Jɔɔŋ Wʋnaalaa 11:12 - WƖA TENIŊ

¹² Ŋɩɩ nɛ ba nɩɩ nʋʋ yikoro dɩ ʋ lɩɩ Wɩa-jaŋ a bʋla pɩba, “Má kʋ jɩl daha.” Ʋ sɩ bʋl ŋɩɩ dɛrɛ, ba to duoŋ-bɩlɩmbaanɩŋ lɛ a jɩl Wɩa-jaŋ. Ba dʋndɔŋŋɔɔ bibemba, ka ba jɩjɩl.

Jɔɔŋ Wʋnaalaa 11:12 ပူးပေါင်းရင်းမြစ်များ

2 KUOROO 2:1

Bʋa-la sɩ yie dɩ La TƖƖNA to pel-vinvilimiŋ lɛ a joŋ Ɩlaaja a kaa jɩl Wɩa-jaŋ, Ɩlaaja arɩ Elaasa fa lɩɩ Gɩlɩgal lɛ nɛ a mʋmʋ.

2 KUOROO 2:11

Ɩlaaja arɩ Elaasa ha sɩ vɛnɛ aŋ bʋbʋl wɩaa ŋɩɩ, dɩ laalɩŋ janɩŋ lɛrɛ toruko arɩ nyiniŋ a guu kʋ to ba pɛgɛ, a kɛmba pɔrɛ dɔŋɔ lɛ. Ɩlaaja to pel-vinvilimiŋ lɛ a jɩl Wɩa-jaŋ.

2 KUOROO 2:5

Wɩa wʋlaabʋlla-la sɩ hɛ Jeriko lɛ ma kʋ lɩɩ pɩɛsɛ Elaasa, “Ŋ jɩma arɩ La TƖƖNA jaŋ joŋ ŋ nɩhɩaŋ jɩnɩŋ a kaa viiri koo?” Ʋ bʋl, “Oo, mɩ jɩma nɛ, ama, má tɔrɛ ma niiŋ.”

2 KUOROO 2:7

Wɩa wʋlaabʋllaa mahɩŋ balɩa arɩ fii to Ɩlaaja arɩ Elaasa harɩŋ a mʋ chɩŋ dɩ-bolii mʋa, a bibeŋ ka ba balɩa mʋ chɩŋ Jɔdaŋ fuo-la niiŋ.

WƖA YƖƖLAA 112:10

Nɩbɔmʋŋ jaŋ na ŋɩɩ dɩ ʋ baanɩŋ sisii, ʋ dɩdɩŋ ʋ nyɩlaa a kala hɩl, ama wɩɩ-la ʋ sɩɩ chɛ, ʋ bɩ jaŋ naʋ.

WƖA YƖƖLAA 15:1

La Tɩɩna, kʋbɛɛ nɛ jaŋ wuo hɛ ŋ dɩɩ-bal-la tʋɔŋ, koo a hɔŋ ŋ peel-la sɩ bɩ disiniŋ kɛnɛ nyuŋ?

WƖA YƖƖLAA 24:3

Kʋbɛɛ nɛ jaŋ wuo jɩl La Tɩɩna peel-la? Kʋbɛɛ nɛ jaŋ wuo chɩŋ Wɩa dɩɩ-bal-la sɩ bɩ disiniŋ kɛnɛ tʋɔŋ?

WƖA YƖƖLAA 86:17

La Tɩɩna, dagɛmɛ ŋ wʋzɔŋŋɔɔ magɩlɩŋ, dɩ mɩ dʋndɔŋŋɔɔ na, dɩ hɩɩsɩŋ kɛmba. Ŋ-na La Tɩɩna nɛ pɛ mɩ lɛ a leŋ mɩ tʋɔŋ pɩŋ dɩ-bala.

MOSIS KƐŊ IZIRAL TƖŊŊAA LƖƖ 14:25

Aŋ ka ʋ ŋaa ba janɩŋ torukoba naasɩŋ yuŋ a bɩ wuo vɩvɛŋ. Ŋɩɩ nɛ Ijipiti tɩmma-la bʋl, “Má leŋ la fá, aŋ ka Iziral tɩŋŋaa. La TƖƖNA yuola a pɩpɛ Iziral tɩŋŋaa lɛ nɛ.”

AZAAYA 14:13

Ŋ fa yie bʋl ŋ tʋɔŋ lɛ, ‘Mɩ jaŋ jɩl Wɩa-jaŋ, mɩ jaŋ leŋ dɩ mɩ kuoru kpasa jɩla kieli Wɩa chɛnwʋlaa, mɩ jaŋ hɔŋ mɩ kuoru kpasa nyuŋ peel-la nyuŋ vesiŋ sɩɩ hilimu.

AZAAYA 40:31

ama nɩalɩŋ sɩ kɛŋ yɩɛlaa La TƖƖNA lɛ, jaŋ wasa kɛŋ doluŋ. Ba jaŋ nagɛ kachuuŋ sɩɩ fil. Ba jaŋ fá aŋ bɩ jaŋ lɔl, a vɛŋ woruŋ aŋ bɩ jaŋ yiegi.

AZAAYA 60:8

Kʋbɛɛba ma nɛ file a kʋkɔ ŋ-la a nagɛ duoŋ-bɩlɩmbaanaa koo a nagɛ kokosuŋ sɩ file mʋmʋ ba dɛllɩŋ leriŋ?

MALAKAƖ 3:18

Ŋɩɩ nɛ nʋʋkala jaŋ na dabaŋ-la sɩ hɛ tʋɔpʋl tɩŋŋaa arɩ nɩbɔŋŋɔɔ pɛgɛ, nɩalɩŋ sɩɩ to mɩ-na Wɩa arɩ nɩalɩŋ sɩ bɩ mɩ ka to.”

Luuk 16:23

ʋ mʋ jʋʋ Wɩa-nyiniŋ a nɩna hɛɛŋ woruŋ. Ŋɩɩ nɛ ʋ bee mʋ na Abɩraham dɩ ʋ hɔŋ dɩ-bolii, ka Lazarɔs ma hɔŋ ʋ sɛmɛ.

Tɩntɩŋŋaa 1:9

Yesu sɩ bʋl ŋɩɩ dɛrɛ, Wɩa joŋu kaa jɩl Wɩa-jaŋ, ka ba chɩna bibeŋ. Ŋɩɩ nɛ duoŋ-bɩlɩmbaanɩŋ kʋ tɔʋ, ba bɩra bɩ ʋ na.

1 Tɛsalonaaka Nɩaa 4:17

Ŋɩɩ harɩŋ, la nɩalɩŋ sɩ hɛ la mɩɩsɩŋ lɛ, ʋ jaŋ kɛsɛla kaa pɛ nɩalɩŋ ʋ chɩsa sʋʋŋ lɛ, dɩ la kala cheŋ La Tɩɩna Yesu duoŋ-bɩlɩmbaanaa tʋɔŋ wɩa-nyuŋ. La jaŋ hɛ La Tɩɩna teeŋ a kaa mʋ wuu.

Jɔɔŋ Wʋnaalaa 12:5

Ŋɩɩ nɛ haal-la lʋl hambolibie, nɩɩ-la sɩ jaŋ beŋ dʋnɩa nɩaa kala arɩ hɔɔŋ dantɩga. Ŋɩɩ nɛ Wɩa joŋ bile kaa mʋ ʋ teeŋ a leŋ ʋ hɔŋ ʋ kuoru kpasa nyuŋ,

Jɔɔŋ Wʋnaalaa 3:21

Nɩɩ-la sɩ wuo yuo dii Sɩtaanɩ, mɩ jaŋ pʋ wombiiŋ dɩ ʋ pɛ hɔŋ mɩ kuoru kpasa nyuŋ arɩ mɩ ma sɩ yuo dii Sɩtaanɩ aŋ pɛ hɔŋ mɩ Nyɩmma kuoru kpasa nyuŋ ŋɩɩ.

Jɔɔŋ Wʋnaalaa 4:1

Wɩaa deemba kala sɩ ŋaa harɩŋ, mɩ beŋ wɩa-nyuŋ a na dɩ Wɩa-jaŋ boro suro. Ŋɩɩ nɛ mɩ nɩɩ yikoro-la fa sɩ laa sɩpaaŋ bʋl wɩaa mɩ teeŋ a nagɛ ba sɩɩ ŋmʋʋ nyile, dɩ ʋ sɩ, “Kʋ jɩl daha dɩ mɩ dagɩŋ wɩalɩŋ sɩ jaŋ ŋaa wɩaa deemba harɩŋ lɛ.”