Jɔɔŋ Wʋnaalaa 1:6 - WƖA TENIŊ

⁶ Ʋ nɛ leŋe la dɩ ʋ kala dii kuoruŋ a tɩmaa pɩ Wɩa, Nɩɩ-la sɩ ŋaa ʋ Nyɩmma. Ʋ nɛ kɛŋ yɩrɩŋ arɩ doluŋ a kaa mʋ wuu. Amɩɩ.

Jɔɔŋ Wʋnaalaa 1:6 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 19:6

Ma nɛ jaŋ ŋaa tintee-la nɩaa sɩ bɩ disiniŋ kɛnɛ a laa nɩaa nyuŋ a tɩma pɩpɩmɛ.’ Wɩalɩŋ ŋ sɩ jaŋ bʋla pɩ Iziral tɩŋŋaa nɛ ŋɩɩ.”

AZAAYA 61:6

Ma-na jaŋ ŋaa La TƖƖNA Wɩɩsʋllɩ sɩpaalaaraa, a ŋaa la Wɩa tɩntɩnnaa. Ma nɛ jaŋ tɩɩ tinteyee kala dʋa, a kɛŋ ba kɩalɩŋ ŋmuŋmoo bɔyɛ.

DANƖƐL 4:34

Jɩsɩ-la balɩpɛ harɩŋ, mɩ-na Nebukadineza kɛŋ mɩ nyuŋ je wɩa-nyuŋ, mɩ wʋjɩmɩŋ mɩɩra kɔ mɩ nyuŋ. Ŋɩɩ nɛ mɩ dɛnnɛ Wɩa sɩ kɩɩ kʋŋkala. Mɩ zilu a leŋ ʋ yɩrɩŋ yɩrɛ, ʋ nɛ sɩ hɛ nɩmɛ a kaa mʋ wuu. Ʋ doluŋ bɩ dɩdɛrɩŋ kɛnɛ, ʋ nɛ kuoro sɩ hɛ nɩmɛ a kaa mʋ wuu.

DANƖƐL 7:14

Ʋ joŋ doluŋ, yɩrɩŋ arɩ kuoruŋ doluŋ pʋ. Nɩaa kala, tinteyee nɩaa arɩ yikoro na-kala nɩaa dɩdɛnnʋ. Ʋ doluŋ ŋaa dol-la sɩ bɩ dɛrɛ nɛ, ʋ bɩ lɛl. Ʋ kuoruŋ ma ŋaa kʋŋ nʋʋ sɩ bɩ jaŋ wuo chei.

Matiu 6:13

Sɩ́ leŋe dɩ wɩɩkala kɛnla hɛ wʋbɔmʋŋ lɛ, ama lɩɩsɛla wʋbɔŋŋɔɔ lɛ [bɛɛ wɩaa kuorii-la arɩ doluŋ arɩ yɩrɩ-la ŋaa ŋ kɩaa nɛ, lɛɛlɛ a kaa mʋ deeŋ deeŋ. Amɩɩ].’

Jɔɔŋ 5:23

Ʋ ŋaa ŋɩɩ dɩ nʋʋkala zizil mɩ-na ʋ Bie nɛ, arɩ ba sɩɩ zil mɩ Nyɩmma ŋɩɩ. Nɩɩ-la kala sɩ bɩ mɩ-na Wɩa Bie ka zil, ʋ tɩɩna bɩ mɩ Nyɩmma Wɩa sɩ tɩmmɛ ka zil.

Rom Tɩŋŋaa 11:36

Bɛɛ wɩaa Wɩa nɛ ŋaa kʋŋkala. Ʋ doluŋ lɛ nɛ kʋŋkala ma hɛ nɩmɛ. Ʋ nɛ tɩɩ kʋŋkala. Má leŋ dɩ Wɩa yɩrɩŋ yɩrɛ a kaa mʋ wuu. Amɩɩ.

Rom Tɩŋŋaa 15:6

dɩ ma kala wuo kɛŋ nii-bala arɩ tʋɔ-bala a dɛnnɛ Wɩa. Ʋ nɛ ŋaa La Tɩɩna Yesu Kirisito Nyɩmma.

Fɩlɩpa Nɩaa 2:11

Nʋʋkala jaŋ suri ʋ niiŋ a bʋl arɩ Yesu Kirisito nɛ ŋaa ʋ Tɩɩna, dɩ la Nyɩmma Wɩa yɩrɩŋ yɩrɛ.

1 Timoti 6:16

Ʋ dʋndʋŋa nɛ bɩ sʋʋ. Ʋ hɛ pʋlʋŋ-bal tʋɔŋ nɛ, nʋʋkala bɩ nɩmɛ wuo mʋ. Nʋʋkala ha bɩ ʋ na, nʋʋ ma kala saa bɩ ʋ wuo na. Ʋ maga dɩ nɩaa kala zizilu nɛ. Ʋ nɛ kɛŋ doluŋ a kaa mʋ wuu. Amɩɩ.

Hiburu TƖŊŊAA 13:21

Mɩɩ sʋlʋ dɩ ʋ to Yesu Kirisito lɛ a pɩma kʋzɔŋ-na kala dɩ ma wuo kaa ŋɩŋaa wɩalɩŋ kala sɩɩ tɔrɛ ʋ tʋɔŋ. Má leŋ dɩ Kirisito yɩrɩŋ yɩrɛ a kaa mʋ wuu. Amɩɩ.

1 Pɩɩta 4:11

Dɩ Wɩa nɛ pɩ nʋʋkala doluŋ dɩ ʋ wuo bʋbʋl Wɩa wɩaa, ʋ maga dɩ ʋ bʋl wɩalɩŋ Wɩa doluŋ lɛ nɛ. Dɩ nʋʋ nɛ tɩma pɩpɩ nɩaa, ʋ kɛŋ dol-la Wɩa sɩ joŋo pʋ a tɩma pɩpɩba. Má ŋaa ŋɩɩ dɩ nɩaa wuo to Yesu Kirisito lɛ a dɛnnɛ Wɩa, dɩ ʋ yɩrɩŋ yɩrɛ wɩɩ-na kala lɛ. Ʋ nɛ Nɩɩ-la sɩ kɛŋ doluŋ arɩ yɩrɩŋ a kaa mʋ wuu. Amɩɩ.

1 Pɩɩta 5:11

Wɩa nɛ kɛŋ doluŋ a kaa mʋ wuu. Amɩɩ.

2 Pɩɩta 3:18

Má leŋ dɩ ma wʋjɩmɩŋ pʋŋa pɛ La Tɩɩna Yesu Kirisito wɩaa, Nɩɩ-la sɩ ŋaa la Laataara. Dɩ ma nɛ ŋaa ŋɩɩ, ʋ jaŋ pɛ ma lɛ. Ʋ yɩrɩŋ nɛ nɩaa jaŋ yɩrɛ lɛɛlɛ a kaa mʋ wuu. Amɩɩ.

Juud 1:25

Ʋ dʋndʋŋa nɛ ŋaa Wɩa, ʋ nɛ to La Tɩɩna Yesu Kirisito lɛ a laala ta. Má dɛnnʋ a leŋ dɩ ʋ yɩrɩŋ yɩrɛ, ʋ nɛ kɛŋ doluŋ a tɩɩ kʋŋkala aa bemba ma, a lɩɩ dɩ-suomuŋ kʋkɔ lɛɛlɛ a kaa mʋ deeŋ deeŋ. Amɩɩ.

Jɔɔŋ Wʋnaalaa 1:9

Mɩ-na ma naambie Jɔɔŋ nɛ ŋmʋnsɛ teniŋ deeŋ a pɩpɩma. A tɩŋ Yesu Kirisito wɩaa nɛ laa na hɛɛŋ. Ama la nɩalɩŋ sɩ na hɛɛ-la ŋɩɩ a tɩŋ ʋ wɩaa, la ma jaŋ jʋʋ Wɩa kuorii-la tʋɔŋ. Hɛɛ-la kala lɛ la dii kenyiri nɛ a nyalɩmɛ. Mɩ fa bʋl Wɩa wɩaa nɛ aŋ pɛ ŋaa Yesu Kirisito sɩada tɩɩna. Ŋɩɩ wɩaa nɛ tɩɩ ba kɛmmɛ kaa mʋ tintee kʋbala baa yɩrɛ Patɩmɔs. Lɩɩŋ golli tintee-la kala chu nɛ.

Jɔɔŋ Wʋnaalaa 20:6

Nɩalɩŋ sɩ laa sɩpaaŋ sii sʋʋŋ lɛ, ba bɩ disiniŋ kɛnɛ. Wɩa jaŋ pɛ ba lɛ. Nɩaa deemba sʋʋ bala nɛ, sʋʋ-lɩa-la ma bɩ jaŋ wuoba. Ba jaŋ laa nɩaa nyuŋ a tɩma pɩpɩ Wɩa arɩ Kirisito. Ba dɩ Kirisito jaŋ dii kuoruŋ jɩsɩŋ bʋɩ.

Jɔɔŋ Wʋnaalaa 4:11

“La Tɩɩna Wɩa, ʋ maga dɩ la chʋɔlʋŋ, ʋ maga dɩ la dɛnnɩŋ a yɩyɩrɛ ŋ yɩrɩŋ, ŋ nɛ doluŋ Tɩɩna. Ŋ nɛ ta kʋŋkala, ŋ tʋɔtɔrʋŋ lɛ nɛ ŋ taba ba hɛ nɩmɛ.”

Jɔɔŋ Wʋnaalaa 5:10

Ŋ leŋe nɩalɩŋ ŋ sɩ yɔbɔ, dii kuoruŋ nɛ a laa nɩaa nyuŋ a tɩma pɩpɩ Wɩa. Ba jaŋ beŋ tinteeŋ kala.”