Jɔɔŋ Wʋnaalaa 11:17 - WƖA TENIŊ

¹⁷ “Laa lɔllʋŋ La Tɩɩna Wɩa doluŋ kala Tɩɩna, Nɩɩ-la fa sɩ hɛ nɩmɛ faafaa arɩ Nɩɩ-la ha sɩ hɛ nɩmɛ. Lɛɛlɛ-na ŋ kɛŋ ŋ dol-bal-la, a suomo bibeŋ dʋnɩa nɛ.

Jɔɔŋ Wʋnaalaa 11:17 ပူးပေါင်းရင်းမြစ်များ

WƖAA DƖ-SUOMUŊ 17:1

Abɩram sɩ ŋaa jɩsɩŋ mahɩŋ banɛsɛ arɩ fii arɩ nibi, La TƖƖNA kɛŋ ʋ tɩtɩa kʋ dagʋ a bʋla pʋ, “Mɩ nɛ ŋaa Wɩa doluŋ kala Tɩɩna, kɛŋ tʋɔpʋla mɩ teeŋ.

WƖA YƖƖLAA 21:13

La Tɩɩna, laa dɛnnɩŋ, ŋ doluŋ yʋga. La jaŋ yɩɩ yɩɩlaa a dɛnnɩŋ a tɩŋ ŋ doluŋ wɩaa.

WƖA YƖƖLAA 57:11

Wɩa, leŋ dɩ ŋ yɩrɩŋ sii kɩɩ wɩa-nyuŋ, dɩ ŋ tʋla su dʋnɩa lee na-kala.

AZAAYA 52:10

La TƖƖNA jaŋ dagɛ ʋ doluŋ dɩ tinteyee kala na. Dʋnɩa sɛmɛ na-kala nɩaa jaŋ na ŋɩɩ, la Wɩa sɩ laa ʋ nɩaa ta.

DANƖƐL 2:23

Mɩ nyɩmmaba Wɩa, mɩɩ lɔllʋŋ aa dɛnnɩŋ. Ŋ nɛ pɩmɛ wʋjɩmɩŋ arɩ doluŋ, ŋ nɛ leŋe mɩ jɩŋ wɩɩ-la la sɩ pɩɛsɩŋ chɩchɛ, ŋ nɛ leŋe la jɩŋ kuoro duoso.”

DANƖƐL 6:10

Danɩɛl sɩ nɩa dɩ ba tɔ boŋ-la nɛ a ŋmʋnsa bil nʋʋkala jɩŋ, ʋ mɩɩra mʋ dɩa a jɩl ʋ lusuŋ nyuŋ dɩa, lee-la tokoroba sɩ suroo chaasɛ Jerusalɛm dɩɩrɩŋ. Nɩmɛ nɛ ʋ yie kpirime chʋɔlɛ Wɩa naansɩɩŋ butori tapʋlɩɩ kala, a lɔllʋ arɩ ʋ fa sɩ vɛnɛɛ ŋaa ŋɩɩ.

Matiu 11:25

Bʋa-la tɩtɩa lɛ Yesu guu yɩrɛ, “Mɩ Nyɩmma, ŋ nɛ ŋaa wɩa-nyuŋ arɩ tinteeŋ kala Tɩɩna. Mɩɩ lɔllʋŋ arɩ ŋ sɩ kɛŋ wɩalɩŋ ŋ sɩ joŋo faa a dagɛ nɩalɩŋ sɩ bɩ wɩaa jɩŋ, aŋ bɩ joŋo dagɛ nɩalɩŋ sɩ kɛŋ wʋjɩmɩŋ.

Luuk 10:21

Bʋa-la tɩtɩa lɛ Yesu tʋɔŋ tɔrɛ Wɩa Dɩŋ-zɔmʋŋ doluŋ lɛ ʋ bʋl, “Mɩ Nyɩmma, ŋ nɛ ŋaa wɩa-nyuŋ arɩ tinteeŋ kala Tɩɩna. Mɩɩ lɔllʋŋ arɩ ŋ sɩ kɛŋ wɩalɩŋ ŋ sɩ joŋo faa a dagɛ nɩalɩŋ sɩ bɩ wɩaa jɩŋ, aŋ bɩ joŋo dagɛ nɩalɩŋ sɩ kɛŋ wʋjɩmɩŋ. Mɩ Nyɩmma, mɩɩ lɔllʋŋ. Ŋ tɩtɩa tʋɔtɔrʋŋ lɛ nɛ ŋ ŋaa ŋɩɩ.”

Jɔɔŋ 11:41

Ŋɩɩ nɛ ba kɛŋ tabɩɩ-la suri. Yesu wʋla beŋ wɩa-nyuŋ aŋ bʋl, “Mɩ Nyɩmma, mɩɩ lɔllʋŋ arɩ ŋ sɩ jegile nɩɩ mɩ teeŋ.

2 Kɔrɩntɩ Nɩaa 2:14

Ama, mɩ haa lɔllɛ Wɩa nɛ. Bʋa na-kala, ʋ yie to Kirisito lɛ nɛ a pɛ la lɛ la wuo yuo dii Sɩtaanɩ. Ʋ yie pɛ la lɛ la wuo bʋl Kirisito wɩaa lee-na kala. Kirisito wʋzɔmɔ-la nagɛ tʋlaalɩɩ sɩɩ sʋɔrʋ nɛ, a sʋɔra laa leriŋ kala.

2 Kɔrɩntɩ Nɩaa 9:15

Laa lɔllɛ Wɩa a tɩŋ wʋbalbal-la ʋ sɩ joŋo pɩla pɛɩ.

1 Timoti 1:12

Mɩɩ lɔllɛ La Tɩɩna Kirisito Yesu, bɛɛ wɩaa ʋ nɛ bene dɩ mɩ maga dɩ mɩ bʋl ʋ niiŋ wɩaa pɩ nɩaa. Ŋɩɩ nɛ tɩɩ ʋ lɩɩsɛmɛ dɩ mɩ tɩma pʋ. Ʋ nɛ pɩmɛ doluŋ dɩ mɩ wuo tɩtɩŋ tɩntɩmɩŋ deeŋ.

Jɔɔŋ Wʋnaalaa 1:4

Mɩ-na Jɔɔŋ nɛ ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Wɩa lahɔrɩmɔ lɛ, ʋ jaŋ leŋ dɩ ma hɔŋ arɩ yarɩfɩɛlaa. Ʋ nɛ ŋaa Nɩɩ-la sɩ hɛ nɩmɛ, Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ. Wɩaa deemba lɩɩ Wɩa Dɩnsɩŋ balɩpɛ-la sɩ chɩŋ Wɩa kuoru kpasa-la sɩpaaŋ nɛ

Jɔɔŋ Wʋnaalaa 1:8

La Tɩɩna Wɩa sɩ, “Mɩ nɛ ŋaa Alɩfa arɩ Omega. Mɩ-na Wɩa doluŋ kala Tɩɩna, mɩ nɛ ŋaa Nɩɩ-la sɩ hɛ nɩmɛ arɩ Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ.”

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”

Jɔɔŋ Wʋnaalaa 15:3

a yɩyɩɩ Wɩa tɩntɩnna Mosis yɩɩlɩŋ arɩ Pie-bie-la yɩɩlɩŋ. Yɩɩla-la ba sɩ yɩa nɛ ŋ-la: “La Tɩɩna Wɩa doluŋ kala Tɩɩna, wʋkpuŋkperisiŋ arɩ tɩntɩŋ-duoruŋ nɛ ŋ tɩtɩŋ. Ŋ kɛŋ wʋtɩtɩɩ nɛ a ŋɩŋaa wɩaa ba bʋa lɛ. Ŋ nɛ kuoro a kaa mʋ wuu.

Jɔɔŋ Wʋnaalaa 16:14

Jɩŋ-bɔŋŋɔɔ deemba batori lɩɩ Sɩtaanɩ lɛ nɛ a yie ŋɩŋaa wʋkpuŋkperisiŋ. Ba nɛ gɔllɛ dʋnɩa kuoroo kala teeŋ, a kɛmba hɛ dɔŋɔ lɛ baa kɛŋ ba tɩtɩa dɩ ba yuo laalɩŋ La Tɩɩna doluŋ kala Tɩɩna tapʋl-bal-la.

Jɔɔŋ Wʋnaalaa 16:5

Ŋɩɩ nɛ Wɩa tɩndaarʋ-la sɩ kɛŋ lɩɩŋ doluŋ ma bʋl wɩaa. Ʋ sɩ, “La Tɩɩna Wɩa, ŋ kɩaa sɩma nɛ dɩ ŋ dɔgɩsɛ dʋnɩa nɩaa. Ŋ bɩ disiniŋ kɛnɛ, ŋ nɛ Nɩɩ-la fa sɩ hɛ nɩmɛ faafaa kala arɩ Nɩɩ-la sɩ hɛ nɩmɛ lɛɛlɛ.

Jɔɔŋ Wʋnaalaa 16:7

Ŋɩɩ nɛ mɩ nɩɩ nʋʋ yikoro sɩ lɩɩ Wɩɩsʋlʋŋ koru-la nyuŋ. Ʋ sɩ, “Wʋtɩtɩɩ, La Tɩɩna Wɩa doluŋ kala Tɩɩna, wʋtɩtɩɩ nɛ ŋ kaa dii nɩaa sarɩya.”

Jɔɔŋ Wʋnaalaa 18:8

Ŋɩɩ wɩaa wʋlɔrʋnʋŋ deemba jaŋ jʋʋba chɛ-bala: Ʋ nɩaa jaŋ sʋʋ, dɩ ba tʋɔŋ chei, dɩ losuŋ ma jʋʋba. Nyiniŋ ma jaŋ diiba. Wɩaa deemba kala jaŋ ŋaa, bɛɛ wɩaa La Tɩɩna Wɩa sɩ jaŋ diiu sarɩya kɛŋ doluŋ.”

Jɔɔŋ Wʋnaalaa 19:11

Ŋɩɩ nɛ mɩ na Wɩa-jaŋ dɩ ʋ suro. Mɩ beŋ a na ja-pʋla dɩ nʋʋ jɩla. Nɩɩ-la sɩ jɩla yɩrɩŋ nɛ Nɩtɛŋɛ arɩ Wʋtɩtɩɩ Tɩɩna. Ʋ dii nɩaa sarɩya arɩ wʋtɩtɩɩ nɛ, aa yuo laalɩŋ ma arɩ wʋtɩtɩɩ.

Jɔɔŋ Wʋnaalaa 19:6

Ŋɩɩ nɛ mɩ bɩra nɩɩ nɩ-daŋ goŋ. Goŋ-la fa nagɛ fuo-balaa sɩɩ pɛllʋ nɛ gbul gbul. Ʋ bɩra nagɛ duonuŋ sɩɩ kpɩa ŋmana ŋmana aŋ pɛ lɩlɩgɩsɛ. Ŋɩɩ nɛ yikoro-la heele bʋl, “Haleluya, La Tɩɩna Wɩa doluŋ kala Tɩɩna dii ʋ kuoruŋ nɛ.