9 Ŋɩɩ nɛ mɩ mʋ Wɩa tɩndaarʋ-la teeŋ a bʋla pʋ dɩ ʋ joŋ teŋ-bie-la pɩmɛ. Ŋɩɩ nɛ ʋ bʋla pɩmɛ, “Laa teŋ-bie-la a joŋo chaŋ. Ʋ jaŋ sɩŋ ŋ niiŋ lɛ a nagɛ tʋʋŋ, ama ŋ luoruŋ lɛ ʋ jaŋ hɛɩ.”
Mɩ bɩ ʋ niiŋ wʋdagaa vɩa. Mɩ cho ʋ niiŋ wɩalɩŋ a kɩɩ mɩ kʋdiilee.
Ŋ sɩ bʋl ŋ wɩaa pɩmɛ, mɩ jegile nɩɩ nɛ. Wɩalɩŋ nɩɩ pɩmɛ tʋɔtɔrʋŋ, mɩ choba woruŋ, bɛɛ wɩaa mɩ ŋaa ŋ nʋʋ nɛ, La TƖƖNA Wɩa doluŋ kala Tɩɩna.
Ama ŋ-na nuhuobiiŋ, jegile nɩɩ mɩ teeŋ, pʋpɔ ŋ sɩ́ mɩ niiŋ vɩa a nagɛ nɩalɩŋ sɩ vɩa mɩ niiŋ ŋɩɩ. Kɛŋ ŋ niiŋ suri a dii kʋ-la mɩ sɩ jaŋ joŋo pɩŋ.”
Wɩa Dɩma-la jommi je a kaa viiri, ka Wɩa doluŋ chaasa hɛ mɩ lɛ, mɩ tʋɔŋ chei, mɩ baanɩŋ sii.
Wɩa jaŋ dɔgɩsɛ nɩalɩŋ [sɩ bɩ ʋ niiŋ sɛyɛ] aŋ ŋɩŋaa wɩaa deemba.
Ŋɩɩ nɛ mɩ laa teŋ-bie-la Wɩa tɩndaarʋ-la nɩsɩŋ lɛ a joŋo chaŋ. Ʋ sɩma nagɛ tʋʋŋ nɛ mɩ niiŋ lɛ, ama ʋ sɩ tuu mɩ luoruŋ, mɩ fehe nyala nɛ.