Jɔɔŋ Wʋnaalaa 1:7 - WƖA TENIŊ

⁷ Má bee na, ʋ nɛ to duoŋ-bɩlɩmbaanaa tʋɔŋ a kʋkɔ. Nʋʋkala jaŋ naʋ. Nɩalɩŋ ma sɩ joŋ kɩaa tɔbʋ jaŋ naʋ. Dʋnɩa nɩaa kala jaŋ yel ʋ wɩaa. Ŋɩɩ sɛnɛ jaŋ ŋaa. Amɩɩ.

Jɔɔŋ Wʋnaalaa 1:7 ပူးပေါင်းရင်းမြစ်များ

JOB 33:26

Ʋ chʋɔlɛ Wɩa nɛ ŋɩɩ, ʋ laa ʋ sʋla, ʋ na Wɩa nɛ, a jʋɔsa ŋaa goŋ, Wɩa leŋ ʋ bɩra chɩŋ ʋ tʋɔpʋla naaŋ lɛ.

WƖA YƖƖLAA 22:16

Nɩbɔŋŋɔɔ nɛ gollimi a nagɛ vasɩŋ, a tɔɔ mɩ nɩsaa arɩ mɩ naasɩŋ luri.

WƖA YƖƖLAA 68:1

Wɩa, sii ŋaa wɩɩ a kɛŋ ŋ dʋndɔŋŋɔɔ pɩsɛ. Leŋ dɩ ba mɩɩra fá ŋ sɩpaaŋ.

WƖA YƖƖLAA 97:2

Duoŋ-bɩlɩmbaanɩŋ arɩ birimiŋ lim nɛ gollu. Tʋɔpʋla arɩ wʋtɩtɩɩ nɛ ŋaa ʋ kuoruŋ gentine.

AZAAYA 19:1

Wɩɩ-la Wɩa sɩ bʋla pɩmɛ a mʋ tɩgɛ Ijipiti lɛ nɛ ŋ-la: La TƖƖNA to duoŋ-bɩlɩmbaanɩŋ lɛ nɛ a faasa fá kʋkɔ Ijipiti lɛ. Ijipiti tɩŋŋaa tɔŋŋɔɔ kala ka chel nɛ ʋ sɩpaaŋ, ʋ nɩaa ma kala nandaasɩŋ yʋɔrɛ.

DANƖƐL 7:13

Mɩ duoso-la tʋɔŋ tɩtaŋ-la, mɩ bɩra beŋ a na kʋŋ sɩ nagɛ nuhuobiine dɩ ʋ to duoŋ-bɩlɩmbaanaa tʋɔŋ kʋʋ tuu. Ʋ sɩ kʋ kpagɛ nɩɩ-la sɩ hɛ nɩmɛ faafaa kala, ba kɛnʋ kaa mʋ ʋ teeŋ.

NAHUM 1:3

La TƖƖNA baanɩŋ bɩ lɩma lɩma ka sii, ama ʋ kɛŋ doluŋ nɛ woruŋ. Ʋ bɩ jaŋ leŋ nɩalɩŋ sɩ ŋaa wɩaa chei pɛɩ, ʋ jaŋ dɔgɩsɛba. Ʋ wombiiŋ hɛ pel-vinvilimiŋ arɩ duoŋ-peliŋ tʋɔŋ nɛ, ʋ naasɩŋ bʋmbʋgʋŋ nɛ duoŋ-bɩlɩmbaanaa.

ZƐKARƖYA 12:10

Mɩ jaŋ joŋ mɩ Dɩma hɛ Devit doho nɩaa arɩ Jerusalɛm nɩaa lɛ, dɩ ba fɩfá nɩaa nenige aŋ chʋchʋɔlɛmɛ. Ba jaŋ bibeŋ mɩ-na nɩɩ-la ba sɩ tɔbɔ, a yel mɩ lɛ a nagɛ nɩa sɩɩ yel ʋ bii-bala lɛ. Ba tʋɔŋ jaŋ faasa chei a nagɛ nɩa tʋɔŋ sɩ cheye ʋ bii-bumbuŋ sʋʋŋ lɛ.

ZƐKARƖYA 12:11

Tapʋlɩɩ-la, yele jaŋ chaasa yʋgɛ Jerusalɛm lɛ a nagɛ ba sɩɩ yel Hadad Rimoŋ sɩ hɛ Megido tintee-taala lɛ.

NAMBABA 24:17

Mɩ na wɩɩ nɛ, ama lɛɛlɛ dee wɩɩ-la jaŋ ŋaa. Mɩ na arɩ kuoro jaŋ lɩɩ Iziral tɩŋŋaa tʋɔŋ a chaanɛ a nagɛ chɛnwʋlʋŋ, a kori kuoru dantɩga. Ʋ jaŋ yuo dii Mʋab tɩŋŋaa arɩ Sɛf doho nɩaa kala.

Matiu 16:27

Mɩ-na Nuhuobiine Bie jaŋ kɔ arɩ mɩ Nyɩmma tʋla, a pɛ mɩ tɩndaaraa lɛ. Dɩ la nɛ kɔ, Wɩa jaŋ tiŋ nʋʋkala a magɛ ŋɩɩ ʋ sɩ tɩma.

Matiu 16:28

Wʋtɩtɩɩ nɛ, mɩ bʋlaa pɩma arɩ nɩaa dɔnsʋŋ hɛ nɩmɛ, ba bɩ jaŋ sʋʋ see dɩ ba na mɩ-na Nuhuobiine Bie dɩ mɩ kɔ arɩ mɩ kuorii-la.”

Matiu 24:30

Ŋɩɩ nɛ ma jaŋ na mɩ-na Nuhuobiine Bie magɩlɩŋ wɩa-nyuŋ. Dɩ dʋnɩa nɩaa nɛ naʋ, ba kala jaŋ yel. Ŋɩɩ lɛ nɛ ma jaŋ na mɩ-na Nuhuobiine Bie, dɩ mɩ to duoŋ-bɩlɩmbaanaa tʋɔŋ kʋʋ tuu. Mɩ jaŋ kɛŋ doluŋ yʋgɛ a chaanɛ.

Matiu 25:31

Dɩ mɩ-na Nuhuobiine Bie nɛ dii mɩ kuoruŋ a kɔ, mɩ dɩ Wɩa tɩndaaraa kala jaŋ kɔ. Ŋɩɩ nɛ mɩ jaŋ hɔŋ mɩ kuoru kpasa nyuŋ a chaanɛ.

Matiu 26:64

Ŋɩɩ nɛ Yesu bʋla pʋ, “Mɩ-na nɛ, ama mɩ bʋlaa pɩma kala, a lɩɩ bʋa deeŋ lɛ a kaa mʋ, ma jaŋ na mɩ-na Nuhuobiine Bie dɩ mɩ hɔŋ Wɩa doluŋ kala Tɩɩna nadiiŋ, nɩduoŋ dɩhɔnʋŋ a to duoŋ-bɩlɩmbaanaa tʋɔŋ kʋʋ tuu.”

Maak 13:26

Ŋɩɩ lɛ nɛ ma jaŋ na mɩ-na Nuhuobiine Bie, dɩ mɩ to duoŋ-bɩlɩmbaanaa tʋɔŋ kʋʋ tuu. Mɩ jaŋ kɛŋ doluŋ yʋgɛ a chaanɛ.

Maak 14:62

Ŋɩɩ nɛ Yesu bʋl, “Mɩ-na nɛ. Ma jaŋ na mɩ-na Nuhuobiine Bie dɩ mɩ hɔŋ Wɩa doluŋ kala Tɩɩna nadiiŋ sɛmɛ, nɩduoŋ dɩhɔnʋŋ, a to duoŋ-bɩlɩmbaanaa tʋɔŋ a kʋʋ tuu.”

Luuk 21:27

Ŋɩɩ lɛ nɛ ma jaŋ na mɩ-na Nuhuobiine Bie dɩ mɩ to duoŋ-bɩlɩmbaanɩŋ tʋɔŋ kʋʋ tuu. Mɩ jaŋ kɛŋ doluŋ a chaanɛ kɩŋkɛŋ.

Jɔɔŋ 19:34

Ama laalɩyuoro-la dɔŋɔ joŋ ʋ timiŋ a tɔɔ Yesu sɛmɛ luri, ŋɩɩ nɛ chalɩŋ arɩ lɩɩŋ guu gbu lɩɩ.

Jɔɔŋ 19:37

Wɩa teniŋ sɛmɛ dɔŋɔ ba bɩra bʋla, “Ba jaŋ beŋ nɩɩ-la ba sɩ tɔbɔ arɩ timiŋ.”

1 Tɛsalonaaka Nɩaa 1:10

Ba yie bʋl arɩ maa gbɛrɛ ʋ Bie Yesu dɩ ʋ lɩɩ Wɩa jaŋ kɔ. Ʋ nɛ Wɩa chɩsɛ sʋʋŋ lɛ. Ʋ nɛ jaŋ laala ta tapʋlɩɩ-la Wɩa baanɩŋ sɩ jaŋ sii nuhuobiinee nyuŋ.

1 Tɛsalonaaka Nɩaa 4:17

Ŋɩɩ harɩŋ, la nɩalɩŋ sɩ hɛ la mɩɩsɩŋ lɛ, ʋ jaŋ kɛsɛla kaa pɛ nɩalɩŋ ʋ chɩsa sʋʋŋ lɛ, dɩ la kala cheŋ La Tɩɩna Yesu duoŋ-bɩlɩmbaanaa tʋɔŋ wɩa-nyuŋ. La jaŋ hɛ La Tɩɩna teeŋ a kaa mʋ wuu.

Hiburu TƖŊŊAA 10:29

Dɩ ba nɛ fa yie ŋaa ŋ-la, ɛɛ nɛ saa ba jaŋ ŋaa nɩɩ-la sɩ bee gʋʋnɛ Wɩa Bie arɩ ʋ tuo kʋŋkala? Tɩɩna bɩra kɛŋ Yesu chal-la Wɩa sɩ kaa bil niiŋ ʋ dɩ nɩaa pɛgɛ kaa chei nɛ. Chal-la nɛ Wɩa fa kaa chɛsɛ tɩɩna disiniŋ kala ta ʋ kʋ ŋaa tʋɔpʋl tɩɩna. Dɩ tɩɩna bɩra tʋʋsɛ Wɩa Dɩŋ-zɔŋ-la fa sɩɩ pɛ ʋ lɛ, ʋ maga dɩ ba dɔgɩsʋ a kɩɩ nɩalɩŋ sɩ chei wɩalɩŋ Mosis fa sɩ ŋmʋnsa bil dɩ nɩaa tuto.

Hiburu TƖŊŊAA 6:6

dɩ ba nɛ jɩŋ wɩaa deemba kala aŋ bɩra joŋ harɩŋ yɩa Wɩa wʋzɔmɔ-la, ɛɛ nɛ ba jaŋ bɩra ŋaa a bɩrɩma lɩɩ ba wʋbɔŋŋɔɔ lɛ, aŋ kɔ Wɩa teeŋ? Ʋ saa naga arɩ ba bɩra wasa kpaasɛ Wɩa Bie mɛrɛ daagɛsɛ nyuŋ nɛ. Ba sɩ ŋaa ŋɩɩ, ba bɩra leŋe hɩɩsɩŋ diiu nɛ nɩaa tʋɔŋ.

1 Jɔɔŋ 3:2

Mɩ nandɔŋ-kpɩanaba, lɛɛlɛ la ŋaa Wɩa biiriŋ nɛ. Ama Wɩa ha bɩ chaasa daga pʋllɛ ŋɩɩ la sɩ jaŋ nagɛ. Ama wɩɩ-la la sɩ jɩma nɛ ŋ-la: Bʋa-la lɛ Kirisito sɩ jaŋ kɔ, la ma jaŋ nagɛ ŋɩɩ ʋ sɩ naga, bɛɛ wɩaa la jaŋ na ʋ sɩ nagɛ ŋɩɩ kala.

Juud 1:14

Baal kʋbala ba sɩɩ yɩrɛ Ɛnɔk fa bʋl wɩaa Wɩa doluŋ lɛ faafaa kala nɛ a tɩgɛ nɩaa deemba lɛ. Ʋ fa ŋaa Adam nihi-lɩɛrɩ-pɛmɩŋ nɛ. Ʋ sɩ, “Má bee na, La Tɩɩna Wɩa ka kɔ nɛ arɩ ʋ tɩndaaraa bʋɩ fii fiiba sɩ bɩ disiniŋ kɛnɛ,

Jɔɔŋ Wʋnaalaa 22:20

Nɩɩ-la sɩɩ dagɛ wɩaa deemba sɩ, “Wʋtɩtɩɩ, mɩɩ kɔ nɛ lɛɛlɛ.” Amɩɩ, kɔ, La Tɩɩna Yesu.

Jɔɔŋ Wʋnaalaa 22:4

Ba jaŋ na ʋ sɩaa, ka ʋ yɩrɩŋ hɛ ba tilliŋ lɛ.

SƖPAALAARAA 5:31

La TƖƖNA, a leŋ dɩ ŋ dʋndɔŋŋɔɔ kala sʋʋ a nagɛ Sɩsɛra, aŋ leŋ dɩ nɩalɩŋ sɩ choŋ chaanɛ a nagɛ wɩɩpɔsʋŋ.” Ŋɩɩ nɛ Iziral tɩŋŋaa hɔŋ tintee-la lɛ arɩ fɩɛlɩŋ jɩsɩŋ mahɩŋ balɩa.