Jɔɔŋ Wʋnaalaa 12:7 - WƖA TENIŊ

⁷ Bʋa deeŋ lɛ laalɩŋ sii Wɩa-jaŋ lɛ. Wɩa tɩndaarɩ-hɩaŋ ba sɩɩ yɩrɛ Maakɩl arɩ tɩndaaraa dɔnsʋŋ suomi a yuyuo dɩŋ-la. Ŋɩɩ nɛ dɩŋ-la arɩ ʋ harɩ-tooroo maa yuo.

Jɔɔŋ Wʋnaalaa 12:7 ပူးပေါင်းရင်းမြစ်များ

WƖA YƖƖLAA 78:49

Wɩa fa chaasa na baanɩŋ nɛ Ijipiti tɩŋŋaa nyuŋ woruŋ. Ʋ yaraa hosi ba nyuŋ, ŋɩɩ leŋ ʋ ŋaa ʋ tɩndaaraa kʋ tuu cheiba kɩŋkɛŋ.

AZAAYA 34:5

La TƖƖNA kɛŋ ʋ laalɩyuoroo hɛ dɔŋɔ nɛ ʋ jaŋ lɛ, ʋ jaŋ kʋ dii Ɛdɔm nɩaa sarɩya, nɩalɩŋ ʋ sɩ sɩ ʋ jaŋ chei.

AZAAYA 55:4

Mɩ fa leŋe ʋ ŋaa nɩaa sɩpaalaarʋ nɛ a ŋaa laalɩyuori-hɩaŋ. Ʋ lɛ nɛ mɩ to a dagɛ mɩ doluŋ.

DANƖƐL 10:13

Ama Sɩtaanɩ tɩndaarʋ-la sɩɩ beŋ Pɛsɩa tinteeŋ tɔ mɩ wombiiŋ tapʋlaa mara arɩ kʋbala nɛ. Ŋɩɩ nɛ Maakɩl sɩ ŋaa Wɩa tɩndaaraa nɩhɩaŋ dɔŋɔ kʋ pɛ mɩ lɛ, a tɩŋ Sɩtaanɩ tɩndaarʋ-la sɩɩ beŋ Pɛsɩa tinteeŋ fa sɩ tɔ mɩ wombiiŋ wɩaa.

DANƖƐL 10:21

Ama mɩ jaŋ laa sɩpaaŋ bʋl wɩɩ-la ba sɩ ŋmʋnsa hɛ Wʋtɩtɩɩ Teŋ-la lɛ. Nʋʋkala bɩ mɩ lɛ pɛ yuoba, see Wɩa tɩndaara Maakɩl. Ʋ nɩɩ pɔ ma Iziral tɩŋŋaa.

DANƖƐL 12:1

Ŋɩɩ nɛ kʋ-la sɩ nagɛ nuhuobiine a laalɛ gɛrɩpɛ fʋfʋlʋŋ gɛrɩŋ bɩra bʋl, “Bʋa-la lɛ Wɩa tɩndaarɩ-hɩaŋ-la ba sɩɩ yɩrɛ Maakɩl, nɩɩ-la sɩɩ pɔ ŋ nɩaa jaŋ kʋ lɩɩ. Bʋa-la lɛ hɛɛŋ jaŋ hɛ nɩmɛ. Wɩa sɩ ŋaa dʋnɩa a kaa kɔ bʋa-la lɛ hɛɛ-la doho ha bɩ jʋa aŋ ka. Ama ŋ nɩalɩŋ kala yɩraa sɩ hɛ mɩɩsɩŋ teŋ-la tʋɔŋ, ba jaŋ laaba ta.

Matiu 13:41

Mɩ-na Nuhuobiine Bie jaŋ tɩŋ mɩ tɩndaaraa dɩ ba jʋʋ Wɩa kuorii-la tʋɔŋ a tʋɔsɛ nɩalɩŋ sɩ ŋaa wʋbɔŋ ŋaaraa, arɩ nɩalɩŋ kala sɩ ŋaa wʋbɔŋŋɔɔ

Matiu 16:27

Mɩ-na Nuhuobiine Bie jaŋ kɔ arɩ mɩ Nyɩmma tʋla, a pɛ mɩ tɩndaaraa lɛ. Dɩ la nɛ kɔ, Wɩa jaŋ tiŋ nʋʋkala a magɛ ŋɩɩ ʋ sɩ tɩma.

Matiu 24:31

Ŋɩɩ nɛ ba jaŋ ŋmʋʋ nyil-balɩŋ, a tɩŋ Wɩa tɩndaaraa dɩ ba mʋ dʋnɩa sɛmɛ-na kala a kɛŋ nɩalɩŋ kala Wɩa sɩ lɩɩsa ba tutou a hilimi.

Matiu 25:41

Ŋɩɩ nɛ mɩ jaŋ bʋla pɩ nɩalɩŋ sɩ hɛ mɩ nagʋa a bʋl, ‘Má sʋrɩsɛ mɩ sɛmɛ, Wɩa ŋmɩaŋ diima nɛ. Má mʋ a jʋʋ nyiŋ-la sɩ bɩ dɩsɛ. Wɩa hɛ nyiŋ-la bil Sɩtaanɩ arɩ ʋ tɩndaaraa lɛ nɛ dɩ ba kʋ jʋʋ,

Matiu 26:53

Ŋ bɩ jɩŋ arɩ mɩ fa jaŋ wuo yɩrɛ mɩ Nyɩmma dɩ ʋ pɛ mɩ lɛɛ? Dɩ mɩ nɛ fa yɩrʋ, ʋ fa jaŋ ta ʋ tɩndaaraa bʋɩ bʋɩba dɩ ba kʋ pɛ mɩ lɛ.

2 Kɔrɩntɩ Nɩaa 12:7

Wʋkpuŋkperisi-la kala Wɩa sɩ joŋo dagɛmɛ fa jaŋ wuo ŋaa dɩ mɩ bigisi mɩ tɩtɩa lɛ. Ama dɩ mɩ sɩ́ wuo na wombiiŋ a bigisi mɩ tɩtɩa lɛ, Wɩa joŋ hɛɛ kʋbala hɛ mɩ lɛ. Ʋ wʋwɩɩ a nagɛ sɔɔŋ sɩ tɔmɛ. Hɛɛ-la naga ʋ to Sɩtaanɩ lɛ nɛ a kʋ walɩmɛmɛ dɩ mɩ sɩ́ wuo na wombiiŋ a bigisi mɩ tɩtɩa lɛ.

Ɛfɛsɩs Nɩaa 6:12

Ama la bɩ naga nɩalɩŋ sɩɩ yuo nuhuobiinee. Laa yuo Sɩtaanɩ arɩ ʋ harɩ-tooroo nɛ, arɩ kʋŋkala sɩ kɛŋ doluŋ nɩalɩŋ sɩ hɛ birimiŋ tʋɔŋ teeŋ. Dʋnɩa deeŋ arɩ dol-bɔmɔ-la kala sɩ hɛ wɩa-nyuŋ, ba nɛ laa yuo.

2 Tɛsalonaaka Nɩaa 1:7

Ʋ jaŋ pɩ ma nɩalɩŋ sɩɩ na hɛɛŋ wiese, a pɩ la ma wiese. Wɩɩŋ deeŋ jaŋ ŋaa bʋa-la lɛ La Tɩɩna Yesu sɩ jaŋ kɔ arɩ ʋ tɩndaara-la sɩ kɛŋ doluŋ.

Hiburu TƖŊŊAA 2:10

Kɩalɩŋ sɩ hɛ dʋnɩa lɛ, Wɩa nɛ ŋaaba a tɩɩba ma. Ʋ sɩɩ chɛ dɩ ʋ biiriŋ yʋgɛ kʋ jʋʋ ʋ kuorii-la tʋɔŋ, ʋ leŋe Yesu, nɩɩ-la sɩ jaŋ laaba ta na hɛɛŋ nɛ woruŋ.

2 Pɩɩta 2:4

Bumbuŋ kala nɛ Wɩa tɩndaaraa dɔnsʋŋ fa ŋaa wʋbɔŋŋɔɔ. Ba sɩ ŋaa ŋɩɩ, Wɩa bɩ ba leŋe pɛɩ. Ʋ kɛsɛba a jomba yuo hɛ Wɩa-nyiniŋ tʋɔŋ. Ba kɛŋ chɔrʋmɔɔ vɔɔba a leŋ ba pɩŋ birimiŋ tʋɔŋ. Ba jaŋ hɛ nɩmɛ a kaa mʋ yi tapʋlɩɩ-la Wɩa sɩ jaŋ dii dʋnɩa nɩaa sarɩya.

Juud 1:9

Ama bʋa-la lɛ Wɩa tɩndaaraa kʋhɩaŋ ba sɩɩ yɩrɛ Maakɩl, arɩ Sɩtaanɩ fa sɩ kɛŋ Mosis kʋsʋʋŋ wɩaa yuyuo dɔŋɔ, Maakɩl bɩ wɩɩkala bʋla chei Sɩtaanɩ tʋɔŋ, ama ʋ ta bʋl nɛ arɩ La Tɩɩna Wɩa jaŋ dɔgɩsʋ.

Jɔɔŋ Wʋnaalaa 12:8

Ama Maakɩl nɩaa yuo dii dɩŋ-la arɩ ʋ harɩ-tooroo. Dɩŋ-la arɩ ʋ harɩ-tooroo bɩra bɩ dɩ-hɔnɩɩ kala kɛnɛ Wɩa-jaŋ lɛ.

Jɔɔŋ Wʋnaalaa 12:9

Ŋɩɩ nɛ ba joŋ dɩŋ-la arɩ ʋ harɩ-tooroo a yuo ta ba lɩɩ Wɩa-jaŋ a kʋ tuu tinteeŋ. Dɩŋ-la fa hɛ nɩmɛ faafaa kala nɛ a lɩɩ dʋnɩa dɩ-suomuŋ. Ʋ nɛ baa yɩrɛ Sɩtaanɩ, nɩɩ-la sɩɩ nyɩsɛ dʋnɩa nɩaa ba yeŋŋi.

Jɔɔŋ Wʋnaalaa 13:7

Ba pʋ wombiiŋ nɛ dɩ ʋ kɛŋ Wɩa nɩaa a yuo laalɩŋ, a yuo diiba. Ba fa pʋ doluŋ nɛ ʋ wuo doho kala, nɩaa kala, tinteyee kala arɩ nɩaa sɩɩ bʋl yikoro kala.

Jɔɔŋ Wʋnaalaa 20:2

Ŋɩɩ nɛ ʋ kɛŋ dɩŋ-la, dɩŋ-la fa sɩ hɛ nɩmɛ bumbuŋ, a vɔbʋ bil jɩsɩŋ bʋɩ. Dɩŋ-la nɛ ŋaa Sɩtaanɩ.