Jɔɔŋ Wʋnaalaa 12:5 - WƖA TENIŊ

⁵ Ŋɩɩ nɛ haal-la lʋl hambolibie, nɩɩ-la sɩ jaŋ beŋ dʋnɩa nɩaa kala arɩ hɔɔŋ dantɩga. Ŋɩɩ nɛ Wɩa joŋ bile kaa mʋ ʋ teeŋ a leŋ ʋ hɔŋ ʋ kuoru kpasa nyuŋ,

Jɔɔŋ Wʋnaalaa 12:5 ပူးပေါင်းရင်းမြစ်များ

AZAAYA 66:7

Jerusalɛm nagɛ hapuugo sɩ bɩ hɛɛŋ na, aŋ lʋl hambolibie nɛ. Ʋ luoruŋ yie ŋaa dɩ ʋ wɩɩ dɩ ʋ lʋla.

AZAAYA 7:14

Ŋɩɩ wɩaa, La TƖƖNA tɩtɩa jaŋ leŋ dɩ ma na magɩlɩŋ. Hatolo ha sɩ bɩ baal jɩŋ jaŋ kɛŋ luoruŋ a lʋl hambolibie, a hɛ ʋ yɩrɩŋ Ɩmanʋɛl.

JƐRƖMAAYA 31:22

Ɛɛ nɛ maa chɛ ma gɔllɔ baara diene magɛ, ma Iziral tɩŋŋaa sɩ bɩ wʋtɩtɩɩ kɛnɛ? La TƖƖNA jaŋ ŋaa wʋfalɩɩ dʋnɩa lɛ, haala jaŋ pʋpɔ baala.”

MƖKA 5:3

Ŋɩɩ wɩaa ʋ jaŋ vɩa Iziral tɩŋŋaa ta a pɩ ba dʋndɔŋŋɔɔ a kaa mʋ yi bʋa-la lɛ hatolo kʋbala sɩ jaŋ kɛŋ luoruŋ a lʋl bie. Ŋɩɩ lɛ nɛ Iziral naambii-kaana-la sɩ hɛ yoŋ-baga lɛ jaŋ mɩɩra kɔ ba nɩaa teeŋ.

Matiu 1:25

Ʋ sɩ jaaʋ ŋɩɩ, ʋ dɩ ʋ bɩ dɔŋɔ jɩŋ, ka ʋ lʋl ʋ hatol-bie. Ŋɩɩ nɛ Josɛf hɛ ʋ yɩrɩŋ Yesu.

Maak 16:19

La Tɩɩna Yesu sɩ bʋl wɩalɩŋ dɛrɛ, Wɩa joŋu a kaa mʋ Wɩa-jaŋ, ʋ hɔŋ Wɩa nadiiŋ, nɩduoŋ dɩhɔnʋŋ.

2 Kɔrɩntɩ Nɩaa 12:2

Mɩ jɩŋ baal kʋbala fa sɩ laa Kirisito wɩaa dii. Ʋ jɩsɩŋ fii arɩ banɛsɛ nɛ ŋ-la Wɩa sɩ guu joŋu kaa jɩl ʋ jaŋ dɩ-bolii-la, a dagʋ wɩaa yʋgɛ, aŋ mɩɩra kɛnʋ kaa kʋ tuu ta. Dɩ Wɩa joŋ ʋ dɩma nɛ koo ʋ yaraa kala nɛ, mɩ bɩ jɩŋ. Wɩa nɛ jɩma.

2 Kɔrɩntɩ Nɩaa 12:4

Wɩalɩŋ ʋ sɩ nɩa, nuhuobiinee paala bɩ jaŋ wuo bʋlba. Ʋ bɩ maga dɩ ba bʋlba ma.

Jɔɔŋ Wʋnaalaa 11:12

Ŋɩɩ nɛ ba nɩɩ nʋʋ yikoro dɩ ʋ lɩɩ Wɩa-jaŋ a bʋla pɩba, “Má kʋ jɩl daha.” Ʋ sɩ bʋl ŋɩɩ dɛrɛ, ba to duoŋ-bɩlɩmbaanɩŋ lɛ a jɩl Wɩa-jaŋ. Ba dʋndɔŋŋɔɔ bibemba, ka ba jɩjɩl.

Jɔɔŋ Wʋnaalaa 12:13

Dɩŋ-la sɩ na dɩ ba joŋu yuo ta, ʋ kʋ tuu tinteeŋ, ŋɩɩ nɛ ʋ kire to haal-la sɩ lʋl hambolibie-la harɩŋ.

Jɔɔŋ Wʋnaalaa 12:2

Haal-la fa kɛŋ luoruŋ nɛ. Ʋ luoruŋ wʋwɩɩ, ʋ faasa yiyel a wʋwalɩmɛ dɩ ʋ lʋl.

Jɔɔŋ Wʋnaalaa 19:15

Ŋɩɩ nɛ tokobiiŋ sɩ kɛŋ niiŋ woruŋ nyagaga lɩɩ ʋ niiŋ lɛ a kʋ lɩɩ. Tokobii-la nɛ ʋ jaŋ kaa yuo dii tinteyee nɩaa kala. Ʋ jaŋ kɛŋ hɔɔŋ dantɩga a beŋ dʋnɩa nɩaa. Ʋ jaŋ dagɛ dʋnɩa nɩaa ŋɩɩ Wɩa doluŋ kala Tɩɩna sɩ na baanɩŋ ba nyuŋ a magɛ. Ʋ jaŋ nʋɔsɛ ba bʋrɩgɛ a nagɛ ba sɩ yie bʋrɩgɛ tɩɩnɛnɛɛ ŋɩɩ a lɩɩsɛ sɩnɩŋ.