Jɔɔŋ Wʋnaalaa 10:4 - WƖA TENIŊ

⁴ Bʋa-la lɛ duonuŋ sɩ kpɩa, mɩ faa chɛ dɩ mɩ ŋmʋnsɛ wɩalɩŋ bil. Ŋɩɩ nɛ nʋʋ yikoro lɩɩ wɩa-nyuŋ a bʋla pɩmɛ, “Leŋ dɩ wɩalɩŋ duonuŋ sɩ kpɩa bʋl hɛ ŋ tʋɔŋ, sɩ́ ŋmʋnsa bil.”

Jɔɔŋ Wʋnaalaa 10:4 ပူးပေါင်းရင်းမြစ်များ

AZAAYA 29:11

Ma teeŋ wɩalɩŋ ma sɩ na arɩ duosoo tʋɔŋ bɩra bɩ bʋbʋɔ kɛnɛ. Ba nagɛ wɩaa ba sɩ joŋo hɛ teniŋ lɛ a kaa pilime tɔ nɛ. Dɩ ma nɛ joŋ teŋ-la a pɩ nɩɩ-la sɩ jɩŋ karɩmɩŋ, aŋ bʋla pʋ, “Laa sʋlʋŋ, karɩmɛ wɩɩŋ deeŋ pɩla.” Ʋ jaŋ bʋl, “Mɩ bɩ jaŋ wuo, bɛɛ wɩaa ba kaa pilime tɔ nɛ.”

AZAAYA 8:1

Ŋɩɩ nɛ La TƖƖNA bɩra bʋla pɩmɛ, “Joŋ teŋ-jalɩɩ a ŋmʋnsɛ wɩaa deemba hɛ: Maha-Salal-Hasɩ-Bas. (Ʋ bʋbʋɔŋ nɛ: Má yuo diiba a paa ba kɩaa viiri lɩma.)

AZAAYA 8:16

Mɩ harɩ-tooroo, má pɔ wɩalɩŋ Wɩa sɩ joŋo pɩmɛ a kɛmba woruŋ.

DANƖƐL 12:4

Ŋ-na Danɩɛl, sɩ́ wɩaa deemba bʋla pɩ nʋʋkala. Kɛŋ teŋ-la tɔ a joŋ kʋa magɩlɛ a kaa mʋ yi dʋnɩa dɩdɛrɩŋ. Nɩaa jaŋ yʋgɛ a lɩɩ daha a mʋ daha a chɩchɛ dɩ ba wʋjɩmɩŋ pʋŋa pɛ.”

DANƖƐL 12:9

Ʋ bʋla pɩmɛ, “Danɩɛl, ŋ-na mʋ ŋ dɩ-mʋʋlʋŋ, wɩalɩŋ faa nɛ ba tɔ bil see dʋnɩa dɩdɛrɩŋ yie.

DANƖƐL 8:26

Wɩalɩŋ ŋ sɩ na a nagɛ duosoo tʋɔŋ tɩgɛ dɩdaanɩŋ arɩ chʋchʋɔŋ Wɩɩsʋlʋŋ kɩalɩŋ lɛ sɛnɛ jaŋ kʋ ŋaa wʋtɩtɩɩ, ama pɔ ŋ sɩ́ bʋla pɩ nʋʋkala, bɛɛ wɩaa ba ŋaa maachie wɩaa nɛ.”

MOSIS BƖRA WULLI WƖA WOMBIIŊ 29:29

Wɩaa dɔnsʋŋ hɛ nɩmɛ La TƖƖNA Wɩa joŋo faala, ba-na ŋaa ʋ kɩaa nɛ, ama wombie-la ʋ sɩ joŋo dagɛla, la dɩ la biiriŋ kala maga dɩ la tutoba nɛ a kaa mʋ wuu.

Jɔɔŋ Wʋnaalaa 1:11

Ŋɩɩ nɛ yikoro-la bʋla pɩmɛ, “Ŋmʋnsɛ wɩalɩŋ kala ŋ sɩ na, a joŋo tɩŋ dɩ ba kaa mʋ pɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Ba nɛ ŋ-la: Ɛfɛsɩs, Sɩmɩɩna, Pɛgamɔm, Taataya, Saadɩs, Fɩladɛlɩfɩa arɩ Laadisiya.”

Jɔɔŋ Wʋnaalaa 1:19

Lɛɛlɛ ŋmʋnsɛ wɩalɩŋ ŋ sɩ na, wɩalɩŋ sɩ hɛ nɩmɛ arɩ wɩalɩŋ sɩ jaŋ ŋaa harɩŋ.

Jɔɔŋ Wʋnaalaa 10:8

Ŋɩɩ nɛ mɩ bɩra nɩɩ yikoro-la tɩtɩa sɩ lɩɩ wɩa-nyuŋ a bʋl wɩaa pɩmɛ. Ʋ sɩ, “Mʋ a laa teŋ-bie-la ba sɩ suro, Wɩa tɩndaarʋ-la nɩsɩŋ lɛ, nɩɩ-la naaŋ dɔŋɔ sɩ chɩŋ mʋgʋ-balɩŋ nyuŋ, ka dɔŋɔ ma chɩŋ tinteeŋ lɛ.”

Jɔɔŋ Wʋnaalaa 22:10

Ŋɩɩ nɛ ʋ bɩra bʋla pɩmɛ, “Sɩ́ wɩaa deemba ba sɩ bʋla Wɩa Dɩŋ-zɔmʋŋ doluŋ lɛ a hɛ teniŋ deeŋ tʋɔŋ kaa faa, bɛɛ wɩaa ʋ bɩ jaŋ dieni ka dɩ wɩalɩŋ kala ŋaa.