Jɔɔŋ Wʋnaalaa 11:18 - WƖA TENIŊ

¹⁸ Dʋnɩa nɩaa fa na baanɩŋ nɛ ŋ nyuŋ. Ama bʋa-la ŋ baanɩŋ sɩ jaŋ sii ba nyuŋ yie nɛ. Bʋa-la lɛ ŋ sɩ jaŋ dii nɩalɩŋ sɩ sʋba sarɩya yie nɛ, arɩ bʋa-la lɛ ŋ sɩ jaŋ siili ŋ tɩntɩnnaa sɩ ŋaa ŋ wʋlaabʋllaa, a pɛ ŋ nɩaa kala lɛ, arɩ nɩalɩŋ sɩɩ ziliŋ lɛ, nɩhɩasɩŋ arɩ hambiisiŋ kala, Bʋa-la yie nɛ dɩ ŋ chei nɩalɩŋ sɩ chei dʋnɩa.”

Jɔɔŋ Wʋnaalaa 11:18 ပူးပေါင်းရင်းမြစ်များ

WƖA YƖƖLAA 103:11

Wɩa cho nɩalɩŋ sɩɩ fáʋ a yʋga magɛ wɩa-nyuŋ arɩ tinteeŋ sɩ bolie magɛ ŋɩɩ nɛ.

WƖA YƖƖLAA 110:5

La Tɩɩna hɛ ŋ nadiiŋ nɛ, tapʋlɩɩ-la ʋ sɩ jaŋ na baanɩŋ, ʋ jaŋ bʋrɩgɛ kuoroo.

WƖA YƖƖLAA 147:11

La Tɩɩna cho nɩalɩŋ sɩɩ fáʋ nɛ, nɩalɩŋ sɩ joŋ ba yɩɛlaa kala hɛ ʋ chono-la sɩ bɩ dɛrɛ lɛ.

WƖA YƖƖLAA 2:5

La Tɩɩna na baanɩŋ a kpɩa ba lɛ a leŋ fawʋllʋŋ kɛmba aŋ bʋl,

WƖA YƖƖLAA 85:9

Ʋ ŋaa siri nɛ dɩ ʋ laa nɩalɩŋ sɩɩ fáʋ a ta, dɩ ŋɩɩ leŋ dɩ ʋ tʋla wuo hɛ la tinteeŋ lɛ.

TƖƖCHA 12:13

Wɩaa deemba kala dɩdɛrɩŋ, wʋbala nɛ mɩ kɛŋ dɩ mɩ bʋl: Fɩfá Wɩa a tuto wɩalɩŋ ʋ sɩ daga, bɛɛ wɩaa ŋɩɩ wɩaa nɛ Wɩa ta nuhuobiine.

TƖƖCHA 8:12

Dɩ nɩbɔmʋŋ nɛ jaŋ ŋaa wʋbɔŋŋɔɔ zɔlɔ aŋ ha hɛ ʋ mɩɩsɩŋ lɛ a dieni, mɩ jɩma nɩalɩŋ sɩɩ fá Wɩa a zizilu, ba-na wɩaa jaŋ vɛŋ woruŋ pɩba.

DANƖƐL 11:44

Duoso jaŋ lɩɩ wɩɩpɔsʋŋ arɩ wɩɩpɔsʋŋ nagʋa dɩɩrɩŋ a kʋ leŋ dɩ ʋ yaraa hosi, dɩ ʋ kɛŋ baanɩŋ kɩŋkɛŋ a lɩɩ yuo laalɩŋ a kpʋ nɩ-daŋ.

DANƖƐL 7:26

Ama Wɩa jaŋ dii ʋ sarɩya, a laa ʋ doluŋ kala a cheyu a kaa mʋ wuu.

DANƖƐL 8:25

Ʋ jaŋ nyɩsɛ nɩaa a dʋa. Ʋ jaŋ kɛŋ ʋ tɩtɩa arɩ ʋ nɛ kɩɩ kʋŋkala. Dɩ nɩaa nɛ hɔnɔ ta jɩa a bɩɩnɛ wɩɩ bɩbaa jʋʋ, kuoru-la jaŋ cheiba yʋgɛ. Ʋ jaŋ kɛŋ kuoroo kala kuoro yuo yuosuŋ, ama Wɩa jaŋ cheyu dɩ nuhuobiiŋ bɩ pɛ.

Matiu 5:12

Má leŋ dɩ ma tʋɔŋ tɔrɛ dɩ ma jʋjʋɔsɛ, bɛɛ wɩaa ma time jaŋ yʋgɛ Wɩa-jaŋ lɛ. Ba sɩ to ma naasɩŋ dʋdɔgɩsɛma ŋɩɩ, ŋɩɩ tɩtɩa nɛ ba fa dɔgɩsɛ Wɩa wʋlaabʋllaa ma.

Luuk 1:50

Ʋʋ fá nɩalɩŋ kala sɩɩ fáʋ nenige nɛ, doho-na kala lɛ.

Hiburu TƖŊŊAA 9:27

Bala nɛ nʋʋkala jaŋ sʋʋ. Ŋɩɩ harɩŋ lɛ, Wɩa jaŋ dii ʋ tɩɩna sarɩya.

Jɔɔŋ Wʋnaalaa 10:7

Ama tapʋlɩɩ-la Wɩa tɩndaarɩ-pɛɩ-la sɩ jaŋ kʋ ŋmʋʋ ʋ nyile, Wɩa wʋfaalɩa-la ʋ fa sɩ dagɛ ʋ wʋlaabʋllaa sɩ ŋaa ʋ tɩntɩnnaa, ba kala jaŋ ŋaa.

Jɔɔŋ Wʋnaalaa 11:2

ama sɩ́ Wɩa dɩa-la kaala-na magɩsʋ, bɛɛ wɩaa ba joŋ lee-la pɩ nɩalɩŋ sɩ bɩ Juu tɩŋŋaa ŋaa nɛ, ba jaŋ fɩrɩgɛ tabal-la sɩ bɩ disiniŋ kɛnɛ chɛnsɩŋ mahɩŋ balɩa arɩ balɩa.

Jɔɔŋ Wʋnaalaa 13:10

Dɩ nʋʋ nɛ maga dɩ ŋ mʋ yoŋ-baga, ŋ jaŋ sɛnɛ mʋ, dɩ nʋʋ nɛ maga dɩ ba kpʋʋ arɩ tokobiiŋ, ba jaŋ sɛnɛ kpʋʋ arɩ tokobiiŋ. Wɩɩŋ deeŋ daga arɩ nɩalɩŋ sɩ laa Wɩa wɩaa dii maga dɩ ba nyalɩmɛ nɛ a chɩŋ wɩalɩŋ ba sɩ laa dii lɛ.

Jɔɔŋ Wʋnaalaa 13:16

Kʋ-la bɩra fʋgɛ nʋʋkala a magɩlɛba, ba tilliŋ lɛ koo ba nɩsaa lɛ, nɩhɩasɩŋ arɩ hambiisiŋ, kuoroo arɩ summoo, nɩalɩŋ sɩ tɩɩ ba tɩtɩa arɩ nɩalɩŋ sɩ ŋaa yosi.

Jɔɔŋ Wʋnaalaa 14:10

Wɩa jaŋ na baanɩŋ kɩŋkɛŋ ʋ tɩɩna nyuŋ. Wɩa jaŋ faasa na baanɩŋ ʋ nyuŋ a dɔgɩsʋ woruŋ dɩ ʋ na hɛɛŋ a nagɛ nɩa sɩ nyʋa sɩ-duoŋ a bugi. Ba jaŋ joŋ jiribiiŋ nyiniŋ a dɔgɩsɛ tɩɩna. Ba jaŋ ŋaa ŋɩɩ Wɩa tɩndaara-la sɩ bɩ disiniŋ kɛnɛ arɩ Pie-bie-la sɩpaaŋ.

Jɔɔŋ Wʋnaalaa 15:1

Ŋɩɩ nɛ mɩ bɩra na ku-kpuŋkperi-bal ma dɔŋ wɩa-nyuŋ. Ʋ kɛmmɛ fawʋllʋŋ. Mɩ na Wɩa tɩndaaraa balɩpɛ dɩ ba kori nyanyal-bɔŋ dosunuŋ balɩpɛ sɩ ŋaa dɩdɛrɩŋ kɩaa, bɛɛ wɩaa dɩ ba nɛ kʋ ŋaa dɛrɛ, Wɩa baanɩŋ jaŋ fɩɛlɛ.

Jɔɔŋ Wʋnaalaa 15:7

Ŋɩɩ nɛ kɩalɩŋ banɛsɛ-la sɩ weye dɔŋɔ joŋ sɛlɩmɛ gbansɩŋ balɩpɛ a pɩ Wɩa tɩndaaraa balɩpɛ-la. Wɩa baanɩŋ fa su sɛlɩmɛ gbansɩ-la nɛ. Ʋ nɛ jaŋ hɛ nɩmɛ a kaa mʋ wuu.

Jɔɔŋ Wʋnaalaa 18:6

Wɩalɩŋ ba sɩ ŋaa ma lɛ, má ma joŋo ŋaa ba lɛ, a tiŋ ma chɩmɩŋ naansɩɩŋ bʋlɩa. Gbaŋa-la ba sɩ kaa ŋaa sɩnɩŋ pɩma ma nyʋa, má ma kɛŋ ʋ tɩtɩa a ŋaa sɩnɩŋ naansɩɩŋ bʋlɩa pɩba dɩ ba nyʋa.

Jɔɔŋ Wʋnaalaa 19:15

Ŋɩɩ nɛ tokobiiŋ sɩ kɛŋ niiŋ woruŋ nyagaga lɩɩ ʋ niiŋ lɛ a kʋ lɩɩ. Tokobii-la nɛ ʋ jaŋ kaa yuo dii tinteyee nɩaa kala. Ʋ jaŋ kɛŋ hɔɔŋ dantɩga a beŋ dʋnɩa nɩaa. Ʋ jaŋ dagɛ dʋnɩa nɩaa ŋɩɩ Wɩa doluŋ kala Tɩɩna sɩ na baanɩŋ ba nyuŋ a magɛ. Ʋ jaŋ nʋɔsɛ ba bʋrɩgɛ a nagɛ ba sɩ yie bʋrɩgɛ tɩɩnɛnɛɛ ŋɩɩ a lɩɩsɛ sɩnɩŋ.

Jɔɔŋ Wʋnaalaa 19:18

Má kʋ dii kuoroo nammɩa, laalɩyuori-hɩasɩŋ arɩ nɩduoruŋ nammɩa, janɩŋ arɩ ba jɩjɩllaa nammɩa, nuhuobiinee, nɩalɩŋ sɩ tɩɩ ba tɩtɩa, nɩalɩŋ sɩ ŋaa yosuŋ, nɩhɩasɩŋ arɩ hambiisiŋ kala nammɩa.”

Jɔɔŋ Wʋnaalaa 19:5

Ŋɩɩ nɛ nʋʋ yikoro lɩɩ Wɩa kuoru kpasa-la teeŋ a bʋl, “Ma Wɩa tɩntɩnnaa kala arɩ ma nɩalɩŋ kala sɩɩ fáʋ, nɩhɩasɩŋ arɩ hambiisiŋ kala, má leŋ dɩ la dɛnnɛ Wɩa.”

Jɔɔŋ Wʋnaalaa 20:12

Ŋɩɩ nɛ ka mɩ na nɩalɩŋ sɩ sʋba, nɩhɩasɩŋ arɩ hambiisiŋ kala, dɩ ba chɩŋ kuoru kpasa-la sɩpaaŋ. Ŋɩɩ nɛ ba suri tenniŋ, a bɩra suri teniŋ dɔŋɔ ma, mɩɩsɩŋ teniŋ nɛ ŋɩɩ. Tenni-la lɛ nɛ ba ŋmʋnsɛ nʋʋkala sɩ hɛ dʋnɩa lɛ wʋŋaalaa hɛ, ba lɛ nɛ ba to a dii nʋʋkala sɩ sʋba sarɩya.

Jɔɔŋ Wʋnaalaa 20:15

Dɩ nʋʋkala yɩrɩŋ nɛ tuo mɩɩsɩŋ teŋ-la tʋɔŋ, ba yie joŋu yuo hɛ nyiŋ-bal-la tʋɔŋ nɛ.

Jɔɔŋ Wʋnaalaa 22:12

Yesu sɩ, “Má bee na, mɩ jaŋ kɔ lɛɛlɛ, mɩ jaŋ kʋ tiŋ nʋʋkala. Nʋʋkala sɩ tɩma magɛ ŋɩɩ, ŋɩɩ tɩtɩa nɛ ʋ jaŋ laa ʋ time.