Jɔɔŋ Wʋnaalaa 11:6 - WƖA TENIŊ

⁶ Wɩa pɩba doluŋ dɩ ba wuo kiri duonuŋ, dɩ ʋ sɩ́ nɩɩ tapʋlɩa-la ba sɩɩ chɛ dɩ ba bʋl Wɩa wɩaa lɛ. Wɩa bɩra pɩba doluŋ dɩ ba wuo ŋaa dɩ lɩɩŋ bɩrɩmɛ chalɩŋ. Ba jaŋ wuo leŋ dɩ nyanyalaa jʋʋ dʋnɩa nɩaa, bʋa na-kala lɛ ba sɩ cho.

Jɔɔŋ Wʋnaalaa 11:6 ပူးပေါင်းရင်းမြစ်များ

1 KUOROO 17:1

Wɩa wʋlaabʋllʋ kʋbala nɛ fa hɛ nɩmɛ baa yɩrɛ Ɩlaaja, a lɩɩ taŋ-la ba sɩɩ yɩrɛ Tɩsɩbɩ sɩ hɛ Gɩlɩad tinteeŋ lɛ. Ʋ fa bʋla pɩ kuoro Ahab, “La TƖƖNA Iziral tɩŋŋaa Wɩa sɩ weye wɩaa, nɩɩ-la mɩ sɩ tɩma pɩpa, jɩsɩŋ baŋmɛnɛ lɛ, nyalɩŋ bɩ jaŋ nyal koo dɩ duonuŋ nɩɩ, see dɩ mɩ pa wombiiŋ.”

Luuk 4:25

Ŋɩɩ nɛ Yesu bɩra bʋl, “Má jegili, wʋtɩtɩɩ nɛ mɩ bʋlaa pɩma. Ɩlaaja fa sɩ hɛ ʋ mɩɩsɩŋ lɛ, duonuŋ bɩ nɩa jɩsɩŋ batori arɩ kpaa magɛ dɔŋɔ. Ɩlaaja fa ŋaa Wɩa wʋlaabʋllʋ nɛ. Losuŋ jʋʋ Iziral tinteeŋ woruŋ. Bʋa-la lɛ yo-haalaa yʋga a fa hɛ nɩmɛ.

Jɔɔŋ Wʋnaalaa 11:3

Mɩ-na Wɩa jaŋ pɩ mɩ pɛ-naaraa balɩa-la doluŋ dɩ ba wuo bʋl mɩ wɩaa, tapʋlaa bʋɩ arɩ zɔɔ-balɩa arɩ mahɩŋ batori, aŋ baagɛ tʋɔ-chei gɛrɩ-bɔsʋnʋŋ.”

Jɔɔŋ Wʋnaalaa 16:3

Ŋɩɩ nɛ Wɩa tɩndaarɩ-lɩamɩŋ joŋ ʋ gbaŋa arɩ Wɩa baanɩŋ a kaa mʋ bɩsa hɛ mʋgʋ-balɩŋ lɛ. Ŋɩɩ nɛ mʋgʋ-bal-la lɩɩŋ bɩrɩmɛ a nagɛ nuhuobiine sɩ sʋba chalɩŋ. Ŋɩɩ nɛ kɩalɩŋ kala sɩ kɛŋ mɩɩsɩŋ a hɛ mʋgʋ-bal-la tʋɔŋ sʋʋ.

Jɔɔŋ Wʋnaalaa 16:4

Wɩa tɩndaarɩ-tori-la ma kɛŋ ʋ gbaŋa kaa mʋ a bɩsa hɛ fuo-biisiŋ arɩ lɩɩ-buloo lɛ. Ba kala bɩrɩmɛ chalɩŋ.

Jɔɔŋ Wʋnaalaa 8:8

Ŋɩɩ nɛ Wɩa tɩndaarɩ-lɩamɩŋ ma ŋmʋʋ ʋ nyile. Ʋ sɩ ŋaa ŋɩɩ, ba joŋ kʋŋ sɩ nagɛ peel-balɩŋ sɩɩ dii nyiniŋ a yuo hɛ mʋgʋ-balɩŋ tʋɔŋ. Mʋgʋ-bal-la, dɩ ŋ nɛ kaa kpaa batori, sɛmɛ dɔŋɔ kala bɩrɩmɛ chalɩŋ,

1 SAMƲƐL 4:8

Wɩɩŋ jʋʋla, kʋbɛɛ nɛ jaŋ laala ta veŋ-duoruŋ deemba nɩsɩŋ lɛ? Vesi-la nɛ fa joŋ wʋlɔrʋnʋŋ a ŋaa Ijipiti tɩŋŋaa lɛ ŋɩɩ tintee-hɩlɩŋ lɛ.