hɛ Wɩa-jaŋ, má leŋ dɩ ma tʋɔŋ tɔrɛ. Ama ma nɩalɩŋ sɩ hɛ tinteeŋ lɛ arɩ kɩalɩŋ sɩ hɛ mʋgʋ-balɩŋ lɛ, ma jaŋ na hɛɛŋ. Sɩtaanɩ kʋ tuu ma teeŋ nɛ, ʋ faasa na baanɩŋ nɛ, bɛɛ wɩaa ʋ jɩma arɩ ʋ bɩra bɩ dieni, ka dɩ ba laa ʋ doluŋ.”

Jɔɔŋ Wʋnaalaa 12:3

Ŋɩɩ nɛ kʋkpuŋkpere dɔŋɔ ma kʋ lɩɩ wɩa-nyuŋ. Kʋkpuŋkpere deeŋ fa nagɛ dɩmɩŋ sɩ yʋga kieli nɛ a kala fɩɛsɛ a nagɛ chalɩŋ. Dɩŋ-la fa kɛŋ nyusuŋ balɩpɛ nɛ arɩ nyilliŋ fii, a chu kuori nyunchuuluŋ balɩpɛ.

Jɔɔŋ Wʋnaalaa 12:7

Bʋa deeŋ lɛ laalɩŋ sii Wɩa-jaŋ lɛ. Wɩa tɩndaarɩ-hɩaŋ ba sɩɩ yɩrɛ Maakɩl arɩ tɩndaaraa dɔnsʋŋ suomi a yuyuo dɩŋ-la. Ŋɩɩ nɛ dɩŋ-la arɩ ʋ harɩ-tooroo maa yuo.

Jɔɔŋ Wʋnaalaa 12:8

Ama Maakɩl nɩaa yuo dii dɩŋ-la arɩ ʋ harɩ-tooroo. Dɩŋ-la arɩ ʋ harɩ-tooroo bɩra bɩ dɩ-hɔnɩɩ kala kɛnɛ Wɩa-jaŋ lɛ.

Jɔɔŋ Wʋnaalaa 13:14

A tɩŋ wʋmagɩla-la ba sɩ pʋ doluŋ ʋ ŋaa bumbuŋ baga kʋ-la nyuŋ, ʋ nyɩsɛ dʋnɩa nɩaa dɩ ba mɛ kʋŋ sɩ nagɛ bumbuŋ baga kʋ-la, kʋ-la ba sɩ pɩra arɩ tokobiiŋ ka ʋ ha wei.

Jɔɔŋ Wʋnaalaa 16:14

Jɩŋ-bɔŋŋɔɔ deemba batori lɩɩ Sɩtaanɩ lɛ nɛ a yie ŋɩŋaa wʋkpuŋkperisiŋ. Ba nɛ gɔllɛ dʋnɩa kuoroo kala teeŋ, a kɛmba hɛ dɔŋɔ lɛ baa kɛŋ ba tɩtɩa dɩ ba yuo laalɩŋ La Tɩɩna doluŋ kala Tɩɩna tapʋl-bal-la.

Jɔɔŋ Wʋnaalaa 18:2

Ŋɩɩ nɛ ʋ faasa suri ʋ yikoro a bʋl, “Babɩlɔŋ tele, Babɩlɔŋ tabal-la tele. Ʋ lɛɛlɛ bɩrɩmɛ jɩŋ-bɔŋŋɔɔ arɩ diibiisiŋ sɩ kɛŋ disiniŋ arɩ kɩalɩŋ ba sɩɩ kɩɩsʋ kala dɩjʋʋlʋŋ nɛ.

Jɔɔŋ Wʋnaalaa 18:23

Chaanaa ma bɩra bɩ jaŋ chaanɛ ʋ tʋɔŋ. Baalaa arɩ haalaa bɩra bɩ jaŋ jaa dɔŋɔ ʋ lɛ. Babɩlɔŋ bayalaa nɛ fa ŋaa nɩbalaa dʋnɩa deeŋ lɛ. Ʋ kɛŋ ʋ chichiribi wɩaa a nyɩsɛ dʋnɩa nɩaa kala.

Jɔɔŋ Wʋnaalaa 19:20

Nɩɩ-la sɩ jɩl jɔɔ-la arɩ ʋ laalɩyuoroo yuo dii baga kʋ-la a kɛŋ ʋ dɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ kala. Nɩɩ-la fa sɩ ŋaa wʋmagɩlaa baga kʋ-la nyuŋ a wuo nyɩsɛ nɩalɩŋ sɩ kɛŋ baga kʋ-la magɩlɩŋ, aa chʋɔlɛ baga kʋ-la nagɩsɩŋ ba sɩ mɛ bil. Nɩaa deemba balɩa kʋweyee nɛ ba joŋo yuo hɛ Wɩa nyiŋ-la sɩɩ dii a nagɛ jiribiiŋ lɛ.

Jɔɔŋ Wʋnaalaa 2:13

Mɩ jɩŋ lee-la ma sɩ hɛ nɛ, nɩmɛ nɛ Sɩtaanɩ dii kuoruŋ. Ama ma ha kɛŋ wʋtɩtɩɩ nɛ a mʋ tɩgɛ mɩ yɩrɩŋ lɛ. Ma bɩ wɩalɩŋ ma sɩ laa dii joŋo ta bʋa-la lɛ ba sɩ kpʋ Antɩpas sɩ ŋaa wʋtɩtɩɩ tɩɩna a bʋl wɩaa a tɩgɛ mɩ lɛ. Ba kpʋʋ ma tabalɩŋ lɛ nɛ, lee-la Sɩtaanɩ sɩ hɛ.

Jɔɔŋ Wʋnaalaa 2:24

Ama ma nɩalɩŋ dɔnsʋŋ sɩ hɛ Taataya lɛ a bɩ wɩalɩŋ haala deeŋ sɩɩ dagʋ ka to, a bɩ Sɩtaanɩ wʋbisi-la gʋnna, mɩ bɩ jaŋ joŋ wʋyuŋŋii kala daŋ ma lɛ. Wɩɩŋ deeŋ dʋndʋŋ nɛ mɩɩ chɛ dɩ mɩ bʋla pɩma:

Jɔɔŋ Wʋnaalaa 2:9

Mɩ jɩŋ wɩalɩŋ sɩɩ walɩmɛma nɛ, a jɩŋ ŋɩɩ ma sɩ summo, ama Wɩa teeŋ, ma ŋaa kuoroo nɛ. Nɩaa dɔnsʋŋ hɛ nɩmɛ aa chei ma yɩrɩŋ. Nɩaa deemba joŋ ba tɩtɩa arɩ ba ŋaa Juu tɩmma nɛ aŋ bɩ Juu tɩmma ŋaa. Baa to Sɩtaanɩ harɩŋ nɛ.

Jɔɔŋ Wʋnaalaa 20:10

Sɩtaanɩ nɛ nyɩsɛ Gɔg arɩ Magɔg nɩaa hɛ dɩ ba yuo Wɩa nɩaa. Ŋɩɩ nɛ ba joŋu a yuo hɛ nyiniŋ sɩɩ dii a nagɛ jiribiiŋ lɛ, lee-la ba sɩ joŋ baga kʋ-la arɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ a yuo a hɛ. Ba jaŋ na hɛɛŋ wɩɩhɛyɛ arɩ tɩtaŋɩŋ kala a kaa mʋ wuu.

Jɔɔŋ Wʋnaalaa 20:8

Ʋ jaŋ kʋ lɩɩ a nyɩsɛ dʋnɩa nɩaa sɩ hɛ tinteeŋ sɛmɛ-na kala lɛ dɩ ba kʋ hɛ dɔŋɔ a yuo laalɩŋ. Gɔg arɩ Magɔg nɩaa nɛ ŋɩɩ. Ba yʋga nɛ woruŋ a nagɛ mʋgʋ-balɩŋ niiŋ hagɩlɩ-bumbugulo.

Jɔɔŋ Wʋnaalaa 3:9

Má bee na, mɩ jaŋ leŋ dɩ nɩalɩŋ sɩɩ to Sɩtaanɩ a nyɩɛ wɩaa arɩ ba ŋaa Juu tɩŋŋaa nɛ aŋ bɩ Juu tɩmma ŋaa, kpirimi ma sɩpaaŋ, dɩ ba jɩŋ arɩ mɩ choma nɛ.

Jɔɔŋ Wʋnaalaa 9:1

Ŋɩɩ nɛ Wɩa tɩndaarɩ-nɔŋ-la ma ŋmʋʋ ʋ nyile. Ʋ sɩ ŋmʋʋ ŋɩɩ, mɩ na chɛnwʋlʋŋ dɩ ʋ lɩɩ wɩa-nyuŋ a kʋ tuu tel tinteeŋ. Ba joŋ buotuo luŋuŋ boribiiŋ pʋ.

Jɔɔŋ Wʋnaalaa 9:20

Dʋnɩa nɩkaana-la nyanyal bɔŋŋɔɔ deemba sɩ bɩ kpʋa, ba ma ha bɩ bɩrɩma lɩɩ ba wʋbɔŋŋɔɔ ŋaanɩŋ lɛ. Ba haa to Sɩtaanɩ nɛ a kpʋkpaarɛ vʋɩyaa. Sɛlɩmɛ arɩ hɔɔŋ arɩ kɔlɩɩŋ nɛ ba kaa mɛ vʋɩya-la dɔnsʋŋ, dɔnsʋŋ ma ŋaa tabɩaa, dɔnsʋŋ ma ŋaa tɩɩsɩŋ. Vʋɩya-la bɩ na, ba bɩ wɩaa maa nɩɩ, ba bɩra bɩ wuo vɩvɛŋ ma.