Jɔɔŋ Wʋnaalaa 12:10 - WƖA TENIŊ

¹⁰ Ŋɩɩ nɛ ka mɩ nɩɩ yikori-bal kʋbala dɩ ʋ lɩɩ Wɩa-jaŋ a bʋl, “Lɛɛlɛ Wɩa dagɛ dol-la ʋ sɩ kɛnɛ dɩ ʋ laa ʋ nɩaa ta nɛ. Ʋ dagɛ ʋ doluŋ arɩ ʋ kuoruŋ nɛ, arɩ dol-la Kirisito sɩ kɛnɛ, Nɩɩ-la ʋ sɩ lɩɩsa, bɛɛ wɩaa nɩɩ-la sɩ joŋ cheeriŋ pɩ la naambiiriŋ, ba joŋu yuo ta nɛ ʋ kʋ tuu tinteeŋ. Ʋ fa joŋ cheeriŋ pɩba Wɩa sɩpaaŋ wɩɩhɛyɛ arɩ tɩtaŋɩŋ kala nɛ.

Jɔɔŋ Wʋnaalaa 12:10 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 29:11

La TƖƖNA, ŋ nɛ yʋga kɩɩ kʋŋkala, a kɛŋ doluŋ, arɩ tʋla arɩ yɩrɩŋ. Ŋ nɛ tɩɩ kʋŋkala sɩ hɛ tinteeŋ arɩ wɩa-nyuŋ, La TƖƖNA, ŋ nɛ kuoro. Ŋ nɛ kɩɩ kʋŋkala.

JOB 1:11

Ama dɩ ŋ nɛ laa kɩaa deemba kala ʋ teeŋ, ʋ jaŋ bʋl wʋbɔŋŋɔɔ a tɩgɛ ŋ lɛ, ʋ bɩ jaŋ kaa faa.”

JOB 1:9

Sɩtaanɩ ma bʋl, “Ŋ bɩɩna Job sɩɩ fáŋ ŋɩɩ ŋaa pɛɩ nɛɛ?

JOB 2:5

Ama dɩ ŋ nɛ chei ʋ yaraa, ʋ jaŋ bʋl wʋbɔŋŋɔɔ a tɩgɛ ŋ lɛ ʋ bɩ jaŋ kaa faa.”

WƖA YƖƖLAA 22:28

bɛɛ wɩaa La Tɩɩna nɛ kuoro, a kɛŋ doluŋ a bibeŋ tinteyee kala.

WƖA YƖƖLAA 45:6

Kuori-la Wɩa sɩ joŋo pɩŋ jaŋ hɛ nɩmɛ a kaa mʋ deeŋ deeŋ, wʋtɩtɩɩ nɛ jaŋ ŋaa ŋ kuoru dantɩga dɩ ŋ kaa beŋ ŋ nɩaa.

DANƖƐL 2:44

Kuoroo deemba kuoruŋ bʋa lɛ Wɩa sɩ hɛ ʋ jaŋ lɛ a bibeŋ kʋŋkala jaŋ bil kuoro ba sɩ bɩ jaŋ wuo giru, koo ba bɩ jaŋ laa a pɩ nɩa dɔsɛ. Ʋ jaŋ yuo dii kuorusu-la kala a leŋ dɩ ba kuoruŋ dɛrɛ, ama ʋ-na jaŋ hɛ nɩmɛ a kaa mʋ wuu.

Matiu 26:64

Ŋɩɩ nɛ Yesu bʋla pʋ, “Mɩ-na nɛ, ama mɩ bʋlaa pɩma kala, a lɩɩ bʋa deeŋ lɛ a kaa mʋ, ma jaŋ na mɩ-na Nuhuobiine Bie dɩ mɩ hɔŋ Wɩa doluŋ kala Tɩɩna nadiiŋ, nɩduoŋ dɩhɔnʋŋ a to duoŋ-bɩlɩmbaanaa tʋɔŋ kʋʋ tuu.”

Matiu 28:18

Yesu kʋ kpagɛba a bʋla pɩba, “Wɩa joŋ doluŋ kala a pɩmɛ nɛ Wɩa-jaŋ arɩ dʋnɩa kala lɛ.

Matiu 6:10

Leŋ dɩ ŋ kuorii-la kɔ. Leŋ dɩ nɩaa sɛɩ ŋ niiŋ tinteeŋ deeŋ lɛ arɩ ba sɩ sɛɩ Wɩa-jaŋ lɛ ŋɩɩ.

Luuk 11:2

Ŋɩɩ nɛ Yesu bʋla pɩba, “Ŋ-la nɛ ma jaŋ chʋchʋɔlɛ Wɩa: Má bʋl, ‘La Nyɩmma, leŋ dɩ ŋ yɩrɩŋ yɩrɛ, leŋ dɩ ŋ kuorii-la kɔ.

Luuk 22:31

Ŋɩɩ nɛ Yesu bʋla pɩ Saamɔŋ Pɩɩta, “Saamɔŋ, Saamɔŋ, Sɩtaanɩ laa wombiiŋ nɛ dɩ ʋ magɩsɛ ma kala, dɩ ʋ pɔrɛ nɩzɔŋŋɔɔ nɩbɔŋŋɔɔ lɛ, a nagɛ paara sɩ yie chaarɛ mɩɩ-jɔrʋŋ ta, aŋ ka mɩɩ-biiŋ ŋɩɩ.

1 Kɔrɩntɩ Nɩaa 5:4

Dɩ ma nɛ kʋ hilimi La Tɩɩna Yesu Kirisito yɩrɩŋ lɛ, mɩ dɩma jaŋ hɛ ma teeŋ, Yesu Kirisito ma doluŋ jaŋ hɛ ma teeŋ.

2 Kɔrɩntɩ Nɩaa 12:9

Ŋɩɩ nɛ Wɩa bʋla pɩmɛ, “Mɩ zile yʋga kɩŋkɛŋ ŋ teeŋ, dɩ ŋ nɛ bɩ doluŋ kɛnɛ ŋɩɩ nɛ mɩ doluŋ yie faasa tɩŋ ŋ lɛ.” Ŋɩɩ wɩaa mɩ tʋɔŋ tɔrɔ nɛ, mɩ jaŋ bigisi mɩ tɩtɩa lɛ a tɩŋ mɩ sɩ bɩ doluŋ kɛnɛ wɩaa, dɩ Kirisito dol-la wuo hɛ mɩ lɛ a tɩtɩŋ.

Taatɩs 2:3

Bʋla pɩ hanɩhɩasɩ-la ma dɩ ba ŋaa wɩalɩŋ sɩ daga arɩ baa to Wɩa wombiiŋ nɛ. Ʋ bɩ maga dɩ ba gɩgaa nɩaa harɩŋ koo dɩ ba ŋaa sɩ-nyʋaraa. Bʋla pɩba dɩ ba dɩdagɛ wɩalɩŋ sɩ zɔmɔ,

1 Pɩɩta 5:8

Má kɛŋ ma tɩtɩa woruŋ, a pɔ ma tɩtɩa lɛ. Ma dʋndɔmɔ Sɩtaanɩ, gɔllɔɔ chɛma nɛ, a nagɛ naachigiŋ sɩ gɔllɔ yele chɩchɛ kʋdiilee.

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”

Jɔɔŋ Wʋnaalaa 2:26

Nɩɩ-la kala sɩ wuo yuo dii Sɩtaanɩ aŋ ŋɩŋaa wɩalɩŋ mɩ sɩɩ chɛ a mʋ yi ʋ mɩɩsɩŋ dɩdɛrɩŋ, mɩ jaŋ pʋ doluŋ dɩ ʋ bibeŋ dʋnɩa nɩaa kala.

Jɔɔŋ Wʋnaalaa 7:10

Nɩ-daŋ-la faasa ŋaa goŋ aa bʋl, “La Wɩa sɩ hɔŋ kuoru kpasa-la nyuŋ arɩ Pie-bie-la, ba nɛ kɛŋ doluŋ dɩ ba laala ta.”