Jɔɔŋ Wʋnaalaa 10:7 - WƖA TENIŊ

⁷ Ama tapʋlɩɩ-la Wɩa tɩndaarɩ-pɛɩ-la sɩ jaŋ kʋ ŋmʋʋ ʋ nyile, Wɩa wʋfaalɩa-la ʋ fa sɩ dagɛ ʋ wʋlaabʋllaa sɩ ŋaa ʋ tɩntɩnnaa, ba kala jaŋ ŋaa.

Jɔɔŋ Wʋnaalaa 10:7 ပူးပေါင်းရင်းမြစ်များ

AMƆS 3:7

Wɩɩ na-kala mɩ-na ma Tɩɩna Wɩɩjarɩbakɔ sɩ bɩɩna dɩ ma ŋaa, mɩ yie leŋ mɩ tɩntɩnna-la sɩ ŋaa mɩ wʋlaabʋllaa jɩŋ nɛ.

Tɩntɩŋŋaa 3:21

Ʋ maga dɩ ʋ hɛ Wɩa-jaŋ lɛ, see bʋa-la yie, dɩ Wɩa leŋ dɩ wɩɩkala sɩ hɛ dʋnɩa lɛ bɩrɩmɛ wʋfalɩɩ. Wɩa leŋe ʋ wʋlaabʋllaa bʋl wɩɩŋ deeŋ faafaa kala nɛ.

Rom Tɩŋŋaa 11:25

Mɩ naambiiriŋ, wɩaa nɛ hɛ nɩmɛ Wɩa fa joŋo faama, mɩɩ chɛ dɩ ma jɩŋ. Wɩɩ-la jaŋ ŋaa dɩ ma sɩ́ bɩɩna bʋl arɩ ma kɛŋ wʋjɩmɩŋ a bibigisi ma tɩtɩa lɛ. Wɩɩ-la nɛ ŋ-la: Iziral tɩŋŋaa sɩ kɛŋ nyu-duo-la, ba bɩ jaŋ kɛnʋ wuu. Bʋa-la lɛ dɩ nɩalɩŋ sɩ bɩ Juu tɩŋŋaa ŋaa nɛ kʋ yʋgɛ a laa Wɩa wɩaa dii, Iziral tɩŋŋaa nyu-duo-la jaŋ dɛrɛ.

Rom Tɩŋŋaa 16:25

Má leŋ dɩ la dɛnnɛ Wɩa. Ʋ nɛ leŋe ma chɩŋ ma wʋtɩtɩɩ lɛ a tɩŋ Wɩa wʋzɔmɔ-la mɩ sɩ bʋla pɩma a tɩgɛ Yesu Kirisito lɛ. Wɩa fa joŋ wɩalɩŋ faa nɛ faafaa kala,

Jɔɔŋ Wʋnaalaa 14:6

Ŋɩɩ nɛ mɩ bɩra na Wɩa tɩndaara dɔŋɔ dɩ ʋʋ fil wɩa-nyuŋ dɩ-bolii. Ʋ fa kori Wɩa Wʋzɔmɔ-la nɛ, Wʋzɔmɔ-la sɩ jaŋ hɛ nɩmɛ a kaa mʋ wuu. Ʋ kaa mʋ bʋla pɩ tintee kala nɩaa, doho kala nɩaa, yikoro kala nɩaa arɩ nɩaa kala.

Jɔɔŋ Wʋnaalaa 17:17

Wɩa nɛ joŋ ŋɩɩ tʋɔbɩɩnaa hɛ ba lɛ dɩ ba ŋaa wɩɩ-la ʋ sɩ cho. Ŋɩɩ nɛ tɩɩ ba sɛɩ a joŋ dol-la ba sɩ kɛnɛ a bibeŋ nɩaa a pɩpɩ baga kʋ-la. Ba jaŋ bibeŋ kʋ-la, see dɩ wɩalɩŋ kala Wɩa sɩ bʋla ŋaa dɛrɛ.