Jɔɔŋ Wʋnaalaa 11:2 - WƖA TENIŊ

² ama sɩ́ Wɩa dɩa-la kaala-na magɩsʋ, bɛɛ wɩaa ba joŋ lee-la pɩ nɩalɩŋ sɩ bɩ Juu tɩŋŋaa ŋaa nɛ, ba jaŋ fɩrɩgɛ tabal-la sɩ bɩ disiniŋ kɛnɛ chɛnsɩŋ mahɩŋ balɩa arɩ balɩa.

Jɔɔŋ Wʋnaalaa 11:2 ပူးပေါင်းရင်းမြစ်များ

WƖA YƖƖLAA 79:1

Wɩa, vʋɩ-kpaaraa kʋ yuo laa ŋ tinteeŋ nɛ, a ŋaa disiniŋ hɛ ŋ dɩɩ-bal-la sɩ bɩ disiniŋ kɛnɛ lɛ, a leŋ Jerusalɛm kala pɩŋ jikpeeŋ.

AZAAYA 48:2

Ma sɩ ma ŋaa tabal-la sɩ bɩ disiniŋ kɛnɛ nɩaa nɛ, ma yɩɛlaa kala hɛ Iziral tɩŋŋaa Wɩa lɛ, ʋ nɛ La TƖƖNA doluŋ kala Tɩɩna.

AZAAYA 5:5

Lɛɛlɛ, mɩ jaŋ bʋl wɩɩ-la mɩ sɩ jaŋ joŋo ŋaa mɩ girep tɩɩsɩŋ baga-la lɛ a pɩma. Mɩ jaŋ kɩɛsɛ lɩga-la aŋ ka dɩ ʋ kala chei, mɩ jaŋ ŋmoo ʋ jebii-la lo ka dɩ baga kɩaa jʋʋ didii tɩɩnɛnɛ-la.

AZAAYA 52:1

Jerusalɛm nɩaa, má sii, má sii chɩŋ, a kɛŋ doluŋ. Zaayɔŋ taŋ-la sɩ bɩ disiniŋ kɛnɛ nɩaa, má paa ma gɛrɩ-zɔŋŋɔɔ laalɛ. Nɩalɩŋ sɩ kɛŋ disiniŋ bɩra bɩ jaŋ kʋ jʋʋ ma taŋ-la.

JEMBIEE 1:10

Jerusalɛm dʋndɔmɔ kɛŋ ʋ dʋa kala laa nɛ. Ʋ na dɩ tinteye-la nɩaa sɩɩ kpaarɛ vʋɩyaa jʋʋ Wɩa dɩɩ-bal-la sɩ hɛ ʋ lɛ tʋɔŋ, nɩalɩŋ fa sɩɩ kɩsɛ dɩ ba jʋʋ lee-la ŋ nɩaa sɩɩ hilimu.

ƐZƖKƖƐL 4:6

Dɩ ŋ nɛ ŋaa ŋɩɩ dɛrɛ, bɩra bɩrɩma pɩŋ ŋ nadiiŋ sɛmɛ ma lɛ a laa Juda nɩaa ma wʋbɔŋŋɔɔ chʋŋ. Ŋ jaŋ pɩŋ ŋɩɩ tapʋlaa mahɩŋ balɩa, tapʋl bala kala jaŋ chɩŋ jɩna nyuŋ.

ƐZƖKƖƐL 42:20

Ŋɩɩ nɛ ʋ magɩsɛ jee-la sɛsɩŋ banɛsɛ kala a golli. Ʋ duomuŋ ŋaa naakieliŋ zɔɔ-balɩa arɩ mahɩŋ balɩa arɩ fii, ʋ jalɩŋ ma ŋaa naakieliŋ zɔɔ-balɩa arɩ mahɩŋ balɩa arɩ fii. Jee-la kɛŋ Wɩa leriŋ sɩ bɩ disiniŋ kɛnɛ pɔrɛ nuhuobiinee leriŋ.

DANƖƐL 12:7

Baal-la sɩ laalɛ gɛrɩpɛ fʋfʋlʋŋ gɛrɩŋ a chugili fuo-la nyuŋ, kɛŋ ʋ nɩsaa balɩa kala je wɩa-nyuŋ, ka mɩ nɩɩ dɩ ʋ ŋmɩɛsɛ Wɩa sɩ hɛ nɩmɛ deeŋ deeŋ a bʋl, “Ʋ jaŋ ŋaa jɩsɩŋ batori arɩ kpaa magɛ dɔŋɔ. Dɩ ba nɛ to naasɩŋ a dɔgɩsɛ Wɩa nɩaa dɛrɛ, wɩaa deemba ma kala jaŋ ŋaa dɛrɛ.”

DANƖƐL 7:19

Ŋɩɩ nɛ mɩ chɩchɛ dɩ mɩ jɩŋ baga kʋnɛsɛ-la bʋbʋɔŋ. Ʋ nɛ fa bɩ dɔnsʋ-la naga ŋɩɩ aŋ kɛŋ fawʋllʋŋ kɩŋkɛŋ. Ʋ nyɩlaa ŋaa hɔɔnʋŋ, ʋ naanii-fʋlaa nagɛ kɔlɩɩŋ. Ʋ nɛ dɩŋ ʋ dʋndɔŋŋɔɔ yɛrɛ liŋ aŋ nʋɔsɛ kʋkaanaa bʋrɩgɛ ŋɩɩ.

DANƖƐL 7:25

Ʋ jaŋ bʋl wɩaa lɩɩ Wɩa sɩ kɩɩ kʋŋkala harɩŋ, aŋ nyagɛ Wɩa nɩaa bil, aŋ wʋwalɩmɛ dɩ ʋ kɛŋ wombii-la Wɩa sɩ bile dɩ ba tuto wɩaa bɩrɩmɛ. Ba jaŋ joŋ Wɩa nɩaa hɛ ʋ nɩsɩŋ lɛ jɩsɩŋ batori arɩ kpaa magɛ dɔŋɔ.

DANƖƐL 8:10

Nyil-bie-la waa ŋɩɩ nɛ halɩɩ a jɩla yi wɩa-nyuŋ a yigi wɩa-nyuŋ kɩaa arɩ chɛnwʋlaa dɔnsʋŋ lo tinteeŋ a nʋɔsɛba.

DANƖƐL 8:13

Ŋɩɩ nɛ mɩ nɩɩ dɩ Wɩa tɩndaaraa ka bʋl wɩaa, dɔŋɔ pɩɛsɛ ʋ dɔŋɔ, “Ɛɛ nɛ wɩaa deemba mɩ sɩ na a nagɛ duosoo tʋɔŋ jaŋ diene magɛ aŋ na ŋaa? Ɛɛ nɛ wʋbɔŋ-la sɩ leŋe ba bɩra bɩ pʋsʋŋ kpʋ ŋaa Wɩɩsʋlʋŋ tapʋlɩɩ kala jaŋ ŋaa a diene magɛ? Ɛɛ nɛ ba jaŋ ŋaa disiniŋ hɛ Wɩa dɩɩ-balɩŋ lɛ aŋ nʋɔsɛ Wɩa nɩaa a diene magɛ?”

DANƖƐL 8:14

Mɩ nɩa dɩ Wɩa tɩndaara-la dɔŋɔ ma bʋla, “Ʋ jaŋ giri pʋsʋŋ kpʋ ŋaa Wɩɩsʋlʋŋ Wɩa dɩɩ-balɩŋ lɛ ŋɩɩ chʋchʋɔŋ arɩ dɩdaanɩŋ naansɩɩŋ bʋɩ balɩa arɩ zɔɔ-batori. Ʋ ŋɩɩ harɩŋ nɛ, ba jaŋ pɩɩsɛ Wɩa dɩɩ-bal-la disiniŋ ta aŋ-na joŋo hɛ Wɩa nɩsɩŋ lɛ.”

NAMBABA 14:34

Ma jaŋ na hɛɛŋ jɩsɩŋ mahɩŋ balɩa a tɩŋ ma wʋbɔŋŋɔɔ wɩaa. Tapʋlaa mahɩŋ balɩa-la ma sɩ joŋo a kaa dʋʋra beŋ tintee-la, tapʋl-bala kala ŋaa jɩna nɛ. Dɩ ma nɛ na hɛɛŋ a tɩŋ ma wʋbɔŋŋɔɔ wɩaa, ma jaŋ jɩŋ ŋɩɩ ʋ sɩ naga dɩ mɩ baanɩŋ nɛ sii ma nyuŋ.

Matiu 27:53

Yesu sɩ sii sʋʋŋ lɛ harɩŋ, ba mʋ Jerusalɛm. Nɩaa yʋga a naba lee-la.

Matiu 4:5

Sɩtaanɩ kɛnʋ kaa mʋ Jerusalɛm a kɛnʋ jɩl Wɩa dɩɩ-balɩŋ nyu-gbaŋa

Matiu 5:13

Ma nagɛ yɩsɩŋ nɛ dʋnɩa nɩaa teeŋ. Yɩsɩŋ sɩma, ama dɩ ʋ nɛ sɛbɩsɛ, ŋ bɩra bɩ jaŋ wuo ŋaa dɩ ʋ sɩŋ. Ʋ ŋaa kʋtɔɔ nɛ, ba yie joŋo ta nɩaa nʋnʋɔsɛ.

Luuk 21:24

Ba jaŋ kpʋ dɔnsʋŋ arɩ tokobiee, aŋ kɛsɛ dɔnsʋŋ dɩ ba ma ŋaa yosuŋ tinteyee-dɔnsʋŋ lɛ, ka nɩalɩŋ sɩ bɩ Juu tɩŋŋaa ŋaa fɩrɩgɛ Jerusalɛm taŋ-la kala, see bʋa-la Wɩa sɩ daga yie.”

Hiburu TƖŊŊAA 10:29

Dɩ ba nɛ fa yie ŋaa ŋ-la, ɛɛ nɛ saa ba jaŋ ŋaa nɩɩ-la sɩ bee gʋʋnɛ Wɩa Bie arɩ ʋ tuo kʋŋkala? Tɩɩna bɩra kɛŋ Yesu chal-la Wɩa sɩ kaa bil niiŋ ʋ dɩ nɩaa pɛgɛ kaa chei nɛ. Chal-la nɛ Wɩa fa kaa chɛsɛ tɩɩna disiniŋ kala ta ʋ kʋ ŋaa tʋɔpʋl tɩɩna. Dɩ tɩɩna bɩra tʋʋsɛ Wɩa Dɩŋ-zɔŋ-la fa sɩɩ pɛ ʋ lɛ, ʋ maga dɩ ba dɔgɩsʋ a kɩɩ nɩalɩŋ sɩ chei wɩalɩŋ Mosis fa sɩ ŋmʋnsa bil dɩ nɩaa tuto.

Jɔɔŋ Wʋnaalaa 11:11

Ama tapʋlaa batori arɩ kpaa magɛ dɔŋɔ-la harɩŋ lɛ, Wɩa joŋ wiese hɛ nɩaa deemba balɩamɩŋ lɛ, ba sii chɩŋ. Nɩalɩŋ kala sɩ naba, fawʋllʋŋ kɛmba woruŋ.

Jɔɔŋ Wʋnaalaa 11:3

Mɩ-na Wɩa jaŋ pɩ mɩ pɛ-naaraa balɩa-la doluŋ dɩ ba wuo bʋl mɩ wɩaa, tapʋlaa bʋɩ arɩ zɔɔ-balɩa arɩ mahɩŋ batori, aŋ baagɛ tʋɔ-chei gɛrɩ-bɔsʋnʋŋ.”

Jɔɔŋ Wʋnaalaa 12:6

aŋ ka haal-la fá jʋʋ tintee-hɩlɩŋ, lee-la Wɩa sɩ wasa bil ʋ lɛ. Wɩa pʋ kʋdiilee nɩmɛ tapʋlaa bʋɩ arɩ zɔɔ-balɩa arɩ mahɩŋ batori.

Jɔɔŋ Wʋnaalaa 21:10

Ŋɩɩ nɛ Wɩa Dɩŋ-zɔmʋŋ kʋ hɛ mɩ lɛ, Wɩa tɩndaarʋ-la jommi kaa jɩl peel-bal kʋbala sɩ leŋie nyuŋ. Ŋɩɩ nɛ ʋ dagɛmɛ taŋ-la sɩ bɩ disiniŋ kɛnɛ baa yɩrɛ Jerusalɛm, dɩ ʋ lɩɩ Wɩa-jaŋ kuu tuu tinteeŋ.

Jɔɔŋ Wʋnaalaa 21:2

Ŋɩɩ nɛ mɩ na Wɩa taŋ-la sɩ bɩ disiniŋ kɛnɛ, Jerusalɛm falɩɩ-la, dɩ ʋ lɩɩ Wɩa-jaŋ a kʋ tuu. Wɩa kpɩɛrʋ ʋ zɔŋ a nagɛ ba sɩ yie kpɩɛrɛ haala ŋɩɩ nɛ a kaa mʋ pɩ ʋ bala.

Jɔɔŋ Wʋnaalaa 22:19

Dɩ nʋʋkala ma nɛ lɩɩsɛ wɩaa deemba kʋŋ ta, Wɩa ma jaŋ lɩɩsɛ ʋ tɩɩna ta. Ʋ bɩ jaŋ pʋ wombiiŋ dɩ ʋ na wɩalɩŋ ba sɩ ŋmʋnsa hɛ teniŋ deeŋ tʋɔŋ. Ʋ tɩɩna bɩ jaŋ wuo dii tɩa-la sɩɩ pɩ nɩaa mɩɩsɩŋ nɛnɛɛ. Ʋ bɩra bɩ jaŋ jʋʋ Wɩa tabal-la ma.