Jɔɔŋ Wʋnaalaa 10:1 - WƖA TENIŊ

¹ Ŋɩɩ nɛ ka mɩ bɩra na Wɩa tɩndaarɩ-duo kʋbala dɩ ʋ lɩɩ Wɩa-jaŋ a kʋʋ tuu. Duoŋ-bɩlɩmbaanaa tɔʋ kala, ka duoŋ-sɩa chugili ʋ nyuŋ lɛ. Ʋ sɩaa tʋtʋl a nagɛ wɩɩpɔsʋŋ. Ʋ naasɩŋ ma nagɛ jebiee sɩɩ dii nyiniŋ.

Jɔɔŋ Wʋnaalaa 10:1 ပူးပေါင်းရင်းမြစ်များ

WƖA YƖƖLAA 104:3

ka ŋ saa ŋ dɩa lɩɩŋ nyuŋ, a kɛŋ duoŋ-bɩlɩmbaanaa bɩrɩmɛ laalɩŋ janɩŋ toruko, peliŋ joŋuŋ vɩvɛŋ.

WƖA YƖƖLAA 97:2

Duoŋ-bɩlɩmbaanɩŋ arɩ birimiŋ lim nɛ gollu. Tʋɔpʋla arɩ wʋtɩtɩɩ nɛ ŋaa ʋ kuoruŋ gentine.

MOSIS KƐŊ IZIRAL TƖŊŊAA LƖƖ 16:10

Bʋa-la lɛ Arɔŋ sɩ bʋl wɩaa pɩpɩ Iziral tɩŋŋaa ŋɩɩ, ba beŋ tintee-hɩlɩŋ dɩɩrɩŋ, a na La TƖƖNA tʋla dɩ ʋ chaanɛ duoŋ-bɩlɩmbaanɩŋ lɛ.

SOLOMOŊ YƖƖL-SƖMƖŊ 5:15

Ʋ naasɩŋ nagɛ ba sɩ kɛŋ tabɩɩ-naŋkpachɩllɩŋ saa kɛrɩsɩŋ nɛ a joŋo daŋ kʋŋ ba sɩ kɛŋ sɛlɩmɛ ŋaa bʋbʋa-chala nyuŋ. Ʋ chɩnɩŋ nagɛ Lɛbanɔŋ peeliŋ nɛ, a zɔmɔ nagɛ Lɛbanɔŋ kuolu tɩɩsɩŋ.

AZAAYA 19:1

Wɩɩ-la Wɩa sɩ bʋla pɩmɛ a mʋ tɩgɛ Ijipiti lɛ nɛ ŋ-la: La TƖƖNA to duoŋ-bɩlɩmbaanɩŋ lɛ nɛ a faasa fá kʋkɔ Ijipiti lɛ. Ijipiti tɩŋŋaa tɔŋŋɔɔ kala ka chel nɛ ʋ sɩpaaŋ, ʋ nɩaa ma kala nandaasɩŋ yʋɔrɛ.

AZAAYA 54:9

“Nowa fa sɩ hɛ nɩmɛ bʋa-la lɛ, mɩ fa bʋla arɩ mɩ bɩ jaŋ leŋ dɩ lɩɩŋ bɩra kʋ dii dʋnɩa. Ŋɩɩ tɩtɩa nɛ mɩ bʋlaa pɩŋ, arɩ mɩ bɩra bɩ jaŋ na baanɩŋ ŋ nyuŋ koo a dɔgʋsʋŋ.

JEMBIEE 3:44

Ŋ joŋ duoŋ-bɩlɩmbaanɩŋ tɔ ŋ tɩtɩa nɛ, dɩ ŋɩɩ leŋ dɩ ŋ sɩ́ la sʋla nɩɩ.

ƐZƖKƖƐL 1:28

Duoŋ-sɩa sɩ yie nagɛ ŋɩɩ duoŋ-bɩlɩmbaanaa tʋɔŋ, ŋɩɩ nɛ tʋla ma fa nagɛ a golli kʋ-la. Pʋlʋŋ-la sɩ dagɛ La TƖƖNA tʋla nɛ ŋɩɩ. Mɩ fa sɩ naʋ, mɩ kɛŋ sɩaa chu tinteeŋ, aŋ nɩɩ nʋʋ sɩɩ bʋl wɩaa.

DANƖƐL 10:6

Ka ʋ yaraa tʋtʋl a nagɛ tabɩɩ-la ba sɩɩ yɩrɛ kirisola, ʋ sɩaa nagɛ taŋ sɩɩ lɩgɩsʋ, sɩɩ-biee ma nagɛ kapɩlɩŋ nyiniŋ, ʋ nɩsaa arɩ ʋ naasɩŋ tʋtʋl a nagɛ kɔlɩɩŋ ba sɩ kɛŋ nʋʋŋ laarɛ, ka ʋ yikoro ma nagɛ nɩ-daŋ sɩɩ ŋaa goŋ.

DANƖƐL 7:13

Mɩ duoso-la tʋɔŋ tɩtaŋ-la, mɩ bɩra beŋ a na kʋŋ sɩ nagɛ nuhuobiine dɩ ʋ to duoŋ-bɩlɩmbaanaa tʋɔŋ kʋʋ tuu. Ʋ sɩ kʋ kpagɛ nɩɩ-la sɩ hɛ nɩmɛ faafaa kala, ba kɛnʋ kaa mʋ ʋ teeŋ.

LEVI DOHO NƖAA 16:2

“Bʋla pɩ ŋ naambie Arɔŋ, dɩ ʋ sɩ́ Wɩa dɩ-zɔŋ-la sɩpaaŋ lee-la zɔmʋŋ sɩ bɩ magɩa kɛnɛ a hɛ patɩɩsaŋ-la harɩŋ jʋʋ, lee-la Wɩa niiriŋ daga-la sɩ chɩna, bʋa na-kala lɛ ʋ sɩɩ chɛ. Dɩ ʋ nɛ vɩa aŋ jʋʋ, ʋ jaŋ sʋʋ, bɛɛ wɩaa nɩmɛ nɛ mɩ yie to duoŋ-bɩlɩmbaanɩŋ lɛ a kʋ tuu daga-la nii-tɔlɔ nyuŋ.

Matiu 17:2

Nɩmɛ nɛ Yesu bɩrɩmɛ ba sɩpaaŋ. Ʋ sɩaa kala tʋtʋl a nagɛ wɩɩpɔsʋŋ sɩɩ tʋl ŋɩɩ. Ʋ gɛnnɩŋ ma pʋllɛ a tʋtʋl.

Luuk 21:27

Ŋɩɩ lɛ nɛ ma jaŋ na mɩ-na Nuhuobiine Bie dɩ mɩ to duoŋ-bɩlɩmbaanɩŋ tʋɔŋ kʋʋ tuu. Mɩ jaŋ kɛŋ doluŋ a chaanɛ kɩŋkɛŋ.

Tɩntɩŋŋaa 26:13

Mɩ sɩɩ mʋ wombiiŋ lɛ mɩ nyɩna, arɩ wɩɩ-hɛɛ-siesee mɩ na pʋlʋmʋŋ dɩ ʋ lɩɩ wɩa-nyuŋ a chaana hɛ mɩ dɩ nɩalɩŋ fa sɩɩ vɛŋ lɛ. Ʋ pʋlla kɩɩ wɩɩpɔsʋŋ.

Jɔɔŋ Wʋnaalaa 1:7

Má bee na, ʋ nɛ to duoŋ-bɩlɩmbaanaa tʋɔŋ a kʋkɔ. Nʋʋkala jaŋ naʋ. Nɩalɩŋ ma sɩ joŋ kɩaa tɔbʋ jaŋ naʋ. Dʋnɩa nɩaa kala jaŋ yel ʋ wɩaa. Ŋɩɩ sɛnɛ jaŋ ŋaa. Amɩɩ.

Jɔɔŋ Wʋnaalaa 18:1

Wɩaa deemba kala sɩ ŋaa bal, mɩ bɩra na Wɩa tɩndaara dɔŋɔ dɩ ʋ lɩɩ Wɩa-jaŋ a kʋ tuu tinteeŋ. Ʋ fa kɛŋ doluŋ nɛ woruŋ, ka ʋ tʋla leŋ dʋnɩa kala pʋllɛ.

Jɔɔŋ Wʋnaalaa 18:21

Ŋɩɩ nɛ Wɩa tɩndaarɩ-duo kʋbala joŋ tabɩɩ-balɩŋ sɩ magɛ nɔmʋŋ a yuo hɛ mʋgʋ-balɩŋ tʋɔŋ aŋ bʋl, “Ŋɩɩ tɩtɩa nɛ ba jaŋ ŋaa Babɩlɔŋ tabal-la lɛ. Ba jaŋ joŋu yuo ta arɩ doluŋ. Ʋ jaŋ lɛl dʋnɩa lɛ.

Jɔɔŋ Wʋnaalaa 20:1

Ŋɩɩ nɛ mɩ na Wɩa tɩndaara dɩ ʋ lɩɩ Wɩa-jaŋ a kʋʋ tuu tinteeŋ, a kori buotuo-luŋii-la boribiiŋ arɩ chɔrʋŋ-bal kʋbala.

Jɔɔŋ Wʋnaalaa 4:3

Nɩɩ-la fa sɩ hɔŋ kuoru kpasa-la nyuŋ tʋtʋl a nagɛ tabɩɩŋ sɩɩ tʋl a nagɛ jɩnalɩa, arɩ tabɩɩŋ sɩ fɩɛsa a nagɛ chalɩŋ. Ka duoŋ-sɩa golli kuoru kpasa-la chu. Duoŋ-sɩa-la fa nagɛ tabɩɩŋ sɩ nagɛ jɔgɩlɩɩŋ nɛ.

Jɔɔŋ Wʋnaalaa 5:2

Ŋɩɩ nɛ mɩ na Wɩa tɩndaarɩ-duo kʋbala dɩ ʋ faasa heeli a bʋl, “Kʋbɛɛ nɛ jaŋ wuo lɛrɛ kelli-la ba sɩ kaa mɛrɛ teŋ-la aŋ suri teŋ-la?”

Jɔɔŋ Wʋnaalaa 8:13

Ŋɩɩ nɛ mɩ beŋ a na kachuuŋ dɩ ʋʋ fil wɩa-nyuŋ dɩ-bolii, mɩ nɩɩ dɩ ʋ faasa yiyel, aa bʋl, “Wɩɩŋ puuma, wɩɩŋ puuma, wɩɩŋ puu ma nɩalɩŋ sɩ hɛ tinteeŋ lɛ, a tɩŋ Wɩa tɩndaarɩ-kaana-la batori sɩ jaŋ ŋmʋʋ nyilli-la wɩaa.”