Jɔɔŋ Wʋnaalaa 11:19 - WƖA TENIŊ

¹⁹ Ŋɩɩ nɛ ba kɛŋ Wɩa dɩɩ-bal-la sɩ hɛ Wɩa-jaŋ boro suri, mɩ na Wɩa niiriŋ daga-la ʋ tʋɔŋ. Ŋɩɩ nɛ duonuŋ lɩlɩgɩsɛ leriŋ kala, ba nɩnɩɩ yikorusuŋ, ka duonuŋ kpɩkpɩa ŋmana ŋmana, tinteeŋ zigili, ka duoŋ-tabɩaa faasa titel.

Jɔɔŋ Wʋnaalaa 11:19 ပူးပေါင်းရင်းမြစ်များ

WƖA YƖƖLAA 105:32

Ʋ leŋe ba duonuŋ mɩɩra bɩrɩmɛ duoŋ-tabɩaa nɛ a tele su ba tinteeŋ, ka taŋ ma lɩgɩsa su leriŋ kala.

WƖA YƖƖLAA 18:12

Ŋ sɩpaaŋ nɛ, duoŋ-tabɩaa arɩ nyiŋ-hal muloo lɩɩ duoŋ sɩ lɩgɩsa tʋɔŋ a ŋmoo duoŋ-bɩlɩmbaaŋ-bine-la pɩsɛ.

AZAAYA 28:2

Má bee na, La TƖƖNA kɛŋ nɩduo nɛ sɩ kɛŋ doluŋ woruŋ kʋkɔ ma lɛ. Ʋ jaŋ kɔ a nagɛ duoŋ-peliŋ koo pel-la sɩɩ chei leriŋ koo a nagɛ duonuŋ sɩ faasa nɩnɩɩ koo fuoŋ sɩ suo a gbu lɩlɩɩ, a chei tintee-la kala.

AZAAYA 29:6

La TƖƖNA doluŋ kala Tɩɩna jaŋ guu kɔ, leriŋ jaŋ dʋdɔŋ, dɩ tinteeŋ zizigili, dɩ goŋ faasa ŋɩŋaa. Pel-duoŋ jaŋ lulu dɩ nyiŋgeliŋ sii a didii kɩaa.

AZAAYA 30:30

La TƖƖNA jaŋ leŋ dɩ nɩaa nɩɩ ʋ baalɩŋ-yikoro, a na ʋ baaŋ-la sɩ nagɛ nyiniŋ a didii kɩaa. Duoŋ-bɩlɩmbaanɩŋ jaŋ tɔ dɩ duonuŋ nɩnɩɩ aŋ kpɩkpɩa dɩ duoŋ-tabɩaa titel.

AZAAYA 32:19

Dɩ duoŋ-tabɩaa nɛ paala tele chei duu-la arɩ tabal-la kala ma,

ƐZƖKƖƐL 13:11

Ŋɩɩ wɩaa, bʋla pɩ nɩalɩŋ sɩ nyɩɛ wɩaa arɩ ba ŋaa mɩ wʋlaabʋllaa arɩ jee-la ba sɩ ŋaa tʋɔrʋŋ bʋgɛ jaŋ tel. Mɩ jaŋ leŋ dɩ duonuŋ lɔgɔ jaasɛ, dɩ duoŋ-tabɩaa tel, dɩ pel-duoŋ lu a ŋmoo jee-la lo.

ƐZƖKƖƐL 13:13

Ŋɩɩ wɩaa wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ jaŋ faasa na baanɩŋ a leŋ dɩ pel-duoŋ lu dɩ duonuŋ lɔgɔ jaasɛ, dɩ duoŋ-tabɩaa tele yagɛ jee-la lo.

ƐZƖKƖƐL 38:22

Mɩ jaŋ joŋ nyanyal bɔŋŋɔɔ hɛ ʋ nɩaa lɛ. Ba jaŋ kpʋkpʋ dɔŋɔ. Mɩ jaŋ leŋ dɩ duonuŋ faasa nɩɩ, dɩ duoŋ-tabɩaa tel ba nyuŋ, dɩ jiribiiŋ ma chol nyiniŋ a wurisi ʋ dɩ ʋ laalɩyuoroo arɩ tintee daŋ-la nɩaa sɩ kʋ pɛ ʋ lɛ.

NAMBABA 10:33

Ŋɩɩ nɛ ba sii La TƖƖNA peel-la nyuŋ, a joŋ Wɩa niiriŋ daga-la, daga-la laa ba sɩpaaŋ ba vɛŋ tapʋlaa batori dɩ ʋ dagɛba lee-la ba sɩ jaŋ hɔnɔ wiesi.

NAMBABA 4:15

Dɩ Arɔŋ arɩ ʋ hambolibiisiŋ nɛ tɔ Wɩa dɩ-zɔŋ-la kpɩɛrɩ-zɔmɔ-la arɩ ʋ tɩntɩnnɩ kɩalɩŋ kala dɛrɛ, dɩ Iziral tɩŋŋaa kɛŋ ba tɩtɩa hɛ dɔŋɔ dɩ ba vɛŋ, Kohaf doho nɩaa nɛ jaŋ kʋ chʋmba. Ama ba bɩ maga dɩ ba digi Wɩa kʋzɔmɔ-la. Dɩ ba nɛ dige, ba jaŋ sʋʋ. Ba nɛ jaŋ chʋŋ lɛbɩ-la lɛ mɩ sɩ yie kɔ Iziral tɩŋŋaa teeŋ tʋɔŋ kɩaa kala.

NAMBABA 4:5

Dɩ Iziral tɩŋŋaa nɩɩ sii ba dɩhɔnʋŋ, Arɔŋ arɩ ʋ hambolibiisiŋ nɛ jaŋ jʋʋ puri patɩɩsaŋ-la sɩ kɛrɛ Wɩa dɩ-zɔŋ-la lee-la zɔmʋŋ sɩ bɩ magɩa kɛnɛ a kaa tɔ Wɩa niiriŋ daga-la.

JOSUA 10:11

Amɔrɩ tɩmma-la fa sɩɩ fá dɩ ba laa ba tɩtɩa Iziral tɩŋŋaa laalɩyuoroo nɩsɩŋ lɛ ŋɩɩ, a chɩŋ Bɛf Horoŋ lɛ a mʋmʋ Azɛka, La TƖƖNA leŋ duoŋ-tabɩɩ-balaa lɩɩ wɩa-nyuŋ a kʋ tuu telee yagɛba. Duoŋ-tabɩa-la fa kpʋ ba nɩ-daŋ nɛ a paala kɩɩ nɩalɩŋ Iziral laalɩyuoro-la sɩ kpʋa.

Jɔɔŋ Wʋnaalaa 11:13

Bʋa-la tɩtɩa lɛ tinteeŋ faasa zigili. Tabal-la, dɩ ŋ nɛ kaa kpaa leree fii, sɛmɛ dɔŋɔ kala tel a kpʋ nɩaa bʋɩ balɩpɛ. Fawʋllʋŋ kɛŋ nɩkaanaa, ba dɛnnɛ Wɩa sɩ hɛ Wɩa-jaŋ lɛ.

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”

Jɔɔŋ Wʋnaalaa 12:1

Ŋɩɩ nɛ kʋkpuŋkpere kʋbala kʋ lɩɩ wɩa-nyuŋ. Kʋkpuŋkpere-la nagɛ haal nɛ a joŋ wɩɩpɔsʋŋ a laalɛ, a nagɛ nɩaa sɩɩ laalɛ gɛnnɩŋ ŋɩɩ. Ka chɛnɛ ma hɛ ʋ naasɩŋ bʋbʋɔŋ, aŋ ka ʋ chu kuori-nyunchuuluŋ. Nyunchuulo-la, chɛnwʋlaa fii arɩ balɩa nɛ ba kaa ŋaa.

Jɔɔŋ Wʋnaalaa 16:1

Ŋɩɩ nɛ mɩ nɩɩ nʋʋ yikoru-balɩŋ dɩ ʋ lɩɩ Wɩa dɩɩ-bal-la tʋɔŋ a bʋla pɩ Wɩa tɩndaara-la balɩpɛ, “Má kɛŋ gbansɩ-la balɩpɛ lɛ Wɩa baanɩŋ sɩ hɛ a kaa mʋ bɩsa hɛ dʋnɩa lɛ.”

Jɔɔŋ Wʋnaalaa 16:18

Ŋɩɩ nɛ duonuŋ lɩlɩgɩsɛ leriŋ kala, ba nɩnɩɩ yikorusuŋ, ka duonuŋ kpɩkpɩa ŋmana ŋmana, tinteeŋ ma faasa zigili. Dʋnɩa sɩ suomo kala, tinteeŋ ha bɩ ŋɩɩ zigile aŋ ka.

Jɔɔŋ Wʋnaalaa 16:21

Ka duoŋ-tabɩɩ-balaa sɩ faasa yuŋ kɩŋkɛŋ a nagɛ nɔmbiee lɩɩ wɩa-nyuŋ kʋ tuu yɩyagɛ nɩaa. Ŋɩɩ nɛ nɩaa tʋʋsɛ Wɩa joŋŋoo a tɩŋ duoŋ-tabɩa-la wɩaa. Wɩɩ-la fa ŋaa wʋlɔrʋ nɛ woruŋ.

Jɔɔŋ Wʋnaalaa 19:11

Ŋɩɩ nɛ mɩ na Wɩa-jaŋ dɩ ʋ suro. Mɩ beŋ a na ja-pʋla dɩ nʋʋ jɩla. Nɩɩ-la sɩ jɩla yɩrɩŋ nɛ Nɩtɛŋɛ arɩ Wʋtɩtɩɩ Tɩɩna. Ʋ dii nɩaa sarɩya arɩ wʋtɩtɩɩ nɛ, aa yuo laalɩŋ ma arɩ wʋtɩtɩɩ.

Jɔɔŋ Wʋnaalaa 4:1

Wɩaa deemba kala sɩ ŋaa harɩŋ, mɩ beŋ wɩa-nyuŋ a na dɩ Wɩa-jaŋ boro suro. Ŋɩɩ nɛ mɩ nɩɩ yikoro-la fa sɩ laa sɩpaaŋ bʋl wɩaa mɩ teeŋ a nagɛ ba sɩɩ ŋmʋʋ nyile, dɩ ʋ sɩ, “Kʋ jɩl daha dɩ mɩ dagɩŋ wɩalɩŋ sɩ jaŋ ŋaa wɩaa deemba harɩŋ lɛ.”

Jɔɔŋ Wʋnaalaa 4:5

Ŋɩɩ nɛ taŋ lɩlɩgɩsɛ aŋ pɛ kpɩkpɩa kuoru kpasa-la leriŋ. Ka chaanaa balɩpɛ ma chɩŋ kuoru kpasa-la sɩpaaŋ a didii. Chaanɩa-la nɛ ŋaa Wɩa Dɩnsɩŋ balɩpɛ-la.

Jɔɔŋ Wʋnaalaa 7:15

Ŋɩɩ nɛ tɩɩ ba chɩŋ Wɩa kuoru kpasa-la sɩpaaŋ a tɩma pʋpʋ wɩɩhɛyɛ arɩ tɩtaŋɩŋ kala ŋɩɩ ʋ dɩɩ-balɩŋ lɛ. Nɩɩ-la sɩ hɔŋ kuoru kpasa-la lɛ nɛ jaŋ chu tɔ ba.

Jɔɔŋ Wʋnaalaa 8:5

Ŋɩɩ nɛ Wɩa tɩndaarʋ-la joŋ sɛlɩmɛ kʋ-la a chaanɛ nyiniŋ Wɩɩsʋlʋŋ koru-la nyuŋ, a hɛ kʋ-la tʋɔŋ, a joŋo yuo ʋ kʋ tuu tinteeŋ. Ŋɩɩ nɛ duonuŋ kpɩkpɩa aŋ lɩlɩgɩsɛ, ka tinteeŋ zizigili.

Jɔɔŋ Wʋnaalaa 8:7

Wɩa tɩndaarɩ-bumbuŋ ŋmʋʋ ʋ nyile. Ŋɩɩ nɛ duoŋ-tabɩaa arɩ nyiniŋ guoli chalɩŋ lɛ kʋ tuu tel tinteeŋ. Ŋɩɩ nɛ tinteeŋ, dɩ ŋ nɛ kaa kpaa batori, sɛmpɛɛŋ dɔŋɔ tɩɩsɩŋ arɩ yasɩŋ kala dii nyiniŋ.