Jɔɔŋ Wʋnaalaa 12:17 - WƖA TENIŊ

¹⁷ Ŋɩɩ nɛ dɩŋ-la na baanɩŋ haal-la nyuŋ a mʋ dɩ ʋ kɛŋ haal-la biiriŋ dɔnsʋŋ a yuo laalɩŋ. Haal-la biiriŋ nɛ ŋaa nɩalɩŋ sɩ nɩɩ Wɩa niiŋ wɩaa a tutoba, a didii Yesu dansɩa, a bʋl ʋ wɩaa a pɩpɩ nɩaa.

Jɔɔŋ Wʋnaalaa 12:17 ပူးပေါင်းရင်းမြစ်များ

WƖAA DƖ-SUOMUŊ 3:15

Mɩ jaŋ joŋ dʋndɔnnʋŋ hɛ ŋ dɩ haal-la pɛgɛ. Ŋ biiriŋ arɩ ʋ biiriŋ jaŋ ŋaa dʋndɔmɔ. Adam doho nʋʋ jaŋ ŋmoo ŋ nyuŋ yɛrɛ, ka dɩ ŋ ma ta ʋ naatilimiŋ lɛ.”

DANƖƐL 11:36

Siiria kuoru-la jaŋ ŋaa wɩɩ-la kala ʋ sɩ cho, a kɛŋ ʋ tɩtɩa yʋga kɩɩ vene kala a bʋl wɩalɩŋ sɩ bɩ maga a tʋʋsɛ Wɩa sɩ kɩɩ kʋŋkala joŋŋoo. Wɩaa jaŋ vɛŋ woruŋ pʋ a kaa mʋ yi bʋa-la lɛ Wɩa sɩ dɔgʋsʋ arɩ baanɩŋ, bɛɛ wɩaa Wɩa jaŋ ŋaa wɩɩ-la ʋ sɩ bɩɩna dɩ ʋ ŋaa.

Matiu 28:20

Má dagɛba a leŋ dɩ ba to wɩalɩŋ kala mɩ sɩ bʋla pɩma dɩ ma to. Mɩ jaŋ hɛ ma teeŋ bʋa na-kala lɛ a kaa mʋ dʋnɩa dɩdɛrɩŋ.”

Jɔɔŋ 8:44

Ma nyɩmma nɛ ŋaa Sɩtaanɩ. Ma saa cho dɩ maa ŋaa ʋ tʋɔtɔrɛ wɩaa nɛ. Dʋnɩa dɩ-suomuŋ kala lɛ nɛ ʋ ŋaa nɩkpʋʋrʋ. Ʋ tɩtɩa bɩ wʋtɩtɩɩ kɛnɛ. Ŋɩɩ nɛ tɩɩ ʋ bɩ wʋtɩtɩɩ ka to. Dɩ ʋ nɛ nyɩɛ wɩaa ma, ʋ nagɩsɩŋ nɛ paala ŋɩɩ. Ʋ ŋaa wʋnyɩɛrʋ nɛ, a paala ŋaa wʋnyɩɛraa kala nyɩmma ma.

1 Kɔrɩntɩ Nɩaa 2:1

Mɩ naambiiriŋ, mɩ sɩ kɔ ma teeŋ dɩ mɩ bʋl Wɩa wʋzɔmɔ-la a pɩma, mɩ bɩ wʋduduosi bʋla a nagɛ mɩ kɛŋ wʋjɩmɩŋ.

1 Pɩɩta 5:8

Má kɛŋ ma tɩtɩa woruŋ, a pɔ ma tɩtɩa lɛ. Ma dʋndɔmɔ Sɩtaanɩ, gɔllɔɔ chɛma nɛ, a nagɛ naachigiŋ sɩ gɔllɔ yele chɩchɛ kʋdiilee.

1 Jɔɔŋ 2:3

Dɩ la nɩɩ to wɩalɩŋ Wɩa sɩ daga, ŋɩɩ daga arɩ la jɩŋ Wɩa nɛ.

1 Jɔɔŋ 5:10

Nɩɩ-la kala sɩ laa Wɩa Bie wɩaa dii, ʋ tɩɩna jɩma ʋ tʋɔŋ lɛ arɩ wɩalɩŋ Wɩa sɩ bʋla a tɩgɛ ʋ lɛ ŋaa wʋtɩtɩɩ nɛ. Ama nɩɩ-la kala sɩ bɩ Wɩa laa dii, ʋ kɛŋ Wɩa yɩyɩrɛ wʋnyɩɛrʋ nɛ, bɛɛ wɩaa ʋ bɩ wɩɩ-la ʋ sɩ bʋla a tɩgɛ ʋ Bie lɛ laa dii.

1 Jɔɔŋ 5:2

Dɩ la nɛ cho Wɩa a tuto wɩalɩŋ ʋ sɩ dagɛla, ŋɩɩ daga arɩ la cho Wɩa biiriŋ nɛ.

Jɔɔŋ Wʋnaalaa 1:2

Ŋɩɩ nɛ Jɔɔŋ bʋl wɩalɩŋ kala ʋ sɩ na, wɩalɩŋ Wɩa sɩ dagʋ arɩ wɩalɩŋ kala Yesu Kirisito sɩ bʋla pʋ.

Jɔɔŋ Wʋnaalaa 1:9

Mɩ-na ma naambie Jɔɔŋ nɛ ŋmʋnsɛ teniŋ deeŋ a pɩpɩma. A tɩŋ Yesu Kirisito wɩaa nɛ laa na hɛɛŋ. Ama la nɩalɩŋ sɩ na hɛɛ-la ŋɩɩ a tɩŋ ʋ wɩaa, la ma jaŋ jʋʋ Wɩa kuorii-la tʋɔŋ. Hɛɛ-la kala lɛ la dii kenyiri nɛ a nyalɩmɛ. Mɩ fa bʋl Wɩa wɩaa nɛ aŋ pɛ ŋaa Yesu Kirisito sɩada tɩɩna. Ŋɩɩ wɩaa nɛ tɩɩ ba kɛmmɛ kaa mʋ tintee kʋbala baa yɩrɛ Patɩmɔs. Lɩɩŋ golli tintee-la kala chu nɛ.

Jɔɔŋ Wʋnaalaa 11:7

Dɩ ba nɛ bʋl Wɩa wɩalɩŋ dɛrɛ, baga kʋŋ jaŋ lɩɩ buotuo-luŋii-la tʋɔŋ kʋ lɩɩ yuo diiba, a kpʋba.

Jɔɔŋ Wʋnaalaa 12:16

Ama tintee-hɩlɩŋ kʋ pɛ haal-la lɛ a joŋ lɩɩ-la sɩ lɩɩ dɩŋ-la niiŋ lɛ kala a nyʋa.

Jɔɔŋ Wʋnaalaa 13:7

Ba pʋ wombiiŋ nɛ dɩ ʋ kɛŋ Wɩa nɩaa a yuo laalɩŋ, a yuo diiba. Ba fa pʋ doluŋ nɛ ʋ wuo doho kala, nɩaa kala, tinteyee kala arɩ nɩaa sɩɩ bʋl yikoro kala.

Jɔɔŋ Wʋnaalaa 14:12

Bʋa deeŋ lɛ Wɩa nɩalɩŋ sɩɩ to Wɩa niiŋ a laa Yesu Kirisito wɩaa dii, ʋ maga dɩ ba nyalɩmɛ nɛ.

Jɔɔŋ Wʋnaalaa 17:14

Ba dɩ Pie-bie-la jaŋ yuo dɔŋɔ, ama Pie-bie-la jaŋ yuo diiba, bɛɛ wɩaa ʋ nɛ ŋaa nɩalɩŋ kala sɩɩ beŋ nɩaa Kʋhɩaŋ, a kɛŋ kuoroo kala ma doluŋ. Ʋ dɩ ʋ harɩ-tooroo nɛ jaŋ yuo diiba. Nɩaa deemba nɛ ŋaa nɩalɩŋ Wɩa sɩ yɩra aŋ lɩɩsɛ, ba ŋaa nɩaa sɩ kɛŋ wʋtɩtɩɩ.”

Jɔɔŋ Wʋnaalaa 17:6

Ŋɩɩ nɛ ka mɩ na haal-la dɩ ʋ nyʋa Wɩa nɩaa chalɩŋ, a pɛ nɩalɩŋ ba sɩ kpʋa a tɩŋ Yesu wɩaa lɛ a bugi. Mɩ sɩ naʋ, ʋ wɩaa kperimi kɩŋkɛŋ kɩŋkɛŋ.

Jɔɔŋ Wʋnaalaa 18:20

Ma nɩalɩŋ sɩ hɛ Wɩa-jaŋ lɛ, má jʋjʋɔsɛ Babɩlɔŋ wɩaa. Ma Wɩa nɩaa arɩ Wɩa nanzɔɔba arɩ Wɩa wʋlaabʋllaa, má jʋjʋɔsɛ. Wɩa joŋ wɩalɩŋ Babɩlɔŋ sɩ ŋaa ma lɛ chɩmɩŋ a tiŋ ʋ lɛ nɛ.”

Jɔɔŋ Wʋnaalaa 19:10

Ŋɩɩ nɛ mɩ tuu kpirimi dɩ mɩ chʋɔlʋ, ama ʋ bʋla pɩmɛ, “Sɩ́ ŋɩɩ ŋaa, la kala ŋaa tɩntɩnnaa a tɩma pɩpɩ Wɩa, la dɩ nɩalɩŋ kala sɩɩ to wɩalɩŋ Yesu sɩ bʋla. Wɩa nɛ maga ŋ chʋɔlɛ. Wʋtɩtɩɩ-la Yesu sɩ daga nɛ leŋe Wɩa wʋlaabʋllaa kɛŋ doluŋ aa bʋl Wɩa wɩaa.”

Jɔɔŋ Wʋnaalaa 19:19

Ŋɩɩ nɛ ka mɩ na baga kʋ-la arɩ dʋnɩa kuoroo arɩ ba laalɩyuoroo dɩ ba hilime dɩ ba yuo nɩɩ-la sɩ jɩl jɔɔ-la arɩ ʋ laalɩyuoroo.

Jɔɔŋ Wʋnaalaa 20:4

Ŋɩɩ nɛ mɩ na kuoru kpasɩnɩŋ dɩ nɩaa hɔŋ ba nyuŋ. Nɩaa deemba nɛ Wɩa pa doluŋ dɩ ba dii dʋnɩa nɩaa sarɩya. Ŋɩɩ nɛ aŋ ka mɩ na nɩaa dɩnsɩŋ. Nɩaa deemba nɛ faa bʋl wʋtɩtɩɩ-la Yesu fa sɩ daga a pɩ nɩaa, aŋ pɛɛ bʋl Wɩa niiŋ wɩaa. Ŋɩɩ nɛ ba kpʋba a keri ba nyusuŋ. Nɩaa deemba-na fa bɩ baga kʋ-la ka chʋɔlɛ, ba bɩ kʋ-la ba sɩ mɛ ʋ nagʋ ma chʋɔlɛ. Ba bɩ baga kʋ-la magɩlɩŋ kɛnɛ ba tilliŋ lɛ koo ba nɩsaa lɛ. Nɩaa deemba sii sʋʋŋ lɛ, ba dɩ Kirisito dii kuoruŋ a beŋ dʋnɩa nɩaa jɩsɩŋ bʋɩ.

Jɔɔŋ Wʋnaalaa 22:14

Nɩalɩŋ sɩɩ to Wɩa wɩaa, Wɩa jaŋ pɛ ba lɛ dɩ ba wuo na wombiiŋ a to tabal-la boi-baalaa jʋʋ, a wuo dii tɩa-la sɩɩ pɩ nɩaa mɩɩsɩŋ nɛnɛɛ.

Jɔɔŋ Wʋnaalaa 6:9

Pie-bie-la sɩ kɛŋ kelli-la ba sɩ kaa mɛrɛ teŋ-la nɔŋ tɩɩna kaa lɛrɛ, ŋɩɩ nɛ mɩ bee na nɩalɩŋ ba sɩ kpʋa dɩnsɩŋ dɩ ba hɛ Wɩɩsʋllɩ koruŋ bʋbʋɔŋ. Nɩalɩŋ ba sɩ kpʋa faa bʋl Wɩa wɩaa nɛ a fa ŋaa La Tɩɩna Kirisito pɛ-naaraa ma, ŋɩɩ nɛ tɩɩ ba kpʋba.