Jɔɔŋ Wʋnaalaa 1:8 - WƖA TENIŊ

⁸ La Tɩɩna Wɩa sɩ, “Mɩ nɛ ŋaa Alɩfa arɩ Omega. Mɩ-na Wɩa doluŋ kala Tɩɩna, mɩ nɛ ŋaa Nɩɩ-la sɩ hɛ nɩmɛ arɩ Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ.”

Jɔɔŋ Wʋnaalaa 1:8 ပူးပေါင်းရင်းမြစ်များ

WƖAA DƖ-SUOMUŊ 17:1

Abɩram sɩ ŋaa jɩsɩŋ mahɩŋ banɛsɛ arɩ fii arɩ nibi, La TƖƖNA kɛŋ ʋ tɩtɩa kʋ dagʋ a bʋla pʋ, “Mɩ nɛ ŋaa Wɩa doluŋ kala Tɩɩna, kɛŋ tʋɔpʋla mɩ teeŋ.

WƖAA DƖ-SUOMUŊ 28:3

Wɩa doluŋ kala Tɩɩna jaŋ pɛ ŋ lɛ dɩ ŋ doho nɩaa pʋŋ a yʋgɛ.

WƖAA DƖ-SUOMUŊ 35:11

Wɩa bɩra bʋla pʋ, “Mɩ nɛ ŋaa Wɩa doluŋ kala Tɩɩna, kɛŋ doho a pʋŋa yʋgɛ, ŋ jaŋ ŋaa tintee, dɩ tintee daŋ lɩɩ ŋ lɛ, dɩ kuoroo ma lɩɩ ŋ doho nɩaa tʋɔŋ.

WƖAA DƖ-SUOMUŊ 43:14

La TƖƖNA Wɩɩjarɩbakɔ jaŋ pɛ ma lɛ a leŋ dɩ baal-la leŋ dɩ ma kɛŋ ma naambiiriŋ Bɛnjamɩŋ arɩ Simioŋ mɩɩra kɔ arɩ yarɩfɩɛlaa. Mɩ-na ŋ-la, dɩ mɩ biiriŋ deemba nɛ tuo, ba tuo nɛ.”

WƖAA DƖ-SUOMUŊ 48:3

Ŋɩɩ nɛ Jekɔb bʋla pɩ Josɛf a bʋl, “Wɩɩjarɩbakɔ kɛŋ ʋ tɩtɩa kʋ dagɛmɛ nɛ duosoo tʋɔŋ Bɛtɛl lɛ Kɛnaŋ tinteeŋ a bʋl dɩ ʋ jaŋ pɛ mɩ lɛ.

WƖAA DƖ-SUOMUŊ 49:25

Wɩa-la ŋ nyɩmma sɩɩ to jaŋ pɛ ŋ lɛ, Wɩa doluŋ kala TƖƖNA jaŋ pɛ ŋ lɛ a pɩŋ duonuŋ dɩ lɩɩŋ ma bulo lɩɩ tinteeŋ a leŋ dɩ ŋ kɩaa wasɛ, aŋ pɩŋ biiriŋ ma yʋgɛ.

MOSIS KƐŊ IZIRAL TƖŊŊAA LƖƖ 3:14

Ŋɩɩ nɛ Wɩa bʋla pɩ Mosis, “MƖ NƐ ŊAA NƖƖ-LA MƖ SƖ ŊAA. Bʋl ŋ-la pɩ Iziral tɩŋŋaa, MƖ-NA NƖƖ-LA MƖ SƖ ŊAA nɛ tɩmmɛ ma teeŋ.”

MOSIS KƐŊ IZIRAL TƖŊŊAA LƖƖ 6:3

Mɩ kɛŋ mɩ tɩtɩa dagɛ Abɩraham, Aɩzɩk arɩ Jekɔb arɩ mɩ nɛ Wɩa doluŋ kala Tɩɩna, ama mɩ bɩ leŋe ba jɩŋ arɩ mɩ yɩrɩŋ nɛ ‘ma TƖƖNA.’

AZAAYA 41:4

Kʋbɛɛ nɛ leŋe wɩaa deemba kala ŋaa? Dɩ-suomuŋ kala, kʋbɛɛ nɩɩ beŋ nuhuobiinee doho wʋkɛnɛɛ nyuŋ? Mɩ-na ma TƖƖNA nɛ fa hɛ nɩmɛ dɩ-suomuŋ kala, mɩ saa jaŋ hɛ nɩmɛ a kaa mʋ dɩdɛrɩŋ.”

AZAAYA 43:10

La TƖƖNA sɩ, “Ma Iziral tɩŋŋaa nɛ ŋaa mɩ pɛ-naaraa arɩ nɩalɩŋ mɩ sɩ lɩɩsa ma ŋaa mɩ tɩntɩnnaa, dɩ ma wuo jɩmmɛ a laamɛ dii woruŋ arɩ mɩ dʋndʋŋa nɛ Wɩa. A lɩɩ mɩ harɩŋ, wɩa dɔŋ kala tuo. Kʋŋ ma dɔŋ saa bɩ jaŋ hɛ nɩmɛ dɩ mɩ dee.

AZAAYA 44:6

La TƖƖNA doluŋ kala Tɩɩna sɩ ŋaa Iziral tɩŋŋaa kuoro arɩ ba Laataara sɩ, “Mɩ nɛ dɩ-suomuŋ arɩ dɩ-dɛrɩŋ, Wɩa dɔŋ kala tuo a pɛ mɩ lɛ.

AZAAYA 48:12

Má jegile nɩɩ mɩ teeŋ Iziral tɩmma, ma Jekɔb doho nɩaa, ma nɛ ŋaa nɩalɩŋ mɩ sɩ lɩɩsa. Mɩ-na nɛ Wɩa. Mɩ nɛ dɩ-suomuŋ arɩ dɩ-dɛrɩŋ.

AZAAYA 9:6

bɛɛ wɩaa ba lʋl bii nɛ a pɩla, hambolibie nɛ ba joŋo pɩla, ʋ nɛ jaŋ bibenla. Ba jaŋ yɩyɩrʋ: Nɩɩ-la sɩ jɩŋ nɩaa chagɩlɩŋ ʋ dɔŋ tuo, Wɩa sɩ kɛŋ doluŋ, Nyɩmma-la sɩ jaŋ hɛ nɩmɛ deeŋ deeŋ, Kuori-bile sɩ kɛŋ fɩɛlɩŋ kʋkɔ.

NAMBABA 24:4

Mɩ nɩɩ wɩalɩŋ Wɩa doluŋ kala Tɩɩna sɩ bʋla nɛ, a na wɩalɩŋ ma ʋ sɩ daga arɩ duosoo tʋɔŋ. Ŋɩɩ nɛ mɩ tuu tele chu, Wɩa suri mɩ sɩaa:

2 Kɔrɩntɩ Nɩaa 6:18

Mɩ jaŋ ŋaa ma Nyɩmma dɩ ma ma ŋaa mɩ hambolibiisiŋ arɩ mɩ toloo.” La Tɩɩna doluŋ kala Tɩɩna nɛ bʋl ŋɩɩ.

Jɔɔŋ Wʋnaalaa 1:11

Ŋɩɩ nɛ yikoro-la bʋla pɩmɛ, “Ŋmʋnsɛ wɩalɩŋ kala ŋ sɩ na, a joŋo tɩŋ dɩ ba kaa mʋ pɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Ba nɛ ŋ-la: Ɛfɛsɩs, Sɩmɩɩna, Pɛgamɔm, Taataya, Saadɩs, Fɩladɛlɩfɩa arɩ Laadisiya.”

Jɔɔŋ Wʋnaalaa 1:17

Mɩ sɩ naʋ ŋɩɩ, mɩ tuu tel ʋ sɩpaaŋ a pɩŋ nɩmɛ chɩm a nagɛ dɩ mɩ sʋba. Ŋɩɩ nɛ ʋ joŋ ʋ nadiiŋ nɩsɩŋ daŋ mɩ lɛ aŋ bʋla pɩmɛ, “Sɩ́ fawʋllʋŋ fá, mɩ nɛ ŋaa Nɩɩ-la fa sɩ hɛ nɩmɛ bumbuŋ arɩ Nɩɩ-la sɩ jaŋ hɛ nɩmɛ dʋnɩa dɩdɛrɩŋ.

Jɔɔŋ Wʋnaalaa 1:4

Mɩ-na Jɔɔŋ nɛ ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Wɩa lahɔrɩmɔ lɛ, ʋ jaŋ leŋ dɩ ma hɔŋ arɩ yarɩfɩɛlaa. Ʋ nɛ ŋaa Nɩɩ-la sɩ hɛ nɩmɛ, Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ. Wɩaa deemba lɩɩ Wɩa Dɩnsɩŋ balɩpɛ-la sɩ chɩŋ Wɩa kuoru kpasa-la sɩpaaŋ nɛ

Jɔɔŋ Wʋnaalaa 11:17

“Laa lɔllʋŋ La Tɩɩna Wɩa doluŋ kala Tɩɩna, Nɩɩ-la fa sɩ hɛ nɩmɛ faafaa arɩ Nɩɩ-la ha sɩ hɛ nɩmɛ. Lɛɛlɛ-na ŋ kɛŋ ŋ dol-bal-la, a suomo bibeŋ dʋnɩa nɛ.

Jɔɔŋ Wʋnaalaa 15:3

a yɩyɩɩ Wɩa tɩntɩnna Mosis yɩɩlɩŋ arɩ Pie-bie-la yɩɩlɩŋ. Yɩɩla-la ba sɩ yɩa nɛ ŋ-la: “La Tɩɩna Wɩa doluŋ kala Tɩɩna, wʋkpuŋkperisiŋ arɩ tɩntɩŋ-duoruŋ nɛ ŋ tɩtɩŋ. Ŋ kɛŋ wʋtɩtɩɩ nɛ a ŋɩŋaa wɩaa ba bʋa lɛ. Ŋ nɛ kuoro a kaa mʋ wuu.

Jɔɔŋ Wʋnaalaa 16:14

Jɩŋ-bɔŋŋɔɔ deemba batori lɩɩ Sɩtaanɩ lɛ nɛ a yie ŋɩŋaa wʋkpuŋkperisiŋ. Ba nɛ gɔllɛ dʋnɩa kuoroo kala teeŋ, a kɛmba hɛ dɔŋɔ lɛ baa kɛŋ ba tɩtɩa dɩ ba yuo laalɩŋ La Tɩɩna doluŋ kala Tɩɩna tapʋl-bal-la.

Jɔɔŋ Wʋnaalaa 16:7

Ŋɩɩ nɛ mɩ nɩɩ nʋʋ yikoro sɩ lɩɩ Wɩɩsʋlʋŋ koru-la nyuŋ. Ʋ sɩ, “Wʋtɩtɩɩ, La Tɩɩna Wɩa doluŋ kala Tɩɩna, wʋtɩtɩɩ nɛ ŋ kaa dii nɩaa sarɩya.”

Jɔɔŋ Wʋnaalaa 19:15

Ŋɩɩ nɛ tokobiiŋ sɩ kɛŋ niiŋ woruŋ nyagaga lɩɩ ʋ niiŋ lɛ a kʋ lɩɩ. Tokobii-la nɛ ʋ jaŋ kaa yuo dii tinteyee nɩaa kala. Ʋ jaŋ kɛŋ hɔɔŋ dantɩga a beŋ dʋnɩa nɩaa. Ʋ jaŋ dagɛ dʋnɩa nɩaa ŋɩɩ Wɩa doluŋ kala Tɩɩna sɩ na baanɩŋ ba nyuŋ a magɛ. Ʋ jaŋ nʋɔsɛ ba bʋrɩgɛ a nagɛ ba sɩ yie bʋrɩgɛ tɩɩnɛnɛɛ ŋɩɩ a lɩɩsɛ sɩnɩŋ.

Jɔɔŋ Wʋnaalaa 19:6

Ŋɩɩ nɛ mɩ bɩra nɩɩ nɩ-daŋ goŋ. Goŋ-la fa nagɛ fuo-balaa sɩɩ pɛllʋ nɛ gbul gbul. Ʋ bɩra nagɛ duonuŋ sɩɩ kpɩa ŋmana ŋmana aŋ pɛ lɩlɩgɩsɛ. Ŋɩɩ nɛ yikoro-la heele bʋl, “Haleluya, La Tɩɩna Wɩa doluŋ kala Tɩɩna dii ʋ kuoruŋ nɛ.

Jɔɔŋ Wʋnaalaa 2:8

Bɩra ŋmʋnsɛ wɩaa deemba a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Sɩmɩɩna lɛ. Wɩaa deemba lɩɩ mɩ-na Nɩɩ-la fa sɩ hɛ nɩmɛ bumbuŋ kala teeŋ nɛ, aŋ ha jaŋ hɛ nɩmɛ dʋnɩa dɩdɛrɩŋ. Mɩ sʋba nɛ, aŋ bɩra sii sʋʋŋ lɛ.

Jɔɔŋ Wʋnaalaa 21:22

Ŋɩɩ nɛ mɩ beŋ tabal-la tʋɔŋ a bɩ Wɩa dɩɩ-bal kala na nɩmɛ, bɛɛ wɩaa La Tɩɩna Wɩa doluŋ kala Tɩɩna arɩ Pie-bie-la nɛ ŋaa Wɩa dɩɩ-balɩŋ lee-la.

Jɔɔŋ Wʋnaalaa 21:6

Ŋɩɩ nɛ ʋ bʋla pɩmɛ, “Wɩɩkala dɛrɛ nɛ. Mɩ nɛ ŋaa Alɩfa arɩ Omega, mɩ nɛ dɩ-suomuŋ arɩ dɩdɛrɩŋ. Nɩɩ-la kala lɩɩnyʋasʋŋ sɩ kɛnɛ, mɩ jaŋ ŋaa lɩɩ-bulo lɩɩ-la sɩɩ pɩ nɩaa mɩɩsɩŋ a pʋ dɩ ʋ nyʋa pɛɩ.

Jɔɔŋ Wʋnaalaa 22:13

Mɩ nɛ ŋaa Alɩfa arɩ Omega, mɩ nɛ ŋaa Nɩɩ-la fa sɩ hɛ nɩmɛ bumbuŋ arɩ Nɩɩ-la sɩ jaŋ hɛ nɩmɛ dʋnɩa dɩdɛrɩŋ. Mɩ nɛ ŋaa dɩ-suomuŋ, mɩ nɛ ŋaa dɩdɛrɩŋ ma.

Jɔɔŋ Wʋnaalaa 4:8

Kɩalɩŋ kʋŋkala kɛŋ kɩŋkɛnsɩŋ balɩdʋ balɩdʋ nɛ, sɩaa ma hɛ ba lee-kala arɩ ba kɩŋkɛnsɩŋ bʋbʋɔŋ ma kala. Tɩtaŋɩŋ arɩ wɩɩhɛyɛ kala ba yie yɩyɩɩ yɩɩlaa, ba bɩ tɔrɛ, a bʋbʋl: “Ŋ bɩ disiniŋ kɛnɛ, ŋ bɩ disiniŋ kɛnɛ, La Tɩɩna Wɩa doluŋ kala Tɩɩna, ŋ bɩ disiniŋ kɛnɛ, ŋ nɛ Nɩɩ-la fa sɩ hɛ nɩmɛ faafaa kala, arɩ Nɩɩ-la ha sɩ hɛ nɩmɛ, arɩ Nɩɩ-la ha sɩ jaŋ kɔ.”