Jɔɔŋ Wʋnaalaa 11:3 - WƖA TENIŊ3 Mɩ-na Wɩa jaŋ pɩ mɩ pɛ-naaraa balɩa-la doluŋ dɩ ba wuo bʋl mɩ wɩaa, tapʋlaa bʋɩ arɩ zɔɔ-balɩa arɩ mahɩŋ batori, aŋ baagɛ tʋɔ-chei gɛrɩ-bɔsʋnʋŋ.” အခန်းကိုကြည့်ပါ။ |
Ŋɩɩ nɛ Yesu bʋla pɩ taŋ-la nɩaa sɩ bɩ ʋ wɩaa laa dii, “Ma Kɔrazɩŋ tɩŋŋaa, ma jaŋ na hɛɛŋ. Bɛtɩsaada tɩŋŋaa ma, ma ma jaŋ na hɛɛŋ. Wʋmagɩla-la ba sɩ ŋaa ma teeŋ, dɩ ba nɛ fa ŋaaba Taaya arɩ Sɩdɔŋ nɩaa teeŋ ŋ-la, ba fa bɩ jaŋ dieni aŋ hɔnɔ tɛllɛ naasɩŋ a ŋaa tʋɔrʋŋ bʋbʋgɛ ba tɩtɩa, a dɩdagɛ ŋɩɩ arɩ ba bɩrɩma lɩɩ ba wʋbɔŋŋɔɔ lɛ nɛ.
Ŋɩɩ nɛ tɩɩ nɩalɩŋ sɩ laa Yesu wɩaa dii aa hilimi tʋɔŋ, Wɩa joŋ ma kala hɛ leree nɛ, nɩalɩŋ sɩ laa sɩpaaŋ nɛ Wɩa nanzɔɔba, nɩalɩŋ sɩ tɩgɛ ba lɛ nɛ ŋaa Wɩa wʋlaabʋllaa, nɩalɩŋ sɩɩ to nɛ ŋaa nɩalɩŋ sɩɩ dagɛ Wɩa wɩaa, arɩ nɩalɩŋ ma sɩɩ ŋaa wʋmagɩlaa arɩ nɩalɩŋ ma Wɩa Dɩŋ-zɔmʋŋ sɩ joŋ doluŋ pa ba vɩvaarɛ nɩaa, arɩ nɩalɩŋ sɩɩ pɛ nɩaa lɛ, arɩ nɩalɩŋ sɩɩ beŋ nɩaa, arɩ nɩalɩŋ sɩɩ bʋl wɩaa yikoro-la Wɩa Dɩŋ-zɔŋ-la sɩ pɛ ba lɛ ba bʋbʋl.
Ŋɩɩ nɛ mɩ na kuoru kpasɩnɩŋ dɩ nɩaa hɔŋ ba nyuŋ. Nɩaa deemba nɛ Wɩa pa doluŋ dɩ ba dii dʋnɩa nɩaa sarɩya. Ŋɩɩ nɛ aŋ ka mɩ na nɩaa dɩnsɩŋ. Nɩaa deemba nɛ faa bʋl wʋtɩtɩɩ-la Yesu fa sɩ daga a pɩ nɩaa, aŋ pɛɛ bʋl Wɩa niiŋ wɩaa. Ŋɩɩ nɛ ba kpʋba a keri ba nyusuŋ. Nɩaa deemba-na fa bɩ baga kʋ-la ka chʋɔlɛ, ba bɩ kʋ-la ba sɩ mɛ ʋ nagʋ ma chʋɔlɛ. Ba bɩ baga kʋ-la magɩlɩŋ kɛnɛ ba tilliŋ lɛ koo ba nɩsaa lɛ. Nɩaa deemba sii sʋʋŋ lɛ, ba dɩ Kirisito dii kuoruŋ a beŋ dʋnɩa nɩaa jɩsɩŋ bʋɩ.