Jɔɔŋ Wʋnaalaa 10:6 - WƖA TENIŊ

⁶ Ŋɩɩ nɛ ʋ ŋmɩɛsɛ Wɩa, Nɩɩ-la sɩ hɛ nɩmɛ a kaa mʋ wuu, nɩɩ-la sɩ ta wɩa-nyuŋ arɩ kɩalɩŋ kala sɩ hɛ wɩa-nyuŋ, arɩ tinteeŋ arɩ kɩalɩŋ kala sɩ hɛ nɩmɛ, arɩ mʋgʋ-balɩŋ, arɩ kɩalɩŋ kala sɩ hɛ ʋ tʋɔŋ. Ʋ sɩ, “Bʋa-la yie nɛ, la bɩra bɩ jaŋ wuo kɛŋ wɩɩkala dieni.”

Jɔɔŋ Wʋnaalaa 10:6 ပူးပေါင်းရင်းမြစ်များ

WƖAA DƖ-SUOMUŊ 14:22

Ama Abɩram bʋla pɩ Sodom kuoro, “Mɩ je mɩ nɩsɩŋ dagɛ Wɩa sɩ kɩɩ kʋŋkala a ŋaa wɩa-nyuŋ arɩ tinteeŋ, a ŋmɩɛsɛ

MOSIS KƐŊ IZIRAL TƖŊŊAA LƖƖ 20:11

Tapʋlaa balɩdʋ nɛ mɩ-na ma TƖƖNA joŋo ŋaa wɩa-nyuŋ arɩ tinteeŋ, mʋgʋ-balaa arɩ kɩalɩŋ kala sɩ hɛ ba lɛ, tapʋl-pɛɩ chɛɛŋ nɛ mɩ wiesi. Ŋɩɩ nɛ mɩ joŋ chɛ-wiesiŋ deeŋ a wasʋ, a leŋ ʋ ŋaa tapʋl-zɔŋ.

MOSIS KƐŊ IZIRAL TƖŊŊAA LƖƖ 6:8

Mɩ jaŋ kɛmma mʋ tintee-la mɩ sɩ chaasa hɛ niiŋ arɩ mɩ jaŋ joŋo pɩ Abɩraham, Aɩzɩk, arɩ Jekɔb. Mɩ jaŋ joŋo pɩma dɩ ʋ ŋaa ma kʋŋ. Mɩ-na ma TƖƖNA nɛ bʋla.’ ”

ƐZƖKƖƐL 20:5

Bʋla pɩba: Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Tapʋlɩɩ-la mɩ sɩ lɩɩsɛ ba-na Iziral tɩŋŋaa, mɩ fa chaasa ŋmɩɛsa pɩ ba-na Jekɔb doho nɩaa nɛ aŋ kɛŋ mɩ tɩtɩa dagɛba Ijipiti tinteeŋ lɛ. Mɩ fa ŋmɩɛsa pɩba a bʋl, ‘Mɩ nɛ ma TƖƖNA Wɩa.’

DANƖƐL 12:7

Baal-la sɩ laalɛ gɛrɩpɛ fʋfʋlʋŋ gɛrɩŋ a chugili fuo-la nyuŋ, kɛŋ ʋ nɩsaa balɩa kala je wɩa-nyuŋ, ka mɩ nɩɩ dɩ ʋ ŋmɩɛsɛ Wɩa sɩ hɛ nɩmɛ deeŋ deeŋ a bʋl, “Ʋ jaŋ ŋaa jɩsɩŋ batori arɩ kpaa magɛ dɔŋɔ. Dɩ ba nɛ to naasɩŋ a dɔgɩsɛ Wɩa nɩaa dɛrɛ, wɩaa deemba ma kala jaŋ ŋaa dɛrɛ.”

NAMBABA 14:30

Ma kʋbala ma bɩ jaŋ jʋʋ tintee-la mɩ sɩ hɛ niiŋ arɩ mɩ jaŋ joŋo pɩma dɩ ma hɔŋ nɩmɛ, see Jefuni nanʋala Kalɩb arɩ Nuŋ nanʋala Josua.

Jɔɔŋ Wʋnaalaa 1:18

Mɩ nɛ ŋaa Nɩɩ-la sɩ weye. Mɩ fa sʋba nɛ, ama lɛɛlɛ mɩ weye nɛ a kaa mʋ wuu. Mɩ kɛŋ sʋʋŋ arɩ lɛlɛɛ-jaŋ kala doluŋ nɛ.

Jɔɔŋ Wʋnaalaa 12:12

Ma nɩalɩŋ sɩ hɛ Wɩa-jaŋ, má leŋ dɩ ma tʋɔŋ tɔrɛ. Ama ma nɩalɩŋ sɩ hɛ tinteeŋ lɛ arɩ kɩalɩŋ sɩ hɛ mʋgʋ-balɩŋ lɛ, ma jaŋ na hɛɛŋ. Sɩtaanɩ kʋ tuu ma teeŋ nɛ, ʋ faasa na baanɩŋ nɛ, bɛɛ wɩaa ʋ jɩma arɩ ʋ bɩra bɩ dieni, ka dɩ ba laa ʋ doluŋ.”

Jɔɔŋ Wʋnaalaa 16:17

Ŋɩɩ nɛ Wɩa tɩndaarɩ-pɛɩ-la joŋ ʋ gbaŋa tʋɔŋ kɩaa bɩsa hɛ peliŋ lɛ. Ŋɩɩ nɛ yikori-bal kʋbala lɩɩ lee-la kuoru kpasa-la sɩ chɩna Wɩa dɩɩ-bal-la tʋɔŋ a bʋl, “Wɩalɩŋ dɛrɛ nɛ.”

Jɔɔŋ Wʋnaalaa 21:6

Ŋɩɩ nɛ ʋ bʋla pɩmɛ, “Wɩɩkala dɛrɛ nɛ. Mɩ nɛ ŋaa Alɩfa arɩ Omega, mɩ nɛ dɩ-suomuŋ arɩ dɩdɛrɩŋ. Nɩɩ-la kala lɩɩnyʋasʋŋ sɩ kɛnɛ, mɩ jaŋ ŋaa lɩɩ-bulo lɩɩ-la sɩɩ pɩ nɩaa mɩɩsɩŋ a pʋ dɩ ʋ nyʋa pɛɩ.

Jɔɔŋ Wʋnaalaa 4:10

nɩhɩasɩ-la mara arɩ banɛsɛ yie tuu kpirimi Nɩɩ-la sɩ hɔŋ kuoru kpasa-la sɩpaaŋ a chʋɔlʋ, Nɩɩ-la sɩ hɛ nɩmɛ a kaa mʋ wuu. Ba yie suri ba kuori-nyunchuuluŋ a bil kpasa-la sɩpaaŋ aŋ yɩɩ yɩɩlaa a bʋl,

Jɔɔŋ Wʋnaalaa 4:11

“La Tɩɩna Wɩa, ʋ maga dɩ la chʋɔlʋŋ, ʋ maga dɩ la dɛnnɩŋ a yɩyɩrɛ ŋ yɩrɩŋ, ŋ nɛ doluŋ Tɩɩna. Ŋ nɛ ta kʋŋkala, ŋ tʋɔtɔrʋŋ lɛ nɛ ŋ taba ba hɛ nɩmɛ.”

Jɔɔŋ Wʋnaalaa 4:9

Bʋa na-kala dɩ kɩalɩŋ sɩ weye nɛ yɩɩ yɩɩlaa a dɛnnɛ Nɩɩ-la sɩ hɔŋ kuoru kpasa-la nyuŋ, Nɩɩ-la sɩ hɛ nɩmɛ a kaa mʋ wuu,

Jɔɔŋ Wʋnaalaa 6:11

Ŋɩɩ nɛ Wɩa joŋ gɛrɩ-pʋl-duduoŋ a pɩ ba kʋŋkala aŋ bʋla pɩba dɩ ba gbɛrɛ a wiesi mʋapɩlɩɩ, see dɩ ba kpʋ ba tɩntɩnnɩ dɔnsʋŋ arɩ ba naambiiri-la dɔnsʋŋ a magɛ ŋɩɩ ʋ sɩɩ chɛ.