Jɔɔŋ Wʋnaalaa 1:9 - WƖA TENIŊ

⁹ Mɩ-na ma naambie Jɔɔŋ nɛ ŋmʋnsɛ teniŋ deeŋ a pɩpɩma. A tɩŋ Yesu Kirisito wɩaa nɛ laa na hɛɛŋ. Ama la nɩalɩŋ sɩ na hɛɛ-la ŋɩɩ a tɩŋ ʋ wɩaa, la ma jaŋ jʋʋ Wɩa kuorii-la tʋɔŋ. Hɛɛ-la kala lɛ la dii kenyiri nɛ a nyalɩmɛ. Mɩ fa bʋl Wɩa wɩaa nɛ aŋ pɛ ŋaa Yesu Kirisito sɩada tɩɩna. Ŋɩɩ wɩaa nɛ tɩɩ ba kɛmmɛ kaa mʋ tintee kʋbala baa yɩrɛ Patɩmɔs. Lɩɩŋ golli tintee-la kala chu nɛ.

Jɔɔŋ Wʋnaalaa 1:9 ပူးပေါင်းရင်းမြစ်များ

Matiu 20:23

Ŋɩɩ nɛ Yesu bʋla pɩba, “Wʋtɩtɩɩ nɛ ma bʋl. Hɛɛ-la mɩ sɩ jaŋ na, ʋ nɛ ma ma jaŋ na. Ama mɩ nadiiŋ arɩ mɩ nagʋa hʋhɔnnɔ-la, mɩ dee bɩ jaŋ tʋɔsɛba. Wɩa nɛ jaŋ lɩɩsɛba dɩ ba hɔŋ nɩmɛ.”

Maak 10:39

Ba sɩ, “Oo, la jaŋ wuo.” Ŋɩɩ nɛ Yesu bʋla pɩba, “Wʋtɩtɩɩ nɛ ma bʋl. Hɛɛ-la mɩ sɩ jaŋ na, ʋ-nɛ ma ma jaŋ na. Ba sɩ jaŋ fomi Wɩɩchʋɔlɛ lɩɩŋ ŋɩɩ, ba jaŋ foma ma ŋɩɩ.

Jɔɔŋ 16:33

Mɩ bʋl wɩaa deemba pɩma dɩ ma wuo hɔŋ arɩ fɩɛlɩŋ nɛ. Dʋnɩa deeŋ tʋɔŋ ma jaŋ na hɛɛŋ. Ama má leŋ dɩ ma nyuŋ nyaasɛ. Mɩ yuo dii dʋnɩa nɛ.”

Tɩntɩŋŋaa 1:15

Tapʋlɩɩ kʋbala ba kʋ hilimi, ba fa yi arɩ nɩaa zɔlɔ arɩ mara. Ŋɩɩ nɛ Pɩɩta sii chɩŋ dɩ ʋ bʋl wɩaa.

Tɩntɩŋŋaa 14:22

Leree deemba kala lɛ ba yie bʋl wɩaa pɩ nɩalɩŋ sɩ laa Yesu wɩaa dii, dɩ ba wasa kɛŋ wʋtɩtɩɩ a bʋl wɩaa nyaasɛ ba nyuŋ dɩ ba chɩŋ ŋɩɩ ba sɩ laa Wɩa dii lɛ. Ba bʋla pɩba, “La nɩalɩŋ sɩ laa Yesu wɩalɩŋ dii, jaŋ na hɛɛŋ kɩŋkɛŋ, aŋ-na jʋʋ Wɩa kuorii-la tʋɔŋ.”

Rom Tɩŋŋaa 8:17

La sɩ ŋaa Wɩa biiriŋ ŋɩɩ, Wɩa joŋ kɩaa nɛ a bil la lɛ, kɩalɩŋ kala Wɩa sɩ joŋo bil Kirisito lɛ, la ma jaŋ tɩɩba. Dɩ la dɩ Kirisito kala nɛ na hɛɛŋ, la ma jaŋ laa yɩrɩ-la Kirisito sɩ jaŋ laa.

Rom Tɩŋŋaa 8:25

Ama dɩ la nɩɩ yɩɛlɛ wɩalɩŋ la ha sɩ bɩ na, la dii kenyiri a gbɩgbɛrɛ. La sɩ yie kɛŋ yɩɛlaa ŋɩɩ a kɛŋ kenyiri,

2 Kɔrɩntɩ Nɩaa 1:7

La kɛŋ yɩɛlaa nɛ ma lɛ. La yɩɛla-la saa bɩ begili. La jɩma arɩ hɛɛ-la la sɩ na, ma ma na ʋ tɩtɩa nɛ. Ŋɩɩ tɩtɩa nɛ tʋɔtɔrʋ-la la sɩ kɛnɛ, ma ma kɛnʋ nɛ.

Fɩlɩpa Nɩaa 1:7

Mɩɩ bɩɩnɛ ma wɩaa nɛ woruŋ. Ʋ ŋaa wombii nɛ dɩ mɩ ŋaa ŋɩɩ, bɛɛ wɩaa ma kala pɛ mɩ lɛ nɛ la tɩŋ tɩntɩmɩɩ-la Wɩa sɩ joŋo pɩmɛ. Ma pɛ mɩ lɛ nɛ bumbuŋ-la mɩ fa sɩɩ bʋl Wɩa wɩaa, arɩ lɛɛlɛ ma kala ba sɩ kɛmmɛ tɔ dɩa a tɩŋ Wɩa wʋzɔmɔ-la wɩaa. Bʋa deeŋ lɛ la kala dii dansɩa a mʋ tɩgɛ Wɩa wʋzɔmɔ-la lɛ arɩ ba ŋaa wʋtɩtɩɩ nɛ, a leŋ nɩaa laa dii a chɩŋ ba lɛ kpaŋ kpaŋ.

Fɩlɩpa Nɩaa 4:14

Ama ʋ ŋaa wʋzɔŋ nɛ ma sɩ pɛ mɩ lɛ bʋa-la lɛ wɩaa sɩ jʋʋmɛ.

2 Tɛsalonaaka Nɩaa 3:5

Mɩɩ sʋl La Tɩɩna Wɩa dɩ ʋ leŋ dɩ ma wuo jɩŋ ma tʋɔŋ lɛ arɩ ʋ choma nɛ woruŋ. Mɩɩ sʋlʋ dɩ ʋ leŋ dɩ ma wuo kɛŋ kenyiri Kirisito doluŋ lɛ.

2 Timoti 1:8

Ŋɩɩ wɩaa dɩ ŋ nɛ bʋl La Tɩɩna Yesu wɩaa pɩpɩ nɩaa, sɩ́ leŋe dɩ hɩɩsɩŋ kɛnɩŋ a tɩŋ Yesu wɩaa. Bɩra sɩ́ leŋe dɩ hɩɩsɩŋ kɛnɩŋ mɩ ma wɩaa, a tɩŋ ba sɩ kɛmmɛ tɔ dɩa Kirisito wɩaa. Ama Wɩa doluŋ lɛ, sɛɩ dɩ la kala na hɛɛŋ a tɩŋ Yesu wʋzɔmɔ-la wɩaa.

Hiburu TƖŊŊAA 10:36

Ʋ maga dɩ ma kɛŋ kenyiri a wuo ŋaa wɩalɩŋ Wɩa sɩɩ chɛ. Dɩ ma nɛ ŋaa ŋɩɩ, ma jaŋ na kɩalɩŋ ʋ sɩ sɩ ʋ jaŋ joŋo pɩma.

1 Pɩɩta 5:1

Mɩ kɛŋ wɩɩ nɛ dɩ mɩ bʋla pɩ ma nɩalɩŋ sɩ ŋaa Wɩa nɩaa nɩhɩasɩŋ. Mɩ ma ŋaa Wɩa nɩaa nɩhɩaŋ dɔŋɔ nɛ. Mɩ tɩtɩa sɩɩŋ na hɛɛ-la Kirisito sɩ na nɛ. Ŋɩɩ tɩtɩa nɛ mɩ ma jaŋ na tʋla-la Kirisito sɩ jaŋ na bʋa-la lɛ ʋ sɩ jaŋ mɩɩra kɔ. Ŋ-la nɛ tɩɩ mɩɩ sʋlma

Jɔɔŋ Wʋnaalaa 1:1

Wɩaa deemba nɛ Wɩa joŋo pɩ Yesu Kirisito dɩ ʋ joŋo dagɛ ʋ tɩntɩnnaa, dɩ ba jɩŋ wɩalɩŋ sɩ jaŋ ŋaa lɛɛlɛ. Wɩa tɩŋ ʋ tɩndaara ʋ kɔ ʋ tɩntɩnna Jɔɔŋ teeŋ a bʋl wɩalɩŋ pʋ.

Jɔɔŋ Wʋnaalaa 1:2

Ŋɩɩ nɛ Jɔɔŋ bʋl wɩalɩŋ kala ʋ sɩ na, wɩalɩŋ Wɩa sɩ dagʋ arɩ wɩalɩŋ kala Yesu Kirisito sɩ bʋla pʋ.

Jɔɔŋ Wʋnaalaa 1:4

Mɩ-na Jɔɔŋ nɛ ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Wɩa lahɔrɩmɔ lɛ, ʋ jaŋ leŋ dɩ ma hɔŋ arɩ yarɩfɩɛlaa. Ʋ nɛ ŋaa Nɩɩ-la sɩ hɛ nɩmɛ, Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ. Wɩaa deemba lɩɩ Wɩa Dɩnsɩŋ balɩpɛ-la sɩ chɩŋ Wɩa kuoru kpasa-la sɩpaaŋ nɛ

Jɔɔŋ Wʋnaalaa 1:6

Ʋ nɛ leŋe la dɩ ʋ kala dii kuoruŋ a tɩmaa pɩ Wɩa, Nɩɩ-la sɩ ŋaa ʋ Nyɩmma. Ʋ nɛ kɛŋ yɩrɩŋ arɩ doluŋ a kaa mʋ wuu. Amɩɩ.

Jɔɔŋ Wʋnaalaa 11:7

Dɩ ba nɛ bʋl Wɩa wɩalɩŋ dɛrɛ, baga kʋŋ jaŋ lɩɩ buotuo-luŋii-la tʋɔŋ kʋ lɩɩ yuo diiba, a kpʋba.

Jɔɔŋ Wʋnaalaa 12:11

Ba yuo dii Sɩtaanɩ a tɩŋ Pie-bie-la chalɩŋ wɩaa nɛ, arɩ Wɩa niiŋ wɩalɩŋ ba fa sɩ bʋla pɩpɩ nɩaa. Ba fa kɛŋ ba tɩtɩa dɩ ba kpʋba a tɩŋ Wɩa wɩalɩŋ wɩaa nɛ.

Jɔɔŋ Wʋnaalaa 12:17

Ŋɩɩ nɛ dɩŋ-la na baanɩŋ haal-la nyuŋ a mʋ dɩ ʋ kɛŋ haal-la biiriŋ dɔnsʋŋ a yuo laalɩŋ. Haal-la biiriŋ nɛ ŋaa nɩalɩŋ sɩ nɩɩ Wɩa niiŋ wɩaa a tutoba, a didii Yesu dansɩa, a bʋl ʋ wɩaa a pɩpɩ nɩaa.

Jɔɔŋ Wʋnaalaa 13:10

Dɩ nʋʋ nɛ maga dɩ ŋ mʋ yoŋ-baga, ŋ jaŋ sɛnɛ mʋ, dɩ nʋʋ nɛ maga dɩ ba kpʋʋ arɩ tokobiiŋ, ba jaŋ sɛnɛ kpʋʋ arɩ tokobiiŋ. Wɩɩŋ deeŋ daga arɩ nɩalɩŋ sɩ laa Wɩa wɩaa dii maga dɩ ba nyalɩmɛ nɛ a chɩŋ wɩalɩŋ ba sɩ laa dii lɛ.

Jɔɔŋ Wʋnaalaa 14:12

Bʋa deeŋ lɛ Wɩa nɩalɩŋ sɩɩ to Wɩa niiŋ a laa Yesu Kirisito wɩaa dii, ʋ maga dɩ ba nyalɩmɛ nɛ.

Jɔɔŋ Wʋnaalaa 19:10

Ŋɩɩ nɛ mɩ tuu kpirimi dɩ mɩ chʋɔlʋ, ama ʋ bʋla pɩmɛ, “Sɩ́ ŋɩɩ ŋaa, la kala ŋaa tɩntɩnnaa a tɩma pɩpɩ Wɩa, la dɩ nɩalɩŋ kala sɩɩ to wɩalɩŋ Yesu sɩ bʋla. Wɩa nɛ maga ŋ chʋɔlɛ. Wʋtɩtɩɩ-la Yesu sɩ daga nɛ leŋe Wɩa wʋlaabʋllaa kɛŋ doluŋ aa bʋl Wɩa wɩaa.”

Jɔɔŋ Wʋnaalaa 20:4

Ŋɩɩ nɛ mɩ na kuoru kpasɩnɩŋ dɩ nɩaa hɔŋ ba nyuŋ. Nɩaa deemba nɛ Wɩa pa doluŋ dɩ ba dii dʋnɩa nɩaa sarɩya. Ŋɩɩ nɛ aŋ ka mɩ na nɩaa dɩnsɩŋ. Nɩaa deemba nɛ faa bʋl wʋtɩtɩɩ-la Yesu fa sɩ daga a pɩ nɩaa, aŋ pɛɛ bʋl Wɩa niiŋ wɩaa. Ŋɩɩ nɛ ba kpʋba a keri ba nyusuŋ. Nɩaa deemba-na fa bɩ baga kʋ-la ka chʋɔlɛ, ba bɩ kʋ-la ba sɩ mɛ ʋ nagʋ ma chʋɔlɛ. Ba bɩ baga kʋ-la magɩlɩŋ kɛnɛ ba tilliŋ lɛ koo ba nɩsaa lɛ. Nɩaa deemba sii sʋʋŋ lɛ, ba dɩ Kirisito dii kuoruŋ a beŋ dʋnɩa nɩaa jɩsɩŋ bʋɩ.

Jɔɔŋ Wʋnaalaa 3:10

A tɩŋ ma sɩ to mɩ niiŋ wɩaa a nyalɩmɛ, mɩ ma jaŋ pɔma a lɩɩsɛma hɛɛ-la sɩ jaŋ jʋʋ dʋnɩa nɩaa kala, a magɩsɛba.

Jɔɔŋ Wʋnaalaa 6:9

Pie-bie-la sɩ kɛŋ kelli-la ba sɩ kaa mɛrɛ teŋ-la nɔŋ tɩɩna kaa lɛrɛ, ŋɩɩ nɛ mɩ bee na nɩalɩŋ ba sɩ kpʋa dɩnsɩŋ dɩ ba hɛ Wɩɩsʋllɩ koruŋ bʋbʋɔŋ. Nɩalɩŋ ba sɩ kpʋa faa bʋl Wɩa wɩaa nɛ a fa ŋaa La Tɩɩna Kirisito pɛ-naaraa ma, ŋɩɩ nɛ tɩɩ ba kpʋba.

Jɔɔŋ Wʋnaalaa 7:14

Ŋɩɩ nɛ mɩ bʋla pʋ, “Ŋ nɛ jɩma, mɩ kʋhɩaŋ.” Ŋɩɩ nɛ ʋ bʋla pɩmɛ, “Nɩaa deemba nɛ Wɩa lɩɩsɛ hɛɛ-bal-la tʋɔŋ. Ba chɛsɛ ba gɛnnɩŋ Pie-bie-la chalɩŋ lɛ nɛ, ba lɩɩ a pʋllɛ.